కార్తిక మాసం తొలి సోమవారం కావడంతో పుణ్యస్నానాలకు విచ్చేసిన భక్తులతో విజయవాడలోని దుర్గాఘాట్ కిటకిటలాడింది. తెల్లవారుజామున 3 గంటల నుంచే పెద్ద సంఖ్యలో భక్తులు, అయ్యప్పలు, శివదీక్షాధారులతో పాటు ఉత్తర భారతానికి చెందిన పలువురు దుర్గాఘాట్లో పుణ్యస్నానాలు ఆచరించారు. దీంతో పండుగ వాతావరణం కనిపించింది. దుర్గగుడి దేవస్థానం ప్రత్యేకంగా జల్లు స్నానాలకు షవర్లు ఏర్పాటు చేసింది. పుణ్యస్నానాల అనంతరం భక్తులు అరటి దొప్పల్లో దీపాలను వెలిగించారు.
– ఇంద్రకీలాద్రి(విజయవాడపశ్చిమ)


