బెంగళూరు: కర్ణాటక రాజకీయాల్లో ఆసక్తిగా ఎదురుచూస్తున్న అధికార మార్పిడికి సంబంధించిన చర్చలు ముమ్మరమయ్యాయి. ఉప ముఖ్యమంత్రి డి.కె. శివకుమార్ శనివారం ఉదయం ముఖ్యమంత్రి సిద్ధరామయ్యతో అల్పాహారం విందు చేశారు. 2026, మార్చి, ఏప్రిల్ నాటికి సిద్ధరామయ్య నుండి శివకుమార్‌కు ముఖ్యమంత్రి పీఠం బదిలీ అయ్యేలా ఫార్ములా రూపొందించినట్లు సమాచారం. త్వరలో ఈ వివరాలను ఇద్దరు నేతలు వెలువరించే అవకాశం ఉందని విశ్వసనీయ వర్గాలు తెలిపాయి. అంతవరకు శివకుమార్ డిప్యూటీగా కొనసాగనున్నారు. కాంగ్రెస్ కేంద్ర నాయకత్వం కర్ణాటకలో బహిరంగ విభేదాలను కోరుకోవడం లేదు. ముఖ్యమంత్రి సిద్ధరామయ్య లాంటి సుదీర్ఘ అనుభవం ఉన్న నాయకుడిని హఠాత్తుగా తొలగించడం పార్టీకి నష్టం కలిగిస్తుందనే ఉద్దేశంతో సమాలోచనలు జరుపుతోంది.ಉಪಮುಖ್ಯಮಂತ್ರಿಗಳಾದ ಡಿ.ಕೆ.ಶಿವಕುಮಾರ್ ಅವರ ಜೊತೆ ಬೆಳಗ್ಗಿನ ಉಪಹಾರ ಸೇವಿಸುತ್ತಾ, ಕೆಲಹೊತ್ತು ಮಾತುಕತೆ ನಡೆಸಿದೆ. @DKShivakumar pic.twitter.com/7ak3xFjatL— Siddaramaiah (@siddaramaiah) November 29, 2025సమావేశం తర్వాత ఇద్దరు నేతలు సోషల్ మీడియాలో చేసిన పోస్టులు అంతా సవ్యంగానే ఉందనే సందేశాన్ని పంపాయి. ముఖ్యమంత్రి సిద్ధరామయ్య ‘ఎక్స్‌’లో, "నేను డి.కె. శివకుమార్‌తో అల్పాహారం తీసుకున్నాను" అని పోస్ట్ చేయగా, శివకుమార్ మరింత లోతైన అర్థాన్నిచ్చేలా, ‘ఈ ఉదయం కావేరి నివాసంలో అల్పాహార సమావేశం కోసం ముఖ్యమంత్రి సిద్ధరామయ్యను కలిశాను. కర్ణాటక ప్రాధాన్యతలు, ముందుకు సాగే మార్గంపై చర్చ జరిగింది’ అని రాశారు. ఈ అల్పాహార సమావేశంలో ఉప్మా, ఇడ్లీ, కేసరి బాత్ స్వీకరిస్తున్న ఇద్దరు నేతల ఫోటో.. వారి మధ్య సత్సంబంధాలు ఉన్నాయని సూచిస్తోంది. ಮಾನ್ಯ ಮುಖ್ಯಮಂತ್ರಿಗಳಾದ ಶ್ರೀ ಸಿದ್ದರಾಮಯ್ಯ ಅವರನ್ನು ಇಂದು ಅವರ ಕಾವೇರಿ ನಿವಾಸದಲ್ಲಿ ಭೇಟಿಯಾಗಿ ಉಪಾಹಾರ ಸಭೆ ನಡೆಸಲಾಯಿತು.Met Hon’ble CM Shri @siddaramaiah avaru at Cauvery Residence this morning for a breakfast meeting. A productive discussion on Karnataka’s priorities and the road ahead. pic.twitter.com/qhe7q5RNvi— DK Shivakumar (@DKShivakumar) November 29, 2025ఈ రాజీ ఫార్ములాకు శివకుమార్ అంగీకరించేందుకు అనేక బలమైన కారణాలు ఉన్నాయని వర్గాలు తెలిపాయి. ముఖ్యంగా పునర్వ్యవస్థీకరణలో ఆయన విధేయులకు మరిన్ని క్యాబినెట్ పదవులు లభించనున్నాయి. ఆయన రాష్ట్ర కాంగ్రెస్ చీఫ్‌గా కొనసాగుతారు. ముఖ్యమంత్రిపై చర్య తీసుకునేందుకు ఆయనకు తగినంత సంఖ్యాబలం లేదు. దీంతో ప్రస్తుత పరిస్థితుల్లో శివకుమార్ పొందగలిగే ఉత్తమ ఒప్పందం ఇదేనని భావన ఉంది. కులం లెక్కల దృష్ట్యా, పార్టీ దృక్కోణం నుండి సిద్ధరామయ్యను తప్పించడం అంత సులభం కాదనే మాట వినిపిస్తోంది. ఆయన 'అహింద' (మైనారిటీలు, వెనుకబడిన తరగతులు,దళితులు) రాజకీయ కూటమికి అత్యంత శక్తివంతమైన నేతగా పేరొందారు. శివకుమార్ ఓబీసీ వొక్కలిగ సమాజానికి ప్రతినిధిగా ఉన్నారు. కాంగ్రెస్ ఈ నేతను కూడా దూరం చేసుకోలేదు. తాజా పరిణామాల నేపథ్యంలో పార్టీ కేంద్ర నాయకులను కలవడానికి శివకుమార్ శనివారం సాయంత్రం ఢిల్లీకి వెళ్లే అవకాశం ఉంది.

బెంగళూరు: కర్ణాటక ముఖ్యమంత్రి పదవి కోసం అటు సిద్ధరామయ్య, ఇటు డీకే శివకుమార్ మధ్య నెలకొన్న వివాదం కీలక దశకు చేరింది. తాజాగా రాష్ట్ర కాంగ్రెస్ అధ్యక్షుడు డీకే శివకుమార్ చేసిన వ్యాఖ్యలు కాంగ్రెస్ హైకమాండ్‌కు పరోక్ష హెచ్చరికలా మారాయి. ఒక కార్యక్రమంలో శివకుమార్‌ మాట్లాడుతూ మాటకున్న శక్తి ప్రపంచంలోనే అత్యంత గొప్పదని, వాగ్దానం నిలబెట్టుకోవడం అనేది అతిపెద్ద చర్య అని అన్నారు.ఈ వ్యాఖ్యలపై శివకుమార్‌ వర్గం తన అభిప్రాయం వెల్లడించింది. సీఎం పదవిని మార్చేందుకు గతంలో హైకమాండ్‌ ఇచ్చిన హామీని ఆయన గుర్తు చేశారని శివకుమార్‌ వర్గం చెబుతోంది. ఈ పరిణామాలు కర్ణాటక రాజకీయాల్లో అధికార మార్పు జరగనుందనే ఊహాగానాలకు మరింత బలం చేకూర్చాయి. శివకుమార్ శిబిరం నాయకత్వ మార్పు కోసం గట్టిగా పట్టుబడుతోంది. 2023 ఎన్నికల విజయం తరువాత సిద్ధరామయ్య ముఖ్యమంత్రిగా పదవీ బాధ్యతలు చేపట్టారు. అయితే నాడు హైకమాండ్‌ రొటేషన్‌ సీఎం పోస్టుకు అంగీకరించిందని శివకుమార్ మద్దతుదారులు చెబుతున్నారు.అయితే సిద్ధరామయ్య బృందం ఈ వాదనను తోసిపుచ్చింది. మరోవైపు గత రెండు వారాలుగా శివకుమార్ మద్దతుదారులోని పలువురు ఎమ్మెల్యేలు ఢిల్లీ పర్యటనలు చేయడం ఈ అధికార మార్పు చర్చలను మరింత పెంచింది. ఈ వివాదంపై వస్తున్న నివేదికల ప్రకారం కాంగ్రెస్ హైకమాండ్ త్వరలోనే ఈ ప్రతిష్టంభనకు ముగింపు పలకాలని యోచిస్తోంది. డిసెంబర్ ఒకటి లోపు కర్ణాటకలో నాయకత్వ మార్పు జరిగే అవకాశం ఉందని విశ్వసనీయ వర్గాల సమాచారం. ఈ అంశంపై కాంగ్రెస్ జాతీయ అధ్యక్షుడు మల్లికార్జున్ ఖర్గే మాట్లాడుతూ తాను, రాహుల్, సోనియా కలిసి ఈ అంశంపై నిర్ణయం తీసుకుంటామన్నారు.ముఖ్యమంత్రి సిద్ధరామయ్య కూడా ఈ సమస్యపై తుది నిర్ణయం హైకమాండ్‌దేనని అంగీకరించారు. ‘అంతిమంగా నిర్ణయం తీసుకునేది హైకమాండ్... ఈ గందరగోళానికి పూర్తి ముగింపు పలకడానికి, హైకమాండ్ నిర్ణయం తీసుకోవాలి’ అని ఆయన అన్నారు. మరోవైపు డీకే శివకుమార్.. ‘పార్టీకి ఇబ్బంది కలిగించడం లేదా బలహీనపరచడం తనకు ఇష్టం లేదని అన్నారు. అయితే డీకే శివకుమార్ చేసిన వ్యాఖ్యల దరిమిలా డిసెంబర్ ఒకటి గడువులోగా అధికార మార్పు జరగవచ్చనే ఊహాగానాలు కర్ణాటక రాజకీయాల్లో వినిపిస్తున్నాయి. ఇది కూడా చదవండి: అమెరికా: వీడని తుపాకీ హింస..

సాక్షి, బెంగళూరు: సీఎం సిద్ధరామయ్యపై కర్ణాటక హైకోర్టు ఆగ్రహం వ్యక్తం చేసింది. జూన్‌ 5న ఎం చిన్నస్వామి స్టేడియంలో క్రికెట్‌ అభిమానుల తొక్కిసలాటలో 11మంది దుర్మరణం చెందారు. ఈ దుర్ఘటనను హైకోర్టు సుమోటోగా స్వీకరించింది. మంగళవారం విచారణ చేపట్టింది. విచారణ సందర్భంగా తొక్కిసలాట మరణాలపై జవాబుదారీతనం, ఈ సంఘటనను ప్రభుత్వం నిర్వహించిన తీరు, దాని పర్యవసానాల గురించి పలు ప్రశ్నలను లేవనెత్తింది. ఈ సందర్భంగా సీఎం సిద్ధరామయ్య ప్రభుత్వంపై హైకోర్టు మండిపడింది.ఐపీఎల్-18లో ఆర్సీబీ విజయం సాధించింది. ఇందులో భాగంగా జూన్‌ 5న ఆర్సీబీ టీం విజయోత్సవ వేడుకలు బెంగళూరు చిన్నస్వామి స్టేడియంలో జరిగాయి. అయితే, ఈ వేడుకలు విషాదానికి దారితీశాయి. తమ అభిమాన క్రికెటర్లను వీక్షించేందుకు పరిమితి మించి పబ్లిక్‌ రావడం, తగు చర్యలు తీసుకోకపోవడంతో అభిమానుల మధ్య తొక్కిసలాట జరిగి 11 మంది ప్రాణాలు కోల్పోయారు. 50మందికి పైగా తీవ్రంగా గాయపడ్డారు. ఈ ఘటనను కర్ణాటక హైకోర్టు.. కర్ణాటక ప్రభుత్వానికి నోటీసులు జారీ చేసింది. ఘటనకు గల కారణాలు, భవిష్యత్తులో మరోసారి ఈ తరహా విషాదాలు భవిష్యత్తులో చోటు చేసుకోకుండా ఎలాంటి జాగ్రత్తలు తీసుకుంటున్నారో సమాధానం ఇవ్వాలని నోటీసుల్లో పేర్కొంది. జూన్‌ 10న కేసు విచారణ చేపట్టింది.ఇవాళ జరిగిన విచారణ సందర్భంగా కర్ణాటక ప్రభుత్వం తరుఫు వాదనలు వినిపించిన అడ్వకేట్‌ జనరల్‌(ఏజీ)ను పలు ప్రశ్నలు సంధించింది. తొక్కిసలాట ఘటనపై విచారణను సెంట్రల్‌ క్రైమ్‌ బ్రాంచ్ (సీసీబీ)‌ ‌ నుంచి క్రైమ్‌ ఇన్వెస్టిగేషన్‌ డిపార్ట్‌మెంట్‌(సీఐడీ)కి బదిలీ చేసింది. సీసీబీ ఇప్పటికే నిందితుణ్ని అరెస్ట్‌ చేసింది.కర్ణాటక ప్రభుత్వానికి కర్ణాటక హైకోర్టు తొమ్మిది ప్రశ్నలు 1.ఆర్సీబీ సెలబ్రేషన్స్ నిర్వహించాలని ఎప్పుడు? ఎక్కడ నిర్ణయం తీసుకున్నారు? ‌2.ట్రాఫిక్ కంట్రోల్ చేయడానికి ఎలాంటి చర్యలు తీసుకున్నారు?3.పబ్లిక్‌ని,క్రౌడ్‌ను కంట్రోల్‌ చేయడానికి ఎలాంటి చర్యలు తీసుకున్నారు?4.ఆర్సీబీ విజయోత్సవ వేడుకలకు స్టేడియం దగ్గర మెడికల్‌ ఎమర్జెన్సీ ఏర్పాట్లు చేశారు?5.వేడుక జరిగే సమయంలో ఎంతమంది ఉండవచ్చు అనే దానిపై ముందస్తుగా ఏదైనా అంచనా వేశారా? 6.గాయపడిన వారికి వెంటనే వైద్య సహాయం అందించారా? లేకపోతే ఎందుకు?7. గాయపడిన వారిని ఆసుపత్రులకు తీసుకెళ్లడానికి ఎంత సమయం పట్టింది?8.ఈ తరహా వేడుకలు నిర్వహణ సమయంలో 50వేలు అంతకంటే ఎక్కువ మంది జనసమూహాన్ని నిర్వహించడానికి ఏదైనా ఎలాంటి విధానాన్ని అవలబించారు? రూపొందించబడిందా?9. ఈ కార్యక్రమాన్ని నిర్వహించడానికి ఏదైనా అనుమతి కోరారా?ఈ ప్రశ్నలకు ప్రభుత్వం తన సమాధానాలను సీల్డ్‌ కవర్‌లో అందించాలని కర్ణాటక ప్రభుత్వానికి ఆదేశాలు జారీ చేసింది. అనంతరం కర్ణాటక ప్రభుత్వం తరుఫున ఏజే కోర్టులో తన వాదనల్ని వినిపించారు. నిందితులు తమ అరెస్టుల చట్టబద్ధతను సవాలు చేయడానికి, ఉపశమనం పొందడానికి దర్యాప్తు, అరెస్టు సంస్థల మధ్య వ్యత్యాసాన్ని ఉదహరిస్తున్నారని తెలిపారు. ఈ కారణంగా తొక్కిసలాటపై బహిరంగ కోర్టులో మరిన్ని వివరాలను వెల్లడించలేమని అన్నారు.సోమవారం, తొక్కిసలాటకు సంబంధించి అరెస్టయిన రాయల్ ఛాలెంజర్స్ బెంగళూరు ప్రతినిధి నిఖిల్ సోసలే తన అరెస్టు చట్టవిరుద్ధమని కోర్టుకు తెలిపారు. ఈవెంట్ నిర్వహించిన డీఎన్‌ఏ ఎంటర్‌టైన్‌మెంట్‌ నెట్‌వర్క్స్ ప్రైవేట్ లిమిటెడ్ తన పిటిషన్‌లో సీఎం సిద్ధరామయ్యతో సహా పలువురు ప్రముఖుల్ని కార్యక్రమానికి ఆహ్వానించారని పేర్కొంది. వాటికి స్పందించేందుకు ఏజే సమయం కోరారు. ఇరు పక్షాల వాదనలు విన్న కోర్టు కేసు విచారణను వాయిదా వేసింది. Shocking visuals from RCB event — people carried off after stampede, organisers failed miserably. pic.twitter.com/6RqfONWjDJ— South Asian Digest (@SADigestOnline) June 4, 2025

హీరోయిన్‌ ప్రణీత గుర్తుందా..? ‘అమ్మో బాపు గారి బొమ్మో..’ అంటూ ‘అత్తారింటికి దారేది’ సినిమాలో పవన్‌ కల్యాణ్‌ని తన చుట్టూ తిప్పుకున్న ఈ బ్యూటీ..ఇప్పుడు ఇద్దరు పిల్లల తల్లి. కెరీర్‌ పీక్స్‌లో ఉండగానే 2021లో వ్యాపారవేత్త నితిన్‌ రాజును వివాహం చేసుకొని సినిమాలకు గుడ్‌బై చెప్పింది. ఇప్పటికే ఈమెకు ఒక పాప ఉండగా.. రీసెంట్‌గా ఒక బాబుకు కూడా జన్మనిచ్చింది.సోషల్ మీడియాలో యాక్టివ్‌గా ఉంటూ తన వ్యక్తిగత విషయాలను అభిమానులతో పంచుకునే ప్రణీత, తాజాగా సీఎం సిద్ధరామయ్యతో కలిసి దిగిన ఫోటోలను షేర్ చేసింది. “మా కొడుకు నామకరణ కార్యక్రమానికి కర్ణాటక గౌరవనీయ ముఖ్యమంత్రి సిద్ధరామయ్య గారిని కలవడం, ఆహ్వానించడం ఆనందంగా ఉంది” అని ఆమె పోస్ట్‌లో రాసుకొచ్చారు. ఈ పోస్ట్ సోషల్ మీడియాలో వైరల్‌గా మారగా, కొంతమంది నెటిజన్లు ‘సూపర్’ అంటూ కామెంట్స్ చేయగా..మరికొంతమంది ‘బారసాలకు కూడా సీఎంని ఆహ్వానించడం ఏంటి? అని ట్రోల్‌ చేస్తున్నారు. కాగా, ప్రణీతకు సిద్ధరామయ్య కుటుంబంతో సన్నిహిత సంబంధాలు ఉన్నాయి. ఆమె తరచూ వారి కుటుంబ సభ్యులను కలుస్తూ ఉంటారు. ఈ ఆహ్వానంతో ప్రణీత మరోసారి వార్తల్లో నిలిచారు.ప్రణీత సినీ కెరీర్‌ విషయానికొస్తే.. “పోర్కి”తో సినీ రంగంలో అడుగుపెట్టారు. ఆ తర్వాత తెలుగులో ‘ఏం పిల్లో ఏం పిల్లడో’ సినిమాతో హీరోయిన్‌గా పరిచయమయ్యారు. “బావ” (2010), “అత్తారింటికి దారేది” (2013) వంటి తెలుగు చిత్రాలతో ఆమె విశేషమైన గుర్తింపు పొందారు. ముఖ్యంగా “అత్తారింటికి దారేది”లో పవన్ కల్యాణ్ సరసన నటించిన ప్రణవీ పాత్ర ఆమెకు విపరీతమైన పేరు తెచ్చిపెట్టింది. తమిళంలో “సగాప్తం” (2014), కన్నడంలో “బ్రహ్మ” (2014) వంటి చిత్రాల్లో కూడా నటించారు. ఆమె కెరీర్‌లో మొత్తం 20కి పైగా సినిమాల్లో పనిచేశారు. View this post on Instagram A post shared by Pranita Subhash (@pranitha.insta)

కర్ణాటక ముఖ్యమంత్రి సిద్ధ రామయ్య 2025-26కు సంబంధించిన రాష్ట్ర బడ్జెట్‌ను అసెంబ్లీలో ప్రవేశపెట్టారు. తాజాగా రూ. 4,08,647 కోట్ల బడ్జెట్‌ను సభలో ప్రస్తావించారు. అయితే, కర్ణాటక సినీ, సాంస్కృతిక కార్యకర్తల (సంక్షేమం) బిల్లును రాష్ట్ర ప్రభుత్వం గతంలోనే అసెంబ్లీలో ప్రవేశపెట్టిన విషయం తెలిసిందే. ఇందులో సినిమా టికెట్లు, ఓటీటీ సబ్‌స్క్రిప్షన్‌ ధరలతో పాటు సినీ రంగంలో ఇతర ఆదాయ వనరులపై సెస్‌ విధించే ప్రణాళికల అంశాన్ని చర్చించారు. ఇప్పుడు సినీ రంగానికి సంబంధించి కొన్ని ముఖ్యమైన నిర్ణయాలను సిద్ధ రామయ్య ప్రభుత్వం తెరమీదకు తీసుకొచ్చింది.కర్ణాటక చిత్ర రంగాన్ని ప్రోత్సాహించేందుకు సినిమా టికెట్‌ ధరలను రూ.200గా ఉండాలని నిర్ణయించాలనుకున్నట్లు ముఖ్యమంత్రి చెప్పారు. అయితే, రాష్ట్రంలోని మల్టీప్లెక్స్‌లతో పాటు ఇతర థియేటర్స్‌లలో కూడా ఇదే రేటు ఉంటుందని ఆయన అన్నారు. అందరికీ అందుబాటులో ధరలు ఉండాలని ఈ నిర్ణయం తీసుకున్నామని సిద్ధ రామయ్య పేర్కొన్నారు. సినిమా విడుదల రోజే కాదు.. ప్రీమియర్‌ షోలు ప్రదర్శించినా ఇదే రేటుతో టికెట్లు ధరలు ఉండాలని ఆయన తెలిపారు. భారీ బడ్జెట్‌ పెట్టి చిత్రాలు నిర్మించినా సరే ఇక నుంచి టికెట్‌ ధర మాత్రం రూ. 200 మించి ఉండకూడదని చెప్పారు.కర్ణాటక సినిమా ఇండస్ట్రీ కోసం తాము ఎప్పటికీ ముందు ఉంటామని సీఎం అన్నారు. ఈ క్రమంలో మైసూర్‌లో ఒక భారీ ఫిలిం సిటీని నిర్మాస్తామని చెప్పారు. అందుకు గాను ప్రభుత్వం నుంచి 150 ఎకరాల భూమిని కేటాయిస్తున్నట్లు అసెంబ్లీలో ఆయన ప్రకటించారు. నిర్మాణం కోసం రూ. 500 కోట్ల బడ్జెట్‌ను కేటాయిస్తున్నట్లు కూడా చెప్పారు.

