బాలీవుడ్‌ కండల వీరుడు సల్మాన్‌ ఖాన్‌ వీర్‌ మూవీతో హీరోయిన్‌గా పరిచయమైంది నటి జరీన్‌ ఖాన్‌. కత్రినా కైఫ్‌ ఫీచర్స్‌తో ఉన్న ఆమెను కావాలనే వీర్‌ మూవీలో సల్మాన్‌ హీరోయిన్‌గా పెట్టుకున్నాడు. అయితే ఈ చిత్రం ఆశించిన విజయం సాధించలేదు. తొలి చిత్రంతోనే పరాజయం చవి చూసిన జరీన్‌ ఖాన్‌ ఆతర్వాత వెంటనే హిందీతో పాటు తెలుగులో కూడా పలు చిత్రాల్లో నటించింది. అయితే అవి కూడా ఆమెకు ఆశించిన గుర్తింపును ఇవ్వలేదు. ఇక అవకాశాలు తగ్గడంతో నటనకు దూరమయ్యారు. ఈ క్రమంలో ఇటీవల కాస్టింగ్‌ కౌచ్‌పై నోరు విప్పిన ఆమె తాజాగా ఆమె తన శరీరాకృతిపై ఎదుర్కొన్న విమర్శలను గుర్తు చేసుకున్నారు. అవగాహన లోపంతో తొలి చిత్రంతోనే ఘోరమైన అవమానాలను ఎదుర్కొన్నానని పేర్కొన్నారు. ఇటీవల ఓ ఛానల్‌కు ఇచ్చిన ఇంటర్వ్యూలో తన ఫస్ట్‌ కెమెరా అనుభవాన్ని పంచుకున్నారు.\ ఈ సందర్భంగా ఆమె మాట్లాడుతూ.. ‘20 ఏళ్లకే సినిమాల్లోకి వచ్చాను. వీర్‌ మూవీతో ఫస్ట్‌టైం కెమెరా ముందుకు వచ్చాను. అయితే అప్పుడు ఇప్పటితరం వారిలా నాకు అన్ని విషయాలపై అంతగా అవగాహన లేదు. దీంతో ఇండస్ట్రీలోకి వచ్చిన కొత్తలో నేను ఎన్నో ఇబ్బందులు ఎదుర్కొన్నాను. వీర్‌ మూవీ షూటింగ్‌ తొలి రోజు కెమెరా ఎక్కడ ఉంటుందో కూడా నాకు తెలియదు. అప్పుడు అంత కొత్తగా అనిపించేది. సినిమాలు, షూటింగ్‌లపై నాకు పెద్దగా అవగాహన లేదు. ఎంతో మంది అనుభవం ఉన్న వ్యక్తులతో నా తొలి చిత్రం వీర్‌ మూవీ చేశాను. దీంతో సినిమా పరంగా ఎవరు ఎలాంటి సూచనలు ఇచ్చిన అవి పాటించేదాన్ని’ అంటూ ఆమె చెప్పారు. ఈ నేపథ్యంలో వీర్‌ షూట్‌ సమయంలో కొంతమంది తనని బరువు పెరగమని సలహా ఇచ్చినట్లు ఆమె పేర్కొన్నారు. ‘మూవీ షూటింగ్‌ సమయంలో నా పాత్ర కోసం కాస్తా బరువు పెరగమని కొందరూ చెప్పారు. వాళ్లు చెప్పినట్టు గానే బరువు పెరిగాను. ఇక మూవీ విడుదల తర్వాత నా శరీరాకృతిపై విపరీతమైన కామెంట్స్‌ వచ్చాయి. అవి చూసి తట్టుకోలేకపోయా. ఆ మూవీ సమయంలో నా శరీర బరువు జాతీయ సమస్యలా మారింది. పరిశ్రమలోని వారు, బయటి వారు ప్రతి ఒక్కరు నా బరువు గురించే మాట్లాడుకున్నారు. ఒకానోక సమయంలో ‘వీర్‌’ మూవీ నా బరువు వల్లే ప్లాప్‌ అయ్యిందనే వ్యాఖ్యలు కూడా చేశారు. అది విని తట్టుకోలేకపోయా. ఆ తర్వాత కొన్నాళ్లకు అవి అలవాటు అయిపోయాయి. ఒక నటికి ఇలాంటివి సాధారణమనే విషయాన్ని గ్రహించాను. అప్పుడే ఏది శాశ్వతం కాదనే అభిప్రాయానికి వచ్చాను. కాబట్టి ఏది హృదయానికి తీసుకోకూడదని తెలుసుకున్నాను చెప్పాలంటే ఈ పరిశ్రమ నాకు చాలా నేర్పింది’ అంటూ ఆమె చెప్పుకొచ్చారు.  చదవండి:  ముద్దు సీన్‌ రిహార్సల్‌ అంటూ దారుణంగా ప్రవర్తించేవాడు: హీరోయిన్‌

