కాలం కలిసి వస్తే  డంప్‌యార్డ్‌ కూడా నందనవనం అవుతుంది! | Sakshi
Sakshi News home page

కాలం కలిసి వస్తే  డంప్‌యార్డ్‌ కూడా నందనవనం అవుతుంది!

Published Sun, Sep 10 2023 11:24 AM

Smelly Dumpyard Transformed  Transform Into A Beautiful Park - Sakshi

కాలం కలిసే వస్తే... కంపు కొట్టే డంపు యార్డ్‌ కూడా కనుల విందు చేసే పార్క్‌ అవుతుంది. రాజస్థాన్‌లోని రాజ్‌గఢ్‌లో ఒక డంప్‌ యార్డ్‌ ఉండేది. దుర్వాసన వల్ల ఆ చుట్టుపక్కల నుంచి నడిచి వెళ్లాలంటే జనాలు జడుసుకునేవారు. అలాంటి చోటుకు ఇప్పుడు జనాలు వెదుక్కుంటు వస్తున్నారు. దీనికి కారణం ఈ డంప్‌యార్డ్‌ను మున్సిపాలిటీ సిబ్బంది అందమైన పార్క్‌గా తయారుచేయడమే.

వాటర్‌ ఫౌంటెన్‌లు, పచ్చటి గడ్డితో ఈ పార్క్‌ కనువిందు చేస్తోంది. ఇండియన్‌ ఫారెస్ట్‌ ఆఫీసర్‌ సవిత దావియా ఈ క్లిప్‌ను ట్విట్టర్‌లో షేర్‌ చేశారు. ‘ఎన్నో పట్టణాలలో ఎన్నో డంప్‌యార్డ్‌లు భయపెడుతున్నాయి. అవి కూడా ఇలాగే నందనవనంలా మారితే ఎంత బాగుంటుంది’ అంటూ ఒక ఎక్స్‌ యూజర్‌ స్పందించాడు. 

(చదవండి: బహుముఖ ప్రజ్ఞాశాలి! ఒకటి రెండు కాదు!.. ఏకంగా 34 సబ్జెక్టుల్లో టాపర్‌)

Advertisement
Advertisement