బెంగళూరు : కర్ణాటకలో రాజకీయ ప్రకంపనలు సృష్టించిన ముడా (muda scam) స్కాంలో కీలక పరిణామం​ చోటు చేసుకుంది. ముడాకు సంబంధించిన మనీలాండరింగ్ కేసులో కర్ణాటక సీఎం సిద్ధరామయ్యతో (cm siddaramaiah) పాటు ఇతరులకు చెందిన రూ.300 కోట్ల విలువైన 140 స్థిరాస్థుల్ని అటాచ్‌ చేసినట్లు ఎన్‌ఫోర్స్‌మెంట్ డైరెక్టరేట్ (enforcement directorate) ప్రకటించింది.మైసూరు అర్బన్ డెవలప్‌మెంట్ అథారిటీ (ముడా) భూ కేటాయింపుల్లో జరిగిన అవకతవకలపై మనీలాండరింగ్ విచారణలో భాగంగా స్థిరాస్థుల్ని ఈడీ అటాచ్‌ చేసుకుంది. అటాచ్ చేసిన ఆస్తులు రియల్ ఎస్టేట్ వ్యాపారులు, ఏజెంట్లుగా పనిచేస్తున్న వివిధ వ్యక్తుల పేరిట రిజిస్టరయినట్లు దర్యాప్తు సంస్థ తెలిపింది. ఈ సందర్భంగా.. ముడా భూకుంభకోణంలో సీఎం సిద్ధరామయ్య సతీమణికి భారీ లబ్ధి కలిగిన విషయాన్ని కూడా ఈడీ స్పష్టం చేసింది. సిద్ధరామయ్య భార్య బీఎం పార్వతి నుంచి ముడా 3 ఎకరాల 16 గుంటల భూమిని మొదట రూ.3,24,700కు సేకరించిందని తెలిపింది. ఆ తర్వాత ఖరీదైన ప్రాంతంలో 14 స్థలాలను పరిహారంగా ఇచ్చిందని, వీటి విలువ రూ.56 కోట్లు ఉంటుందని వెల్లడించింది. బినామీల పేరుతో బీఎం పార్వతికి అక్రమంగా ముడా భూముల్ని కేటాయించడంలో నాటి ముడా మాజీ కమిషనర్ డిబి నటేష్ కీలకంగా వ్యవహరించినట్లు ఈడీ వెల్లడించింది.బీఎం పార్వతితో పాటు పలువురు రియల్‌ ఎస్టేట్‌వ్యాపారులకు స్థలాల్ని కేటాయించినట్లు తేల్చింది. ఫలితంగా ఆ స్థలాల్ని భారీ మొత్తానికి అమ్మేలా ఒప్పందం జరిగినట్లుగా ఆధారాల్ని స్వాధీనం చేసుకుంది. ముడా ప్లాట్ల కేటాయింపు ప్రముఖులు, రియల్‌ ఎస్టేట్‌ వ్యాపారుల బినామీలతో పాటు డమ్మీ వ్యక్తుల పేరు మీద జరిగినట్లు ఈడీ ఆరోపించింది.సోదాల్లో తమకు ప్లాట్లు కేటాయించినందుకు ప్రతిఫలంగా పలువురు అప్పటి ముడా చైర్మన్‌, ముడా కమీషనర్‌కు భారీ మొత్తంలో స్థిరాస్తుల్ని కట్టబెట్టినట్లుగా తమకు పలు ఆధారాలు లభించినట్లు ఈడీ అధికారులు వెల్లడించారు.కాగా, గతంలో ముడా కమిషనర్‌గా పనిచేసిన జీటీ దినేష్‌కుమార్‌ బంధువుల పేరిట ఆస్తులు, లగ్జరీ వాహనాలు ఇతర కొనుగోళ్లకు సంబంధించి సహకార సంఘం ద్వారా డబ్బు మళ్లించినట్లు తేలిందని ఈడీ ఆరోపించింది.ఏమిటీ ముడా వివాదం? సిద్ధరామయ్య మెడకు చుట్టుకున్న మైసూర్‌ అర్బన్‌ డెవలప్‌మెంట్‌ అథారిటీ (ముడా) భూ కేటాయింపు వివాదానిది మూడు దశాబ్దాల పై చిలుకు నేపథ్యం. మైసూరు జిల్లా కెసెరె గ్రామంలో సీఎం భార్య పార్వతికి 3 ఎకరాల 16 గంటల భూమి ఉంది. దేవనార్‌ 3ఫేజ్‌ లేఔట్‌ కోసం ముడా ఈ భూమిని సేకరించింది. పరిహారంగా 50:50 నిష్పత్తి పథకం కింద 2021లో మైసూర్‌లోని ఖరీదైన విజయనగర ప్రాంతంలో ఏకంగా 14 ఖాళీ ప్లాట్లను కేటాయించింది.‘‘పార్వతి నుంచి తీసుకున్న భూమి కంటే వీటి విలువ ఏకంగా రూ.45 కోట్లు ఎక్కువ. 50: 50 పథకంలోని లోపాలను వాడుకుని సిద్ధరామయ్య కుటుంబం ఎక్కువ ప్లాట్లను సొంతం చేసుకుంది’’ అంటూ అబ్రహాం అనే ఆర్టీఐ కార్యకర్త ఫిర్యాదు చేశాడు. కెసెరె భూమిని పార్వతికి ఆమె సోదరుడు మల్లికార్జున స్వామి బహుమతిగా ఇచ్చారని సిద్ధరామయ్య చెప్పగా ఇతరుల భూమిని అక్రమంగా లాక్కున్నట్టు విపక్షాలు ఆరోపిస్తున్నాయి. 2014లో పార్వతి పరిహారం కోసం దరఖాస్తు చేసుకున్నప్పుడు సిద్ధరామయ్యే సీఎం. ఆమెకు ప్లాట్లు కేటాయించాలని 2017లో ముడా నిర్ణయించింది.ఇది కచ్చితంగా అధికార దుర్వినియోగమేనని విపక్షాలంటున్నాయి. సిద్ధరామయ్య మాత్రం, ‘‘నేను సీఎంగా ఉన్నంతకాలం పరిహారమివ్వడం కష్టమని అధికారులు చెప్పారు. 2021లో బీజేపీ హయాంలో మళ్లీ దరఖాస్తు చేసుకుంటే ప్లాట్లు కేటాయించారు’’ అని వాదిస్తున్నారు.

బెంగళూరు: కర్ణాటకలో మైసూర్ నగరాభివృద్ధి సంస్థ (ముడా) స్కాంలో సీఎం సిద్ధరామయ్య చుట్టూ ఉచ్చు బిగుస్తోంది. ఇళ్ల స్థలాల కేటాయింపునకు సంబంధించిన ముడా స్కాంలో సిద్ధరామయ్య అవకతవకు పాల్పడ్డారని, ఆయన వెంటనే సీఎం పదవికి రాజీనామా చేయాలని ప్రతిపక్షాలు డిమాండ్‌ చేస్తున్నాయి.ఈ తరుణంలో సిద్ధరామయ్య సీఎం పదవికి రాజీనామా చేయాలని జనతాదళ్ (సెక్యులర్) అధినేత హెచ్‌డీ కుమారస్వామి డిమాండ్‌ చేశారు. అదే సమయంలో తన మిత్రపక్షమైన బీజేపీపై సైతం విమర్శలు గుప్పించారు. సిద్ధరామయ్య సీఎం పదవికి రాజీనామా చేయాలని బీజేపీ ఎందుకు డిమాండ్‌ చేయడం లేదని ప్రశ్నించారు. ఆయన ప్రధాని నరేంద్ర మోదీ కేబినెట్‌లో మంత్రా అని ప్రశ్నించారు. Mr. @siddaramaiah..Ughe Ughe to your 'Sidvilasa'Then: To escape from scams, you build a 'samadhi' for Lokayukta and formed ACB!Now: The same Lokayukta is a place you found to get rid of 'Mudahagaran'!!Isn't it Karma Mr siddaramaiah?ACB was also dismissed by the High Court…— ಹೆಚ್.ಡಿ.ಕುಮಾರಸ್ವಾಮಿ | H.D.Kumaraswamy (@hd_kumaraswamy) September 27, 2024మోదీ కేబినెట్‌లో కేంద్ర ఉక్కు, భారీ పరిశ్రమలశాఖ మంత్రి హెచ్‌డీ కుమారస్వామి.. ముఖ్యమంత్రిగా ఉన్న సిద్ధరామయ్య స్వయం ప్రతిపత్తి వ్యవస్థ లోకాయుక్తపై ఆంక్షలు విధించి..అవినీతి నిరోధక బ్యూరో (ఏసీబీ)ని ఏర్పాటు చేసే ప్రయత్నాలను ఆయన ఎత్తి చూపారు.కర్మ సిద్ధాంతం అంటే ఇదేగతంలో లోకాయుక్తాకు బదులు ఏసీబీని ఏర్పాటు చేయాలని సీఎం సిద్ధరామయ్య అనుకున్నారు. కానీ 2022లో హైకోర్టు రాష్ట్రంలో లోకాయుక్త లేదంటే ఏసీబీ ఏదో ఒకటి ఉండాలని తీర్పు ఇచ్చింది. దీనిపై కుమారస్వామి స్పందిస్తూ.. ఇది కర్మ కాదా..సిద్ధరామయ్య. లోకాయుక్త వద్దనుకున్నారు. ఇప్పుడు మీరు వద్దనుకున్న లోకాయుక్త ఆధ్వర్యంలో ముడా స్కామ్‌లో విచారణ ఎదుర్కోనున్నారు అంటూ సెటైర్లు వేశారు. చదవండి : ముడా స్కామ్‌లో సీఎం సిద్ధరామయ్యాకు చిక్కులు

బెంగళూరు: కర్ణాటకలో సంచలనం సృష్టించిన ముడా స్కామ్‌ కేసులో సీఎం సిద్ధరామయ్యకు షాక్‌ తగిలింది. ఈ కేసులో గవర్నర్‌ ఆదేశాలను సవాల్‌ చేస్తూ.. సిద్ధరామయ్య దాఖలు చేసిన పిటిషన్‌ను మంగళవారం కర్ణాటక హైకోర్టు కొట్టివేసింది. ముడా స్మామ్‌లో గవర్నర్‌ తీసుకున్న నిర్ణయాన్ని హైకోర్టు సమర్థించింది. ఇక.. గవర్నర్‌ ఆదేశాలను సీఎం సిద్ధరామయ్య హైకోర్టులో సవాల్‌ చేసిన విషయం తెలిసిందే. ఈ మేరకు తాజాగా హైకోర్టు తీర్పు వెల్లడించింది. బెంగళూరు సహా రాష్ట్ర వ్యాప్తంగా పోలీసులు కట్టుదిట్టమై భద్రత ఏర్పాటు చేశారు.మైసూరు పట్టణాభివృద్ధి ప్రాధికార సంస్థ(ముడా) భూముల కేటాయింపుల వివాదంలో.. ఖరీదైన భూములు ఆయన భార్య పార్వతికి దక్కేలా సిద్ధరామయ్య కుట్ర చేశారని సమాచార హక్కు చట్టం కార్యకర్తలు టీజే అబ్రహాం, ఎస్పీ ప్రదీప్, స్నేహమయి కృష్ణ చేసిన అభ్యర్థనపై రాష్ట్ర గవర్నర్‌ సంచలన నిర్ణయం తీసుకున్న విషయం తెలిసిందే. ఏకంగా ముఖ్యమంత్రిపై విచారణ చేపట్టేందుకు గవర్నర్‌ థావర్‌ చంద్‌ గెహ్లోత్‌ అనుమతి ఇవ్వటం కర్ణాటక రాజకీయల్లో సంచలనం సృష్టించింది. ఇదిలాఉండగా... సిద్ధరామయ్య భార్య పార్వతికి మైసూరులోని కేసరే గ్రామంలో 3 ఎకరాల భూమి ఉంది. దాన్ని ఆమె సోదరుడు మల్లికార్జున్ ఆమెకు బహుమతిగా ఇచ్చారు. అయితే, ఈ భూమిని అభివృద్ధి కోసం ముడా స్వాధీనం చేసుకుంది. పరిహారం కింద 2021లో పార్వతికి దక్షిణ మైసూరులోని ప్రధాన ప్రాంతమైన విజయనగర్‌లో 38,283 చదరపు అడుగుల ప్లాట్‌ను ప్రభుత్వం కేటాయించింది. పరిహారం కింది ఇచ్చిన ప్లాట్‌ మార్కెట్‌ విలువ కేసరేలో ఆమె నుంచి స్వాధీనం చేసుకున్న భూమికంటే ఎక్కువ అని బీజేపీ ఆరోపించింది. దీంతో ముడా కుంభకోణం తెరపైకి వచ్చింది.చదవండి: కర్ణాటకలో మరో కుంభకోణం కలకలం.. కోవిడ్ వేళ వెయ్యి కోట్ల స్కాం

కర్ణాటక సీఎం సిద్దరామయ్య సభలో భద్రతా వైఫల్యం చోటు చేసుకుంది. సభలోకి ఓ అగంతకుడు దూసుకొచ్చాడు. వెంటనే అప్రమత్తమైన పోలీసులు సదరు వ్యక్తిని అదుపులోకి తీసుకున్నారు. అసలు ఏం జరిగింది?కర్ణాటక అసెంబ్లీ ప్రాంగణంలో ప్రజాస్వామ్య దినోత్సవం సందర్భంగా ఒక వ్యక్తి భద్రతా వలయాన్ని దాటుకుని సీఎం సిద్ధరామయ్యకు శాలువా కప్పేందుకు ప్రయత్నించాడు. అయితే, ఆ వ్యక్తి వేదికపైకి రాకముందే పోలీసు అధికారులు అతన్ని వెంటనే పట్టుకున్నారు. ఆ వ్యక్తి ఎవరనేది ఇంకా నిర్ధారణకు రాలేదు. పోలీసుల ప్రాథమిక దర్యాప్తులో ఆ వ్యక్తి సిద్ధరామయ్య అభిమాని అని, శాలువతో సత్కరించాలని సీఎం వద్దకు వచ్చినట్లు తెలుస్తోంది.కాగా,సీఎం సభలో భద్రతా వైఫల్యంపై విమర్శలు వెల్లువెత్తుతుండగా..అగంతకుడిపై కేసు నమోదు చేసుకున్న పోలీసులు దర్యాప్తు ముమ్మరం చేస్తున్నారు. అతను ఎవరు? ఏం చేస్తుంటారో తెలుసుకునేందుకు ప్రయత్నిస్తున్నారు. 📍बेंगलुरुकर्नाटक के CM सिद्धारमैया की सुरक्षा में बड़ी चूक सामने आई है. दरअसल, एक कार्यक्रम के दौरान एक युवक भागते हुए उनके मंच पर पहुंच गया. जिसे कार्यक्रम में मौजूद सुरक्षाकर्मियों ने दबोचा लिया और मंच से नीचे उतारकर पुलिस के हवाले कर दिया.@siddaramaiah #Bengaluru… https://t.co/xKyZW4fVws pic.twitter.com/vDqbA1GEWf— Dainik Live (@Dainik_Live) September 15, 2024ఇదీ చదవండి : టీ తాగేందుకు రావాలని వైద్యులకు దీదీ ఆహ్వానం

సాక్షి, హైదరాబాద్‌: కర్ణాటకలో వాల్మీకి స్కాం తీగ లాగితే డొంకంతా తెలంగాణ కాంగ్రెస్‌ నేతల వైపు కదులుతోందని భారత్‌ రాష్ట్ర సమితి వర్కింగ్‌ ప్రెసిడెంట్, ఎమ్మెల్యే కేటీ రామారావు (కేటీఆర్‌) ఆరోపించారు. తెలంగాణలోని కీలకమైన కాంగ్రెస్‌ నేతల హస్తం ఈ వ్యవహారంలో ఉన్నట్లు ఆధారాలు లభిస్తున్నప్పటికీ ఎందుకు చర్యలు తీసుకోవడం లేదని నిలదీశారు. వాల్మీకి స్కామ్‌లో భారీగా అవినీతి జరిగిందని స్వయంగా కర్ణాటక ముఖ్యమంత్రి సిద్ధరామయ్యనే అసెంబ్లీలో అంగీకరించిన నేపథ్యంలో ఈ స్కామ్‌లో ఉన్న వారందరి పేర్లు బయటకు రావాల్సి ఉందన్నారు. బీఆర్‌ఎస్‌ పార్టీ యూట్యూబ్‌ చానల్‌ ద్వారా ఆదివారం కేటీఆర్‌ మాట్లాడుతూ వాల్మీకి స్కాంకు సంబంధించి పలు ప్రశ్నలు సంధించారు. రూ. 180 కోట్లు దారిమళ్లాయి.. ఎన్నికలకు ముందు దాదాపు రూ.180 కోట్ల ప్రభుత్వ సొమ్ము, ప్రభుత్వ అకౌంట్ల నుంచి ఏ కారణం లేకుండా అక్రమంగా దారి మళ్లిందని ఆయన ఆరోపించారు. ఈ సొమ్ము ఎవరి ఖాతాలోకి బదిలీ అయిందో ప్రజలకు తెలియాల్సిన అవసరం ఉందని, అందులో రూ.45 కోట్లు హైదరాబాద్‌లోని 9 బ్యాంకు ఖాతాలకు బదిలీ చేశారని, ఆ బ్యాంక్‌ ఖాతాలు ఎవరివో తేల్చాలని కేటీఆర్‌ డిమాండ్‌ చేశారు. ఈ వ్యవహారం బయటకు రాగానే వాల్మీకి కార్పొరేషన్‌ అకౌంట్స్‌ సూపరింటెండెంట్‌ ఆత్మహత్య చేసుకోవటం మరింత అనుమానాలకు తావిస్తోందన్నారు. వీ6 పేరుతో ఉన్న బిజినెస్‌ సంస్థకు రూ.4.5 కోట్లు బదిలీ చేసినట్లు వార్తలు వస్తున్నాయని, అసలు ఆ సంస్థ యాజమాని ఎవరో ప్రజల ముందుంచాలని అన్నారు. లోక్‌సభ ఎన్నికల్లో ఆ డబ్బే వాడారా? మొన్నటి పార్లమెంట్‌ ఎన్నికల్లో కాంగ్రెస్‌ పార్టీ ఈ డబ్బే వాడినట్లుందని కేటీఆర్‌ అనుమానం వ్యక్తం చేశారు. వాల్మీకి స్కాం వ్యవహారంలో హైదరాబాద్‌లో సిట్, సీఐడీ, ఈడీ దాడులు నిర్వహించినప్పటికీ సీఎం రేవంత్‌ సహా కాంగ్రెస్‌ నేతలు మీడియాలో ఆ వార్తలు బయటకు రాకుండా ఎందుకు అడ్డుకుంటున్నారని ప్రశ్నించారు. పార్లమెంట్‌ ఎన్నికల సమయంలో కొన్ని బార్లు, బంగారు దుకాణాల నుంచి భారీగా నగదు తీసుకొచ్చినట్టు సమాచారం ఉందని, ఆ బార్లు, బంగారం దుకాణాలను నడుపుతున్న వారితో కాంగ్రెస్‌ పారీ్టకి ఉన్న సంబంధం ఏమిటని ఆయన ప్రశ్నించారు. సిద్దిరామయ్యను తొలగిస్తే తెలంగాణ సర్కార్‌ కూలుతుందా? కర్ణాటక సీఎం సిద్దిరామయ్యను తొలగిస్తే తెలంగాణలో కూడా ప్రభుత్వం కూలిపోతుందని కర్ణాటక మంత్రి సతీష్‌ జారకిహోళి వ్యాఖ్యానించడం వెనుక ఆంతర్యం ఏమిటని కేటీఆర్‌ ప్రశ్నించారు. ఈ వాల్మీకి స్కాంతోనే కర్ణాటక, తెలంగాణ కాంగ్రెస్‌ నేతల మధ్య బంధం పెనువేసుకుందా అన్న అనుమానాన్ని ఆయన వ్యక్తం చేశారు. ఈ స్కాంలో తెలంగాణ కాంగ్రెస్‌ నేతలున్నట్లు ఆధారాలు కనబడుతున్నప్పటికీ ఈడీ ఎందుకు మౌనంగా ఉందో చెప్పాలని కేటీఆర్‌ డిమాండ్‌ చేశారు. పార్లమెంటులో అవినీతిపై పెద్ద ఎత్తున మాట్లాడే రాహుల్‌ గాంధీ ఈ వాల్మీకి స్కాం విషయమై ఎందుకు మౌనంగా ఉన్నారని ప్రశ్నించారు. వెంటనే రాహుల్‌ ఈ విషయంపై స్పందించాలని, మొత్తం వ్యవహారంలో ఉన్న పెద్ద చేపల పేర్లను బయట పెట్టాలని డిమాండ్‌ చేశారు.

కర్ణాటక మంత్రి, కాంగ్రెస్ నేత హెచ్ ఆంజనేయ కర్ణాటక సీఎం సిద్ధరామయ్యను శ్రీరామునితో పోల్చడం వివాదాస్పదంగా మారింది. రామాలయం విషయంలో బీజేపీ రాజకీయాలు చేస్తోందని, మత ‍ప్రాతిపదికన దేశ ప్రజలను బీజేపీ విభజిస్తోందని కాంగ్రెస్ నేత ఆంజనేయ ఆరోపించారు. కాగా కాంగ్రెస్‌ నేత చేసిన వ్యాఖ్యలకు బీజేపీ నేత బదులిచ్చారు.  హిందూ దేవుళ్లు, దేవతల గురించి ఆలోచించి మాట్లాడాలని బీజేపీ నేతలు హెచ్చరించారు. మీడియాతో మాట్లాడిన హెచ్‌ ఆంజనేయ నూతన రామాలయంలో బాలరాముని ప్రాణ ప్రతిష్ఠ కార్యక్రమానికి సీఎం సిద్ధరామయ్య అయోధ్యకు వెళ్లే విషయమై ప్రస్తావించారు. ఆయన (సిద్దరామయ్య) మా రాముడు.. అటువంటప్పుడు అయోధ్యలో జరిగే శ్రీరాముని విగ్రహ ప్రాణ ప్రతిష్ఠ కార్యక్రమంలో పాల్గొనేందుకు ఎందుకు వెళతారని అన్నారు. అతను తన స్వగ్రామంలోని రామ మందిరాన్ని సందర్శించడానికి వెళ్లగలరని అన్నారు. అక్కడ బీజేపీకి చెందిన రాముని విగ్రహం ప్రతిష్ఠిస్తున్నారు. బీజేపీ వాళ్లను మాత్రమే ఆహ్వానిస్తున్నారు. మా రాముడు మా హృదయాల్లోనే ఉన్నాడు. బీజేపీ ఎప్పుడూ ఇలాంటి పనులనే చేస్తుంది. మతం పేరుతో ప్రజలను విభజించి, ఒక నిర్దిష్ట వర్గాన్ని రెచ్చగొట్టి, వారి ఓట్లను దక్కించుకుంటుందని ఆరోపించారు. కాగా కాంగ్రెస్ నేత ఆంజనేయ వ్యాఖ్యలపై  బీజేపీ ఎదురుదాడికి దిగింది. బీజేపీ నేత బసనగౌడ పాటిల్ మాట్లాడుతూ..  కాంగ్రెస​్‌ నేతను ఉద్దేశించి హిందూ దేవుళ్ల గురించి ఆలోచించి మాట్లాడాలని అ‍న్నారు. ఇలాంటి హిందూ వ్యతిరేకులు మనకు మంత్రులు కావడం మన దురదృష్టం అంటూ ఘాటుగా విమర్శించారు. 

కర్ణాటకలో కాంగ్రెస్‌, బీజేపీ నేతల మధ్య మాటల యుద్ధం నడుస్తోంది. తాజాగా కర్ణాటక సీఎం సిద్ధరామయ్య, ఇతర మంత్రులు ఓ విలాసవంతమైన ప్రైవేటు జెట్‌లో ప్రయాణించడం విమర్శలకు దారి తీసింది. ఈ వీడియోపై బీజేపీ నేతలు ఆగ్రహం వ్యక్తం చేస్తున్నారు. దీంతో, కాంగ్రెస్‌ నేతలు సైతం ప్రధాని మోదీ, బీజేపీకి కౌంటరిస్తున్నారు. ఇంతకీ ఏం జరిగిందంటే.. కేంద్ర ప్రభుత్వం నుంచి కరువు సాయం కోరేందుకు ఢిల్లీ వెళ్లిన కర్ణాటక సీఎం సిద్ధరామయ్య హస్తిన నుంచి బెంగళూరుకు విలాసవంతమైన చార్టర్డ్ విమానంలో వచ్చారు. కర్ణాటక మంత్రి జమీర్‌ అహ్మద్‌ సిద్ధరామయ్యతో కలిసి విమాన ప్రయాణం వీడియోను సోషల్ మీడియాలో షేర్ చేసుకున్నారు. మంత్రి జమీర్ అహ్మద్ ట్విటర్‌లో ఓ వీడియోను షేర్ చేయడంతో రాష్ట్ర బీజేపీ నేతలు సీఎం సిద్ధరామయ్యను టార్గెట్ చేశారు.   Bengaluru: Responding to a question on the video of himself and Karnataka minister B Z Zameer Ahmed Khan travelling on a chartered flight, Karnataka CM Siddaramaiah says, "Ask BJP people in what Prime Minister Narendra Modi travels in." pic.twitter.com/3TvdXsSUZC — ANI (@ANI) December 22, 2023 ఇక, సీఎం సిద్ధరామయ్య ప్రైవేటు జెట్‌లో విహరిస్తున్నారంటూ ప్రతిపక్ష బీజేపీ విరుచుకుపడింది. రాష్ట్రం మొత్తం తీవ్ర కరవుతో అల్లాడుతోంది. వర్షాభావ పరిస్థితులతో పంటలు కోల్పోయి.. రైతులు సంక్షోభంలో కూరుకుపోయారు. మరోవైపు అభివృద్ధి పనులు నిలిచిపోయాయి. ఇటువంటి పరిస్థితుల్లో సీఎం, రాష్ట్ర మంత్రులు వారి సంపన్న, విలాసవంతమైన జీవనశైలిని ప్రదర్శిస్తున్నారు. పైగా.. కేంద్రం నుంచి కరవు సహాయక నిధుల అభ్యర్థన కోసం విలాసవంతమైన విమానంలో ప్రయాణించడం గమనార్హం. మన దురవస్థను అపహాస్యం చేయడమే ఇది. పన్ను చెల్లింపుదారుల డబ్బును విచ్చలవిడిగా ఖర్చు చేయడం కాంగ్రెస్‌ మంత్రులకు చాలా సులభం కర్ణాటక నేతలు తీవ్ర విమర్శలు చేశారు. On the one hand, Congress is pretending to crowdfund and didn’t even serve samosas in I.N.D.I Alliance meeting, on the other, Zameer Ahmed Khan, Cabinet Minister for Housing, Waqf and Minority Affairs in Karnataka Govt, is flaunting his pictures with CM Siddaramaiah in a private… pic.twitter.com/SkrLB5OdjI — Amit Malviya (@amitmalviya) December 22, 2023 కాగా, బీజేపీ నేతల విమర్శలను కాంగ్రెస్‌ గట్టిగా తిప్పి కొట్టింది. బీజేపీ నేతల ఆరోపణలపై సీఎం సిద్ధరామయ్య స్పందించారు. ఈ సందర్భంగా సిద్ధరామయ్య.. ‘ప్రధాన మంత్రి నరేంద్ర మోదీ ఏ విధంగా ప్రయాణిస్తారు? ఏ విమానంలో రాకపోకలు సాగిస్తారు? ఈ విషయం బీజేపీ నేతలను అడగండి’ అంటూ ఘాటు వ్యాఖ్యలు చేశారు. బీజేపీ నేతలు ఎప్పుడూ అసంబద్ధ వాదనలు చేస్తుంటారు. ఆపరేషన్ కమల్‌ ద్వారా సంకీర్ణ ప్రభుత్వాన్ని కూల్చివేసిన చరిత్ర బీజేపీ నాయకులకు ఉంది. ఆపరేషన్ కమల్‌ కోసం వందల కోట్ల రూపాయల డబ్బులు ఎవరు ఇచ్చారని, కాంగ్రెస్, జేడీఎస్ ఎమ్మెల్యేలను ప్రత్యేక విమానాల్లో ఢిల్లీ, ముంబై చుట్టు తిప్పడానికి విమానం ఎవరు ఇచ్చారని, వారాల తరబడి విలాసవంతమైన హోటళ్లలో బస చేసి సరదాగా గడిపిన ఎమ్మెల్యేల కోసం డబ్బులు ఎవరు ఖర్చు చేశారని ప్రశ్నించారు. బీజేపీ నాయకులు కూలీ పనులు చేసి ఆపరేషన్ కమల కోసం ఖర్చు చేశారా? అని నిలదీశారు. దీంతో, బీజేపీ నేతలకు గట్టి ఎదురుదెబ్బ తగిలింది. చదవండి: భారతీయ విద్యార్థి నాలుగేళ్లుగా మిస్సింగ్‌.. ఆచూకీ చెబితే 8 లక్షల రివార్డ్‌