కాస్టింగ్‌ కౌచ్‌ పెద్దగా ఈ పేరు పరిచయం చేయాల్సిన పని లేదు. ఈ  మధ్యకాలంలో సినీ పరిశ్రమలో ఎక్కడ చూసిన ఈ పేరు బాగా వినిపిస్తోంది. టీవీ, సినిమాకు సంబంధించిన కొంతమంది తారలు వరుసగా గతంలో వారు ఎదుర్కొన్న చేదు అనుభవాలను పంచుకునే క్రమంలో కాస్టింగ్‌ కౌచ్‌పై నోరు విప్పుతున్నారు. తాజాగా సల్మాన్‌ ఖాన్‌ సినిమాతో పరిచయమైన హీరోయిన్‌ జరీన్‌ ఖాన్‌ దీనిపై స్పందించింది. తాను కూడా కాస్టింగ్‌ కౌచ్‌ బాధితురాలినేనని గతంలో చెప్పిన ఆమె ఇటీవల ఓ ఛానల్‌కు ఇచ్చిన ఇంటర్వ్యూలో మరోసారి దీని గురించి వివరణ ఇచ్చింది.  కెరీర్‌ ప్రారంభంలో తాను ఇబ్బందులు ఎదుర్కొన్నానన్న ఆమె.. ‘నన్ను ఇబ్బంది పెట్టిన వాళ్ల పేర్లను ఇప్పుడు బయట పెట్టాలనుకోవడం లేదు. అయితే బాలీవుడ్‌కు వచ్చిన కొత్తలో ఓ వ్యక్తి పరిచయం అయ్యాడు. పరిశ్రమలో అతడి కంటే మంచి వ్యక్తి లేడనేవిధంగా నాతో మాట్లాడేవాడు. ఈ నేపథ్యంలో అతడి సినిమాలో నటించే అవకాశం ఇప్పిస్తానని, అయితే అందులో ముద్దు సీన్‌ ఉంటుంది. దానికి మనం ముందే రిహార్సల్‌ చేద్దామని నన్ను పిలిచాడు. అలా నాతో అసభ్యంగా ప్రవర్తించేవాడు. మనసులోని భయాలన్ని పక్కన పెట్టు అంటూ ఆ డైరెక్టర్‌ నాతో దారుణంగా ప్రవర్తించేవాడు’ అని ఆమె చెప్పుకొచ్చింది.  అలాగే ‘ఆ వ్యక్తి నన్ను తన దారిలోకి తెచ్చుకోవాడానికి అనేక విధాలుగా ప్రయత్నించాడు. మనం స్నేహితలకంటే ఎక్కువగా ఉందామని,  ఇక నా సినిమా ఆఫర్ల విషయాన్ని తాను చూసుకుంటానని నన్ను నమ్మించాలని చూశాడు’ అని జరీన్‌ ఖాన్‌ వెల్లడించింది. కాగా కాల్‌ సెంటర్‌లో పని చేస్తూ సినిమా అవకాశాల కోసం ప్రయత్నించానని ఈ సందర్భంగా ఆమె తెలిపింది. ఇక సల్మాన్‌ సరసన వీర్‌ సినిమాలో హీరోయిన్‌ నటించి బాలీవుడ్‌ అరంగేట్రం చేసిన ఆమె ఆ తర్వాత ‘హౌజ్‌ఫుల్‌ 2, హేట్‌ స్టోరీ 3, అక్సర్‌ 2’తో పాటు మరిన్ని సినిమాల్లో నటించి ప్రేక్షకులకు దగ్గరైంది. ఇక తెలుగులో గోపిచంద్‌ హీరోగా తెరకెక్కిన ‘చాణక్య’ చిత్రంలో జరీన్‌ ఖాన్‌ కీలక పాత్రలో కనిపించిన సంగతి తెలిసిందే.  చదవండి: డైరెక్టర్‌ను పెళ్లాడిన ప్రముఖ హీరోయిన్‌ హీరో ఆశీష్‌ గాంధీ పెళ్లి.. ఫోటోలు వైరల్‌

