TV
వాగులో చిక్కుకున్న యువకులు
● తాళ్ల సహాయంతో కాపాడిన స్థానికులు
● తాళ్ల సహాయంతో కాపాడిన స్థానికులు
కాసిపేట: మండలంలోని బుగ్గ చెరువు మత్తడిలో చిక్కుకున్న యువకులను స్థానికులు తాళ్ల సహాయంతో కాపాడారు. శనివారం మధ్యహ్నం 12గంటల ప్రాంతంలో బుగ్గగూడెంకు చెందిన మార్నేని సంజీవ్‌, మార్నేని సంతోష్‌, మార్నేని సాగర్‌, బద్ది అరుణ్‌, ఏదుల శశికుమార్‌ బుగ్గ చెరువు మత్తడి వాగు దాటి చేపలు పట్టేందుకు అవతలి ఒడ్డుకు వెళ్లారు. వర్షాలకు వాగు ఉధృతి పెరిగింది. దీంతో మొదటి మత్తడి దాటిన యువకులు అటు వైపు కొంత దూరంలో రెండో మత్తడి ఉండడంతో అలాగే ఉండిపోయారు. మార్నేని సంతోష్‌ ప్రమాదపు అంచున ఇటువైపునకు దాటగా.. మిగతా నలుగురు అటు వైపు ఉండిపోయారు. స్థానిక రైతులు గంటన్నరపాటు ప్రయత్నించి తాడు సహాయంతో ఒక్కొక్కరిని ఇవతలి వైపు దాటించారు.