విజయ్ సేతుపతి పేరు చెప్పగానే వెర్సటైల్ యాక్టర్ అనే పదం గుర్తొస్తుంది. ఎందుకంటే హీరోగా మాత్రమే చేస్తా, లేదంటే లేదు అని మడికట్టుకుని కూర్చోలేదు. హీరో, విలన్, క్యారెక్టర్ ఆర్టిస్ట్, గెస్ట్ రోల్.. ఇలా తనకు నచ్చిన ప్రతిదీ చేసుకుని పోయాడు. పాన్ ఇండియా లెవల్లో ప్రేక్షకుల్ని సంపాదించుకుంటున్నాడు. అలాంటి ఈ నటుడు ఇప్పుడు ఏకంగా సీఎం బయోపిక్‪‌లో ఛాన్స్ కొట్టేశాడట. సీఎం బయోపిక్ అనగానే ఏపీ ముఖ్యమంత్రి జగన్ మోహన్‌రెడ్డి జీవితం ఆధారంగా తీస్తున్న సినిమా అనుకుంటున్నారా? అయితే మీరు పొరబడినట్లే. ఎందుకంటే 'యాత్ర 2'లో ముఖ్యమంత్రి పాత్ర కోసం తమిళ నటుడు జీవా పేరు పరిశీలనలో ఉంది. బయటకు చెప్పట్లేదు కానీ దాదాపు ఇదే కన్ఫర్మ్ అని తెలుస్తోంది. ఇక విజయ్ సేతుపతి చేయబోయేది కర్ణాటక ప్రస్తుత ముఖ్యమంత్రి సిద్ధరామయ్య బయోపిక్‌లో అని టాక్. (ఇదీ చదవండి: సమంత ట్రీట్‌మెంట్ కోసం అన్ని కోట్ల ఖర్చు?) ఓ సామాన్యుడిలా మొదలైన సిద్ధరామయ్య ప్రయాణం.. ముఖ్యమంత్రి పీఠం వరకు ఎలా చేరింది అనేది రెండు భాగాల సినిమాగా తీయనున్నారు. అయితే హీరోగా దక్షిణాది నటుల్లో చాలామంది పేర‍్లు వినిపించినప్పటికీ ఫైనల్ గా విజయ్ సేతుపతి ఫిక్స్ అయ్యాడట. లాయర్, రాజకీయ జీవితంతోపాటు సిద్ధరామయ్య బ్రేకప్ స్టోరీ కూడా ఇందులో చూపించబోతున్నారట. ఈ బయోపిక్‌ని ఆర్ట్ ఫిల్మ్‌లా కాకుండా కమర్షియల్‌గా వర్కౌట్ అయ్యే విధంగా తీయబోతున్నారట. త్వరలో షూటింగ్ ప్రారంభించబోతున్న ఈ చిత్రానికి 'లీడర్ రామయ్య' పేరు ఖరారు చేశారు. కన్నడతోపాటు తెలుగు, తమిళ, మలయాళంలోనూ విడుదల చేయాలని ప్లాన్ చేస్తున్నారట. ఇదిలా ఉండగా విజయ్ సేతుపతి విలన్‌గా నటించిన 'జవాన్' వచ్చే నెలలో రిలీజ్ కానుంది. హిందీలో ఒకటి, తమిళంలో ఐదు సినిమాల్లో హీరోగా నటిస్తూ విజయ్ బిజీగా ఉన్నాడు. (ఇదీ చదవండి: హీరో విశ్వక్ సేన్‌తో గొడవపై 'బేబీ' డైరెక్టర్ క్లారిటీ!)

కర్ణాటక : ప్రజల్లో విద్వేషాలను రెచ్చగొట్టకుండా "పీస్‌ఫుల్ కర్నాటక" పేరుతో ఒక హెల్ప్‌లైన్‌ వ్యవస్థను ఏర్పాటు చేయాలని ముఖ్యమంత్రి సిద్ధరామయ్య, ఉపముఖ్యమంత్రి డీకే శివకుమార్, హోంమంత్రి డి పరమేశ్వర, ఐటీ & గ్రామీణాభివృద్ధి శాఖల మంత్రి ప్రియాంక్ ఖర్గేలకు విజ్ఞప్తి చేశారు వాణిజ్యం & పరిశ్రమలు, మౌలికసదుపాయాల శాఖల మంత్రి ఎంబి పాటిల్.  తేజస్వి యాదవ్ వ్యాఖ్యలు...  అంతకుముందు బెంగళూరు సౌత్ ఎంపీ, భారతీయ జనతా యువమోర్చా జాతీయ అధ్యక్షుడు తేజస్వీ సూర్య పార్టీ కార్యకర్తలపై దాడులు జరగకుండా రక్షణ కల్పించే ఉద్దేశ్యంతో బీజేపీ ఒక హెల్ప్‌లైన్‌ వ్యవస్థను ఏర్పాటు చేస్తుందని, రాష్ట్రంలో ఎక్కడైనా కార్యకర్తలపై తప్పుడు కేసులు నమోదు చేస్తే వెంటనే హెల్ప్ లైన్ ను ఆశ్రయించాలని కోరారు. తేజస్వి చేసిన ఈ వ్యాఖ్యలకు కౌంటర్ ఇస్తూ మినిష్టర్ కూడా అంతే దీటుగా స్పందించారు.  మినిష్టర్ పాటిల్ కౌంటర్...  ముఖ్యమంత్రి సిద్ధరామయ్య, ఉపముఖ్యమంత్రి డీకే శివకుమార్, హోంమంత్రి డి పరమేశ్వర, మంత్రి ప్రియాంక్ ఖర్గే గార్లకు మనవి. ప్రజల్లో విద్వేషాలను రెచ్చగొట్టకుండా చూసేందుకు వీలుగా "పీస్‌ఫుల్ కర్నాటక" పేరుతో హెల్ప్ లైన్ ఏర్పాటు చేసే విషయాన్ని పరిగణలోకి తీసుకోగలరు.తద్వారా ఎక్కడైనా ఎవరైనా ఇటువంటి చర్యలకు పాల్పడితే వెంటనే ట్రాక్ చేయడానికి వీలుగా ఉంటుంది. రాష్ట్ర అభివృద్ధి, పురోగతి సాధించి బ్రాండ్ కర్నాటకను రక్షించుకోవడమే మా ఎజెండా అని పాటిల్ ట్వీట్ చేశారు.

బనశంకరి: కర్ణాటక 24వ ముఖ్యమంత్రిగా సిద్దరామయ్య ఎన్నికకాగా 20వ తేదీన ప్రమాణస్వీకారం చేయనున్నారు. గతంలోనూ ఆయన ఐదేళ్లు పూర్తికాలం ముఖ్యమంత్రిగా పనిచేశారు. ఇప్పటివరకు ఐదేళ్లు అవధి ఆ పదవిలో ఉన్నది ముగ్గురు మాత్రమే. పలువురు ముఖ్యమంత్రులు అవధి పూర్తికాకముందే అధికారం కోల్పోయారు. మరికొందరు గడువు తీరకముందే ఎన్నికలు రావడంతో అవకాశం కోల్పోయారు. 2013 నుంచి 2018 వరకు సిద్దరామయ్య ముఖ్యమంత్రిగా ఐదేళ్లు పాటు పనిచేశారు. ఎస్‌.నిజలింగప్ప, దేవరాజ అరస్‌లు గతంలోనే పూర్తికాలం పదవిలో ఉండి సత్తా చాటుకున్నారు. తరువాత ఎంతోమంది సీఎంలు అయ్యారు కానీ సంక్షోభాలలో చిక్కుకుని, లేదా హైకమాండ్‌ చేత మధ్యలోనే పదవీచ్యుతులయ్యారు. మైసూరు సీఎం.. ఎస్‌.నిజలింగప్ప కర్ణాటక.. మైసూరు రాష్ట్రంగా ఉన్న సమయంలో ఎస్‌.నిజలింగప్ప ముఖ్యమంత్రిగా ఐదేళ్లు పాలించారు. 1956 నుంచి 1958 వరకు కాంగ్రేస్‌ ప్రభుత్వంలో రెండేళ్లు పాటు సీఎంగా పరిపాలన చేశారు. 1958లో బీడీ జత్తి సీఎంగా బాధ్యతలు స్వీకరించారు. మార్చి 14, 1962 నుంచి 20 జూన్‌ 1962 వరకు సీఎంగా ఎస్‌ఆర్‌ కంఠి ఎన్నికయ్యారు. జూన్‌ 21, 1962 నుంచి సీఎంగా ఎన్నికై న నిజలింగప్ప మే 29, 1968 వరకు ముఖ్యమంత్రిగా పూర్తికాలం పదవిలో ఉన్నారు. పథకాల్లో దేవరాజ్‌ అరస్‌ ముద్ర మైసూరు రాష్ట్రం కర్ణాటకగా మారిన తరువాత 1972 మార్చి 20 నుంచి కాంగ్రెస్‌ ప్రభుత్వంలో దేవరాజ అరస్‌ ముఖ్యమంత్రిగా ఆసీనులయ్యారు. ఐదేళ్లపాటు ఆయన జనరంజక పాలన అందించారు. వెనుకబడిన వర్గాల బాగు కోసం అనేక పథకాలను అమలు చేశారు. 1978 ఫిబ్రవరి 28న మరోసారి ముఖ్యమంత్రి అయి 1980 జనవరి 7 వరకు పదవిలో కొనసాగారు.

కాంగ్రెస్‌లో నిజానికి చాలా రోజుల తర్వాత ఆ పార్టీ ఎన్నికల పోరుకు పూర్తి సన్నద్ధతతో బరిలోకి దిగడం ఇదే మొదటిసారి. ఎన్నికల సంఘం కర్ణాటక ఎన్నికల షెడ్యూల్‌ను ప్రకటించడానికి ఓ వారం రోజుల ముందే కాంగ్రెస్‌ తొలి జాబితాను విడుదల చేసింది. నిత్యం అంతర్గత పోరుతో తలమునకలై ఉండే కాంగ్రెస్‌ పార్టీకి ఇది శుభ పరిణామం. తొలి జాబితాను ఎలాంటి భేదాభిప్రాయాలు లేకుండా సామరస్యపూర్వక వాతావరణంలో ప్రకటించడం కచ్చితంగా ఖర్గే వ్యవహార శైలికి అద్దం పడుతుంది. మాజీ ముఖ్యమంత్రి సిద్ధరామయ్య, ప్రస్తుత పీసీసీ అధ్యక్షుడు డీకే శివకుమార్‌ మధ్య ఉన్న చిరకాల భేదాభిప్రాయాలు ఈ ఎన్నికల్లో కర్ణాటక కాంగ్రెస్‌కు పెద్ద తలనొప్పిగా మారడం ఖాయమనుకున్నారు. ఎన్నికల వేళ పార్టీ వ్యవహారాలను చక్కదిద్దడంలో నిష్ణాతుడిగా పేరుగాంచిన ఖర్గే, ఏఐసీసీ అధ్యక్ష బాధ్యతలు చేపట్టిన నాటినుంచే వీరిద్దరి సంఘర్షణపై ఓ కన్నేసి ఉంచారు. సరిగ్గా షెడ్యూల్‌ ప్రకటించే సమయానికి ఇద్దరి మధ్య రాజీ కుదిర్చి ఎటువంటి వివాదలు రాకుండా చూసుకున్నారు. ఈసారి కచ్చితంగా కర్ణాలకలో పాగా వేయాలని ప్రయత్నిస్తున్న కాంగ్రెస్‌ పూర్తి వ్యూహ రచనతో బరిలోకి దిగుతోంది. Sno Name Of Constituencies Selected Candidates 1 Chikkodi-Sadalga Ganesh Hukkeri 2 Kagawad Bharmgoud Alagowda Kage 3 Kudachi - SC Mahendra K.Thammannavar 4 Hukkeri AB Patil 5 Yemkanmardi - ST Satish Laxmanrao Jarkiholi 6 Belgaum Rural Laxmi Ravindra Hebbalkar 7 Khanapur Dr Anjali Nimbalkar 8 Bailhongal Mahantesh Shivanand Koujalagi 9 Ramdurg Ashok M. Pattan 10 Jamkhandi Anand Siddu Nyamagouda 11 Hungund Vijayanand S. Kashappanavar 12 Muddebihal Appaji Alias CS Nadagowda 13 Basavana Bagevadi Shivanada Patil 14 Babaleswar MB Patil 15 Indi Yashvanth Rayagoud V Patil 16 Jevargi Dr Ajay Dharam Singh 17 Shorapur - ST Rajavenkatappa Naik 18 Shahpur Sharanabasappa Gowda 19 Chitapur - SC Priyank Kharge 20 Sedam Dr Sharanaprakash Patil 21 Chincholi - SC Subash V. Rathod 22 Gulbarga Uttar Kaneez Fatima 23 Aland BR Patil 24 Humnabad Rajashekar B Patil 25 Bidar South Ashok Kheny 26 Bidar Rahim Khan 27 Bhalki Eshwar Khandre 28 Raichur Rural - ST Basanagouda Daddal 29 Maski - ST Basanagouda Thurvihal 30 Kushtagi Amaregouda Patil Bayyapur 31 Kanakagiri - SC Shivaraj Sangappa Thangadagi 32 Yelburga Basavaraj Rayareddi 33 Koppal K. Raghavendra 34 Gadag H.K. Patil 35 Ron G.S Patil 36 Hubli-Dharwad-East - SC Prasad Abbayya 37 Haliyal R.V.Deshapande 38 Karwar Satish Krishna Sail 39 Bhatkal Mankal Subba Vidya 40 Hangal Srinivas V. Mane 41 Haveri - SC Rudrappa Lamani 42 Byadgi Basavaraj N. Shivannanar 43 Hirekerur U.B. Banakar 44 Ranibennur Prakash K. Koliwad 45 Hadagalli - SC P.T. Parameshwara Naik 46 Hagaribommanahalli - SC L.B.P. Bheema Naik 47 Vijayanagara H.R. Gaviyappa 48 Kampli - ST J.N. Ganesh 49 Bellary - ST B. Nagendra 50 Sandur - ST E. Thukaram 51 Challakere - ST T. Raghumurthy 52 Hiriyur D. Sudhakar 53 Hosadurga Govindappa B.G. 54 Davanagere North S.S. Mallikarjun 55 Davanagere South Shamanur Shivashankrappa 56 Mayakonda - SC K.S. Basavaraju Bhadravati 57 Bhadravati Sangameshwara B.K. 58 Sorab S. Madhu Bangarappa 59 Sagar Gopalakrishnna Bulur 60 Byndoor K Gopal Pujari 61 Kundapura M. Dinesh Hegde 62 Kapu Vinaya Kumar Sorake 63 Sringeri T.D. Rajegowda 64 Chikanayakanhalli Kiran Kumar 65 Tiptur K Shadakshari 66 Turuvekere Kanthraj B.M 67 Kunigal Dr H.D. Ranganath 68 Koratagere - SC Dr G. Parameshwara 69 Sira T.B. Jaya Chandra 70 Pavagada - SC H.V. Venkatesh 71 Madhugiri K.N. Rajanna 72 Gauribidanur Shivashankar Reddy N.H 73 Bagepalli S.N. Subba Reddy 74 Chintamani Dr M.C. Sudhakar 75 Srinivaspur K.R. Ramesh Kumar 76 Kolar Gold Field - SC Roopakala M 77 Bangarapet - SC S.N. Narayanaswamy 78 Malur K.Y. Nanje Gowda 79 Byatarayanapura Krishna Byregowda 80 Rajarajeshwarinagar Kusuma H 81 Malleshwaram Anup lyengar 82 Hebbal Suresha B.S 83 Sarvagnanagar K.J. George 84 Shivajinagar Rizwan Arshad 85 Shanti Nagar N.A. Haris 86 Gandhi Nagar Dinesh Gundu Rao 87 Rajaji Nagar Puttanna 88 Govindraj Nagar Priyakrishnna 89 Vijay Nagar M. Krishnamppa 90 Chamrajpet B.Z. Zameer Ahmed Khan 91 Basavanagudi U.B. Venkatesh 92 BTM Layout Ramalinga Reddy 93 Jayanagar Sowmya R 94 Mahadevapura - SC Nagesh T 95 Anekal - SC B. Shivanna 96 Hosakote Sharath Kumar Bachegowda 97 Devanahalli - SC K.H. Muniyappa 98 Doddaballapur T. Venkataramaiah 99 Nelamangala - SC Srinivasaiah N 100 Magadi H.C. Balakrishna 101 Ramanagaram Iqbal Hussain HA 102 Kanakapura D.K. Shivakumar 103 Malavalli - SC P.M. Narendraswamy 104 Shrirangapattana A. B. Ramesh Bandisiddegowda 105 Nagamangala N. Chaluvarayaswamy 106 Holenarasipur Shreyas M. Patel 107 Sakleshpur - SC Murali Mohan 108 Belthangady Rakshith Shivaram 109 Moodabidri Mithun M. Rai 110 Mangalore U.T. Abdul Khader Ali Fareed 111 Bantval Ramanatha Rai B 112 Sullia - SC Krishnappa G 113 Virajpet A.S. Ponnanna 114 Piriyapatna K. Ventakesh 115 Krishnarajanagara D. Ravishankar 116 Hunsur H.P. Manjunath 117 Heggadadevankote - ST Anil Kumar C 118 Nanjanagud - SC Darshan Dhruvyanarayana 119 Narasimharaja Tanveer Salt 120 Varuna Siddaramaiah 121 T. Narasipur - SC H. C. Mahadevappa 122 Hanur R. Narendra 123 Chamarajanagar C. Puttaranga Shetty 124 Gundlupet H.M. Ganesh Parasad 125 Nippani Kakasaheb Patil 126 Gokak Mahantesh Kadadi 127 Kittur Babasaheb D. Patil 128 Saundatti Yellamma Vishwas Vasant Vaidya 129 Mudhol - SC Ramappa Balappa Timmapur 130 Bilgi J.T. Patil 131 Badami Bheemasen B. Chimmannakatti 132 Bagalkot Hullappa Y. Meti 133 Bijapur City Abdul Hameed Kajasaheb Mushrif 134 Nagthan - SC Vitthal Katakadhond 135 Afzalpur M.Y. Patil 136 Yadgir Channareddy Patil Tunnur 137 Gurmitkal Baburao Chinchansur 138 Gulbarga Dakshin Allamaprabhu Patil 139 Basavakalyan Vijay Dharam Singh 140 Gangawati Iqbal Ansari 141 Nargund B.R. Yavagal 142 Dharwad Vinay Kulkarni 143 Kalghatgi Santosh S. Lad 144 Sirsi Bhimanna Naik 145 Yellapur V.S. Patil 146 Kudligi - ST Dr Srinivas NT 147 Molakalmuru - ST N.Y. Gopalakrishna 148 Chitradurga K.C. Veerendra (Pappy) 149 Holalkere - SC Anjaneya H 150 Channagiri Basavaraju V. Shivaganga 151 Tirthahalli Kimmane Rathnakar 152 Udupi Prasadraj Kanchan 153 Kadur Anand K.S 154 Tumkur City Iqbal Ahmed 155 Gubbi S.R. Srinivas 156 Yelahanka Keshava Rajanna B 157 Yeshvanthapura S. Balraj Gowda 158 Mahalakshmi Layout Keshava Murthy 159 Padmanaba Nagar V. Raghunatha Naidu 160 Melukote Darshan Puttannaiah of Sarvodaya Karnataka Party 161 Mandya P. Ravikumar 162 Krishnarajpet B.L. Devraja 163 Belur B. Shivram 164 Madikeri Dr Mantar Gowda 165 Chamunderhwari Siddhegowda 166 Kollegal - SC A.R. Krishna Murthy 167 Raichur Mohammed Shalam 168 Sidlaghatta B V Rajeev Gowda 169 V Raman Nagar - SC S. Anand Kumar 170 Arkalgud H P Sridhar Gowda 171 Mangalore City North Inayath Ali 172 Hubli-Dharwad-Central Jagadish Shettar 173 Chikkamagaluru H D Thammaiah 174 Shiggaon Yasir Ahmed Khan Pathan 175 Lingsugur Durgappa S Hoolageri 176 Hubli-Dharwad-West Deepak Chinchore 177 Shravanabelagola M A Gopalaswamy 178 Athani Laxman Savadi 179 Raybag- SC Mahaveer Mohith 180 Arabhavi Arvind Dalwai 181 Belgaum Uttar Asif Sait 182 Belgaum Dakshin Prabhavathi Mastmardi 183 Terdal Sidappa Ramappa Konnur 184 Devar Hippargi Sharanappa T. Sunagar 185 Sindgi Ashok M. Managuli 186 Gulbarga Rural - SC Revu Naik Belamagi 187 Aurad - SC Dr Shinde Bhimsen Rao 188 Manvi - ST G Hampayya Nayak 189 Devadurga - ST Shreedevi R. Nayak 190 Sindhanur Hampan Gowda Badarli 191 Shirahatti - SC Sujatha N. Doddamani 192 Navalgund N.H. Konareddy 193 Kundgol Kusumavathi C. Shivalli 194 Kumta Nivedit Alva 195 Siruguppa - ST B.M. Nagraj 196 Bellary City Nara Bharath Reddy 197 Jagalur - ST B. Devendrappa 198 Harapanahalli N. Kotresh 199 Honnali D.G. Shanthana Gowda 200 Shimoga Rural - SC Dr Sreenivas Kariyanna 201 Shimoga H.C Yogesh 202 Shikaripura G.B. Malatesh 203 Karkal Uday Shetty 204 Mudigere - SC Nayana Jyothi Jhawar 205 Tarikere G.H. Srinivasa 206 Tumkur Rural G.H. Shanmukhappa Yadav 207 Chikkaballapur Pradeep Eshwar Ayyar 'PE' 208 Kolar Kothur G. Manjunath 209 Dasarahalli Dhanajaya Gangadharaiah 210 Chickpet R.V. Devaraju 211 Bommanahalli Umapathi Srinivas Gowda 212 Bangalore South R.K. Ramesh 213 Channapatna Gangadhar S. 214 Maddur K.M. Uday 215 Arsikere K.M. Shivalinge Gowda 216 Hassan Banavasi Rangaswamy 217 Mangalore City South John Richard Lobo 218 Puttur Ashok Kumar Rai 219 Krishnaraja M.K. Somashekara 220 Chamaraja K. Harish Gowda 221 Harihar Nandagavi Srivinas 222 Mulbagal - SC Dr. B.C Muddugangadhar 223 KR Pura D.K. Mohan 224 Pulakeshnigar - SC A. C. Srinivas Source: INC Twitter

బెంగళూరు: కర్ణాటకలో అసెంబ్లీ ఎన్నికలు సమీపిస్తున్న తరుణంలో రాజకీయ పార్టీలు గెలుపు కోసం తీవ్రంగా శ్రమిస్తున్నాయి. ఇదిలా ఉండగా ఈ సారి కాంగ్రెస్‌ గెలిచే అవకాశాలు ఉన్నట్లు అంచనాలు బయటకు వస్తున్నాయి. ఈ క్రమంలోనే కర్ణాటక కాంగ్రెస్‌ పార్టీ ముఖ్య నేతలు సిద్ధరామయ్య , పీసీసీ అధ్యక్షుడు డీకే శివకుమార్‌ ఇటీవల చేస్తున్న వ్యాఖ్యలు చర్చనీయాంశంగా మారుతున్నాయి. మరో రకంగా చెప్పాలంటే వారి మధ్య సీఎం కూర్చి కోసం కోల్డ్‌ వార్‌ మొదలైనట్లు పార్టీలో గుసగుసలు వినిపిస్తున్నాయి. నువ్వా- నేనా కాంగ్రెస్‌లోని ఈ ఇద్దరు నేతలు సీఎం అభ్యర్థి తామే అంటూ నేరుగా ప్రకటించకపోయినా సమయం వచ్చినప్పుడు పరోక్షంగా తమ మనసులో మాటను బయటపెడుతున్నారు. ఇప్పటికీ ఈ తరహా ఘటనలు జరిగినప్పటికీ తాజాగా డీకే శివకుమార్‌ ఈ అంశంలోకి ఏఐసీసీ అధ్యక్షుడు మల్లికార్జున ఖర్గే పేరును తెరపైకి తేవడం రాజకీయంగా చర్చ మొదలైంది. దీంతో పాటు 'దళిత సీఎం' పార్టీలో ముందు నుంచీ ఉంటున్నవారు, మధ్యలో వచ్చినవారు.. అనే అంశాలను తెరపైకి తీసుకురావడం ద్వారా సిద్ధరామయ్య అవకాశాలను చెక్‌పెట్టేందుకు ఆయన చేసిన ప్రయత్నంగా కొందరు భావిస్తున్నారు. సోమవారం శృంగేరిలో శివకుమార్‌ విలేకరులతో ఖర్గే అంశంపై మాట్లాడుతూ....  'ఆయన (ఖర్గే) మా సీనియర్‌ నాయకుడు, ఏఐసీసీ అధ్యక్షుడు.. ఆయన సీఎం పదవి కోరలేదు. కాంగ్రెస్‌ అధికారంలోకి రావాలన్నదే తన కోరిక. ఆయన సీనియర్‌ నాయకుడని, గతంలో అన్యాయం జరిగిందని కొన్ని గొంతులు వినిపిస్తున్నాయి. పార్టీ ఏం చెబితే దానికి కట్టుబడి ఉండాలని..  అధిష్టానం ఏం చెబితే అది పాటిస్తామని, సిద్ధరామయ్య తదితరులు కూడా పార్టీకి కట్టుబడి ఉంటారని.. పార్టీనే ముఖ్యమని స్పష్టం చేశారు.

