జపాన్‌ సహకారంతో వేదాంత సెమీకండక్టర్‌ ప్లాంట్‌! | Sakshi
Sakshi News home page

జపాన్‌ సహకారంతో వేదాంత సెమీకండక్టర్‌ ప్లాంట్‌!

Published Wed, Oct 18 2023 8:50 AM

Vedanta explores tie up with Japanese tech firms for chip plant - Sakshi

న్యూఢిల్లీ: ప్రతిపాదిత సెమీకండక్టర్‌ ప్లాంటు కోసం జపాన్‌ టెక్నాలజీ కంపెనీలతో సహకారాన్ని అన్వేషిస్తున్నట్లు వేదాంత గ్రూప్‌ తెలిపింది. గుజరాత్‌లో సెమీకండక్టర్‌ ఫ్యాబ్‌ను నెలకొల్పుతున్నట్టు వేదాంత ఇప్పటికే ప్రకటించింది. జపాన్‌లో జరిగిన వైబ్రంట్‌ గుజరాత్‌ గ్లోబల్‌ సమ్మిట్‌ రోడ్‌షో సందర్భంగా వేదాంత సెమీకండక్టర్, డిస్‌ప్లే బిజినెస్‌ గ్లోబల్‌ ఎండీ ఆకర్ష్‌ కె హెబ్బార్‌ మాట్లాడారు.

గుజరాత్‌లోని ఎలక్ట్రానిక్స్‌ మ్యానుఫ్యాక్చరింగ్‌ హబ్‌లో పెట్టుబడులు పెట్టడానికి సిద్ధంగా ఉన్న కంపెనీలకు ఇది 80 బిలియన్‌ డాలర్ల అవకాశం అని చెప్పారు. దేశంలోని మొట్టమొదటి ఎలక్ట్రానిక్స్‌ తయారీ హబ్‌ను నిర్మించడంలో సహాయం చేయడానికి భాగస్వామ్యం కావాలని జపాన్‌ కంపెనీలను ఈ సందర్భంగా ఆహ్వానించినట్టు వేదాంత తెలిపింది.

భారత సెమీకండక్టర్, గ్లాస్‌ డిస్‌ప్లే తయారీ పర్యావరణ వ్యవస్థ అభివృద్ధిని ప్రోత్సహించడానికి వేదాంత గ్రూప్‌నకు చెందిన అవన్‌స్ట్రేట్‌ ఇంక్‌ గత ఏడాది చివర్లో 30 జపనీస్‌ టెక్నాలజీ కంపెనీలతో ఒప్పందాలు కుదుర్చుకుంది.

Advertisement
 

తప్పక చదవండి

Advertisement