పెద్దకొడప్గల్: మండల కేంద్రంలో 108 అంబులెన్స్ సేవల తీరును జిల్లా అధికారి వెంకటేశ్ శుక్రవారం ఆకస్మికంగా తనిఖీ చేశారు.అత్యవసర సమయాల్లో ప్రజలకు వేగంగా,మెరుగైన వైద్య సేవలు అందించేలా వాహనం సిద్ధంగా ఉందా లేదా అని పరిశీలించారు. ఈ తనిఖీలో భాగంగా అంబులెన్స్లోని అత్యవసర వైద్యపరికరాలు, మందుల నిల్వలు, వాహన పనితీరు, రికార్డులను అధికారి పరిశీలించారు. సిబ్బందికి పలు సూచనలు చేశారు.కార్యక్రమంలో ఈఎంఈ తిరుపతి,పైలెట్ కారడి సాయిలు, ఈఎంటీ హంజరి పాల్గొన్నారు.