సాక్షి, బెంగళూరు: ‘నేను పశు మాంసం తింటా. వద్దని చెప్పడానికి నువ్‌ ఎవరు?’ అని సీఎల్పీ నేత సిద్ధరామయ్య గోహత్య నిషేధ చట్టంపై మండిపడ్డారు. సోమవారం కాంగ్రెస్‌ భవన్‌లో పార్టీ వ్యవస్థాపక దినోత్సవంలో మాట్లాడారు. గోహత్య నిషేధం ఆర్డినెన్స్‌ జారీ చేయడం సరికాదన్నారు. ప్రతి ఒక్క రైతూ పశువులను పూజిస్తాడని, అయితే తినే ఆహారంపై షరతులు ఏమిటని అన్నారు. గోహత్య నిషేధం బిల్లు కొత్తదేం కాదని, గత 1964లోనే అమలు చేశారని చెప్పారు. గో చట్టానికి ఆర్డినెన్స్‌  సాక్షి, బెంగళూరు: ఇటీవలి అసెంబ్లీ సమావేశాల్లో విధానపరిషత్‌లో ఆమోదం పొందలేకపోయిన గో హత్య నిషేధ చట్టాన్ని యడియూరప్ప ప్రభుత్వం ఆర్డినెన్స్‌ ద్వారా అమలు చేయనుంది. సోమవారం జరిగిన కేబినెట్‌ సమావేశంలో ఈ ఆర్డినెన్సుకు ఆమోదం తెలిపారు. మంగళవారం గవర్నర్‌ వజూభాయ్‌వాలా ఆమోదం కోసం పంపుతారు.   చట్టంలో సవరణలు ఇవీ   ఈ సందర్బంగా న్యాయమంత్రి మాధుస్వామి మాట్లాడుతూ 1964 గోవధ నిషేధ చట్టంలో 12 ఏళ్లు దాటిన పశువును వధించవచ్చనే వెసులుబాటు ఉందని, దానిని ఈ చట్టంలో రద్దు చేశామని చెప్పారు. గోహత్యకు పాల్పడేవారు, సహకరించేవారు శిక్షార్హులన్నారు. పశుమాంసం తినేవారు, చర్మాల వ్యాపారులపై ఎలాంటి నిర్బంధం ఉండబోదన్నారు.   ఆస్తి పన్ను పెంపునకు ఓకే   ►రాష్ట్రంలో ఆస్తి పన్నును పెంచారు. సుమారు 15 నుంచి 30 శాతం వరకు పెరగవచ్చు. కరోనా వల్ల తగ్గిన రాబడిని పెంచుకోవడానికి ప్రభుత్వం ప్రజలపై బాదుడుకు సిద్ధమైంది.   ►నవరి 1వ తేదీ నుంచి యథావిధిగా టెన్త్, పీయూసీ తరగతులు ప్రారంభం.   ►నూతన సంవత్సర వేడుకలను ప్రజలు సరళంగా  జరుపుకోవాలి. 

సాక్షి, బెంగళూరు: గోవధ నివారణ, పశువుల సంరక్షణ బిల్లు-2020ను కర్ణాటక ప్రభుత్వం బుధవారం జరిగిన అసెంబ్లీ సమావేశంలో ఆమోదం తెలిపింది. ఈ చట్టం ప్రకారం ఆవులు, దూడలను వధించకూడదు. చట్టవిరుద్ధంగా ఆవులను అమ్మడం, రవాణా చేయడం లేదా నరకడం శిక్షార్హం అవుతుంది. ఈ బిల్లుపై కాంగ్రెస్‌ నేత, మాజీ సీఎం సిద్ధరామయ్య తీవ్రంగా మండిపడ్డారు. బీజేపీ ప్రభుత్వం తీసుకువచ్చిన ఈ బిల్లు ఆమోదించడంతో ప్రజాస్వామ్యం హత్యకు గురైందని ట్విటర్‌లో దుయ్యబట్టారు. గోవధ బిల్లును శాసనసభలో కనీసం చర్చించకుండానే యడియూరప్ప ప్రభుత్వం ఆమోందించిందని, ఇది ప్రజాస్వామ్య వ్యతిరేక చర్య అని మండిపడ్డారు. బీజేపీ చర్యను నిరసిస్తూ కాంగ్రెస్‌ పార్టీ గురువారం అసెంబ్లీ సమావేశాలను బహిష్కరిస్తున్నట్లు తెలిపారు. కాగా, ఈ బిల్లులు ఎజెండాలో లేవని రాష్ట్ర బిజినెస్‌ అడ్వయిజరీ కమిటీ తెలియజేసిందని గుర్తుచేశారు.  బిల్లును చర్చించలేని పిరికి ప్రభుత్వం బీజేపీ అని, అందుకే యడియూరప్ప ప్రభుత్వం ఇలా ప్రవర్తిస్తుందన్నారు. అవినీతి నిరంకుశ బీజేపీ ప్రభుత్వానికి వ్యతిరేకంగా కాంగ్రెస్‌ పార్టీ పోరాటం చేస్తుందని తెలిపారు. బీజేపీ అరాచకాలను ప్రజలకు తెలియజేస్తామని ట్విటర్‌లో పేర్కొన్నారు.

సాక్షి, బెంగళూరు : కరోనా మహమ్మారి కర్ణాటకలో ప్రకంపనలు సృష్టిస్తోంది. ఇప్పటికే రాష్ట్ర ముఖ్యమంత్రి బీఎస్ యడ్యూరప్ప కరోనా బారిన పడగా, తాజాగా కాంగ్రెస్ సీనియర్ నేత, ప్రతిపక్షనేత మాజీ సీఎం సిద్ధరామయ్య (71) కు  కరోనా సోకింది. ఈ విషయం సిద్ధరామయ్య ట్విటర్ ద్వారా వెల్లడించారు.   తనకు కరోనా పాజిటివ్ వచ్చిందని, స్వల్ప లక్షణాలున్నప్పటికీ వైద్యుల సలహా మేరకు ముందు జాగ్రత్తగా ఆసుపత్రిలో చేరానని ప్రకటించారు. అలాగే తనతో సన్నిహితంగా మెలిగినవారు అప్రమత్తం కావాలని, స్వీయ నిర్బంధం పాటించాలని ట్వీట్‌ చేశారు.  సిద్దరామయ్య ప్రస్తుతం బెంగళూరులోని మణిపాల్ ఆసుపత్రిలో చేరారు. ఇదే ఆసుపత్రిలో సీఎం యడ్యూరప్ప కూడా చికిత్స పొందుతున్న సంగతి తెలిసిందే. I have been tested positive for #Covid19 & also been admitted to the hospital on the advice of doctors as a precaution. I request all those who had come in contact with me to check out for symptoms & to quarantine themselves. — Siddaramaiah (@siddaramaiah) August 4, 2020

సాక్షి బెంగళూరు: నిత్యం రాజకీయంగా కత్తులు దూసుకునే నాయకులు కలిశారు. మాజీ సీఎం సిద్ధరామయ్యకు ముఖ్యమంత్రి యడియూరప్ప పరామర్శించి ఆరోగ్య వివరాలు తెలుసుకున్నారు. హృదయ సంబంధిత సమస్యతో బాధపడుతూ యాంజియోప్లాస్టీ ఆపరేషన్‌ చేయించుకున్న సిద్ధరామయ్య ప్రైవేటు ఆస్పత్రిలో చికిత్స తీసుకుంటున్నారు. గురువారం సాయంత్రం ముఖ్యమంత్రి యడియూరప్ప, గ్రామీణాభివృద్ధి మంత్రి కేఎస్‌ ఈశ్వరప్ప, హోం మంత్రి బసవరాజు బొమ్మాయి తదితరులు సిద్ధరామయ్యను పరామర్శించారు. ‘నేను ఆరోగ్యంగా ఉన్నాను. ఎలాంటి సమస్య లేదు.  శస్త్రచికిత్స చేశారు. ప్రస్తుతం మామూలుగానే ఉన్నాను’ అని సిద్దరామయ్య తెలిపారు. రెండు రోజుల పాటు ఆస్పత్రిలోనే ఉండాలని డాక్టర్లు సూచించినట్లు చెప్పారు.

ఎన్నికలు జరిగిన ప్రతిసారీ రాజకీయ సంక్షోభంలో కూరుకుపోతున్న కాంగ్రెస్‌కు సోమవారం వెలువడిన కర్ణాటక ఉప ఎన్నికల ఫలితాల్లోనూ అదే పునరావృతం అయింది. ఉప ఎన్నికలు జరిగిన 15 స్థానాల్లో కేవలం రెండే దక్కడంతో ఈ పరాజయానికి నైతికబాధ్యత వహించి కాంగ్రెస్‌ శాసన సభా పక్ష నేత సిద్దరామయ్య, పీసీసీ అధ్యక్షుడు దినేష్‌ గుండూరావు రాజీనామా చేశారు. అంచనా లకు మించి 12 స్థానాలు గెల్చుకున్న బీజేపీ సంబరాలు చేసుకుంటోంది. అభ్యర్థుల ఎంపికనూ, ప్రచార బాధ్యతల్ని తన భుజస్కంధాలపై వేసుకున్న ముఖ్యమంత్రి బీఎస్‌ యడియూరప్ప ఊపిరి పీల్చుకున్నారు. ఈ ఉప ఎన్నికలు రాజకీయంగా ఆయన స్థానాన్ని సుస్థిరం చేశాయి. బీజేపీకి ఈ ఎన్నికలు ప్రతిష్టాత్మకమైనవి. మహారాష్ట్రలో ఊహించనివిధంగా కూటమి భాగస్వామి శివసేన విప క్షాలతో చేతులు కలిపి తమకు అధికారం దక్కకుండా చేసింది. పైగా అసెంబ్లీ ఎన్నికలు జరుగుతున్న జార్ఖండ్‌లో ఇంకా మూడు దశలు పూర్తి కావలసి ఉంది. అక్కడ పాత మిత్రుల్ని వదిలించుకుని ఒంట రిగా బరిలోకి దిగాల్సివచ్చింది. ఇలాంటి సమయంలో అంచనాలను మించి ఉప ఎన్నికల్లో విజయం సాధించడం ఆ పార్టీకి జవసత్వాలనిచ్చింది. కర్ణాటకలో నిరుడు మే నెలలో జరిగిన శాసనసభ ఎన్ని కల్లో ఈ 15 స్థానాల్లో పన్నెండింటిని కాంగ్రెస్‌ గెల్చుకోగా, మూడుచోట్ల జేడీఎస్‌ విజయం సాధిం చింది. వీరు, వీరితోపాటు మరో ఇద్దరు ఎమ్మెల్యేలు బీజేపీ శిబిరానికి ఫిరాయించడంతో 14 నెలల పాటు పాలించిన హెచ్‌డీ కుమారస్వామి నేతృత్వంలోని జేడీఎస్‌–కాంగ్రెస్‌ కూటమి ప్రభుత్వం మొన్న జూలైలో కుప్పకూలింది. మరో రెండు స్థానాలకు సంబంధించి ఎన్నికల పిటిషన్లు పెండింగ్‌లో ఉన్నందువల్ల వాటికి ఉపఎన్నికలు జరగలేదు. వాస్తవానికి ఈ ఎన్నికల్లో తమకు గరిష్టంగా 9 స్థానాలు రావొచ్చునని బీజేపీ అంచనా వేసుకుంది. కానీ ఫలితాలు దాని అంచనాలను మించాయి. పైగా జేడీఎస్‌కు కంచుకోట అయిన ఓల్డ్‌ మైసూరు ప్రాంతంలోని మాండ్యా జిల్లాలో తొలిసారి బీజేపీ విజ యకేతనం ఎగరేసింది. అక్కడ కృష్ణరాజపేటె స్థానం తన ఖాతాలో వేసుకుంది. జేడీఎస్‌కు దన్నుగా ఉండే వొక్కళిగ జనాభా అధికంగా ఉన్న స్థానమిది.  224మంది సభ్యులుండే కర్ణాటక శాసనసభలో ప్రభుత్వాన్ని ఏర్పాటు చేయడానికి అవసరమైన కనీస మెజారిటీ 113. ఇప్పటికే బీజేపీకి 105 స్థానా లుండగా, ఉప ఎన్నికల తర్వాత దాని బలం 117కి చేరుకుంది.  ఫిరాయింపు రాజకీయాలను ప్రజలు అసహ్యించుకుంటారని, అందువల్ల ఫిరాయింపుల కార ణంగా సభ్యత్వం కోల్పోయి, బరిలో నిలిచిన వారంతా ఓటమి పాలవుతారని రాజ్యాంగ నైతికతను కోరుకునే వారంతా ఆశించారు. ఈ ఫిరాయింపులతో అధికారం పోగొట్టుకున్న కాంగ్రెస్, జేడీఎస్‌లు సైతం అలాగే కోరుకున్నాయి. జనమంతా ఫిరాయింపుదార్లకు గట్టిగా బుద్ధి చెబుతారని భావిం చాయి. అయితే ప్రజలు కేవలం ఫిరాయింపుల అంశాన్ని మాత్రమే పరిగణనలోకి తీసుకోవాలని భావించడం దురాశ. ఈ ఫిరాయింపుల కారణంగా పతనమైన కాంగ్రెస్‌–జేడీఎస్‌ ప్రభుత్వం అంతక్రితం 14 నెలలపాటు ఎలా పాలించిందో కూడా వారు అంచనా వేసుకున్నారు. ఆ 14 నెలలూ రెండు పార్టీలూ పరస్పరం దుమ్మెత్తిపోసుకోవడమే సరిపోయింది. రెండు మూడు సందర్భాల్లో అప్పటి సీఎం కుమారస్వామి కంటతడి పెట్టారు. ఏం చేద్దామనుకున్నా తనకు అడ్డంకులు ఎదురవు తున్నాయని ఆయన వాపోయారు. కేవలం బీజేపీని అధికారానికి దూరంగా ఉంచడం కోసం కలవడం తప్ప రాజకీయంగా ఆ రెండు పార్టీలూ ఒక ఉమ్మడి ఎజెండా రూపొందించుకోలేక పోయాయి. వరస వివాదాల్లో ఆ పార్టీలు తలమునకలై ఉండగా ఉపాధి లేమి, కరువుకాటకాలు రాష్ట్రాన్ని పీల్చిపిప్పి చేశాయి. వీటన్నిటినీ ప్రజలు మరిచిపోలేదు. కనుకనే ఫిరాయింపుదార్ల అనైతిక రాజకీయాల గురించి ఎంత ప్రచారం చేసినా వారు పట్టించుకోలేదు. బీజేపీ ప్రచారం చేసిన సుస్థిర పాలన, అభివృద్ధికే వారు ఓటేశారు. ఉదాహరణకు కృష్ణరాజపేటె స్థానం నుంచి నిరుడు తమ పార్టీ అభ్యర్థిగా గెలిచి బీజేపీకి ఫిరాయించిన నారాయణగౌడపై జేడీఎస్‌ అధినేత, మాజీ ముఖ్యమంత్రి కుమారస్వామి గట్టిగా ప్రచారం చేశారు. రాజకీయంగా తమ గొంతు కోసిన ఆయనను చిత్తుగా ఓడించాలని ఎంతో ఉద్వేగంతో పిలుపునిచ్చారు. కానీ జనం నారాయణగౌడకే పట్టంగట్టారు. మహారాష్ట్ర సరిహద్దుల్లో ఉన్న బెల్గాం జిల్లాలో గెలుపుపై బీజేపీ నేతల్లోనే అనుమానాలున్నాయి. పొరుగు రాష్ట్రంలోని పరిణామాలు ఈ ఉప ఎన్నికలపై ప్రభావాన్ని చూపుతాయని వారు భావించారు. కానీ అక్కడ కూడా విజయం సాధించడం వారిని ఉత్సాహపరిచింది.  ఈ ఉప ఎన్నికలు ముఖ్యమంత్రి యడియూరప్పకు రాజకీయంగా ఊపిరిపోశాయి. నిజానికి ఆయన ఒకరకంగా గడ్డుపరిస్థితిని ఎదుర్కొన్నారు. 75 ఏళ్లు దాటిన నేతలు ముఖ్య పదవుల నుంచి వైదొలగాలన్న సూత్రానికి విరుద్ధంగా బీజేపీ ఆయన్ను ముఖ్యమంత్రి పీఠంపై కూర్చోబెట్టక తప్ప లేదు. ఫిరాయింపుదార్లందరికీ టికెట్లివ్వడానికి అధిష్టానం సుముఖంగా లేదన్న వార్తలొచ్చాయి. కానీ యడియూరప్ప పట్టుబట్టి పార్టీ టిక్కెట్లు వచ్చేలా చేశారు. పైగా  గెలిస్తే వీరికి మంత్రి పదవులు ఇస్తామని కూడా ప్రచారసభల్లో చెప్పారు. అది ఎంతవరకూ సాధ్యమో చూడాల్సివుంది. పార్టీ కేంద్ర నాయకులెవ్వరూ ఈ ఎన్నికల ప్రచారంలో పాల్గొనలేదు. ఇలాంటి పరిస్థితుల్లో ఘన విజయం సాధించి రాష్ట్రంలో మాత్రమే కాదు... దేశంలో కూడా పార్టీ ప్రతిష్టను యడియూరప్ప పెంచగలి గారు. ఈ ఉప ఎన్నికల ఫలితాలు కాంగ్రెస్‌ను మరింత కుంగదీసే ప్రమాదం ఉంది. ఆ పార్టీ జాతీయ నాయకత్వం నిస్తేజంగా ఉండటం, రాష్ట్రంలో పార్టీ సారథులు రాజీనామాలు చేయడం నైతికంగా ఆ పార్టీ ఎమ్మెల్యేలను కుంగదీస్తుంది. రాజకీయంగా తమ భవిష్యత్తేమిటన్న గాభరా కలిగిస్తుంది. ఇప్పుడు సుస్థిర మెజారిటీ లభించింది గనుక బీజేపీ ప్రభుత్వం ఇక పాలనపై దృష్టి పెట్టాలి. ఆంతరంగిక కలహాల్లో తలమునకలైతే ఇప్పుడు కాంగ్రెస్, జేడీఎస్‌లకు ఎదురైన చేదు అనుభవమే మున్ముందు బీజేపీకి కూడా తప్పకపోవచ్చు. 

శివాజీనగర: ఎన్నికల ప్రచార సభల్లో కాంగ్రెస్‌ మాజీ సీఎం సిద్ధరామయ్య నోరుజారుతూ చిక్కుల్లో పడుతున్నారు. బీదర్‌లో గతవారం జరిగిన కాంగ్రెస్‌ సమావేశంలో నరేంద్ర మోదీ మళ్లీ ప్రధాని కావాలని వ్యాఖ్యానించి ఆ తరువాత నాలుక్కరుచుకున్న ఆయన మరోసారి నోరుజారారు. ముఖ్యమంత్రి కుమారస్వామిని మాజీ ముఖ్యమంత్రి అని సంబోధించి నాలుక్కరచుకున్నారు. సోమవారం నగరంలోని హారోహళ్ళిలో సంకీర్ణ అభ్యర్థి కృష్ణభైరేగౌడ తరఫున ఎన్నికల ప్రచారంలో సిద్ధరామయ్య పాల్గొన్నారు.  ఈ సందర్భంగా సిద్ధు మాట్లాడుతూ నేను ఇంకా అనేకచోట్ల ప్రచారాల్లో పాల్గొనాల్సి ఉంది, అందుచేత నేను తక్కువగా మాట్లాడుతాను, తరువాత మాజీ ముఖ్యమంత్రి కుమారస్వామి వస్తారని వ్యాఖ్యానించారు. వెంటనే ‘మాజీ కాదు, మాజీ కాదు’ అంటూ జనంలో నుంచి కొందరు కేకలు పెట్టారు. తప్పు గుర్తించిన సిద్ధరామయ్య, ముఖ్యమంత్రి కుమారస్వామి వస్తారని తెలిపారు. సిద్ధు ప్రసంగిస్తూ జేడీఎస్‌ అధినేత హెచ్‌.డీ.దేవేగౌడ బెంగళూరు ఉత్తర నుంచి పోటీ చేయాలని ఒత్తిడి ఉండేది. అయితే తుమకూరు ప్రజల కోరిక మేరకు అక్కడి నుంచి పోటీలో ఉన్నారు. అందరికీ ఆమోదయోగ్యమైన అభ్యర్థిగా కృష్ణభైరేగౌడను ఎంపిక చేశామని చెప్పారు. కేంద్ర మంత్రి డీ.వీ.సదానందగౌడ నిష్క్రియాపరుడఉ, ఆయన మీకు ముఖం చూపించారా? ఆయనకు ముఖం చూపించే శక్తి లేదు అని విమర్శించారు. అందుచేత మోదీ ముఖం చూసి ఓటు వేయాలని చెబుతున్నారని అన్నారు. ఈలోగా   సీఎం కుమారస్వామి ప్రచారానికి వచ్చారు. 

సాక్షి, న్యూఢిల్లీ: కర్ణాటకలో జేడీ(ఎస్‌)-కాంగ్రెస్‌ల కూటమి అధికార పగ్గాలు చేపట్టి నేటికి(గురువారానికి) వంద రోజుల పూర్తయ్యాయి. ఈ సందర్భంగా కర్ణాటక ముఖ్యమంత్రి, జేడి(ఎస్‌) చీఫ్‌ హెచ్‌డి. కుమారస్వామి కాంగ్రెస్‌ అధ్యక్షుడు రాహుల్‌ గాంధీని మర్యాదపూర్వకంగా కలిశారు. కర్ణాటకలో సంకీర్ణ ప్రభుత్వ తీరుపట్ల రాహుల్‌ సంతృప్తిగా ఉన్నట్లు కుమారస్వామి పేర్కొన్నారు. ప్రభుత్వం ప్రవేశపెడుతున్న పథకాలు, పనితీరు పట్ల హర్షం వ్యక్తం చేసినట్లు తెలిపారు. రానున్న రోజుల్లో మరింత హుందాగా, దూకుడుగా పనిచేయాలని సూచించినట్లు వివరించారు. కర్ణాటకలో జరుగుతున్న అభివృద్ది గురించి ఆరా తీసినట్లు తెలుస్తోంది.  చేసిన పనులు.. 12 ఏళ్ల తర్వాత కర్ణాటక 25వ ముఖ్యమంత్రిగా ప్రమాణస్వీకారం చేసిన కుమారస్వామి పలు పథకాలతో ఆకట్టుకునే ప్రయత్నం చేశారు. జాతీయ బ్యాంకుల్లో రైతుల రుణాల మాఫీ చేశారు. బెంగళూరులో ఇష్టారాజ్యంగా నెలకొల్పిన పరిశ్రమలపై చర్యలు తీసుకున్నారు. ఉత్తర కర్ణాటక ప్రత్యేక రాష్ట్ర ఉద్యమం కోరాకు పోరాడుతున్న ఉద్యమకారులను శాంతింపచేయడానికి రెండో రాజధాని ప్రతిపాదనను తీసుకొచ్చారు. బెలగావీ నగరాన్ని రాష్ట్రానికి రెండో రాజధానిగా చేస్తామని కుమారస్వామి ప్రకటించారు. బెలగావీకి రెండో రాజధాని హోదా కట్టబెడుతూ 2006లో నాటి జేడీఎస్- బీజేపీ సంకీర్ణ ప్రభుత్వం శాసనసభలో ప్రవేశపెట్టిన తీర్మానాన్ని ఏకగ్రీవంగా ఆమోదించారు. ఇప్పటికే కొన్ని ప్రభుత్వ కార్యాలయాలు (కర్ణాటక నీరావరీ నిగమ్, కృష్ణ‌భాగ్య జల నిగమ్, సమాచార కమిషనర్ కార్యాలయం) బెలగావి నగరానికి తరలించే ప్రయత్నం చేస్తున్నారు. ఉత్తర కర్ణాటకలోని 13 జిల్లాలో పర్యటించి వారి సమస్యలు తీరుస్తానని హామీ ఇచ్చారు.  కుమారస్వామి ‘టెంపుల్‌’రన్‌ కుమారస్వామి అభివృద్ధిపై కంటే సీఎం పీఠం కాపాడుకోవడానికే ఎక్కువ శ్రద్ధ పెడుతున్నారని విపక్షాలు మండిపడుతున్నాయి. ఐదేళ్లు పదవిలో ఉండాలని ఇప్పటివరకు యాభైకి పైగా వివిధ దేవాలయాలు, పుణ్యక్షేత్రాలు, దర్గాలు తిరిగారని విమర్శిస్తున్నారు. కుమారస్వామి ముఖ్యమంత్రి అవ్వటం నచ్చని మాజీ సీఎం సిద్ద రామయ్య అసంతృప్తిగా ఉన్నారు. జేడి(ఎస్‌) ప్రభుత్వం బడ్జెట్‌ ప్రవేశపెట్టడం ఆయన తీవ్రంగా విమర్శించారు. కర్ణాటకలో భారీ వర్షాలు, వరదల సమయంలో ప్రభుత్వం వ్యవహరించిన తీరు విమర్శలకు దారితీసింది. ఏరియల్‌ సర్వేలో భాగంగా కుమారస్వామి విమానంలో పేపర్‌ చదవటం, మంత్రి రేవన్న వరద బాధితులపై బిస్కట్‌ ప్యాకట్లు విసరటంపై విపక్షాలు మండిపడ్డాయి. 

