బాపట్ల

గురువారం శ్రీ 13 శ్రీ ఆగస్టు శ్రీ 2026

7

అచ్చంపేట: పులిచింతల ప్రాజెక్టులో ప్రస్తుత నీటి నిల్వ 28.6763 టీఎంసీలు. ప్రాజెక్టు దిగువకు 400 క్యూసెక్కులు లీకేజిల ద్వారా వెళుతోంది.

విజయపురి సౌత్‌: నాగార్జునసాగర్‌ జలాశయ నీటిమట్టం బుధవారం 520.50 అడుగులకు చేరింది. ఇది 150.1900 టీఎంసీలకు సమానం.

పొన్నూరు: శ్రీ వీరాంజనేయ స్వామిని మధ్యప్రదేశ్‌ హైకోర్టు మాజీ న్యాయమూర్తి జస్టిస్‌ దుప్పాల వెంకట రమణ దర్శించుకున్నారు. ప్రత్యేక పూజలు నిర్వహించారు.

టీడీపీ నేతలు బరితెగిస్తున్నారు. వారు అందిస్తున్న అండదండలతో మట్టి మాఫియా చెలరేగిపోతోంది. చెరువులు, కుంటలు, కొండలు అనే తేడా లేకుండా అన్నింటినీ చెరబట్టి రేయింబవళ్లు యథేచ్ఛగా మట్టి తవ్వకాలు కొనసాగిస్తున్నారు. ముఖ్యంగా రాజధాని ప్రాంతంలో రిజర్వాయర్ల పేరుతో మట్టిని తవ్వి భారీ టిప్పర్ల ద్వారా గుంటూరు, విజయవాడ వంటి నగరాలకు అక్రమ రవాణా చేస్తూ రూ.కోట్లలో అడ్డగోలుగా దండుకుంటున్నారు. ప్రైవేటు భూముల్లో సైతం తవ్వుకుంటామంటూ మైనింగ్‌, రెవెన్యూ అధికారుల నుంచి అనుమతులు తీసుకొని వంద అడుగుల లోతున తవ్వుతూ దందాకు పాల్పడుతున్నారు.