కొయ్యూరు: ఈ నెల 26న జరగనున్న పంచాయతీ ఎన్నికల నిర్వహణకు మండలంలో భారీ ఏర్పాట్లు చేస్తున్నారు. మండలంలోని 33 పంచాయతీల పరిధిలో ఉన్న 294 వార్డులకు మొత్తం 800 మంది ఎన్నికల సిబ్బంది అవసరమని అధికారులు ప్రాథమికంగా నిర్ధారించారు. పోలీసు, ఇతర శాఖల సిబ్బందితో కలిపి సుమారు 1,100 మంది అవసరమవుతారని ఉన్నతాధికారులకు నివేదించారు. మండల విస్తీర్ణం అధికంగా ఉండటంతో ఎన్నికల నిర్వహణ సౌలభ్యం కోసం పది రూట్లుగా విభజించారు. ఆరు జోన్లను ఏర్పాటు చేశారు. వీటికి జోన్, రూట్ అధికారులను వేర్వేరుగా నియమించనున్నారు. మండలంలోని 33 పంచాయతీల పరిధిలో మొత్తం 43,711 మంది ఓటర్లు ఉన్నారు. పోలింగ్ సిబ్బంది తరలింపు, ఎన్నికల సామగ్రి రవాణా కోసం రూట్ల వారీగా 17 బస్సులు, ఐదు జీపులు అవసరమవుతాయని అధికారులు గుర్తించారు. ఎం.బీమవరం ప్రాంతానికి మూ డు వాహనాలు, ఆర్.కొత్తూరు, ఆడాకల ప్రాంతాలకు జీపులు అవసరమని ఉన్నతాధికారులకు నివేదించారు. ఎన్నికలు సజావుగా నిర్వహించేందుకు రవాణా, సిబ్బంది కేటాయింపులపై అధికారులు ఏర్పాట్లు చేస్తున్నారు.
800 మంది సిబ్బంది అవసరమని
ఉన్నతాధికారులకు నివేదిక