బెంగుళూరు : కర్ణాటక మాజీ ముఖ్యమంత్రి సిద్ధరామయ్యకు రాష్ట్ర విధాన సౌధలో ప్రత్యేక కార్యాలయాన్ని కేటాయించారు. ప్రస్తుతం స్పీకర్‌ కేఆర్‌ రమేష్‌ కుమార్ కార్యాలయంగా ఉన్న రెండు గదులను సిద్ధరామయ్యకు కుమారస్వామి ప్రభుత్వం కేటాయించింది. సిద్ధరామయ్యకు ఎలాంటి పదవీ లేనప్పటికి ఆయనకు కార్యాలయాన్ని కేటాయించారు. అయితే మాజీ సీఎం కోసం స్పీకర్‌ను ఖాళీ చేయించడం ఏంటని  హాట్‌ టాపిక్‌గా మారింది.  కాగా మాజీ స్పీకర్‌ కేబీ కోలివాడ్‌ ఆ కార్యాలయాన్ని వినియోగించిన కాలంలో 68 లక్షల ఖర్చుతో దాన్ని ఆధునీకరించారు. కాంగ్రెస్‌ మద్దతుతో కుమార స్వామి ముఖ్యమంత్రిగా ఏర్పడిన కూటమి ప్రభుత్వంలో సిద్ధరామయ్యకు ఎలాంటి మంత్రి పదవి కేటాయించలేదన్న విషయం తెలిసిందే.

సాక్షి, బెంగుళూరు : సిద్ధరామయ్య అసమర్థ ముఖ్యమంత్రి అని ఏ ఒక్క సమస్యను పరిష్కరించలేదని సినీనటుడు సాయికుమార్‌ విమర్శించారు. త్వరలో జరగనున్న కర్ణాటక ఎన్నికల్లో బీజేపీ విజయం ఖాయమని అన్నారు. ఆదివారం మీడియాతో మాట్లాడిన ఆయన పలు సంచలన వ్యాఖ్యాలు చేశారు. ఆంధ్రప్రదేశ్‌లో టీడీపీ నేతలు రాజకీయంగా సహనం కోల్పోయి మాట్లాడుతున్నారంటూ విమర్శించారు. అమరావతి శంకుస్థాపన సందర్భంగా పవిత్ర జలం.. పవిత్ర మట్టి అంటూ మోదీని కీర్తించిన తెలుగుదేశం పార్టీ నేతలు, విమర్శించడంలో అర్థం లేదన్నారు. ఆంధ్రప్రదేశ్‌ ప్రత్యేక హోదా సాధనకు ప్రతిపక్షనేత వైఎస్‌ జగన్‌ రాజీలేని పోరాటం చేస్తున్నారని.. అది వాస్తవం అని, వైఎస్‌ జగన్‌ను ఫాలో అవడమే టీడీపీ విధానమా అంటూ సాయికుమార్‌ ప్రశ్నించారు. రాజకీయ పార్టీకి సొంత ఆలోచనలు, విధానాలు ఉండాలని టీడీపీ నేతలకు సూచించారు, తెలుగుదేశం పార్టీ, నేతలకు అవి ఏమాత్రం లేవంటూ దుయ్యబట్టారు. తన తోటి నటుడు ప్రకాశ్‌ రాజ్‌ ఆవేశపరుడంటూ వ్యాఖ్యానించారు. మోదీని టార్గెట్‌ చేయడం తనకు నచ్చలేదన్నారు. దేశంలో ఏది జరిగినా ప్రధాని మోదీనే కారణం అని అనడం ప్రతిపక్షాలకు అలవాటుగా మారిపోయిందని, అది వారి అవివేకం అంటూ మండిపడ్డారు. త్వరలో జరగనున్న కర్ణాటక అసెంబ్లీ ఎన్నికల్లో సాయి కుమార్‌ బీజేపీ తరపున బాగేపల్లి నుంచి పోటీ చేస్తున్న సంగతి తెలిసిందే.

గడచిన సంవత్సరం జూలైలో బెంగళూరు మెట్రో రైలు వ్యవస్థకు చెందిన పలు స్టేషన్‌లు దాడికి గురయ్యాయి. ఆ దాడులన్నీ దాదాపు ఏకకాలంలోనే జరిగాయి కూడా. కన్నడ ఆందోళనకారులు, ముఖ్యంగా కర్ణాటక రక్షణ వేదిక కార్యకర్తలు హిందీలో రాసి ఉన్న బోర్డుల మీద నల్ల రంగు పూశారు. హిందీ భాషకు వ్యతిరేకంగా నినాదాలు ఇచ్చారు. వెంటనే మెట్రో రైల్‌ అధికారులు స్పందించి పరిస్థితి మరింత విషమించకుండా బోర్డుల గురించి ఉన్న ఆంక్షలు తొలగించారు. హిందీలో ఉన్న పేర్లను ఇంగ్లిష్, కన్నడ భాషలలో రాయిం చారు. ఇలాంటి పరిణామాలు జరిగినప్పుడు సాధారణంగా వాటిని విశాల దృక్పథం లేని, సంకుచిత మనస్తత్వం కలిగిన సంస్థల, వ్యక్తుల చర్యలంటూ కొట్టి పారవేయడం జరుగుతుంది. తాము చెప్పేది విని తీరాలన్నట్టు వ్యవహ రించే రౌడీ మూకల పనిగా కూడా అలాంటి చర్యలను నిరసించడం జరు గుతూ ఉంటుంది. కానీ ఈ నిరసన మాత్రం ప్రత్యేకమైనదే. కన్నడ భాషకు తగిన గౌరవం దక్కడం లేదంటూ ఆందోళన వ్యక్తం చేస్తున్న ఇన్ఫర్మేషన్‌ టెక్నాలజీ రంగానికి సంబంధించిన ఉద్యోగుల మద్దతు కూడా ఈ ఆందో ళనకు ఉంది.  కన్నడం అంటే చులకనా? నేను గత వారం బెంగళూరులో ఉన్నప్పుడు వసంత్‌ శెట్టి, వల్లీశ్‌ అనే ఇద్దరు భాషా శాస్త్రవేత్తలను కలుసుకున్నాను. వారిద్దరిలోనూ కనిపించిన సారూ ప్యత, కర్ణాటకలో కూడా ప్రాధాన్యక్రమంలో కన్నడకు హిందీ తరువాత స్థానంలోకి ¯ð డుతున్నారనే భావనే. కన్నడిగులకు హిందీ అనుసంధాన భాష కాలేదన్నది ఆ ఇద్దరి వాదన. మరొక విషయాన్ని శెట్టి చాలా ఆర్ద్రంగా చెప్పారు. కన్నడ భాషలో మాట్లాడని బ్యాంకు సిబ్బంది, తపాలా శాఖ సిబ్బంది ఉన్నారనీ, రైల్వేశాఖలో అయితే కన్నడను అసలు పట్టించుకోవడం లేదని ఆయన చెప్పారు. ఇలాంటి ధోరణే ప్రజలలో హిందీ పట్ల ఒకరకమైన భయాన్ని, తమ పట్ల తమకు అభద్రతా భావాన్ని కలిగిస్తున్నదని కూడా శెట్టి చెప్పారు. కానీ ఇది కేవలం భాషను గురించిన వ్యవహారం కాదు. శాసనసభ ఎన్నికలు సమీపిస్తున్న తరుణంలో భాష గురించిన అంశం కన్నడిగుల ఉనికి, ఆత్మగౌరవాలతో ముడిపడిపోయింది. దీనికి తోడు హిందీలో ప్రసంగించేవారి కంటే, కన్నడ భాషలో ప్రసంగించేవారు తక్కువ అన్న భావం బలం పుంజు కుంటోంది. వల్లీశ్‌ చెప్పిన మరో అంశం చాలా కలవరపాటుకు గురిచేసింది. ఇంత వైవిధ్యం ఉన్న భారత్‌ వంటి దేశంలో  భిన్నత్వాన్నీ, అందులోని అనే కానేక అస్తిత్వాలనీ ప్రభుత్వం గౌరవించాలని ఆయన అన్నారు. విద్యావం తుడైన ఒక కన్నడిగుడి అభిప్రాయం ఎలా ఉందో సుస్పష్టంగా గమనించడా నికి ఆయన మాటలలోనే ఆ విషయం చెబుతాను. ‘మనకి ఇండియన్‌ అన్న ఒక్క అస్తిత్వం మాత్రమే ఉందని ఎవరూ చెప్పలేరు.  ఇది అన్నింటినీ తుడిచి పెట్టేస్తుంది. ఒకే అస్తిత్వాన్ని ఇతరుల మీద కూడా ప్రయోగించలేం. నీవు ఇండియన్‌వి అయితే హిందీని ఆమోదించు, కన్నడిగుడివి అని చెబితే నీవు తక్కువ రకం ఇండియన్‌వి అన్న ఊహలు భారత్‌ అన్న భావనతో మమేకం కావడానికి దోహదం చేయవు.’ అని చెప్పారు వల్లీశ్‌. ఇలా తమను ద్వితీయ శ్రేణి పౌరులుగా చూస్తున్నారన్న అభిప్రాయం ఒక్క బెంగళూరులోనే కాదు, దక్షిణ భారత ప్రజలలోనే ఉంది. ఇంకా చెప్పాలంటే త్రిభాషా సూత్రమనేది హిందీని దక్షిణాది రాష్ట్రాల మీద రుద్దడానికి ఉద్దేశించిన పెద్ద మాయ అన్న భావన కూడా నానాటికి పెరుగుతున్నది. ఇది ఒక్క భాషకు సంబంధించిన అంశం మాత్రమే కాదు. రామాయణ కావ్యం గురించే చూద్దాం. వాల్మీకి రామాయణం ఒక్కటే అసలైన రామాయణమని ఔత్తరాహుల దృఢాభి ప్రాయం. కానీ దక్షిణాదిన చాలా రామాయణాలు ఉన్నాయి. తమ తమ విశ్వాసాల గురించి, జన్మభూమి గురించి ప్రతి తరం విశ్లేషించుకోవడానికి ప్రతి సంస్కృతిలోనూ ఒక రామాయణం అవతరించడం కనిపిస్తుంది. ఏక శిలా సదృశమైన సంస్కృతినే అనుసరించాలని, అది అందరికీ సరిపోతుందని బలవంతం చేస్తే దానికి వెంటనే ప్రతిఘటన తప్పదు. కన్నడ విషయంలో గుర్తించవలసిన అంశం ఏమిటంటే, మిగిలిన భాషల మాదిరిగానే ఇది కూడా కేవలం ఒక మాధ్యమమని చెప్పడానికి పరిమితం కారాదు. ఇదొక ఉద్వేగం.  తెగేదాకా లాగవద్దు ఇక ప్రత్యామ్నాయ అభిప్రాయం గురించి కూడా తెలుసుకోవాలి. రాష్ట్రాలని ప్రాంతీయవాదపు దీవులుగా మలచడం భారత్‌ ఒకే జాతి అన్న భావనకు ఆరోగ్యకరం కాదు. భారతదేశ రాష్ట్రాలను కలిపి ఉంచే శక్తి కలిగిన భావో ద్వేగమేదీ లేదన్న అనుమానం నుంచి ఇది జనిస్తుంది. నిజానికి ఈ వ్యతిరేకత వాస్తవమే. ఒక జాతిగా మనం సురక్షితంగానే ఉన్నాం. అయితే దేశం మరింత బలమైన సమాఖ్యగా ఎదగడానికీ,  మరింతగా అభివృద్ధి చెందేందుకు రాష్ట్రా లకు అవకాశం కల్పించడానికీ సమయం ఆసన్నమైంది. అదే సమయంలో కర్ణాటక భాష సమస్యను తెగేదాకా లాగడం సరికాదు. అది హిందీ వ్యతిరేక ధోరణికి మళ్లిందంటే కర్ణాటక, బెంగళూరుల అభివృద్ధికి ఇతర ప్రాంతాల వారి ద్వారా జరిగిన కృషి మరుగున పడేటట్టు చేస్తుంది. గుర్తించవలసిన మరొక అంశం కూడా ఉంది. కర్ణాటక రాష్ట్రంలో ఉన్నది కన్నడ భాష ఒక్కటే కాదు. రాష్ట్రంలో ఇంకా తుళు, కొడవ, కొంకణి, ఆఖరికి హైదరాబాద్‌–కర్ణా టక పరిధిలో దక్కనీ ఉర్దూ కూడా ఉన్నాయి. గట్టిగా చెప్పాలంటే కన్నడ భాష ఆధిపత్యం పాత మైసూరు పరిధిలోని ఐదు లేదా ఆరు జిల్లాలకే పరిమితం. బెంగళూరుకు ఉన్న కాస్మోపోలిటన్‌ సంస్కృతిని కూడా మరచిపోలేం. కాబట్టి ప్రాంతీయ జ్వాలని ఒక స్థాయికి మించి మండనిస్తే దానితో చాలా చిక్కులు ఉంటాయి. బయటి ప్రాంతాల వారు వచ్చి రాష్ట్ర అభివృద్ధి యంత్రాంగానికి ఎంతో దోహదం చేశారన్న వాస్తవాన్ని గుర్తించాలి. కాబట్టి కన్నడ అస్తిత్వాన్ని రాజకీయ ప్రయోజనాలకు మించి ఎదగనిస్తే అవాంఛనీయ పరిణామాలు తప్పవు. కర్ణాటక రాష్ట్ర ఆదాయ వివరాలను ఒకసారి పరిశీలించండి. అందులో 60 శాతం ఒక్క బెంగళూరు మహా నగరం నుంచే వస్తుంది. ఉత్తర కర్ణాటక వంటి చాలా వెనుకపడిన ప్రాంతాన్ని ఆదుకుంటున్నది ఆ ఆదాయమే.  ఇక ఈ ఎన్నికలలో బీజేపీని కలవరానికి గురి చేసే విషయం ఏదంటే, ఆ పార్టీ మీద ఉన్న ఉత్తరాది ముద్ర. అంటే హరియాణా, యూపీ, బిహార్, మధ్యప్రదేశ్‌ ప్రాంతాలకు పరిమితమైన పార్టీ అన్న అవగాహన. ఇదే బీజేపీ వాద వ్యతిరేక, హిందీ భాషా వ్యతిరేక అభిప్రాయాలకు ఆస్కారం ఇస్తున్నది. భాష కొన్నిసార్లు ఆధిక్యం ప్రదర్శించడానికి ఉపయోగపడే సాధనమవు తుంది. కానీ బీజేపీ వ్యతిరేక సెంటిమెంట్‌ కొన్నిసార్లు భాషా వ్యతిరేక సెంటిమెంట్‌గా కూడా వ్యక్తమవుతోంది. ఇప్పుడు జరగబోతున్న కర్ణాటక శాసన సభ ఎన్నికలలో భాష కీలకమైన అంశంగా మారింది. జాతీయవాద మనే బీజేపీ కార్డుకు పదును లేకుండా చేయడానికి కాంగ్రెస్‌ ప్రాంతీయ అస్తి త్వాన్ని ముందుకు తేవడమే ఇందుకు కారణం. ప్రస్తుతం కర్ణాటకలో కాంగ్రెస్‌ ఎన్నికల రథాన్ని నడిపిస్తున్న సిద్ధరామయ్య తన రాజకీయ జీవితంలో ఎక్కు వగా, ఆఖరికి జనతా పరివార్‌లో ఉండగా కూడా అస్తిత్వ రాజకీయాలనే ప్రధానంగా ఆశ్రయించారు. అదే ఆయన బలం. జాతీయ వాదం, ఒకే జాతి, ఒకే పతాకం అనే బీజేపీ భావనలకు వ్యతిరేకంగా కాంగ్రెస్‌ ఒక ప్రాంతీయ పార్టీ స్థాయిలో కన్నడ అస్తిత్వం అనే కార్డును ప్రయోగి స్తున్నది. నరేంద్ర మోదీ గుజరాత్‌ ముఖ్యమంత్రిగా ఉన్న కాలంలో గుజరాతీ అస్మిత కార్డును ప్రయోగించిన తీరులోనే సిద్ధరామయ్య కర్ణాటకలో తన ఆయుధాన్ని ఇప్పుడు ప్రయోగిస్తున్నారు. హిందీ, హిందూ, హిందుస్తానీ పార్టీగా బీజేపీకి ఉన్న ముద్రను ఉపయోగించుకుని సిద్ధరామయ్య కన్నడ ఆత్మగౌరవం అనే కార్డును రంగం మీదకు తెచ్చారు. రాష్ట్ర పతాకం అన్న సిద్ధరామయ్య ఆలోచన కూడా మిగిలిన భారతదేశం కంటే కర్ణాటక ప్రత్యేక ఉనికిని ప్రకటించడానికేనని ఆయన ప్రత్యర్థులు చెబుతారు. నిజానికి కర్ణాటక తనకంటూ ఒక ప్రత్యేక పతాకాన్ని ఏర్పరచుకుంటే దాని గురించి మిగిలిన భారతదేశం కలతపడ వలసిన అవసరం ఉందా? క్రికెట్‌ రంగాన్ని చూడండి. అందులో ఇండియన్‌ ప్రీమియర్‌ లీగ్‌ ఉప జాతీయతను ప్రదర్శిస్తూ ఉంటుంది. దీనిని దేశానికి అతీ తంగా ప్రదర్శిస్తున్న ఆత్మగౌరవమని అంటామా? అది కాదు. పైగా తన నగరం నుంచి లేదా ప్రాంతం నుంచి తమ ఉనికిని ప్రదర్శించడం పట్ల ఆయా ప్రాంతాల ప్రజలు ఆనందిస్తారు. చాలెంజర్స్‌ బెంగళూరు, సన్‌రైజర్స్‌ హైద రాబాద్‌– ఇలా. కర్ణాటక పతాకం కూడా ఇంతకంటే భిన్నమైనది కాదు.  కర్ణాటక ప్రజలకు పరీక్షే సిద్ధరామయ్య పన్నిన ఉచ్చులో తాము ఇరుక్కున్నామన్న వాస్తవాన్ని కర్ణాటక బీజేపీ నాయకులు గ్రహించారన్న సంగతి వారిని కలుసుకున్నప్పుడు నాకు అవగాహనకు వచ్చింది. దీనితోనే కన్నడిగ అస్తిత్వం కోసం కాంగ్రెస్‌ ఏ విధంగా పాటు పడుతున్నదో తాము కూడా అదే విధంగా పాటు పడతామన్న రీతిలో బీజేపీ వ్యవహరించక తప్పని పరిస్థితి ఏర్పడింది. హిందీ, కన్నడ భాష అంశం ఈ స్థాయికి చేరుకోవడం శోచనీయం. ఇదే ఉత్తర, దక్షిణ భారతదేశాల మధ్య  నిధుల కేటాయింపు వివాదంలో ప్రతిఫలిస్తున్నది. ఎన్డీఏ ప్రభుత్వం ఇచ్చిన కేంద్ర నిధులను రాష్ట్రంలోని కాంగ్రెస్‌ ప్రభుత్వం దుర్వినియోగం చేసిందని బీజేపీ అధ్యక్షుడు అమిత్‌షా ఆరోపించారు. దీనికి సిద్ధరామయ్య ఇచ్చిన సమాధానం ఇది– కేంద్రానికి  కర్ణాటక పన్నుల రూపంలో చెల్లిస్తున్న ప్రతి రూపాయికి తిరిగి పొందుతున్నది 47 పైసలేనని అన్నారు. ఉత్తరాది బీమారు రాష్ట్రాలు (బిహార్, ఎంపీ, రాజస్తాన్, యూపీ) తమ తమ పరిధుల లోని వెనుకబడిన ప్రాంతాలను అభివృద్ధి చేయడానికి నిధుల కోసం తల్లడిల్లు తుండగా, వాటికి కర్ణాటక రాయితీలు కల్పిస్తున్నదని సిద్ధరామయ్య ఇక్కడ చెప్పదలిచారు. ఈ ఎన్నికలు కొన్ని చేదు వాస్తవాలను మనముందు పెడుతున్నాయి. ఎక్కువగా మాట్లాడని కర్ణాటక రాష్ట్రానికి బియ్యం సబ్సిడీని తగ్గిం చడం, గోరక్షణకు అధిక ప్రాధాన్యం ఇచ్చే రాష్ట్రానికి ఆ సబ్సిడీని కేటాయించడం ఎంతవరకు సబబు? ఇది ఉత్తర భారత, దక్షిణ భారత రాష్ట్రాల మధ్య వివక్ష చూపించడం కాదా? ఈసారి కర్ణాటక అసెంబ్లీకి జరుగుతున్న ఎన్నికలు ఆ రాష్ట్ర ప్రజలకు పరీక్ష వంటివని నాకు అనిపిస్తున్నది. వారి అస్తిత్వానికి, వారి ఆత్మ గౌరవా నికి, వీటిలో వారు దేనిని ఆహ్వానించారు, దేనిని తిరస్కరించారన్నదానికి వారి ఎంపిక వ్యాఖ్యానం వంటిది. అలాగే ఈ విషయాలతో సంబంధం ఉన్న వారందరూ ఈ ఎన్నికల నుంచి నేర్చుకోవాలి. టీఎస్‌ సుధీర్‌  వ్యాసకర్త సీనియర్‌ జర్నలిస్టు 

గతంలో ఎన్నడూలేనట్లుగా సీల్డ్‌ కవర్‌ సంస్కృతికి భిన్నంగా రాహుల్‌గాంధీ కాంగ్రెస్‌ సీఎం అభ్యర్థిని ముందే ప్రకటించడం కాంగ్రెస్‌లో హాట్‌ టాపిక్‌గా మారిపోయింది. ఇంక తమ ఆశలు గల్లంతేనా అనే నిరాశ సీనియర్లలో వ్యాపించింది. అధినేత మాట కాబట్టి ఎవరూ బయటపడడం లేదు. సాక్షి, బెంగళూరు: ‘కర్ణాటకలో కాంగ్రెస్‌ అధికారంలోకి రాగానే మళ్లీ ముఖ్యమంత్రి అభ్యర్థి సిద్ధరామయ్యే. ఆయన నాయకత్వంలోనే ఎన్నికలకు వెళ్తాం’ అని కాంగ్రెస్‌ అధినేత రాహుల్‌గాంధీ ఆదివారం రాత్రి బెంగళూరు సభలో ప్రకటించారు. ఇప్పుడిదే రాష్ట్ర కాంగ్రెస్‌లో వేడి పుట్టిస్తోంది. మళ్లీ కాంగ్రెస్‌ గెలిస్తే తామే ముఖ్యమంత్రి అయిపోదామని కాంగ్రెస్‌లో చాలా మంది కలలు కంటూ కూర్చొన్నారు. ఈ తరుణంలో రాహుల్‌గాంధీ వారి ఆశలపై నీళ్లు చల్లారు. గత ఎన్నికల్లో ఓటమి పాలవడంతో ముఖ్యమంత్రి స్థానం చేజారిపోయిందని ఇప్పటికీ చింతిస్తున్న కేపీసీసీ అధ్యక్షుడు పరమేశ్వర్‌కు అధినేత మాటలతో నోట్లో పచ్చి వెలక్కాయ పడినట్లయింది. దళిత వర్గం కోటా నుంచి మల్లికార్జున ఖర్గే, ఎంపీ కేహెచ్‌ మునియప్పలు కూడా సీఎం రేసులో ఉన్నారు. పరమేశ్వర్‌కే పెద్ద దెబ్బ 2013 ఎన్నికల్లో పరమేశ్వర్‌ కొరటగెరెలో అనూహ్యంగా ఓటమి పాలయ్యారు. ఇందులో సిద్ధరామయ్య హస్తం ఉందని కాంగ్రెస్‌ నేతలు చెవులు కొరుక్కుంటుంటారు. ఈ సారి ఎన్నికల్లోనూ ముఖ్యమంత్రి అభ్యర్థి సిద్ధరామయ్యేనని రాహుల్‌ ప్రకటించడంతో పరమేశ్వరకు దిక్కుతోచలేదని ఆయన సన్నిహిత వర్గాల సమాచారం. ఆయనతో పాటు సీఎంసీటుపై కన్నేసిన చాలా మందికి లోలోపల చింత మొదలైంది. అదే సిద్ధరామయ్య బలం సీఎం సిద్ధరామయ్య మూలతః జేడీఎస్‌కు చెందినవారు. సుమారు ఎనిమిదేళ్ల కిందట కాంగ్రెస్‌లోకి వచ్చారు. అంతకుముందు జేడీఎస్‌లో ఉండగా సిద్ధరామయ్య అహింద ద్వారా బలం పెంచుకోవడం తెలిసిందే. కాంగ్రెస్‌లో హేమాహేమీల మధ్య తన ప్రత్యేకతను చాటుకుంటూ 2013లో ముఖ్యమంత్రి అయ్యారు. దీంతో జేడీఎస్‌ నుంచి కాంగ్రెస్‌లోకి వచ్చి ఏకు మేకై కూర్చొన్నారని పార్టీ వర్గాలు గుసగుసలాడుకుంటున్నాయి. అంతేకాకుండా ఇప్పటివరకు సీఎం సిద్ధరామయ్యపై బలమైన అవినీతి ఆరోపణలు లేవు. మిగతా నాయకులు అంత బలవంతులు కాదు. దీంతో సిద్ధరామయ్యకు పార్టీలో తిరుగే లేకుండా పోయింది. కార్యకర్తల దగ్గర నుంచి పెద్ద పెద్ద నియామకాల వరకు అన్నీ సిద్ధరామయ్య చేతిలోకి వచ్చేశాయి. దీంతో ఖర్గే, ఎస్‌ఎం కృష్ణవంటి సీనియర్ల ప్రభ కూడా మసకబారింది. పరిపాలనలో తనదైన ముద్రను చూపిస్తూ రాష్ట్ర కాంగ్రెస్‌కు తానే దిక్కనే స్థాయికి ఎదిగారు. 

