‘రామాయపట్నం’కు కస్టమ్స్ గుర్తింపు రావడంపై వైఎస్ జగన్ హర్షం | YS Jagan welcomes customs recognition for Ramayapatnam port | Sakshi
Sakshi News home page

‘రామాయపట్నం’కు కస్టమ్స్ గుర్తింపు రావడంపై వైఎస్ జగన్ హర్షం

Nov 20 2026 6:14 PM | Updated on Nov 20 2026 6:52 PM

YS Jagan welcomes customs recognition for Ramayapatnam port

సాక్షి,తాడేపల్లి: రామాయపట్నం పోర్టుకు కస్టమ్స్ గుర్తింపు రావడంపై వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి హర్షం వ్యక్తం చేశారు. తమ హయాంలో జరిగిన అభివృద్ధి ఫలిస్తోందంటూ వైఎస్‌ జగన్‌ ‘ఎక్స్‌’ వేదికగా ట్వీట్‌ చేశారు.

‘ఏపీ పారిశ్రామిక అభివృద్ధికి పోర్టులే చోదక శక్తులు. పోర్టుల ఆధారిత పారిశ్రామికీకరణే ఏపీకి అతిపెద్ద పెట్టుబడుల ఆకర్షణ. కస్టమ్స్ గుర్తింపు రామాయపట్నం పోర్టుకు కీలక మైలురాయి. దిగుమతులు, ఎగుమతుల కోసం కస్టమ్స్ పోర్టుగా సీబీఐసీ నోటిఫై చేసింది. మా ప్రభుత్వ హయాంలో పోర్టుల నిర్మాణాలను రూపొందించాం. ఏపీలలోని విస్తారమైన తీరప్రాంతాన్ని ఉపయోగించుకుని నాలుగు పోర్టుల అభివృద్ధికి శ్రీకారం చుట్టాం. రామాయపట్నం, మచిలీపట్నం, మూలపేట, కాకినాడ గేట్‌వే పోర్టుల నిర్మాణమే లక్ష్యంగా ప్రణాళికను రూపొందించాం.

ప్రతి 50 కిలోమీటర్లకు ఒక పోర్టు చొప్పున తీరప్రాంత మౌలిక వసతుల కల్పనకు ప్రణాళిక. 10 ఫిషింగ్ హార్బర్లు, 6 ఫిష్ ల్యాండింగ్ సెంటర్ల ఏర్పాటుకు చర్యలు చేపట్టాం. పోర్టుల ఆధారంగా పారిశ్రామిక అభివృద్ధి జరుగుతుంది.రామాయపట్నం పోర్టును ప్రధాన వృద్ధి కేంద్రంగా తీర్చిదిద్దడమే లక్ష్యంగా పని చేశాం. రామాయపట్నం పోర్టు పరిసరాల్లో భారీ పెట్టుబడులకు కార్యరూపం దాల్చాయి. బీపీసీఎల్ భారీ రిఫైనరీ, పెట్రోకెమికల్ కాంప్లెక్స్ ఏర్పాటుకు ముందడుగు పడింది.



ఇండోసోల్ సోలార్ సమగ్ర తయారీ పరిశ్రమతో పాటు మరిన్ని భారీ పెట్టుబడులకు అవకాశం లభించింది.లక్షల కోట్ల రూపాయల పెట్టుబడులు.. వేలాది ఉద్యోగాలకు మార్గం ఏర్పడింది.భారీ పారిశ్రామిక వ్యవస్థకు పునాది పడింది. దావోస్ నుంచి సీఐఐ సదస్సుల వరకు ప్రస్తుత ప్రభుత్వం ప్రస్తావిస్తున్న పోర్టులు మా ప్రభుత్వ హయాంలో ప్రారంభించినవే. పెట్టుబడిదారులను ఆకర్షించేందుకు మేము  చేపట్టిన పోర్టులనే ప్రస్తుత ప్రభుత్వం చెప్పుకుంటోంది’అని ధ్వజమెత్తారు.

 

Advertisement

Related News By Category

Related News By Tags

Advertisement
 
Advertisement
Advertisement