వెండితెరపై ‘చాణక్య’గా తన సత్తా చూపించడానికి సిద్ధమయ్యారు గోపీచంద్‌. తిరు దర్శకత్వంలో గోపీచంద్‌ హీరోగా తెరకెక్కిన చిత్రం ‘చాణక్య’. మెహరీన్, జరీన్‌ ఖాన్‌ కథానాయికలు. రామబ్రహ్మం సుంకర ఈ సినిమా నిర్మించారు. అజయ్‌ సుంకర సహ–నిర్మాత. ఈ సినిమా చిత్రీకరణ పూర్తయింది. ప్రస్తుతం పోస్ట్‌ ప్రొడక్షన్‌ కార్యక్రమాలు జరుగుతున్నాయి. దసరా సందర్భంగా ఈ సినిమాను విడుదల చేయాలనుకున్న సంగతి తెలిసిందే. తాజాగా ఈ సినిమాను అక్టోబరు 5న విడుదల చేయబోతున్నామని శనివారం చిత్రబృందం ప్రకటించింది. ‘‘ఇటీవల విడుదల చేసిన టీజర్, పాటలకు మంచి స్పందన లభిస్తుండటంతో సినిమాపై అంచనాలు పెరుగుతున్నాయి. ఈ చిత్రం ప్రేక్షకులకు తప్పక నచ్చుతుందనే నమ్మకం ఉంది’’ అన్నారు నిర్మాతలు. ఈ చిత్రానికి సంగీతం: విశాల్‌ చంద్రశేఖర్, కెమెరామన్‌: వెట్రి పళనీ స్వామి.

‘‘అనిల్‌ సుంకర ప్యాషనేట్‌ నిర్మాత అని విన్నాను. గతంలో మంచి ఎంటర్‌టైన్‌మెంట్‌ సినిమాలు చేశారు. ఖర్చుకు వెనకాడకుండా చాలా రిచ్‌గా ఈ చిత్రాన్ని నిర్మించారు. మళ్లీ ఆయనతో సినిమా చేస్తాను’’ అన్నారు  గోపీచంద్‌. ఏకే ఎంటర్‌టైన్‌మెంట్స్‌పై తిరు దర్శకత్వంలో రామబ్రహ్మం నిర్మించిన చిత్రం ‘చాణక్య’. గోపీచంద్, మెహరీన్, జరీన్‌ ఖాన్‌ నటించారు. దసరాకి చిత్రం విడుదల కానున్న సందర్భంగా నిర్వహించిన సమావేశంలో గోపీచంద్‌ మాట్లాడుతూ– ‘‘రెండేళ్ల క్రితం దర్శకుడు తిరు చెప్పిన కథ ఇది. నాకు బాగా నచ్చింది. అయితే కొన్ని మార్పులు చెప్పాను. అన్నీ సరిచేసి అద్భుతంగా స్టోరీ రెడీ చేశాడు. డైలాగ్స్, సీన్స్‌ అన్నీ గ్రిప్పింగ్‌గా ఉంటాయి. హీరోయిన్‌ మెహరీన్‌తో లవ్‌ ట్రాక్‌ సీన్స్‌ ప్రేక్షకులకు కనెక్ట్‌ అవుతాయి’’ అన్నారు. అనిల్‌ సుంకర మాట్లాడుతూ– ‘‘గోపీచంద్‌ మంచి వ్యక్తి. ఆయన సపోర్ట్‌ చెయ్యటం వల్లే ఈ సినిమా త్వరగా పూర్తయింది. తిరుకి మంచి భవిష్యత్తు ఉంటుంది’’ అన్నారు. తిరు మాట్లాడుతూ– ‘‘తమిళంలో నాలుగు సినిమాలు చేశాను. తెలుగులో ఇది నా మొదటి సినిమా. ఈ చిత్రంలో రా ఏజెంట్‌ పాత్రలో గోపీచంద్‌ కనిపిస్తారు. ఈ షూటింగ్‌ రాజస్తాన్‌లో జరిపినప్పుడు గోపీచంద్‌కి అనుకోకుండా ప్రమాదం జరిగింది. హాస్పిటల్‌కి తీసుకెళ్లిన తర్వాత ఐ.సి.యులో పెట్టారు. అయితే తక్కువ సమయంలో కోలుకుని షూటింగ్‌ పూర్తి చేశారు’’ అన్నారు. ‘‘యాక్షన్‌ను కొత్త పద్ధతిలో చేయించారు దర్శకుడు తిరు. గోపీచంద్‌ ఓ కొత్త జోనర్‌లో చేసిన చిత్రమిది’’ అన్నారు అబ్బూరి రవి.