వేసవికాలం ఎండలకు సమాంతరంగా కర్ణాటకలో ఎన్నికల వేడి రోజురోజుకు పెరిగిపోతోంది.  అటు అధికార కాంగ్రెస్, ఇటు ప్రతిపక్ష బీజేపీ బలగాలను మోహరిస్తున్నాయి.  వ్యూహ, ప్రతివ్యూహాలు పన్నుతున్నాయి.  ఉత్తరప్రదేశ్, బీహార్‌ ఉపఎన్నికల్లో దెబ్బతిన్న (సాక్షి ప్రత్యేకం) బీజీపీకి కర్నాటక ఎన్నికల్లో పాగా వేయడం తక్షణ అవసరం. అలాగే నరేంద్రమోడికి వ్యతిరేకంగా భావ సారూప్యత ఉన్నా లేకున్నా శత్రువు శత్రువులని కూడగట్టుకొని బీజేపీని చావుదెబ్బకొట్టి కర్ణాటకలో అధికారాన్ని నిలబెట్టుకోవడం రాహుల్‌ గాంధీకి తక్షణ కర్తవ్యం. ఎన్నికలు కర్ణాటక విధానసౌధ కోసం అయినా.... నమో, రాగాలకు ఇవి 2019 ఎన్నికలకు ముందు ప్రతిష్టాత్మకమైనవే.. గణాంకాలు ఏమి చెప్పినా, కుల సమీకరణాలు ఎలా ఉన్నా అందివచ్చిన ఏ అవకాశాన్ని వదులుకోవడానికి రెండు పార్టీలు సిద్ధంగా లేవు. గత అసెంబ్లీ ఎన్నికలకు (2013) ముందు కర్ణాటక జనతాపక్ష పార్టీ ఏర్పాటు చేసి 9.8 శాతం ఓట్లు 6 సీట్లు సాధించిన మాజీ ముఖ్యమంత్రి యడ్యూరప్ప తిరిగి సొంతగూటికికి చేరి బీజేపి ముఖ్యమంత్రి అభ్యర్ధిగా తన అదృష్టాన్ని, పార్టీ అదృష్టాన్ని పరీక్షించుకోనున్నారు.   ఇప్పటికే 75 రోజుల పాటు రాష్ట్రమంతా పర్యటించి కర్ణాటక ముఖ్యమంత్రి సిద్దరామయ్యపై  విమర్శలు దాడి మొదలు పెట్టేసారు. ఫిబ్రవరి 4న జరిగిన బెంగుళూరు సభలో ప్రధాని నరేంద్రమోడి సిద్ద రామయ్య ప్రభుత్వ అవినీతిని ఉద్దేశించి ‘‘10 శాతం ప్రభుత్వం’’ గా చిత్రీకరించారు. కర్ణాటకలో రాజకీయ హింస కాదు... రాజకీయ తీవ్రవాదం రాజ్యమేలుతోందని దాడికి దిగారు. గత అయిదు సంవత్సరాల్లో 23 మంది బీజేపీ నాయకుల హత్యలు జరిగాయనేది ఆ పార్టీ ఆరోపణ. అదే సమయంలో గౌరీలంకేశ్‌ హత్యపై ప్రధాని మౌనం ఇబ్బంది కలిగించే అంశమే. ఫిబ్రవరి 4కి ఇప్పటికి పరిస్థితుల్లో మార్పు వచ్చింది. ఉత్తరప్రదేశ్, బీహార్‌ ఎన్నికల్లో బీజీపీ చావుదెబ్బతినడం ఆ పార్టీ వ్యూహాలను మార్చుకోవాల్సిన పరిస్థితి వచ్చింది.  ఉత్తరప్రదేశ్‌ ముఖ్యమంత్రి యోగీ ఆదిత్యనాథ్‌ని ప్రచారస్త్రంగా వినియోగించుకోవాలన్న ఎత్తుగడ విషయంలో ఆ పార్టీ పునరాలోచనలో పడింది. (సాక్షి ప్రత్యేకం) యోగీ ముందు ఉత్తరప్రదేశ్‌ గురించి ఆలోచిస్తే బాగుంటుందని సిద్దరామయ్య విమర్శల దాడి మొదలుపెట్టారు. బీజీపీ (2008–2013) హయాంలో ముగ్గురు ముఖ్యమంత్రులు మారారు. అవినీతి ఆరోపణలు, కుమ్ములాటలు మత ఉద్రిక్తతలు ఆ పార్టీని చావు దెబ్బ తీసాయి.  2013 ఎన్నికల్లో అధికారం కోల్పోయి 40 సీట్లతో సరిపెట్టుకోవాల్సి వచ్చింది. దేవెగౌడ పార్టీ బీజీఎస్‌ తో సమానంగా సీట్లు గెలుచుకున్నప్పటికి ఆ పార్టీ కన్నా తక్కువశాతం ఓట్లతో మూడోస్థానంతో సరిపెట్టుకొంది. ముఖ్యమంత్రి పీఠంపై కూర్చున్న సిద్దరామయ్య బలమైన నాయకుడిగా నిలదొక్కుకున్నారు. అయితే శాంతిభద్రతలు, అవినీతి ఆరోపణలు, రైతుల ఆత్మహత్యలు (ఈ ఐదేళ్ల కాలంలో దాదాపు 4000 మంది రైతులు ఆత్మహత్యలు చేసుకున్నట్టు గణాంకాలు చెపుతున్నాయి) సిద్ధరామయ్యకు ఇబ్బందికరమైన అంశాలు.  బీజీపీ ఈ అంశాలనే ప్రచారాస్త్రాలుగా వాడుకొంటున్నాయి. (సాక్షి ప్రత్యేకం) ఇక 1985 తర్వాత ఏ పార్టీ కూడా కర్ణాటకలో రెండవసారి అధికారంలోకి రాలేదు.  ఏ ముఖ్యమంత్రి కూడా రెండవసారి ప్రమాణ స్వీకారం చేయలేదు.  దళితులు, వెనకబడిన తరగతులు, కురబలు, ముస్లింల ఓట్లపై కాంగ్రెస్‌ ఆధారపడుతూ వస్తోంది.  లింగాయత్‌లు, బ్రాహ్మణులు బీజేపీ అండగా ఉంటోండగా మరో బలమైన పార్టీ జేడీఎస్‌ వక్కళిగల ఓటుబ్యాంక్‌పై నమ్మకాన్ని పెట్టుకున్నాయి. 2014లో జరిగిన లోక్‌సభ ఎన్నికల్లో అసెంబ్లీ సెగ్మంట్ల వారీగా పరిశీలిస్తే బీజేపీ 132 అసెంబ్లీ సీట్లలో మెజారిటీ సాధించింది.  కాంగ్రెస్‌ 77 సీట్లలో మెజారిటీ సాధించగా, జీజీఎస్‌ 15 స్థానాలకే పరిమితమైంది. అయితే అప్పటి మోడీ హవా వేరు. (సాక్షి ప్రత్యేకం) గత సంవత్సర కాలంలో 10 రాష్రాల్లో ఎన్నికలు జరగగా బీజేపీ , బీజేపీ మిత్ర పక్షాలు తొమ్మిందింటిలో పాగా వేశాయి. పంజాబ్‌ మినహా.. దేశంలో 21 రాష్ట్రాల్లో  కాషాయం జెండా రెపరెపలాడుతోంది. 224 అసెంబ్లీ స్థానాలున్న కర్ణాటకలో లింగాయత్‌లకు ప్రత్యేక మతహోదా కల్పిస్తూ సిద్దరామయ్య ప్రభుత్వం నిర్ణయం తీసుకొంది.  రాష్ట్ర జనాభాలో 17% లింగాయత్‌లు ఇప్పటివరకు బీజేపీకి మద్దతుగా ఉన్నారు.   నాలుగు దశాబ్ధాల్లో ఐదు సంవత్సరాల పూర్తి కాలం పనిచేసిన మొట్టమొదటి కర్ణాటక ముఖ్యమంత్రిగా సిద్ధరామయ్య రికార్డు సృష్టించారు. ఈ ఐదు సంవత్సరాల్లో బలమైన నాయకుడిగా ఎదిగారు సిద్ధరామయ్య. మంత్రులపైన అవినీతి ఆరోపణలు కాంగ్రెస్‌కు సిద్ధరామయ్యకు కొంచెం చికాకు కలిగించే అంశాలే.  సిద్దరామయ్య చేపట్టిన సంక్షేమ కార్యక్రమాలు,  కన్నడిగుల ఆత్మగౌరవ నినాదంతో తలపెట్టిన  ‘ప్రత్యేక జండా’  ఉద్యమం వెనుకబడిన కులాలు, దళితులు, ముస్లింల మద్దతు కాంగ్రెస్‌కు కలిసివచ్చే అంశాలు. (సాక్షి ప్రత్యేకం) ప్రభుత్వం, పార్టీ మధ్య సమన్వయలేమి, కాంగ్రెస్‌ సంస్కృతిలో భాగమైన గ్రూపులు.  కాంగ్రెస్‌కు ప్రతిబంధకాలుగా కనపడుతున్నాయి. పది సంవత్సరాల క్రితం వింధ్య పర్వతాలకు ఈవల మొదటిసారిగా పాగా వేసిన బీజేపి బలమైన లింగాయత్‌ సామాజిక వర్గానికి చెందిన యడ్యూరప్పని ముఖ్యమంత్రిని చేసింది. తర్వాత జరిగిన వివిధ పరిణామాల వల్ల ముగ్గురు ముఖ్యమంత్రులు మారి 2013లో పీఠం కోల్పోయింది.  యడ్యూరప్ప తప్ప మరో బలమైన నాయకుడిని తయారు చే సుకోలేకపోయిన బీజీపి ఈ సారి కూడా యడ్యూరప్పని ముఖ్యమంత్రి అభ్యర్థిగా ప్రచారం చేస్తోంది. (సాక్షి ప్రత్యేకం) అలాగే బీజీపి జాతీయ అధ్యక్షుడు అమిత్‌షా చాణక్యం, ప్రధానమంత్రి మోడీ ఆకర్షణలో గట్టెక్కాలని బీజీపి ఆరాటం.  అంతర్గత కుమ్ములాటలు కూడా అధిగమించడం బీజీపికి తక్షణ అవసరం.  మూడో ప్రధానమైన పార్టీ జేడీఎస్‌ తండ్రీకొడుకుల పార్టీ ముద్ర నుండి బయటపడలేక పోయింది.  అసంఘటితరంగ కార్మికుల్లో కుమారస్వామికి మంచిపేరే ఉంది.  బీఎస్‌సీ, వామపక్ష పార్టీలతో పొత్తు కొంత వరకు కలిసి వచ్చే అంశం. అటు రాహుల్‌ గాంధీ, ఇటు అమిత్‌షా సర్వశక్తులూ ధారపోసి కర్ణాటకలో సత్తా చాటాలని ప్రయత్నిస్తున్నారు. పంజాబ్‌ తర్వాత హస్తం చేతుల్లో ఉన్న పెద్ద రాష్ట్రం కర్ణాటక మాత్రమే. ఉత్తరప్రదేశ్, బీహార్‌ ఉప ఎన్నికల్లో ఎదురు దెబ్బతిన్న బీజేపీకి కర్ణాటకలో షాక్‌ ఇచ్చి 2019  సార్వత్రిక ఎన్నికలకు సిద్ధం అవాలనేది కాంగ్రెస్‌ వ్యూహం.  కర్ణాటకలో  కాంగ్రెస్‌ పార్టీని చావుదెబ్బ కొట్టాలనేది బీజేపీ ప్రతివ్యూహం. (సాక్షి ప్రత్యేకం) కర్ణాటకలో కాంగ్రెస్‌ గెలిస్తే ఆ గెలుపు రాహుల్‌ గాంధీ ఖాతాలోకి వెళుతుంది.  తద్వారా జాతీయ  స్థాయిలో జరుగుతున్న రాజకీయ శక్తుల పునరేకీకరణ కార్యక్రమంలో కాంగ్రెస్‌ తన మాటను చెల్లించుకునే అవకాశం దొరుకుతుంది.  ఓడిపోతే... ‘కాంగ్రెస్‌ ముక్త్‌ భారత్‌’’ ... షా... మోడీల నినాదానికి ప్రజల మద్దతు దొరికినట్టు అవుతుంది.  ఎన్నికలు మే 12న ... ఫలితాలు మే 15న ... నడివేసవిలో కమలం వికసిస్తుందా... హస్తం పిడికిలి బిగిస్తుందా... ఎస్‌ . గోపీనాథ్‌రెడ్డి

సాక్షి, బెంగళూర్‌: లింగాయత్‌లకు మతపరమైన మైనారిటీ హోదా కల్పిస్తే.. తీవ్ర పరిణామాలు ఉంటాయని హెచ్చరించిన వీరశైవ లింగాయత్‌ నేతలు అన్నంత పని చేశారు. లింగాయత్‌ నేతల ప్రదర్శనను అడ్డుకున్నారు. దీంతో రెండు వర్గాల మధ్య తోపులాట జరిగింది. ఇరు వర్గాల ఘర్షణతో కర్ణాటకలో ఉద్రిక్తత వాతావరణం నెలకొంది.  ప్రభుత్వ నిర్ణయాన్ని ఖండిస్తూ వీరశైవ నేతలు రాష్ట్ర వ్యాప్తంగా ఆందోళనలు చేపట్టారు. లింగాయత్‌ సామాజికవర్గాన్ని ప్రత్యేక మతంగా గుర్తిస్తూ.. వారికి మైనారిటీ హోదా కల్పించాలన్న నాగమోహన్‌ దాస్‌ కమిటీ సిఫారసులను అమలు చేయాలని నిర్ణయించారు. ఈ మేరకు కర్ణాటక కేబినెట్‌ సోమవారం ఆమోదం తెలిపింది. కేంద్ర ప్రభుత్వ ఆమోదం కోసం ప్రతిపాదనలు కూడా పంపింది. లింగాయత్‌లకు మాత్రమే ప్రత్యేక మైనారిటీ హోదా కల్పిస్తే.. తీవ్ర పరిణామాలు ఉంటాయని మొదటి నుంచి వీరశైవ లింగాయత్‌ స్వాములు హెచ్చరిస్తూ వచ్చారు. ఈ నేపథ్యంలో ఆ వర్గ వారి అసమ్మతిని చల్లార్చేందుకు లింగాయత్‌లో భాగంగా వీరశైవ లింగాయత్‌లను కూడా గుర్తించాలని కర్ణాటక ప్రభుత్వం నిర్ణయించింది. 12వ శతాబ్దానికి చెందిన వీరశైవ మతస్థాపకుడు బవసన్న అనుచరులే లింగాయత్‌లు, వీరశైవ లింగాయత్‌లు. ఈ రెండు వర్గాల మధ్య విభేదాలు ఉన్నాయి. కర్ణాటక జనాభాలో లింగాయత్‌లు 17శాతం​ మంది ఉన్నారు. వీరికి  మైనారిటీ హోదా ఇవ్వాలన్న అంశం చాలా ఏళ్లుగా పెండింగ్‌లో ఉంది.

సాక్షి​, బెంగుళూరు: అసెం‍బ్లీ ఎన్నికల నేపథ్యంలో లింగాయత్‌ల చుట్టూ కన్నడ రాజకీయాలు తిరుగుతున్నాయి. ‘కర్ణాటకలో లింగాయత్‌ కమ్యూనిటీని ప్రత్యేక మతంగా అంగీకరించ’ మని నాగ్‌పూర్‌లో జరిగిన ఆర్‌ఎస్‌ఎస్‌ సభ ప్రకటించింది. లింగాయత్‌లు ప్రత్యేక మతంగా పరిగణించాలని డిమాండ్‌ చేస్తున్నారని, దాన్ని అమలు చేస్తే భవిష్యత్‌లో హిందూ మతం ముక్కలయ్యే ప్రమాదం ఉందని ఆర్‌ఎస్‌ఎస్‌ అభిప్రాయపడింది.  అయితే రాష్ట్ర ముఖ్యమంత్రి సిద్ధరామయ్య లింగాయత్‌ల డిమాండ్‌లకు అంగీకరించారు. లింగాయత్‌ కమ్యూనిటీని ప్రత్యేక మతంగా పరిగణిస్తామని ప్రకటించారు. వారిని మైనారిటీల్లో కలిపేందుకు అవసరమైన మార్గదర్శకాలను రూపొందించాలని హైకోర్టు రిటైర్డ్‌ జడ్జి నాగమోహన్‌ దాస్‌తో కమిటీ వేశారు.  హిందూ మతం కులాల కుప్ప.. తమ డిమాండ్ల సాధనలో లింగాయత్‌ కమ్యూనిటీలోని అన్ని వర్గాలు కలిసిరాకపోవడం గమనార్హం. వీరశైవులు లింగాయత్‌ స్థాపకుడు బసవన్న బోధనలతో ఆకర్షితులై శివున్ని పూజించే మతస్తులు. తమని వీరశైవ లింగాయత్‌లుగా పిలవాలని వారు కోరుతున్నారు. తమ గురించి వేదాల్లో చెప్పారనీ..  వీరశైవం   హిందూ మతంలో భాగమని వారు వాదిస్తున్నారు. వేదాలతో విభేదించే లింగాయత్‌లు మాత్రం తమది ప్రత్యేక మతంగా పరిగణించాలని డిమాండ్‌ చేస్తున్నారు. లింగాయత్‌లు హిందూ మతంలో భాగం కానేకాదని రిటైర్డ్‌ ఐఏఎస్‌ అధికారి, ప్రత్యేక లింగాయత్‌ మత ఉద్యమ నాయకుడు ఎస్‌.ఎం.జామదార్‌ అన్నారు. ‘మా మతాన్ని బసవన్న స్థాపించాడు. ఇందులో కులాలు ఉండవు. హిందూ మతం కులాల కుప్ప’ని వ్యాఖ్యానించారు.  ముస్లిం, క్రిస్టియన్‌ వర్గాల భయం.. ఈ ఉద్యమానికి ముఖ్యమంత్రి సిద్ధరామయ్య వెన్ను దన్నుగా నిలుస్తుండడంతో.. ఆయన ప్రభుత్వం ఈ అంశంపై రెండుగా చీలిపోయింది. లింగాయత్‌లలో ముఖ్యమైన అయిదు వీరశైవ శాఖలు మాత్రం తమకు ప్రత్యేక మతం హోదా అవసరం లేదని అంటున్నాయి. ఇది మిగతా లింగాయత్‌లలో తీవ్ర ఆగ్రహాన్ని కలిగిస్తోంది. లింగాయత్‌లను మైనారిటీల్లో చేర్చడం వల్ల.. రాజకీయంగా, ఆర్థికంగా బలమైన సామాజిక వర్గమైన వారు తమను అణగదొక్కుతారని ముస్లిం, క్రిస్టియన్‌ వర్గాలు బయపడుతున్నాయి. కన్నడ రాష్ట్రంలో 18 శాతం ఉన్న లింగాయత్‌ల ఉద్యమం కాంగ్రెస్‌ ప్రభుత్వ తీరుపై ఆధారపడి ఉంది.

సాక్షి, న్యూఢిల్లీ : కర్ణాటక ముఖ్యమంత్రి సిద్ధరామయ్యపై విమర్శల దాడి చేసేందుకు బీజేపీకి మరో ఆయుధం దొరికింది. సిద్ధరామయ్య జోక్యంతోనే తమిళనాడు దివంగత ముఖ్యమంత్రి జయలలిత నిచ్చెలి అక్రమాస్తుల కేసులో జైలు శిక్ష అనుభవిస్తున్న శశికళ అక్కడ రాజభోగాలు అనుభవిస్తున్నారంటూ హెచ్‌ఎన్‌ సత్యనారాయణ రావు అనే మాజీ పోలీసు ఉన్నతాధికారి దర్యాప్తు కమిటీకి చెప్పారు. దీంతో ఇదే అంశాన్ని తమ ఆయుధంగా బీజేపీ ఉపయోగించుకొని ఎన్నికల ప్రచారంలో దాడి చేయాలని భావిస్తోంది. శశికళకు ఖరీదైన పరుపు, దిండ్లు, ఇతర అన్నిరకాల సదుపాయాలు అందేలాగా జైలు అధికారులు ఏర్పాట్లు చేశారని, ఇది కూడా సిద్దరామయ్య జోక్యంతోనే సాధ్యమైందంటూ ఆ అధికారి చెప్పారు. జైలులో శశికళకు ప్రత్యేక సౌకర్యాలు కల్పిస్తున్నారంటూ, ఆ మేరకు ముందే పోలీసు ఉన్నతాధికారులకు రూ.2కోట్లు అందాయంటూ డీ రూపా అనే పోలీసు అధికారి ఆధారాలతో సహా బయటపెట్టిన విషయం తెలిసిందే. దీంతో ఆ సమయంలో జైళ్ల శాఖకు హెడ్‌గా ఉన్న హెచ్‌ఎన్‌ సత్యనారాయణ రావు అనే పోలీసు అధికారిని విధుల్లో నుంచి తొలగించారు. ఈ సంఘటపై ప్రత్యేక విచారణకు ఆదేశించారు. దీంతో, దర్యాప్తు కమిటీకి కొన్ని వివరాలు చెప్పిన ఆయన సీఎం సిద్దరామయ్యకు సంబంధించి బాంబు పేల్చారు.

