‘సహకార’ సేవలు మరింత చేరువ! | - | Sakshi
Sakshi News home page

‘సహకార’ సేవలు మరింత చేరువ!

Nov 20 2026 7:33 AM | Updated on Nov 20 2026 7:33 AM

‘సహకార’ సేవలు మరింత చేరువ!

జిల్లాల వారీగా కొత్త సంఘాలు..

సాక్షిప్రతినిధి, వరంగల్‌ :

గ్రామీణ రైతులకు సహకార సేవలను మరింత చేరువ చేసేందుకు ప్రభుత్వం కీలక నిర్ణయం తీసుకుంది. రాష్ట్రవ్యాప్తంగా కొత్తగా 240 ప్రాథమిక వ్యవసాయ సహకార సంఘాల (పీఏసీఎస్‌) ఏర్పాటుకు గ్రీన్‌సిగ్నల్‌ ఇచ్చింది. ఇప్పటికే ఉన్న సంఘాల పునర్వ్యవస్థీకరణకూ ఆమోదం తెలిపింది. ఈ నిర్ణయంతో ఉమ్మడి వరంగల్‌లో కొత్తగా 27 సంఘాలు అందుబాటులోకి రానున్నాయి. ప్రస్తుతం ఉన్న 70 సంఘాలకు ఇవి తోడైతే మొత్తం సంఖ్య 97కు చేరనుంది.

కొత్త మండలాలకు ఊరట..

జిల్లాల పునర్విభజనతో కొత్త మండలాలు ఏర్పడినా.. వాటిలో చాలాచోట్ల సహకార సంఘాలు అందుబాటులో లేవు. కొన్ని సంఘాల పరిధిలో 20 నుంచి 30 గ్రామాలు ఉండడంతో రైతులు సేవల కోసం దూర ప్రాంతాలకు వెళ్లాల్సి వస్తోంది. ఈ సమస్యలను గుర్తించిన ప్రభుత్వం కొత్త సంఘాల ఏర్పాటుతో పాటు పాత సంఘాల పరిధిని కూడా పునర్వ్యవస్థీకరించాలని నిర్ణయించింది. తెలంగాణ సహకార సంఘాల చట్టం–1964లోని నిబంధనల ప్రకారం గ్రామాల విభజన, సంఘాల పరిధుల ఖరారు, ఆస్తులు, అప్పుల సర్దుబాటు వంటి ప్రక్రియలు పూర్తి చేయాల్సి ఉందని, అనంతరం తుది ఉత్తర్వులు జారీ కానున్నాయని ఉమ్మడి జిల్లాకు చెందిన ఓ జిల్లా సహకార అధికారి (డీసీఓ)తెలిపారు.

హనుమకొండ(3): నడికూడ, దామెర, వేలేరు

వరంగల్‌(4): పోతిరెడ్డిపల్లి, బుధరావుపేట, రేలకుంట, చంద్రుగొండ

జేఎస్‌ భూపాలపల్లి (8) : దామెరకుంట, పంబాపూర్‌, మొట్లపల్లి, పలిమెల, టేకుమట్ల, కొత్తపల్లిగోరి, కొయ్యూరు, బొర్లగూడెం

మహబూబాబాద్‌ (5) : ముల్కనూరు, కంబాలపల్లి, పెద్దవంగర, దంతాలపల్లి, గంగారం

ములుగు (5): కాశీందేవిపేట, రాజుపేట, కాటాపూర్‌, మల్లంపల్లి, కన్నాయిగూడెం

జనగామ (2) : చిల్పూరు, తరిగొప్పుల

ఉమ్మడి వరంగల్‌కు కొత్తగా 27 పీఏసీఎస్‌లు

ప్రస్తుతం 70.. కొత్తవాటితో

97కు చేరనున్న సంఖ్య

భూపాలపల్లికి అత్యధికంగా 8.. ములుగు, మహబూబాబాద్‌కు ఐదేసి

హనుమకొండకు 3, వరంగల్‌కు 4

Advertisement

Related News By Category

Related News By Tags

Advertisement
 
Advertisement
Advertisement