ముంబై : సల్మాన్‌ ఖాన్‌ సినిమాతో బాలీవుడ్‌లో ఎంట్రీ ఇచ్చిన ముంబై భామ జరీన్‌ ఖాన్‌కు సోషల్‌ మీడియాలో చేదు అనుభవం ఎదురైంది. రాజస్తాన్‌లో దిగిన ఫొటోలను ‘సిటీ ఆఫ్‌ లేక్స్‌’ క్యాప్షన్‌తో జరీన్‌ తన ఇన్‌స్టా అకౌంట్‌లో షేర్‌ చేశారు. జీన్స్‌ బాటమ్‌కు జతగా వైట్‌ క్రాప్‌టాప్‌ ధరించిన ఆ ఫొటోలో.. జరీన్‌ పొట్ట భాగం కనిపించడంతో నెటిజన్లు ఆమెను విపరీతంగా ట్రోల్‌ చేశారు. ‘పొట్టపై ఆ కుట్లు ఏంటి? లావు తగ్గేందుకు సర్జరీ చేయించుకున్నావా? అసలు అంతలా లావెక్కడం ఎందుకు’ అంటూ ఇష్టారీతిన బాడీ షేమింగ్‌ చేశారు. ఈ నేపథ్యంలో ట్రోల్స్‌కు హుందాగా స్పందించిన జరీన్‌...‘ నా పొట్టకు ఏమైందో తెలుసుకోవాలని ఎంతో మంది ఉత్సాహం ప్రదర్శిస్తున్నారు. 50 కిలోలకు పైగా బరువు తగ్గిన వ్యక్తి పొట్ట సహజంగానే ఇలా ఉంటుంది. ఈ ఫొటోను ఫొటోషాప్‌ చేయలేదు అలాగే సర్జరీ కూడా చేయించుకోలేదు. నా అసలైన రూపాన్ని, సహజత్వాన్ని మాత్రమే నేను ఇష్టపడతాను. ఒకవేళ లోపాలు ఉన్నా..వాటిని కవర్‌ చేయాల్సిన అవసరం నాకు లేదు. దయచేసి బాడీ షేమింగ్‌ చేయడం మానేయండి’ తన ఇన్‌స్టాస్టోరీలో రాసుకొచ్చారు.  ఈ క్రమంలో జరీన్‌ అభిమానులతో పాటు పలువరు బాలీవుడ్‌ ప్రముఖులు ఆమెకు అండగా నిలుస్తున్నారు. జరీన్‌ నువ్వు చాలా అందంగా ఉంటావు. ధైర్యవంతురాలివి కూడా. ఎప్పుడు ఇలాగే పర్ఫెక్ట్‌గా ఉండు అంటూ స్టార్‌ హీరోయిన్‌ అనుష్క శర్మ జరీన్‌కు బాసటగా నిలిచారు. బొద్దుగా ఉన్ననాటి, బరువు తగ్గిన తర్వాత జరీన్‌ పోస్ట్‌ చేసిన ఫొటోలను షేర్‌చేస్తూ.. ‘ఆరోగ్యంగా ఉండటానికి ఆరోగ్యకరంగా బరువు తగ్గిన మీరు మాకు ఆదర్శం’ అంటూ పలువురు ప్రశంసలు కురిపిస్తున్నారు. కాగా హీరోయిన్‌ కత్రినా కైఫ్‌ పోలికలతో ఉండే జరీన్ ఖాన్‌ను సల్మాన్‌ తన ‘వీర్‌’ సినిమా ద్వారా వెండితెరకు పరిచయం చేసిన సంగతి తెలిసిందే. అనిల్ శర్మ తెరకెక్కించిన ఈ పిరియాడిక్‌ డ్రామా బాక్సాఫీస్‌ వద్ద ఆశించిన ఫలితాన్ని రాబట్టలేకపోయింది. ఇక వీర్‌ తర్వాత సల్మాన్ మరో సినిమా ‘రెడీ’ సినిమాలో అవకాశం దక్కించుకున్న జరీన్‌ హౌజ్‌ఫుల్‌ 4 వంటి పలు చిత్రాల్లో కనిపించారు. కోలీవుడ్‌లో ఎంట్రీ ఇచ్చిన జరీన్‌.. గోపీచంద్‌ తాజా