న్యూఢిల్లీ : కర్ణాటకలో ఎన్నికల ప్రచారం వాడివేడిగా సాగుతోంది. కేవలం బహిరంగ ప్రచారాల్లోనే కాక, సోషల్‌ మీడియా వేదికగా కూడా బీజేపీ, కాంగ్రెస్‌ల మధ్య వార్‌ కొనసాగుతోంది. అసెంబ్లీ ఎన్నికలు దగ్గర పడుతుండటంతో, ఎలాగైనా ఈ సారి కర్ణాటక పీఠాన్ని దక్కించుకోవాలని బీజేపీ తీవ్రంగా కృషిచేస్తోంది. ఈ నేపథ్యంలో కర్నాటక ముఖ్యమంత్రి సిద్ధరామయ్య, బీజేపి రాష్ట్ర అద్యక్షుడు యడ్యూరప్ప వరుస ట్వీట్లతో ఒకరిపై ఒకరు విమర్శల అస్త్రాలను సంధించుకుంటున్నారు. ఇటీవల కర్ణాటకలో జరిగిన ఓ ర్యాలీలో ప్రధాని నరేంద్ర మోదీ ఇక్కడ కాంగ్రెస్‌ ప్రభుత్వంపై విరుచుపడ్డారు. కాంగ్రెస్‌ ప్రభుత్వం మిషన్‌ డ్రైవ్‌ కంటే కమీషన్‌ డ్రైవ్‌పైనే ఎక్కువ దృష్టి పెట్టిందని విమర్శించారు. దీనిపై సిద్ధరామయ్య స్పందిస్తూ... ''మైసూరు వాసులను ఎవరూ మోసం చేయలేరు. తెల్లవారితో పోరాడిన పులిబిడ్డలు పుట్టిన ప్రాంతం ఇది. భూ సంస్కరణలు తీసుకువచ్చిన ఆధునిక రాష్ట్రం కర్ణాటక. కొంతమంది చౌకబారు విమర్శలను కర్ణాటక ప్రజలు ఆహ్వానించరు'' అని ట్వీట్‌ చేశారు. సిద్ధరామయ్య చేసిన ఈ ట్వీట్‌పై సోషల్‌ మీడియా వేదికగా యడ్యూరప్ప విరుచుపడ్డారు. ఇలా వరుస ట్వీట్లతో రెండు పార్టీల మధ్య పొలిటికల్‌ వార్‌ జోరుగాసాగుతోంది. వరుస ట్వీట్ల రహస్యం ఇదే ఎన్నికల ప్రచారం అంటే పాదయాత్రలు, ఇంటింటికి తిరగడం, బహిరంగ సభలు, ర్యాలీలు తీయడం సహజం. దీంతో పాటు ఇటీవల కాలంలో సోషల్‌ మీడియా కూడా ఎన్నికల ప్రచారంలో ప్రముఖ పాత్ర వహిస్తోంది. ఈ నేపథ్యంలోనే రాజకీయా పార్టీలు తమ ప్రచారానికి సోషల్‌ మీడియాను ఎక్కువగా వాడుతున్నారు. విద్యావంతులైన ప్రజలు ఇంటర్‌నెట్‌ను పూర్తి స్థాయిలో ఉపయోగిస్తున్నారు. అంతేకాక యువతపై సోషల్‌ మీడియా ప్రభావం ఎక్కువగా ఉంటుంది. ఇటు ప్రజలను, అటు యువతను ఆకట్టుకోవడానికి ఈ మాధ్యమాన్ని రాజకీయ పార్టీలు తమ ప్రచార అస్త్రంగా ఎంచుకుంటున్నారు.  సోషల్‌ ప్రచారానికి ఏకంగా టీమ్‌లనే ఏర్పాటు చేసుకుంటున్నారు. యడ్యూరప్ప ఉత్తర బెంగళూరులో ఒక అపార్ట్‌మెంట్‌ను అద్దెకు తీసుకునిసోషల్‌ మీడియా టీంను ఏర్పాటు చేశారు. సోషల్‌ మీడియా నిపుణుడు రాజ్‌నీతి సారథ్యంలో తమ ప్రచారం నిర్వహిస్తున్నారు. 25 మందితో కూడిన ఈ టీమ్‌, మూడు నెలల క్రితమే బెంగుళూరులో యడ్యూరప్పను కలిశారు. తాజా సంఘటనల ఆధారంగా ఈ టీమ్‌ యడ్యూరప్పకు అనుకూలంగా ప్రచారం సాగిస్తోంది. ఇక కాంగ్రెస్‌ పార్టీ సైతం సామాజిక మీడియా నిపుణులచే సొంత టీమ్‌ను ఏర్పాటు చేసుకుంది. దీనికి సిద్ధరామయ్య తనయుడు సారథ్యం వహిస్తున్నాడు. ఓ ఇంగ్లీష్‌ ఛానల్‌తో ఆయన మాట్లాడుతూ..''మాకు గత సంవత్సరం సెప్టెంబర్‌ వరకు సోషల్‌ మీడియా టీమ్‌ లేదు. ఇప్పుడు ఏర్పాటు చేసుకున్నాం. ఫేస్‌బుక్‌, ట్విట్టర్‌, వాట్సాప్‌ల ద్వారా కాంగ్రెస్‌ కార్యక్రమాలను ప్రచారం చేస్తున్నాం'' అని తెలిపారు.

సాక్షి, బెంగళూరు: కాంగ్రెస్‌ హయాంలో కర్ణాటక అవినీతిమయమైందని ప్రధాని మోదీ విమర్శించారు. రాష్ట్రంలో రోజుకో కుంభకోణం బయటపడుతోందన్నారు. సోమ వారం సాయంత్రం మైసూరులో వివిధ అభివృద్ధి పనులను ప్రారంభించిన అనంతరం మహరాజ కాలేజీ మైదానంలో జరిగిన బహిరంగ సభలో ప్రధాని ప్రసంగించారు. తాను ఇటీవల బెంగళూరు సభలో సిద్దరామయ్య సర్కారును పది శాతం కమీషన్ల ప్రభుత్వమని విమర్శించానని, అయితే అది అంతకంటే ఎక్కువని తనకు తర్వాతే తెలిసిందన్నారు. కర్ణాటక సంపదను, ప్రజాధనాన్ని దోచుకుంటూ రాష్ట్రానికి దరిద్రం పట్టించిన కాంగ్రెస్‌ ప్రభుత్వానికి రాష్ట్ర ప్రజలు చరమగీతం పాడాలని ప్రధాని నరేంద్రమోదీ పిలుపునిచ్చారు. రాష్ట్రాభివృద్ధికి బీజేపీనే గెలిపించాలని కోరారు. ‘రాష్ట్రంలో రోజుకో కాంగ్రెస్‌ మంత్రులు, నేతలపై కొత్త కుంభకోణం, కొత్త అవినీతి ఆరోపణ బయటికొస్తున్నాయి. ప్రభుత్వ పథకాల్లోనూ అవినీతి నెలకొంది. రోజుకో కొత్త అబద్ధం చెబుతూ ప్రజలను మోసం చేసేందుకు రాష్ట్రసర్కారుప్రయత్నిస్తోంది’ అని విమర్శించారు.  ఈ సందర్భంగా బెంగళూరు–మైసూరు సిక్స్‌–లేన్‌  (117 కిలోమీటర్లు) హైవే ప్రాజెక్టుకోసం రూ.6,400 కోట్లను ప్రధాని ప్రకటించారు. మైసూరులో రూ.800 కోట్లతో ప్రపంచస్థాయి శాటిలైట్‌ రైల్వేస్టేషన్‌ ఏర్పాటు చేయనున్నట్లు చెప్పారు. మైసూరు–బెంగళూరు మధ్య విద్యుత్‌ రైల్వే లైనును జాతికి అంకితం చేశారు. తర్వాత మైసూరు–ఉదయ్‌పూర్‌ మధ్యన నడిచే ‘ప్యాలస్‌ క్వీన్‌ హమ్‌సఫర్‌ ఎక్స్‌ప్రెస్‌’ను ప్రారంభించారు. అదే భారత సమాజ బలం ఎప్పటికప్పుడు కొత్త మార్పులకు అనుగుణంగా మార్పు చెందటమే భారత సమాజానికున్న గొప్పదనమని ప్రధాని తెలిపారు. శ్రావణబెళగొళలో మహామస్తకాభిషేక కార్యక్రమంలో పాల్గొన్న మోదీ.. గోమటేశ్వర బాహుబలి విగ్రహం (వింధ్యగిరి పర్వతం) సమీపంలో భారత పురాతత్వశాఖ నిర్మించిన 630 మెట్లను, అనంతరం 50 పడకల బాహుబలి ప్రభుత్వాసుపత్రిని ప్రారంభించారు. ప్రధానికి రూమ్‌ దొరకటం కష్టమైంది! మైసూరు పర్యటనలో ఉన్న మోదీ, అధికారులకు హోటల్‌లో అద్దెకు గదులు దొరకలేదు. దీంతో చివరి నిమిషంలో జిల్లా అధికారులు హుటాహుటిన మరో ఖరీదైన హోటల్‌ లో ప్రధాని, ఆయన బృందానికి బస ఏర్పాటుచేశారు.

సాక్షి : ముఖ్యమంత్రుల మధ్య మాటల తుటాలు పేలుతున్నాయి. ఉత్తర ప్రదేశ్‌ ముఖ్యమంత్రి యోగి ఆదిత్యానాథ్‌ కర్ణాటక పర్యటన నేపథ్యంలో ఆ రాష్ట్ర ముఖ్యమంత్రి సిద్ధరామయ్య వ్యంగ్యాస్త్రాలు సంధించారు. దీనికి ఆలస్యం చేయకుండా యోగి కూడా కౌంటర్‌ ఇచ్చారు. ఉత్తర ప్రదేశ్‌లో ఆకలి చావులు ఎక్కువగా ఉన్నాయని.. కర్ణాటకలోని రేషన్‌ షాపులను, ఇందిరా క్యాంటీన్‌లను సందర్శించి ఆదర్శంగా తీసుకోండంటూ సిద్ధరామయ్య యోగికి ఓ సలహా ఇచ్చాడు. దీనికి వెంటనే ఆదిత్యానాథ్‌ కూడా స్పందించారు. ‘‘మీ ఆహ్వానికి కృతజ్ఞతలు.. మీ హయాంలోనే కర్ణాటకలో రైతుల మరణాలు ఎక్కువగా సంభవిస్తున్నాయని విన్నాను. అంతేకాదు నిజాయితీ పరులైన అధికారుల బదిలీలు, వారి మరణాలకు కూడా మీ ప్రభుత్వమే కారణమవుతుందంట కదా’ అంటూ కౌంటర్‌ ఇచ్చారు.  గుజరాత్‌ ఫార్ములా విజయవంతం కావటంతో కర్ణాటక ఎన్నికల నేపథ్యంలో అదే ఫార్ములాను అనుసరించాలని బీజేపీ భావిస్తోంది. ఈ క్రమంలోనే యూపీ సీఎం ఆదిత్యానాథ్‌ను రంగంలోకి దించింది. కొన్ని రోజుల క్రితం జరిగిన టిప్పు జయంతి వేడుకల్లో బీఫ్‌ వడ్డించటం.. ఆ కార్యక్రమానికి సిద్ధ రామయ్యే హాజరుకావటంపై యోగి తీవ్ర విమర్శలు గుప్పించారు. హనుమంతుడి గడ్డపై ఇదేం చెండాలం అంటూ అసహనం వ్యక్తం చేశారు. మరోవైపు ముందు మీ రాష్ట్రం సంగతి చూస్కోండంటూ యోగికి కౌంటర్‌ ఇస్తున్న సిద్ధ రామయ్య.. బీజేపీ చీఫ్‌ అమిత్‌షా యంత్రాగం ఇక్కడ అస్సలు పని చేయదని.. ఈసారి కూడా కాంగ్రెస్‌ పార్టీ గెలుస్తుందని ధీమా వ్యక్తం చేస్తున్నారు. మున్ముందు మాటల యుద్ధం మరింత ముదిరే అవకాశం ఉందని విశ్లేషకులు భావిస్తున్నారు. I welcome UP CM Shri @myogiadityanath to our state. There is a lot you can learn from us Sir. When you are here please visit a Indira Canteen & a ration shop. It will help you address the starvation deaths sometimes reported from your state. #YogiInBengaluru https://t.co/lj0m4fMphC — Siddaramaiah (@siddaramaiah) January 7, 2018 Thank you for the welcome @siddaramaiah ji. I heard number of farmers committing suicide in Karnataka was highest in your regime, not to mention the numerous deaths and transfer of honest officers. As UP CM I am working to undo the misery and lawlessness unleashed by your allies. — Yogi Adityanath (@myogiadityanath) January 7, 2018

వైట్‌ఫీల్డ్‌:  దేశ ప్రధాని నరేంద్ర మోదీని అనుకరిస్తూ సీఎం సిద్ధరామయ్య మిమిక్రీ చేయడం ఆయన స్థాయికి తగదని బీజేపీ జాతీయ ప్రధాన కార్యదర్శి పి.మురళీధర్‌రావు ఆక్షేపించారు. శనివారం   మారతహళ్లి న్యూహారిజన్‌ ఆడిటోరియంలో ఏర్పాటు చేసిన ‘పొలిటిక్స్‌ ఆఫ్‌ గుడ్‌ గవర్ననెస్‌’ కార్యక్రమాన్ని  ఆయన ప్రారంభిం మాట్లాడారు.  ప్రపంచంలోనే మోదీ గురించి ఎన్నో సర్వేలు మంచి పాలన అందిస్తున్నట్లు చెబుతున్న విషయాన్ని ఆయన గుర్తుచేశారు. బాహుబలి సినిమా ఎంత విజయం సాధించిందో అందరికీ తెలుసని,  అదే రీతిలో మోదీ ప్రధానిగా మరింత విజయాన్ని సాధిస్తున్నారని చెప్పారు.  కర్ణాటకలో బీజేపీ  అధికారంలోకి వస్తుందన్నారు. కార్యక్రమంలో పాల్గొన్న  ఎమ్మెల్యే అరవింద లింబావళి  మాట్లాడుతూ..  వచ్చే ఎన్నికల్లో  బీజేపీ   అధికారంలోకి వస్తుందని.. మహదేవపుర నియోజకవర్గాన్ని ఒక మోడల్‌గా తీర్చిదిద్ధుతానని అన్నారు. సినీనటులు, బీజేపీ నేత సాయికుమార్‌ మాట్లాడుతూ..   మోదీ చేపట్టిన ప్రగతితో కర్ణాటకలో కూడా వచ్చే ఎన్నికల్లో తమపార్టీ విజయం సాధిస్తుందని చెప్పారు.  బీజేపీ కిసాన్‌మార్చా జాతీయ నాయకులు చల్లపల్లి నరసింహారెడ్డి, కదిరి మాజీ ఎమ్మెల్యే పార్థసారథి తదితరులు పాల్గొన్నారు. 


 ► మంగళూరు అల్లర్లు, జైలు గొడవలు..
 ► ముందే ఎందుకు గుర్తించలేదు 
 ► హోంశాఖ సలహాదారు, నిఘా చీఫ్‌లపై సీఎం తీవ్ర అసంతృప్తి! 
  
 రాష్ట్రంలో చీమ చిటుక్కుమన్నా ముఖ్యమంత్రికి చేరవేయాల్సిన నిఘా, హోంశాఖ వ్యవహారాలను చక్కబెట్టాల్సిన సలహాదారు... ఇద్దరి మీద సీఎం ఒంటికాలిమీద లేచినట్లు తెలుస్తోంది. రాష్ట్రంలో కొద్దిరోజులుగా పతాక శీర్షికలకెక్కుతున్న పరిణామాలపై ఆయన తీవ్ర ఆగ్రహంతో ఉన్నారు. ముందస్తు చర్యలు ఏమయ్యాయయని సిద్ధు వారిని ప్రశ్నించారు. 
  
 సాక్షి, బెంగళూరు/ మైసూరు: రాష్ట్ర హోంశాఖ సలహాదారు కెంపయ్యతో పాటు ఇంటెలిజెన్స్‌ చీఫ్‌ ఎం.ఎన్‌ రెడ్డిపై ముఖ్యమంత్రి సిద్ధరామయ్య తీవ్ర ఆగ్రహం వ్యక్తం చేశారు. మొన్నటికిమొన్న మంగళూరు అల్లర్లు, అవి సద్దుమణిగేటప్పటికి పోలీసుశాఖలో ఇద్దరు ఉన్నతాధికారుల మధ్య గొడవలతో హోంశాఖ పరువు పోయిందని హోంశాఖను కూడా పర్యవేక్షిస్తున్న సీఎం సిద్ధరామయ్య ఘాటు వాఖ్యలు చేసినట్లు సమాచారం. బెంగళూరులో ఆయన వారిద్దరితో ఆదివారం ప్రత్యేకంగా భేటీ అయ్యారు.
 
 విశ్వసనీయ వర్గాల సమాచారం మేరకు ఆర్‌ఎస్‌ఎస్‌ కార్యకర్త హత్యతో మంగళూరులో ప్రారంభమైన గొడవలు తీవ్రరూపం దాల్చడంతో కొన్నిరోజుల పాటు అల్లర్లు జరగడం ఏమాత్రం బాగాలేదని, ఘర్షణలను నివారించడానికి సరైన చర్యలు తీసుకోకపోవడం వల్లే ఇదంతా జరిగిందంటూ కెంపయ్య, నిఘా డీజీపీ ఎం.ఎన్‌.రెడ్డిలపై తీవ్ర ఆగ్రహం వ్యక్తం చేసినట్లు తెలిసింది. ఘర్షణలను ముందుగా పసిగట్టడంలో ఎందుకు విఫలమయ్యారని వారిద్దరినీ నిలదీసినట్లు సమాచారం. అదేవిధంగా జైళ్లశాఖ డీజీపీ సత్యనారాయణ, డీఐజీ డీ.రూపల మధ్య సాగుతున్న వివాదాన్ని పరిష్కరించడంలో కూడా విఫలమయ్యారంటూ ఆగ్రహించారు.
 
 హద్దులు మీరి ప్రవర్తిస్తున్న ఇద్దరు సీనియర్‌ ఐపీఎస్‌ అధికారులపై ఎటువంటి చర్యలో తీసుకోవచ్చో సమాచారాన్ని వీలైనంత త్వరగా తమకు అందించాలంటూ కెంపయ్య, డీజీపీ ఎం.ఎన్‌.రెడ్డిలను ఆదేశించారు. బదిలీలు, పదోన్నతులపై చూపించే శ్రద్ధ పోలీసుశాఖలో జరుగుతున్న అంతర్గత వ్యవహారాలు, వివాదాలను గుర్తించడంపైనా పెట్టాలని ఇద్దరినీ ఘాటుగా హెచ్చరించినట్లు సమాచారం. ఇద్దరు అధికారులూ స్పందిస్తూ, ఇకపై ఇటువంటి పొరపాట్లు జరక్కుండా జాగ్రత్తలు తీసుకుంటామంటూ సిద్ధరామయ్యకు హామీ ఇచ్చినట్లు సమాచారం.
  
 అవినీతి అధికారులపై చర్యలే: సీఎం 
 సిద్ధరామయ్య మైసూరులో మీడియాతో మాట్లాడుతూ... ఆర్థిక నేరాలకు పాల్పడి బెంగళూరు పరప్పన అగ్రహార సెంట్రల్‌ జైలులో శిక్షననుభవిస్తున్న శశికళకు అతిథి మర్యాదలు కల్పిస్తున్నారంటూ జైళ్లశాఖ డీజీపీ సత్యనారాయణరావు మీద డీఐజీ డీ.రూప మాటల యుద్ధానికి దిగడంపై సిద్ధరామయ్య తీవ్ర అసహనం వ్యక్తం చేశారు. విధి నిర్వహణలో అవినీతికి పాల్పడే అధికారులను ఎట్టి పరిస్థితుల్లోనూ ఉపేక్షించేది లేదన్నారు. జైళ్లల్లో ఖైదీలకు అతిథి మర్యాదలు చేయడానికి సీనియర్‌ అధికారి లంచం తీసుకున్నట్లు వస్తున్న ఆరోపణలపై విచారణకు ఆదేశించామన్నారు. అవినీతికి పాల్పడే అధికారులను ఉపేక్షించే ప్రసక్తే లేదని, చర్యలు తప్పవని తెలిపారు. ఆషాఢమాసం కాబట్టి కేబినెట్‌ విస్తరణను చేపట్టలేదంటూ వస్తున్న విమర్శలను సీఎం సిద్ధరామయ్య ఖండించారు. కేబినెట్‌ విస్తరణకు– ఆషాఢమాసానికి సంబంధం లేదని, పార్టీ హైమాండ్‌తో చర్చించిన అనంతరం కేబినెట్‌ విస్తరణ చేపట్టనున్నట్లు తెలిపారు.
  
 ఆ ఖైదీలు బళ్లారికి షిఫ్ట్‌
 పరప్పన అగ్రహార కేంద్ర కారాగారంలో శిక్ష అనుభవిస్తున్న రామమూర్తి, శ్రీనివాస్, శివశంకర్‌ అనే ఖైదీలను బళ్లారికి బదిలీ చేశారు. వీరు ముగ్గురు డీఐజీ రూపకు జైలులోపల జరుగుతున్న విషయాలన్నీ చేరవేసేవారని తెలుస్తోంది. ఇందులో రామమూర్తిని జైలు ఉన్నతాధికారి ఒకరు కొట్టడం తెలిసిందే. అందువల్లే వీరిని బళ్లారి జైలుకు తరలించినట్లు సమాచారం. 
  
 సాధారణ ఖైదీలా శశికళ 
 ఇదిలా ఉండగా రెండు రోజుల ముందు వరకూ జైలులోపల సకల సౌకర్యాలు అనుభవిస్తున్న శశికళ శనివారం నుంచి సాధారణ ఖైదీ మాదిరిగానే ఉంటున్నట్లు సమాచారం. శిక్షపడిన ఖైదీల మాదిరిగానే యూనిఫామ్‌ ధరిస్తున్నారు. సాధారణ కిచెన్‌లో తయారైన ఆహారాన్నే అందిస్తున్నారు. 
  
 పరప్పన జైల్లో రభస?
 శశికళకు సహాయకులుగా ఉన్న ఇద్దరు మహిళా ఖైదీలు శనివారం జైలు పరిశీలనకు వెళ్లిన సమయంలో డీఐజీ రూపకు వ్యతిరేకంగా నినాదాలు చేస్తూ దాడికి యత్నించినట్లు తెలిసింది. ఈ సందర్భంగానే ఖైదీలు రెండు గ్రూపులుగా విడిపోయి కొంతమంది డీజీ సత్యనారాయణకు అనుకూలంగా, మరికొంతమంది డీఐజీ రూపాకు అనుకూలంగా నినాదాలు చేయడంతో కొంత ఉద్రిక్త పరిస్థితులు నెలకొన్నాయి. అయితే బయటి నుంచి పోలీసులు అదనపు సిబ్బందిని పిలిపించి పరిస్థితిని అదుపులోకి తీసుకువచ్చారు. 


 ►  టెండర్లు పిలిచాం
 ►  సీఎం సిద్ధరామయ్య
 
 మైసూరు:  త్వరలోనే మంత్రి వర్గ విస్తరణ చేపట్టనున్నట్లు ముఖ్యమంత్రి సిద్ధరామయ్య తెలిపారు. ఆయన శనివారం మైసూరు నగరంలోని రామకృష్ణనగర్‌లో తమ నివాసంలో మీడియాతో మాట్లాడారు. హోంమంత్రి పదవికి రాజీనామా చేస్తూ కేపీసీసీ అధ్యక్షుడు పరమేశ్వర్‌ అందించిన రాజీనామా పత్రాన్ని గవర్నర్‌ వజూభాయ్‌వాలాకు పంపించామని చెప్పారు. రాష్ట్రంలో ముంగారు వర్షాలు ఆశించినస్థాయిలో కురవడం లేదని, జూన్‌ నెలాఖరులోనైనా మంచి వానలు వస్తాయనే ఆశాభావం వ్యక్తం చేశారు. వర్షాలు ఆశించిన స్థాయిలో కురవకపోతుండడంతో ప్రత్యామ్నాయంగా మేఘమథనానికి టెండర్లను ఆహ్వానించామని తెలిపారు.
 
 తమ కుమారుడిని రాజకీయాల్లోకి తేవడానికి ప్రయత్నిస్తున్నారంటూ జేడీఎస్‌ రాష్ట్రాధ్యక్షుడు కుమారస్వామి చేసిన విమర్శలపై సిద్ధు స్పందించారు. తాము గత 40 సంవత్సరాలుగా రాజకీయాల్లో ఉంటున్నామని ఇన్నేళ్ల రాజకీయ జీవితంలో తమ కుటుంబం నుంచి ఒక్కరు కూడా ఎమ్మెల్యేగా పోటీ చేయలేదన్నారు. తమపై విమర్శలు చేసే కుమారస్వామి జేడీఎస్‌ పార్టీలో తమ కుటుంబ సభ్యులు ఎంతమంది రాజకీయాల్లో ఉన్నారో ప్రజలందరికీ ప్రకటించాలని డిమాండ్‌ చేశారు.
 
 మైసూరు నగరంలో ప్రబలుతున్న డెంగ్యూ తదితర విషజ్వరాలను అరికట్టడానికి తీసుకోవాల్సిన చర్యలపై అధికారులతో సమావేశమై సూచనలు జారీ చేశామన్నారు. అనంతరం ఏర్పాటు చేసిన జనతాదర్శన్‌ కార్యక్రమంలో మైసూరుతో పాటు మండ్య, చామరాజనగర జిల్లాల ప్రజలు పెద్దసంఖ్యలో వినతిపత్రాలను అందజేశారు. సహకార బ్యాంకుల్లో రూ.50వేల వరకు రుణమాఫీ చేసినందుకుగానూ వివిధ ప్రాంతాల నుంచి వచ్చిన రైతులకు సీఎం సిద్ధరామయ్యకు స్వీట్లు, పుష్పగుచ్చాలతో అభినందనలు తెలిపారు.
 
