● కలెక్టర్ నిశాంతి
సాక్షి, పాడేరు: స్వాతంత్య్ర సమరయోధుడు, విద్యావేత్త, భారతదేశ తొలి విద్యాశాఖ మంత్రి, భారతరత్న మౌలానా అబుల్ కలాం ఆజాద్ 138వ జయంతిని కలెక్టరేట్లో బుధవారం ఘనంగా నిర్వహించారు. ఈ సందర్భంగా ఆజాద్ చిత్రపటానికి కలెక్టర్ టి. నిశాంతి, ఐటీడీఏ పీవో ఆదిత్యవర్మ, సబ్ కలెక్టర్ నాగ వెంకట సాహిత్ పూలమాలలు వేసి ఘనంగా నివాళులర్పించారు. జాతీయ విద్యా దినోత్సవం, మైనారిటీల సంక్షేమ దినోత్సవాన్ని కూడా నిర్వహించారు. ఈ సందర్భంగా కలెక్టర్ మాట్లాడుతూ భారతరత్న మౌలానా అబుల్ కలాం ఆజాద్ దేశానికి అందించిన సేవలను వివరించారు. విద్యారంగ అభివృద్ధికి, దేశ స్వాతంత్య్ర పోరాటానికి ఆయన చేసిన కృషి చిరస్మరణీయమని పేర్కొన్నారు.


