ప్రయోగాలతో శాస్త్రవేత్తలుగా ఎదగాలి

జగిత్యాల: వైజ్ఞానిక ప్రదర్శనలతో నైపుణ్యత పెరుగుతుందని, ప్రయోగాలతో శాస్త్రవేత్తలుగా ఎదగవచ్చని డీఈవో రాము అన్నారు. శనివారం 53వ జిల్లాస్థాయి బాల వైజ్ఞానిక ప్రదర్శన ముగింపు కార్యక్రమంలో పాల్గొని మాట్లాడారు. ప్రదర్శనలో 350 మంది బాల శాస్త్రవేత్తలు నూతన ఆవిష్కరణలు చేపట్టారని, సుమారు 3,400 మంది వచ్చారని చెప్పారు. జేఎన్‌టీయూ ప్రొఫెసర్‌ వినోద్‌ మాట్లాడుతూ, విద్యార్థుల ఆలోచనలతో శాస్త్రవేత్తలుగా మారుతారని, కృషి చేస్తే అద్భుతాలు చేయవచ్చన్నారు. ఎంఈవో చంద్రకళ మాట్లాడుతూ, దేశభవిష్యత్‌ విద్యార్థుల చేతుల్లోనే ఉందని, సోషల్‌ మీడియాతో సమయం వృథా చేసుకోకూడదన్నారు. జిల్లా సైన్స్‌ అధికారి మచ్చ రాజశేఖర్‌ మాట్లాడుతూ, సమస్యల పరిష్కారం దిశగా ఆలోచించినప్పుడే సమాజ శ్రేయస్సుకు ఉపయోగపడే ప్రయోగాలు చేయవచ్చన్నారు. వైజ్ఞానిక ప్రదర్శనలో భాగంగా రాష్ట్రస్థాయికి జూనియర్‌ విభాగంలో 7, సీనియర్‌ విభాగంలో 7 ఎంపికయ్యాయని తెలి పారు. అలాగే 111 ఇన్‌స్పైర్‌ ప్రదర్శనలకు గాను 11 ప్రదర్శనలు రాష్ట్రస్థాయికి ఎంపికయ్యాయని వివరించారు. ఎంపికై న విద్యార్థులు కామారెడ్డిలో జరిగే రాష్ట్రస్థాయి పోటీల్లో పాల్గొననున్నారు. ఈసందర్భంగా విద్యార్థులు నృత్యాలు ఆకట్టుకున్నాయి.

నృత్యం చేస్తున్న విద్యార్థులు

విజేతలతో డీఈవో రాము

ప్రయోగాలతో శాస్త్రవేత్తలుగా ఎదగాలి