TV
వేములవాడఅర్బన్: వేములవాడ మండలం చింతాల్ఠాణా గ్రామంలో వృద్ధురాలు రోమాల మల్లవ్వ మెడలోని 3 తులాల పుస్తెలతాడును దొంగ లాక్కెల్లినట్లు బాధితురాలు తెలిపింది. వివరాలు.. సోమవారం రాత్రి మల్లవ్వ పక్కింటిలోని బంధువుల ఇంట్లో పడుకుంది. మంగళవారం ఉదయం 5 గంటలకు ఇంటికి వచ్చి తాళం తీసి లోపలికి వెళ్లగా ఓ దొంగ ఇంట్లోకి చొరబడి మల్లవ్వపై దాడి చేసి మెడలోని పుస్తెలతాడు లాక్కెళ్లాడు. దాడిలో వృద్ధురాలి నోటికి తీవ్రగాయాలు కావడంతో వేములవాడ ఏరియా ఆసుపత్రికి తరలించారు. కేసు దర్యాప్తు చేస్తున్నట్లు పోలీసులు తెలిపారు.
