వసతి గృహాల్లోమెరుగైన వసతులు

Nov 11 2026 1:13 AM | Updated on Nov 11 2026 1:13 AM

వైద్యసేవల్లో డీసీహెచ్‌ఎస్‌ ఆస్పత్రులకు మూడో ర్యాంక్‌ గుంటూరు మెడికల్‌: ఆంధ్రప్రదేశ్‌ వైద్య విధాన పరిషత్‌ (ఏపీవీవీపీ) జిల్లా ఆస్పత్రుల సమన్వయ అధికారి (డీసీహెచ్‌ఎస్‌) పరిధిలోని ఆస్పత్రులకు రోగులకు అందిస్తున్న వైద్యసేవల్లో గుంటూరు డీసీహెచ్‌ఎస్‌ ఆస్పత్రులకు రాష్ట్రంలో మూడో ర్యాంక్‌ లభించింది. ప్రభుత్వం ఆస్పత్రుల్లో చిక్సిత పొందిన రోగుల ఫీడ్‌ బ్యాక్‌తో సోమవారం విడుదలైన ఈ ఫలితాల్లో గుంటూరు జిల్లాలోని ఏపీ వైద్య విధాన పరిషత్‌ ఆస్పత్రులకు స్టేట్‌ మూడో ర్యాంక్‌ లభించింది. ర్యాంక్‌ లభించింనందుకు డీసీహెచ్‌ఎస్‌ డాక్టర్‌ బి.వి.రంగారావుకు పలువురు వైద్యులు, వైద్య సిబ్బంది అభినందలు తెలిపారు. ఇదే స్ఫూర్తితో మెరుగైన వైద్య సేవలు పేదలకు అందించేందుకు పునరంకితమవుతామని వెల్లడించారు.

జిల్లా కలెక్టర్‌ సీఎం సాయికాంత్‌ వర్మ

గుంటూరు వెస్ట్‌: జిల్లాలోని ప్రభుత్వ సంక్షేమ వసతి గృహాల్లో విద్యార్థులకు మెరుగైన వసతులు కల్పించేందుకు ‘మార్పు’ కార్యక్రమం కింద చేపడుతున్న అభివృద్ధి పనులను నిర్ణీత గడువులోగా పూర్తి చేయాలని జిల్లా కలెక్టర్‌ సీఎం సాయికాంత్‌ వర్మ అధికారులను ఆదేశించారు. మంగళవారం స్థానిక కలెక్టరేట్‌లోని వీడియో కాన్ఫరెన్స్‌ హాల్లో నిర్వహించిన సమీక్ష సమావేశంలో కలెక్టర్‌ మాట్లాడుతూ ప్రభుత్వ సంక్షేమ వసతి గృహాల్లో మౌలిక వసతుల అభివృద్ధికి ప్రాధాన్యతనిస్తూ ఆయా పనులు చేపట్టాలన్నారు. సోలార్‌ విద్యుత్‌ వ్యవస్థల ఏర్పాటు, వర్షం నీటి సంరక్షణ కోసం రైన్‌ వాటర్‌ హార్వెస్టింగ్‌ వ్యవస్థల నిర్మాణం, మొక్కల పెంపకం, పరిసరాల సుందరీకరణ వంటి పనులను ప్రణాళికాబద్ధంగా చేపట్టాలని సూచించారు. జిల్లా వ్యవసాయ శాఖ అధికారి పద్మావతి, డీఆర్‌డీఏ, డ్వామా పీడీలు వి.శంకర్‌, విజయలక్ష్మి, సోషల్‌ వెల్ఫేర్‌ డీడీ డి.దుర్గాబాయి, అధికారులు పాల్గొన్నారు.