సినిమా ‘చాణక్య’తో తెలుగు తెరపై కూడా సందడి చేయనున్నారు. View this post on Instagram City Of Lakes ! #LakePichola #Udaipur #Rajasthan #IncredibleIndia #JeepBollywoodTrails #TravelWithZareen #WanderLust #HappyHippie #ZareenKhan @jeepindia @dbhatnagar @urvashikhanna A post shared by Zareen Khan 🦄🌈✨👼🏻 (@zareenkhan) on Aug 29, 2019 at 10:59pm PDT

‘రా’ (రీసెర్చ్‌ అండ్‌ ఎనాలిసిస్‌ వింగ్‌) ఏజెంట్‌గా తన తెలివితేటలతో ప్రత్యర్థుల ఎత్తులను చిత్తు చేశాడు చాణక్య. ఈ జోష్‌లో ప్రేయసితో కలిసి ఫారిన్‌లో స్టెప్పులేస్తున్నారు. గోపీచంద్‌ హీరోగా తిరు దర్శకత్వంలో ఎ.కె.ఎంటర్‌టైన్‌మెంట్స్‌ పతాకంపై రామబ్రహ్మం సుంకర నిర్మిస్తున్న చిత్రం ‘చాణక్య’. ఈ చిత్రంలో మెహరీన్, జరీన్‌ ఖాన్‌ కథానాయికలుగా నటిస్తున్నారు. అజయ్‌ సుంకర సహనిర్మాత. ఈ సినిమాలో గోపీచంద్‌ ‘రా’ ఏజెంట్‌గా నటిస్తున్నారని సమాచారం. ఈ చిత్రం టాకీ పార్ట్‌ పూర్తయింది. ప్రస్తుతం ఈ సినిమా చిత్రీకరణ ఇటలీ, మిలాన్‌లోని అందమైన పరిసర ప్రాంతాల్లో జరుగుతోంది. పాటలను చిత్రీకరిస్తున్నారు. రాజు సుందరం కొరియోగ్రాఫర్‌గా చేస్తున్నారు. ఈ చిత్రానికి సంగీతం: విశాల్‌ చంద్రశేఖర్, కెమెరా: వెట్రి మారన్‌.

సాక్షి, ముంబై: బాలీవుడ్‌ సూపర్‌స్టార్‌ సల్మాన్‌ ఖాన్‌ తనను పెళ్లి చేసుకోబోతున్నారని నటి జరీన్‌ ఖాన్‌ షాకింగ్‌ వ్యాఖ్యలు చేశారు. ఇటీవల ఓ మీడియాకు ఇచ్చిన ఇంటర్వ్యూ ఈమె ఈ మేరకు ఫన్నీ కామెంట్‌ చేశారు. ఇంటర్వ్యూ సందర్భంగా ఆమె సినిమాలు, వ్యక్తిగత జీవితానికి సంబంధించి ఆసక్తికర విషయాలను పంచుకున్నారు. ‘మీపై మీరే ఓ రూమర్‌ సృష్టించాలి. కానీ ఆ రూమర్‌ చాలా వైరల్‌ అవ్వాలి’ అని విలేకరి ఆమెకు ఓ ప్రశ్న వేశారు. ఇందుకు జరీన్‌ స్పందిస్తూ.. ‘సల్మాన్‌ నన్ను పెళ్లి చేసుకోబోతున్నారు. నాపై ఇలాంటి రూమర్స్‌ చాలా ఫన్నీగా ఉంటాయి. నాకు అసలు పెళ్లిపై నమ్మకం లేదు. చెప్పాలంటే ఈ మధ్యకాలంలో పెళ్లనేది కామెడీగా మారిపోయింది’ అని సమాధానమిచ్చిరు. సల్మాన్‌, జరీన్‌ జంటగా ‘వీర్‌’ చిత్రంలో నటించారు. జరీన్‌ను తొలుత బాలీవుడ్‌కు పరిచయం చేసింది సల్మాన్‌ ఖానే కావడం విశేషం.

