ముహూర్తం ఖరారు

ముహూర్తం ఖరారు

●

కృష్ణానదిపై జూరాల వద్ద హై లెవల్‌ బ్రిడ్జి నిర్మాణం

ఆత్మకూర్‌: ఏళ్లనాటి కల సాకారం కాబోతోంది. రెండు ప్రాంతాల మధ్య దూరం తగ్గనుంది.. కృష్ణానదిపై వంతెన నిర్మాణానికి ముహూర్తం ఖరారు కావడంతో సర్వత్రా హర్షం వ్యక్తమవుతోంది.. తెలంగాణ రాష్ట్రంలోనే మొదటి ప్రాజెక్టు అయిన ప్రియదర్శిని జూరాల దిగువన హైలెవల్‌ బ్రిడ్జి (వంతెన) నిర్మాణానికి వడివడిగా అడుగులు పడుతున్నాయి. ఆత్మకూర్‌ మండలం జూరాల గ్రామం వద్ద రూ.123 కోట్ల నిధులతో హై లెవల్‌ బ్రిడ్జి నిర్మాణానికి భూమిపూజ చేసేందుకు రాష్ట్ర ముఖ్యమంత్రి రేవంత్‌రెడ్డి డిసెంబర్‌ 1న వస్తున్నారని రాష్ట్ర మంత్రి డాక్టర్‌ వాకిటి శ్రీహరి ప్రకటించారు. ఈ మేరకు వనపర్తి కలెక్టర్‌ ఆదర్శ్‌ సురభితో కలిసి భూమిపూజకు సంబంధించి జూరాల గ్రామం పుష్కర ఘాట్‌ వద్ద, హెలిప్యాడ్‌కు సంబంధించి ఆత్మకూర్‌ జాతర మైదా నం స్థలాలను పరిశీలించి నివేదిక సిద్ధం చేశారు.

టెండర్ల ప్రక్రియ పూర్తి..

జూరాల, కొత్తపల్లి మధ్య కృష్ణానదిపై వంతెన నిర్మాణం కోసం రూ.123 కోట్ల నిధులను కేటాయిస్తూ ప్రభుత్వం ఉత్తర్వులు వెలువరించగా.. ఆర్‌అండ్‌బీ శాఖ టెండర్ల ప్రక్రియ పూర్తిచేసింది. పనుల ప్రారంభానికి గాను గత నెల చివరి వారంలోనే భూమిపూజ జరుగుతుందని ప్రచారం జరిగిన ఎన్నికల నోటిఫికేషన్‌ నేపథ్యంలో వాయిదా పడింది. తాజాగా ముఖ్యమంత్రి రేవంత్‌రెడ్డి భూమిపూజకు ఆదేశాలు ఇవ్వడంతో డిసెంబర్‌ 1న ముహూర్తం ఖరారు చేయడంతో మంత్రి వాకిటి శ్రీహరి, కలెక్టర్‌ ఆదర్శ్‌ సురభి, ఆయా శాఖల అధికారులు ఏర్పాట్లలో నిమగ్నమయ్యారు.

గద్వాల– ఆత్మకూర్‌ మధ్య

తగ్గనున్న 22 కిలోమీటర్ల దూరం

ఇప్పటికే రూ.123 కోట్లు కేటాయింపు.. టెండర్‌ ప్రక్రియ సైతం పూర్తి

రెవెన్యూ డివిజన్‌ దిశగా ఆత్మకూర్‌ అడుగులు

డిసెంబర్‌ 1నసీఎం రేవంత్‌రెడ్డి పర్యటన

1/1

ముహూర్తం ఖరారు