వైఎస్సార్‌సీపీలో చేరికలు

Oct 27 2026 1:02 AM | Updated on Oct 27 2026 1:02 AM

వైఎస్సార్‌సీపీలో చేరికలు బుట్టాయగూడెం: స్థానిక సంస్థల ఎన్నికల నేపథ్యంలో వైఎస్సార్‌సీపీలోకి భారీగా చేరికలు మొదలయ్యాయి. ముప్పినవారిగూడెం ఎస్సీ కాలనీకి చెందిన టీడీపీ నాయకులు, కార్యకర్తలు సోమవారం బుట్టాయగూడెంలో వైఎస్సార్‌సీపీలో చేరారు. పార్టీ నాయకుడు తాళ్లూరి ప్రసాద్‌ ఆధ్వర్యంలో టీడీపీకి చెందిన అందుగుల సత్యనారాయణ, నిట్టా వెంకటరత్నం, గుండే చోడియ్య, గరికి రాంబాబు, నీలం చందు, దాసరి సుమన్‌తోపాటు మరికొందరు పార్టీలోకి చేశారు. వీరందరికీ మాజీ ఎమ్మెల్యే తెల్లం బాలరాజు పార్టీ కండువా వేసి పార్టీలోకి ఆహ్వానించారు. ఈ కార్యక్రమంలో పార్టీ నియోజకవర్గ పరిశీలకుడు కనుమూరి శివరామరాజు, మండల కన్వీనర్‌ అల్లూరి రత్నాజీరావు, జిల్లా ప్రధాన కార్యదర్శి ఆరేటి సత్యనారాయణ, గంటసాల గాంధీతోపాటు పలువురు నేతలు పాల్గొన్నారు. మావుళ్లమ్మ దీక్షధారణ భీమవరం (ప్రకాశంచౌక్‌): పట్టణంలో వేంచేసి ఉన్న ప్రముఖ ఇలవేల్పు, ఆరాధ్యదైవం శ్రీ మావుళ్లమ్మ అమ్మవారి మండల దీక్షధారణ కార్యక్రమం ఘనంగా జరిగింది. ఆలయ ప్రధాన అర్చకులు మద్దిరాల మల్లికార్జున శర్మ ప్రత్యేక పూజా కార్యక్రమాలు నిర్వహించి, 41 రోజుల దీక్ష నిమిత్తం 160 మంది భక్తులతో శ్రీ అమ్మవారి మాలలు ధరింపజేశారు. ఈ కార్యక్రమంలో ఆలయ చైర్మన్‌ బొండాడ నాగభూషణం, ఆలయ అసిస్టెంట్‌ కమిషనర్‌ వి. హరిసూర్య ప్రకాష్‌ పాల్గొన్నారు. ఇంజనీరింగ్‌ విద్యార్థి ఆత్మహత్య

దాడి ఘటనలో నలుగురి అరెస్టు

భద్రాచలం అర్బన్‌: తల్లీకూతుళ్లపై దాడి ఘటనలో నలుగురు నిందితులను తెలంగాణలోని భద్రాచలం పోలీసులు సోమవారం అరెస్టు చేశారు. దమ్మపేట మండలం మల్కారం గ్రామానికి చెందిన కొవ్వాల పద్మ తన కుమార్తె సాహిత్యతో కలిసి భద్రాచలంలోని అశోక్‌నగర్‌ కాలనీలో ఉంటోంది. సాహిత్య ఏపీలోని ఏలూరు జిల్లా కుక్కునూరుకు చెందిన రావూరి స్వామితో ఫోన్‌లో మాట్లాడుతుండగా, ఆయన భార్య లక్ష్మి అనుమానం పెంచుకుంది. గత ఆగస్టు 21న ఆమె, బంధువులు భద్రాచలం వచ్చి సాహిత్యపై రాడ్లు, కర్రలు, చీపుర్లతో దాడి చేశారు. అడ్డుకున్న తల్లిపైనా దాడి చేయడంతో ఇద్దరికి గాయాలయ్యాయి. మరుసటి రోజు పద్మ ఫిర్యాదు చేయగా, పోలీసులు కేసు నమోదు చేశారు. నిందితులు బొల్లు సంపత్‌, తెలూరి ఏడుకొండలు, బొల్లు నాగమణి, రావూరి లక్ష్మిలను సోమవారం అరెస్టు చేసి రిమాండ్‌కు తరలించారు.

భీమవరం: మనస్తాపంతో ఓ విద్యార్థి ఆత్మహత్యకు పాల్పడ్డాడు. టూటౌన్‌ ఎస్సై రామారావు వివరాలు వెల్లడించారు. పల్నాడు జిల్లా పిడుగురాళ్ల మండలం సింగరాయపాలెం గ్రామానికి చెందిన బి.హరీష్‌నాయక్‌కు చదువుపట్ల మక్కువ లేకపోవడంతో కొంతకాలం ముంబైలో ఉన్నాడు. కుటుంబసభ్యులు అతడిని బలవంతంగా భీమవరంలోని ప్రైవేట్‌ ఇంజనీరింగ్‌ కళాశాలలో చేర్పించారు. మూడో సంవత్సరం చదువుతున్న హరీష్‌నాయక్‌... సోమవారం తాను ఉంటున్న ప్రైవేట్‌ హాస్టల్‌ గదిలో ఫ్యాన్‌కు టవల్‌తో ఉరివేసుకుని బలవన్మరణానికి పాల్పడ్డాడు. ఎస్సై రామారావు కేసు దర్యాప్తు చేస్తున్నారు.