‘చాణక్య’ ఎత్తులకు పై ఎత్తులు వేస్తాడు. దేన్నైయినా విశ్లేషించగలుగుతాడు. అతను పరిశోధన మొదలుపడితే ఏ కేస్‌ అయినా పరిష్కారం కావాల్సిందే. మరి.. చాణక్య ఎలాంటి ప్లాన్‌లు వేశాడు? అనేది వెండితెరపై చూసి తెలుసుకోవాల్సిందే. గోపీచంద్‌ హీరోగా తిరు దర్శకత్వంలో ‘చాణక్య’ అనే చిత్రం తెరకెక్కుతోన్న సంగతి తెలిసిందే. ఇందులో మెహరీన్, జరీన్‌ఖాన్‌ కథానాయికలుగా నటిస్తున్నారు. ‘రా’ (రీసెర్చ్‌ అండ్‌ ఎనాలిసిస్‌ వింగ్‌) ఏజెంట్‌ పాత్రలో గోపీచంద్‌ నటిస్తున్నారని తెలిసింది. తాజాగా ఈ సినిమాలో గోపీచంద్‌ కొత్త లుక్స్‌ను విడుదల చేశారు. ఈ సినిమా టాకీ పార్ట్‌ పూర్తయింది. పాటలను విదేశాల్లో చిత్రీకరించడానికి ప్లాన్‌ చేస్తున్నారు. డబ్బింగ్‌ కార్యక్రమాలు ప్రారంభమయ్యాయి. సెప్టెంబర్‌లో ఈ సినిమాను విడుదల చేయాలను కుంటున్నారు. ఏకే ఎంటర్‌టైన్‌మెంట్స్‌ పతాకంపై రామబ్రహ్మం సుంకర నిర్మిస్తున్నారు. అజయ్‌ సుంకర, అభిషేక్‌ అగర్వాల్‌ సహ–నిర్మాతలు. ఈ చిత్రానికి ఎగ్జిక్యూటివ్‌ ప్రొడ్యూసర్‌: కిషోర్‌ గిరికిపాటి.

అవును.. తాను అనుకున్న లక్ష్యాన్ని చేరుకోవడానికి వ్యూహాలు పన్నుతున్నారు గోపీచంద్‌. మరి.. ఈ వ్యూహాలు ఎంత వరకు సఫలం అయ్యాయి? అతనికి ఎదురైన అడ్డంకులు ఏంటి? అనే ఆసక్తికర అంశాలు ప్రస్తుతానికి సస్పెన్స్‌. గోపీచంద్‌ హీరోగా తిరు దర్శకత్వంలో ఓ సినిమా రూపొందుతోంది. ఈ చిత్రానికి ‘చాణక్య’ అనే టైటిల్‌ను ఖరారు చేశారు. ఇందులో మెహరీన్, జరీనా ఖాన్‌ కథానాయికలుగా నటిస్తున్నారు. ఎ.కె.ఎంటర్‌టైన్మెంట్స్‌ పతాకంపై రామబ్రహ్మం సుంకర నిర్మిస్తున్నారు. ఈ సినిమా టైటిల్‌ లోగోను దర్శక–నిర్మాతలు ఆదివారం ఆవిష్కరించారు. ‘‘యాభై శాతానికి పైగా చిత్రీకరణ ముగిసింది. ప్రస్తుతం హైదరాబాద్‌లో షూటింగ్‌ జరుగుతోంది. త్వరలోనే ఫస్ట్‌లుక్‌ను విడుదల చేస్తాం’’ అని చిత్రబృందం పేర్కొంది. ఈ చిత్రానికి సహ నిర్మాతలు: అజయ్‌ సుంకర, అభిషేక్‌ అగర్వాల్, సంగీతం: విశాల్‌ చంద్రశేఖర్, ఎగ్జిక్యూటివ్‌ ప్రొడ్యూసర్‌: కిషోర్‌ గరికపాటి, మాటల రచయిత: అబ్బూరి రవి.  

విలన్ల పని పట్టడానికి రెడీ అవుతున్నారు గోపీచంద్‌. అందుకు ఆయన ఓ ప్లాన్‌ వేశారట. ఆ ప్లాన్‌ని వెండితెరపై చూడాల్సిందే. గోపీచంద్‌ హీరోగా తిరు దర్శకత్వంలో ఓ సినిమా తెరకెక్కుతున్న సంగతి తెలిసిందే. ఈ చిత్రంలో మెహరీన్, జరీన్‌ఖాన్‌ కథానాయికలుగా నటిస్తున్నారు. అనిల్‌ సుంకర నిర్మిస్తున్నారు. ఈ సినిమా తొలి షెడ్యూల్‌ చిత్రీకరణ ఆ మధ్య రాజస్తాన్‌లో జరిగిన సంగతి తెలిసిందే. అక్కడ ఓ యాక్షన్‌ సీన్‌లో భాగంగా గోపీచంద్‌ గాయపడటంతో ఈ సినిమాకు బ్రేక్‌ పడిన విషయం గుర్తుండే ఉంటుంది. తాజాగా ఈ సినిమా నెక్ట్స్‌ షెడ్యూల్‌ వచ్చే నెల 6న హైదరాబాద్‌లో స్టార్ట్‌ కానున్నట్లు తెలిసింది. ఈ షెడ్యూల్‌లో యాక్షన్‌ సన్నివేశాలను ప్లాన్‌ చేశారని సమాచారం. ఈ సినిమా కాకుండా బిన్ను సుబ్రహ్మణ్యం దర్శకత్వంలో గోపీచంద్‌ హీరోగా ఓ సినిమా తెరకెక్కనుంది. ఈ సినిమాను బీవీఎస్‌ఎన్‌ ప్రసాద్‌ నిర్మించనున్నారు.

