అసలు నువ్వు పోలీసువేనా..? నాకెందుకో డౌటు..!

కొండుకూర్‌లో రాత్రి పట్టుబడిన దొంగ పోలీసు

ఆదిలాబాద్‌: పోలీసు డ్రెస్‌ వేసుకుని దొంగతనం చేస్తూ పట్టుబడ్డాడు ఓ కేటుగాడు. మండలంలోని కొండుకూర్‌ గ్రామంలోని హెచ్‌పీ పెట్రోల్‌ బంక్‌లో ఆదివారం అర్ధరాత్రి సెల్‌ఫోన్‌ దొంగతనం చేసి, పక్కనే ఉన్న దాబాలో కౌంటర్‌ వద్దకు వెళ్లాడు. డబ్బుల కోసం వెతుకుతుండగా సిబ్బంది పట్టుకుని పోలీసులకు అప్పగించారు. పట్టుబడిన వ్యక్తి కరీంనగర్‌ జిల్లా శంకరపట్నం మండలం మెట్‌పల్లికి చెందిన ఎల్సని రాజు అని గుర్తించారు.

ఇరిగేషన్‌ శాఖలో లస్కర్‌గా విధులు నిర్వర్తిస్తున్న ఇతను కొంతకాలంగా మతిస్థిమితం కోల్పోయి చోరీలకు పాల్పడుతున్నట్లు పోలీసుల విచారణలో తేలింది. గతంలో కరీంనగర్‌లో స్వామిజీ వేషధారణలో సెల్‌ఫోన్‌ చోరీ చేసి, నేనే చేశానని రైల్వే పోలీసులకు లొంగిపోయాడని వివరించారు. కేసు నమోదు చేసుకుని రాజును రిమాండ్‌కు తరలిస్తున్నట్లు ఎస్సై ఎం.కృష్ణసాగర్‌రెడ్డి తెలిపారు.

ఇవి చదవండి: హోలీ పండుగ మిగిల్చిన విషాదం!