యాక్షన్‌ మోడ్‌ నుంచి రొమాంటిక్‌ మోడ్‌లోకి మారిపోయారు గోపీచంద్‌. ఇండియా పాకిస్థాన్‌ బోర్డర్‌లో విలన్స్‌తో ఫైటింగ్‌ చేసిన ఆయన ప్రస్తుతం హీరోయిన్స్‌తో డ్యూయెట్స్‌ పాడటానికి సిద్ధమయ్యారు. తిరు దర్శకత్వంలో గోపీచంద్‌ హీరోగా ఓ యాక్షన్‌ థ్రిల్లర్‌ చిత్రం తెరకెక్కుతోంది. అనిల్‌ సుంకర నిర్మిస్తున్న ఈ సినిమాలో గూఢచారి (స్పై) పాత్రలో గోపీచంద్‌ నటిస్తున్నారు. స్పైగా పాకిస్థాన్‌ బార్డర్‌లో 45 రోజులు పోరాటాలు చేశారు. ఇప్పుడు ఆ గూఢచారికి జోడీ కుదిరింది. గోపీచంద్‌ సరసన మెహరీన్‌ హీరోయిన్‌గా నటించనున్నారు.  ‘ఎఫ్‌ 2’ తర్వాత మెహరీన్‌ చేయబోతున్న తెలుగు సినిమా ఇదే. ఆల్రెడీ ‘పంతం’ సినిమాలో గోపీచంద్, మెహరీన్‌ జంటగా నటించిన సంగతి తెలిసిందే. ఈ సినిమాతో ఈ కాంబినేషన్‌ మరోసారి రిపీట్‌ కానుంది. భారీ బడ్జెట్‌తో తెరకెక్కుతున్న ఈ సినిమాలో బాలీవుడ్‌ హీరోయిన్‌ జరీనా ఖాన్‌ కీలక పాత్ర చేస్తున్నారు. ఈ ఏడాది చివర్లో ఈ చిత్రం విడుదలకానుందట.

సౌత్‌ సినిమాలు కూడా సంచలన విజయాలు సాధిస్తుండటంతో బాలీవుడ్ స్టార్స్‌ సౌత్ సినిమాల మీద దృష్టి పెడుతున్నారు. ఇప్పటికే బాలీవుడ్ నటులు తెలుగు, తమిళ సినిమాల్లో ప్రతినాయక పాత్రలో నటించేందుకు ముందుకు వస్తుండగా ఇప్పుడు హీరోయిన్లు కూడా సౌత్ సినిమాల వైపు చూస్తున్నారు. తాజాగా ఈ లిస్ట్‌లో జరీన్‌ ఖాన్‌ కూడా చేరేందుకు రెడీ అవుతోంది. సల్మాన్ ఖాన్‌ హీరోగా తెరకెక్కిన వీర్‌ సినిమాతో వెండితెరకు పరిచయం అయిన జరీన్‌ ఖాన్‌, అనుకున్న స్థాయిలో సక్సెస్‌ సాధించలేకపోయింది. హేట్ స్టోరి 3 లాంటి సినిమాలో గ్లామర్‌ రోల్‌లో కనిపించినా కెరీర్‌కు పెద్దగా ఉపయోగపడలేదు. దీంతో సక్సెస్‌ కోసం సౌత్ సినిమాల మీద దృష్టి పెట్టింది ఈ బ్యూటి. ప్రస్తుతం గోపిచంద్ హీరోగా తమిళ దర్శకుడు తిరు తెరకెక్కిస్తున్న  సినిమాలో జరీన్‌ ఖాన్‌ హీరోయిన్‌గా నటించనుందన్న టాక్‌ వినిపిస్తోంది. ఇప్పటికే ఈ సినిమాలో రాశీఖన్నాను ఒక హీరోయిన్‌గా ఫైనల్‌ గా చేయగా మరో హీరోయిన్‌ పాత్రకు జరీన్‌ను తీసుకునే ఆలోచనలో ఉన్నారు చిత్రయూనిట్‌.

హిందీతో పాటు తమిళ, పంజాబీ చిత్రాలతో హీరోయిన్‌గా మంచి గుర్తింపు తెచ్చుకున్న నటి జరీన్‌ ఖాన్‌. గోవాలో ఈ నటి ప్రయాణిస్తున్న కారు ఢీ కొనడంతో ఓ యువకుడు తీవ్రగాయాలతో మృతి చెందాడు. బైక్‌ పై వెళుతున్న వ్యక్తికి హెల్మెట్ పెట్టుకోకపోవటంతో తలకు తీవ్ర గాయమైంది. వెంటనే స్పందించిన జరీన్‌ ఆ యువకుడిని ఆసుపత్రిలో చేర్పించినా ఫలితం లేకుండా పోయింది. ఆ వ్యక్తి చికిత్స పొందుతూ మరణించాడు. జరీన్‌ కారు డ్రైవర్‌పై యాక్సిడెంట్‌ కేసు నమోదు చేసిన పోలీసులు విచారణ చేస్తున్నారు. సల్మాన్‌ ఖాన్ హీరోగా 2010లో తెరకెక్కిన ‘వీర్’ సినిమాతో జరీన్ ఖాన్ వెండితెరకు పరిచయం అయ్యారు. ఈ ఏడాది మొదట్లో విక్రమ్‌భట్ దర్శక నిర్మాతగా తెరకెక్కించిన 1921 సినిమాలో జరీన్‌ నటించారు.

సాక్షి, ముంబై: ‘నువ్వు కచ్చితంగా నీ తల్లిదండ్రులను గౌరవించవు. నీకు పూర్తిగా పిచ్చి పట్టింది. నీ గురించి ఏమనుకుంటున్నావ్‌? నువ్వు ఎవరికి తెలుసు? ఇప్పుడే ఇక్కడే చెంపదెబ్బ కొట్టమంటావా? నా చెయ్యి చూశావా? ఇది నీ ముఖం కంటే పెద్దదిగా ఉంది. ఈ చేతితో దెబ్బ కొడితే నీ దవడ పగలడం ఖాయమ’ని బాలీవుడ్‌ హీరోయిన్‌ జరీన్‌ ఖాన్ టీవీ కార్యాక్రమంలో గట్టి హెచ్చరిక చేసింది. సోషల్‌ మీడియాలో తనపై అభ్యంతరకర వ్యాఖ్యలు చేసిన 23 ఏళ్ల యువకుడికి ఎంటీవీ ‘ట్ర్రోల్‌ పోలీస్‌’ షోలో వార్నింగ్‌ ఇచ్చింది. సోషల్ మీడియాలో సెలబ్రిటీలపై అనుచిత వ్యాఖ్యలు చేసే వారిని ఈ కార్యక్రమానికి తీసుకొచ్చి బ్రెయిన్‌వాష్‌ చేస్తున్నారు. ‘ట్ర్రోల్‌ పోలీస్‌’లో తాప్సి ఎపిసోడ్‌ చూసిన తర్వాత ఎంటీవీని సంప్రదించి తాను ఈ షోలో పాల్గొనట్టు జరీన్‌ ఖాన్ వెల్లడించింది. సోషల్‌ మీడియాలో అకారణంగా తమపై దూషణలకు దిగేవారికి తగిన గుణపాఠం చెప్పేందుకు ఈ కార్యక్రమం ఉపయోగపడుతుందని తెలిపింది. సామాజిక మాధ్యమాల్లో అసభ్య వ్యాఖ్యలు చేసే వారు దాక్కోలేరని, ఎక్కడున్నా దొరికిపోతారని ‘హేట్‌ స్టోరీ 3’  హీరోయిన్‌ హెచ్చరించింది. అనవసర విషయాల్లో తలదూర్చి జీవితాలు నాశనం చేసుకోవద్దని, ఇకనైనా బుద్ధిగా ఉండాలని సలహాయిచ్చింది. జరీన్‌ ఖాన్‌ ఇన్‌స్టాగ్రామ్‌లో పెట్టిన ఈ వీడియో వైరల్‌గా మారింది.