 హోంమంత్రి పరమేశ్వర్‌ రాజీనామా ఆమోదం!
 పీసీసీ అధ్యక్షపదవిలో కొనసాగేలా కాంగ్రెస్‌ అధిష్టానం మేరకు హోంమంత్రి పదవికి పరమేశ్వర్‌ చేసిన రాజీనామాను గవర్నర్‌ వజూభాల్‌ వాలా ఆమోదించినట్లు తెలిసింది. పీసీసీ పదవిలో కొనసాగేందుకు ఆయన మంత్రి పదవికి నెల కిందట కిందట రాజీనామా చేయడం తెలిసిందే.


 సాక్షి, బెంగళూరు : విదేశాల్లో ఉన్న నల్లధనం దేశానికి తెప్పిస్తామని, దొంగనోట్ల చలామణికి అడ్డుకట్ట వేస్తామని, ఉగ్రవాదులు దేశంలోకి చొరబడకుండా అడ్డుకట్టవేస్తామని చెప్పి కేంద్రం ఏకపక్షంగా రాజకీయ స్వలాభం కోసమే దేశంలో పెద్దనోట్ల రద్దు చేశారని సీఎం ఆగ్రహం వ్యక్తం చేశారు.  విధానసౌధలో రాష్ట్ర సచివాలయం సహకార సంఘం ఆధ్వర్యంలో ఏర్పాటు చేసిన సహకార సంఘాల విచారణ సంకీర్ణం కార్యక్రమాన్ని ప్రారంభించిన సీఎం సిద్ధరామయ్య మాట్లాడుతూ... పెద్ద నోట్ల రద్దు వల్ల ఒరిగింది ఏమీ లేదన్నారు. సామాన్యులతో పాటు అన్ని వర్గాల ప్రజలు తీవ్ర ఇబ్బందులు పడ్డారని అన్నారు. ఈ ప్రభావం సహకార సంఘాలపై కూడా పడిందని అన్నారు.
 
 వెంకయ్య వ్యాఖ్యలపై ఆగ్రహం : మాటల పైన ఆగ్రహం :
 రైతులు ఫ్యాషన్‌ కోసం రైతుల రుణాల మాఫీ చేయాలని డిమాండు చేస్తున్నారని అని కేంద్ర మంత్రి వెంకయ్య నాయుడు అన్న మాటలకు సీఎం సిద్ధరామయ్య వెంకయ్య నాయుడిపై మండిపడ్డారు. యూపీ ఎన్నికల సమయంలో ప్రధానిన మోదీ రైతుల రుణాల మాఫీ చెఆస్తమని చెప్పడం కూడా ఫ్యాషనా అని ప్రశ్నించారు. కార్యక్రమంలో రాష్ట్ర ఇంధన శాఖ మంత్రి డీకే. శివకుమార్, ఎమ్మెల్యే ఎస్‌.టి.సోమశేఖర్, మునిరత్న, భైరతి సురేష్, ప్రభుత్వ ఉద్యోగుల సంఘం అధ్యక్షుడు మంజేగౌడ, ప్రభూత్వ సచివాలయం సహకార సంఘం అధ్యక్షుడు డి.నరసింహయ్య తదితరులు పాల్గొన్నారు. 


 ► ఇతర రాష్ట్రాల్లో రుణమాఫీ ఇక్కడ సాధ్యం కాదా?
 ► సీఎం సిద్ధు మేల్కోవాలి
 ► బీజేపీ పక్ష నేత శెట్టర్‌
 
 సాక్షి, బెంగళూరు: ఇతర రాష్ట్రాల ప్రభుత్వాలకు సాధ్యమవుతున్న రైతుల రుణమాఫీ సిద్ధరామయ్య ప్రభుత్వానికి ఎందుకు సాధ్యపడట్లేదో అర్థం కావడం లేదని విధానసభలో బీజేపీ పక్ష నేత జగదీశ్‌ శెట్టర్‌ ఆగ్రహం వ్యక్తం చేశారు. ఆయన మంగళవారం విధానసౌధలో మీడియాతో మాట్లాడారు. కరువు కారణంగా పంటలు ఎండిపోయి అప్పుల బాధతో రాష్ట్రంలో వందలాది మంది రైతులు ఆత్మహత్యలకు పాల్పడుతున్నా సీఎం సిద్ధరామయ్య ఏమాత్రం చలనం లేకుండా కేవలం ఎన్నికలు, పార్టీ బలోపేతం గురించి మాట్లాడుతున్నారని విమర్శించారు.
 
 రైతుల రుణమాఫీపై కుంటిసాకులు చెబుతూ కేంద్ర ప్రభుత్వంపై నిందలు మోపుతూ సీఎం సిద్ధరామయ్య రుణమాఫీ చేయకుండా కాలక్షేపం చేస్తున్నారంటూ ధ్వజమెత్తారు. మహారాష్ట్ర, ఉత్తరప్రదేశ్‌లతో పాటు కాంగ్రెస్‌ ప్రభుత్వం అధికారంలో ఉన్న పంజాబ్‌లో కూడా ఆయా ప్రభుత్వాలు రైతుల రుణాలను రద్దు చేశాయని, కానీ ఇక్కడ సిద్ధరామయ్యకు అది ఎందుకు సాధ్యం కావడం లేదని శెట్టర్‌ ప్రశ్నించారు. రాష్ట్రంలో ఉపాధి కరువై రైతులు పక్క రాష్ట్రాలకు వలస వెళుతున్నారని, పశుగ్రాసం, నీరు లేక పశువులను కబేళాలకు తరలించే దయనీయ స్థితిలో ఉన్నారని చెప్పారు.
 
 ఆత్మహత్యలు ఇక్కడే ఎక్కువ
 దుర్భర స్థితిలో జీవనం సాగిస్తున్న రైతులను ఆదుకోవడానికి రుణమాఫీ చేయని సిద్ధరామయ్య ఎన్నికల్లో విజయమే పరమావధిగా ఇష్టారీతిలో భాగ్యలను ప్రవేశపెడుతూ రైతుల సంక్షేమాన్ని గాలికొదిలేశారని శెట్టర్‌ విమర్శించారు. ఇతర రాష్ట్రాలతో పోలిస్తే కర్ణాటకలోనే రైతుల ఆత్మహత్య కేసులు అధికంగా నమోదవుతున్నాయని, ప్రతిరోజు రాష్ట్రంలో ఏదో ఒక ప్రాంతంలో రైతు ప్రాణాలు తీసుకుంటున్నాడని తెలిపారు. దీంతో రైతుల కుటుంబాలు వీధిన పడుతున్నారని రైతుల పిల్లలు అనాథలవుతున్నారని, ఇప్పటికైనా సీఎం సిద్ధరామయ్య నిద్రలోంచి బయటకు వచ్చి రుణమాఫీ చేయడంతో పాటు ఆత్మహత్యలకు పాల్పడ్డ కుటుంబాలను ఆదుకోకపోతే ప్రజలు తగిన గుణపాఠం చెబుతారని శెట్టర్‌ హెచ్చరించారు.


 బెంగళూరు: గత కొద్దిరోజులుగా తరచూ వివాదాల్లో చిక్కుకుంటూ ఇబ్బందుల పాలవుతున్న కర్ణాటక ముఖ్యమంత్రి సిద్దరామయ్య తాజాగా మరో వివాదంలో చిక్కుకున్నారు. బెంగళూరు టర్ఫ్ క్లబ్(బీటీసీ) కు స్టివార్డ్‌గా ఓ వ్యాపారవేత్తను ఆయన నామినేట్ చేయడం వివాదంగా మారింది. అతనితో సిద్దరామయ్యకు గతంలో లావాదేవీలు ఉన్నాయని, అందుకు ప్రతిఫలంగానే పదవిని కట్టబెడుతున్నారనే ఆరోపణలు వస్తున్నాయి. ఈ విషయంలో జోక్యం చేసుకోవాలని సామాజిక కార్యకర్త ఎస్ భాస్కరన్ కర్ణాటక గవర్నర్ వాజుభాయ్ వాలా ను కోరారు. నామినేషన్ వేసిన ఎల్ వివేకానందతో సీఎం సిద్దరామయ్యకు రూ.1.3 కోట్ల రుణ లావాదేవీలు జరిగినట్లు తెలిపారు.
 
 ఎల్ వివేకానందను బీటీసీ కమిటీ స్టివార్డ్‌గా ప్రభుత్వం తరఫు నుంచి నామినేట్ కావడాన్ని తాను ఒక పౌరుడిగా ప్రశ్నిస్తున్నానని భాస్కరన్ తన పిటిషన్‌లో పేర్కొన్నారు. ఇది జరిగిన కొద్ది నెలలకే వివేకానంద నుంచి సీఎం సిద్దరామయ్య రూ.1.3 కోట్ల రుణం తీసుకున్నారని, అందుకు సంబంధించిన పత్రాలను పిటిషన్‌కు జతచేస్తూ ఆయన గవర్నర్ కు పంపారు. ముఖ్యమంత్రి తన కుటుంబ సభ్యులకు లేదా ఏదేనీ ఇతర లావాదేవీల కోసం తన అధికారాన్ని దర్వినియోగం చేయకూడదని నిబంధనల్లో ఉందనీ.. కానీ, సీఎం వాటిని ఉల్లఘించినట్లు ప్రస్తావించారు. మే 2013 నుంచి టర్ఫ్ క్లబ్ కమిటీ విషయాలను ఆర్టీఐ ద్వారా స్వీకరించినట్లు తెలిపారు.
 
 ఈ ఆరోపణలపై స్పందించిన వివేకానంద తాను టర్ఫ్ క్లబ్ లో ఎన్నో ఏళ్ల నుంచి ఉంటున్నానని చెప్పారు. సీఎంతో ఆర్ధిక లావాదేవీలు పెట్టుకున్నాననే వార్తలు అవాస్తవమని ఆయన అన్నారు. గత ఏడాది తన స్నేహితుడు (సీఎం) చెక్ తీసుకున్నారని, త్వరలోనే వాటిని తిరిగి ఇచ్చేస్తారని వివరించారు. గతంలో తాను రెండేళ్ల పాటు మైసూర్ రేస్ క్లబ్ కు చైర్మన్ గా వ్యవహరించానని, బీటీసీలో మెంబర్ గా ఉన్నానని తెలిపారు. తనను బీటీసీ స్టివార్డ్‌గా నామినేట్ చేయడం వెనుక ఎలాంటి దురుద్దేశం లేదని తెలిపారు.


   లోకాయుక్తను నిర్వీర్యం చేయడానికే అవినీతి నిరోధక శాఖ
   ఏసీబీ ఏర్పాటుపై మండిపడ్డ విపక్షాలు  
   దీటుగా సమాధానం ఇచ్చిన అధికార పక్షం
   లోకాయుక్తలో ఉన్న కేసుల నుంచి తప్పించుకునేందుకేనని విమర్శ
   ‘ఏసీబీ’ ఏర్పాటుపై ప్రభుత్వానికే స్పష్టత లేదంటూ మండిపాటు
   సభ నేటికి వాయిదా
  
 బెంగళూరు: లోకాయుక్త అధికారాలకు కత్తెర వేయడంతో పాటు లోకాయుక్తను నిర్వీర్యం చేసేందుకే రాష్ట్ర ప్రభుత్వం ఏసీబీ (యాంటీ కరెప్షన్ బ్యూరో) ని ఏర్పాటు చేసిందంటూ విపక్షాలు శాసనసభలో ప్రభుత్వంపై మండిపడ్డాయి. మరోవైపు తామేమీ లోకాయుక్తను బలహీన పరచడం లేదని, సుప్రీంకోర్టు ఆదేశాల మేరకే ఏసీబీని ఏర్పాటు చేస్తున్నామని అధికార పక్షం సైతం ధీటుగా సమాధానమిచ్చింది. దీంతో శాసనసభలో అధికార, విపక్షాల మధ్య తీవ్ర వాగ్వాదం జరిగింది. ఇక ఈ అంశంపై ప్రభుత్వం ఇచ్చిన సమాధానానికి తృప్తి పడని విపక్షాలు స్పీకర్ పోడియం వద్దకు దూసుకెళ్లి తమ నిరసనను తెలియజేశాయి. దీంతో స్పీకర్ కాగోడు తిమ్మప్ప శాసనసభను మంగళవారానికి వాయిదా వేశారు.
 ఇక సోమవారం అసెంబ్లీలో జరిగిన కార్యకలాపాలను పరిశీలిస్తే... ఏసీబీ ఏర్పాటుపై మొదటగా ప్రతిపక్షనేత జగదీష్ శెట్టర్ మాట్లాడుతూ... ప్రభుత్వం ఏర్పాటు చేసింది ‘అవినీతి నిరోధక దళం’ కాదని, ‘అవినీతి రక్షణ దళం’ అని విమర్శించారు. లోకాయుక్తలో సీఎం సిద్ధరామయ్యపై కేసు నమోదైందని, ఈ కేసు నుంచి బయటపడేందుకే ‘ఏసీబీ’ని ఏర్పాటు చేశారని ఆరోపించారు. ప్రభుత్వం చెప్పినట్లుగా నడుచుకునే ‘ఏసీబీ’ ఏర్పాటు వల్ల తాను సులభంగా కేసు నుంచి బయటపడవచ్చునని సీఎం సిద్ధరామయ్య భావిస్తున్నారని అన్నారు. ఇదే సందర్భంలో లోకాయుక్తను బలహీన పరిచే ఒక ఎత్తుగడే ఈ ఏసీబీ ఏర్పాటని విమర్శించారు. ఇక ఏసీబీ ఏర్పాటుపై ప్రభుత్వానికే సరైన స్పష్టత లేదని పేర్కొన్నారు. రామకృష్ణ హెగ్డే ముఖ్యమంత్రిగా ఉన్న సమయంలో 1984లో రాష్ట్రంలో లోకాయుక్త చట్టాన్ని తీసుకొచ్చారని తెలిపారు.
 అప్పటి నుంచి దేశానికే మాదిరిగా (మోడల్‌గా) కర్ణాటకలో లోకాయుక్త చట్టాన్ని బలపరుచుకుంటూ రావాల్సి ఉందని, అయితే ప్రస్తుత కాంగ్రెస్ ప్రభుత్వం అధికారంలోకి వచ్చాక రోజు రోజుకు లోకాయుక్తను నిర్వీర్యం చేసేలా నిర్ణయాలు తీసుకుంటోందని విమర్శించారు. ఈ అంశంపై రాష్ట్ర న్యాయశాఖ మంత్రి టి.బి.జయచంద్ర స్పందిస్తూ... ‘లోకాయుక్తను నిర్వీర్యం చేసేలా రాష్ట్ర ప్రభుత్వం ఎలాంటి చర్యలు తీసుకోవడం లేదు. కేవలం మరింత పటిష్టంగా అవినీతిపరుల ఆట కట్టించేందుకే ఏసీబీని రాష్ట్ర ప్రభుత్వం ఏర్పాటు చేసింది’ అని తెలిపారు. అయితే ప్రభుత్వం ఇచ్చిన సమాధానంతో సంతృప్తి చెందని విపక్షాలు మంగళవారం సైతం తమ నిరసనను కొనసాగించనున్నట్లు సమాచారం.
  
  
 మండలిలోనూఅదే వేడి...
 మైసూరులో జరిగిన బీజేపీ కార్యకర్త రాజు హత్య ఉదంతం సోమవారం శాసన మండలిని కుదిపేసింది. అధికార, విపక్షాల మధ్య ఆరోపణలు, ప్రత్యారోపణలతో మండలి దద్దరిల్లింది. కొద్ది రోజుల ముందు మైసూరులో రాజు దుండగుల చేతిలో దారుణహత్యకు గురైన విషయం తెలిసిందే. ఈ విషయమై మండలిలో చర్చకు అవకాశం కల్పించాలని విపక్ష నాయకుడు కే.ఎస్ ఈశ్వరప్ప సభాపతి డీ.హెచ్ శంకరమూర్తిని కోరారు. ఈ సమయంలో అధికార కాంగ్రెస్ పార్టీ నాయకులు కే.ఎస్ ఈశ్వరప్పపై విమర్శలు కురిపిస్తూ రాజు ఉదంతంపై చర్చ అవసరం లేదన్నారు. దీంతో అధికార, విపక్షాల మధ్య తీవ్ర వాగ్వాదం చోటు చేసుకుంది. ‘ఈ సమయంలో కలుగ జేసుకున్న శంకరమూర్తి మొదటి విషయాన్ని సభకు తెలియజేయండి అటుపై చర్చకు అవకాశం ఉందో లేదో నేను నిర్ణయిస్తా.’ అని పేర్కొన్నారు. దీంతో కే.ఎస్ ఈశ్వర్ప తన ప్రసంగాన్ని కొనసాగిస్తూ... సంఘటన జరిగి దాదాపు పది రోజులు కావస్తున్న ప్రభుత్వం ఇంత వరకూ ఘటనకు కారణమైన వారిని బంధించలేదని విమర్శించారు.
 ప్రభుత్వ నిర్లక్ష్య వైఖరితో రాష్ట్రంలో హిందువులకు రక్షణ లేకుండా పోయిందని పేర్కొన్నారు. ఈ విషయమై ప్రత్యేక దృష్టి సారించకపోతే కర్ణాటకలో తాలిబన్ సంస్కృతి పుట్టుకు వస్తుందని కే.ఎస్ ఈశ్వరప్ప ఆందోళన వ్యక్తం చేశారు. మేము ఏ ఒక్కరి మరణాన్నో ప్రస్తావిస్తూ ఈ విషయంపై రాజకీయం చేయడం లేదన్నారు. అయితే రాష్ట్రంలో ఇటీవల దుండగుల చేతిలో హిందువులు ప్రాణాలు కోల్పోతున్న ఘటనలు ఎక్కువవుతున్నాయని పేర్కొన్నారు. మంగళూరులో ప్రశాంత్ పూజారి, మైసూరులో రాజు, మడికేరిలో పుట్టప్ప, శివమొగ్గలో విశ్వనాథ్‌లు హత్యలు ఇందుకు నిదర్శనమని కే.ఎస్ ఈశ్వరప్ప వివరించారు. ‘శివమొగ్గలో పీపుల్ ఫ్రంట్ ఆఫ్ ఇండియా సమావేశంలో పాకిస్తాన్ జిందాబాద్ అన్న వారిపై ఇంత వరకూ చర్యలు చేపట్టలేదు.
 అంతే కాకుండా ఆ సంస్థను నిషేధించే విషయంపై కూడా ప్రభుత్వం ఇంతవరకూ ఎటువంటి నిర్ణయం తీసుకోలేదు. ఈ సమయంలో కలుగ జేసుకున్న అధికార పార్టీ ఎమ్మెల్సీ ఉగ్రప్ప ‘అసలు ఈ విషయాలేవి చర్చకు రానేరావు. ప్రముఖ ఆధ్యాత్మిక గురువు రవిశంకర్ గురుజీ ఢిల్లీలో ఇటీవల జరిగిన కార్యక్రమంలో కేంద్ర మంత్రి ఎదురుగానే పాకిస్తాన్ జిందాబాద్ అంటూ వ్యాఖ్యలు చేసినా ఎందుకు చర్యలు చేపట్టలేదు.’ అని పేర్కొన్నారు. దీంతో కే.ఎస్ ఈశ్వరప్ప తీవ్రం ఆగ్రహం వ్యక్తం చేస్తూ మీలాంటి న్యాయ కోవిదులను ముఖ్యమంత్రి సిద్దరామయ్య తనతో పాటు ఉంచుకోవడం వల్లే ఆయన పదవి పోగొట్టుకుంటున్నారు. దీంతో అధికార విపక్షాల మధ్య తీవ్ర వాగ్వాదం చోటు చేసుకుంది. ఎవరు ఏమి మాట్లాడుతున్నారో తెలియని పరిస్థితి పరిషత్‌లో ఏర్పడింది. ఈ సమయంలో మండలి అధ్యక్షుడు డీ.హెచ్ శంకరమూర్తి కలుగజేసుకోవడంతో పరిస్థితి సద్దుమణిగింది.  
  


  సీఎం సిద్ధుకు అధిష్టానం పిలుపు
  మెడకు చుట్టుకుంటున్న‘గిఫ్ట్ వాచ్’ వ్యవహారం
  
 సాక్షి,బెంగళూరు: ముఖ్యమంత్రి సిద్ధరామయ్యకు ఢిల్లీ నుంచి పిలుపు వచ్చింది. శాసనసభ సమావేశాలు అయిన తర్వాత ఆయన ఢిల్లీ వెళ్లి పార్టీ పెద్దలను కలవనున్నట్లు విశ్వసనీయ వర్గాల సమచారం. నిడారంబరంగా జీవిస్తానని చెప్పుకునే ముఖ్యమంత్రి సిద్ధరామయ్య రూ.70 లక్షల విలువ చేసే వాచ్ ఎలా వాడుతున్నారంటూ జేడీఎస్ రాష్ట్రాధ్యక్షుడు కుమారస్వామి ఘాటుగా ప్రశ్నించిన విషయం తెలిసిందే. ఈ విషయం జాతీయ స్థాయిలో కూడా చర్చనీయాంశమైంది. కాంగ్రెస్ పార్టీ పెద్దలు ముఖ్యంగా ఏఐసీసీ అధ్యక్షరాలు సోనియాగాంధీ, ఉపాధ్యక్షుడు రాహుల్ గాంధీ  ప్రధాని నరేంద్రమోదీ లక్ష్యంగా ఎన్‌డీఏ ప్రభుత్వాన్ని సూటు బూటు ప్రభుత్వం అంటూ విమర్శలకు దిగిన నేపథ్యంలో తమ పార్టీకు చెందిన ఓ ముఖ్యమంత్రి విలువైన వస్తువులు ధరించడం కాంగ్రెస్ అధినాయకత్వానికి మింగుడు పడటం లేదు.
  
 దీంతో సీఎం సిద్ధరామయ్యపై హైకమాండ్ గుర్రుగా ఉంది. ఇదిలా ఉండగా జిల్లా, తాలూకా పంచాయతీ ఎన్నికల ఫలితాలు వెలువడిన రెండు రోజుల తర్వాత సీఎం సిద్ధు స్వయంగా ఢిల్లీ వెళ్లి, కాంగ్రెస్‌పార్టీ రాష్ట్ర రాజకీయ వ్యవహారాల ఇన్‌ఛార్జ్ దిగ్విజయ్ సింగ్‌తో పాటు ‘మేడం’ సోనియాగాంధీతో భేటీ అయ్యి ‘ఆ వాచ్ నాకు ఓ స్నేహితుడు గిఫ్ట్‌గా ఇచ్చారు. అయితే జేడీఎస్ రాష్ట్రాధ్యక్షుడు కుమారస్వామి ఈ విషయంలో అనవసర అరోపణలు చేశారు.’ అని వివరణ ఇచ్చారు. అయితే ఈ సీఎం సిద్ధు వివరణపై పార్టీ పెద్దలు సంతృప్తి చెందలేదని సమాచారం. దీంతో ఈ వాచ్‌కు సంబంధించిన పూర్తిస్థాయి నివేదికను మేడం సోనియాగాంధీతో పాటు యువరాజు రాహుల్‌గాంధీలు తెప్పించుకునే పనిలోపడ్డారు.
  
 ఈ విషయమై కర్ణాటక ప్రదేశ్ కాంగ్రెస్ కమిటీ (కేపీసీసీ) నాయకులు కొంతమంది ఇప్పటికే నివేదిక తయారు చేసే పనిలోపడ్డారు. ఇదిలా ఉండగా సిద్ధరామయ్య ధరిస్తున్న వాచ్ దొంగతనానికి గురైనదని కుమారస్వామి రెండు రోజుల ముందు ఆరోపించారు. ఈ నేపథ్యంలో ఆ వాచ్ యజమానిగా భావిస్తున్న రాష్ట్రానికి చెందిన ప్రముఖ వ్యాపారవేత్త సుధాకర్‌శెట్టిని నగర పోలీస్ కమిషనర్ మేఘరిక్ సోమవారం స్వయంగా విచారణ చేశారు. విచారణ అనంతరం సుధాకర్ శెట్టి మీడియాతో మాట్లాడుతూ...‘ఆ వాచ్ నాది కాదు. ఇదే విషయాన్ని పోలీసులకు చెప్పాను.’ అని పేర్కొన్నారు. 
  


 సాక్షి, బెంగళూరు: ముఖ్యమంత్రి సిద్ధరామయ్య ధరించిన రూ.70 లక్షల రూపాయల ఖరీదు చేసే లగ్జరీ వాచ్ రాష్ట్ర రాజకీయాల్లో పెద్ద దుమారాన్నే రేకెత్తించింది. సాధారణ జీవితాన్ని గడిపేందుకు ఇష్టపడతానని చెప్పుకునే సిద్ధరామయ్య ఇంత ఖరీదు చేసే వాచ్‌ను ఎలా కొన్నారు? ఒక వేళ ఆయన కొనకపోతే ఎవరైనా బహుమతిగా ఇచ్చారా? బహుమతిగా అందుకొని ఉంటే అందుకు ప్రతిఫలంగా సిద్దరామయ్య ఏం చేశారు? అంటూ మాజీ ముఖ్యమంత్రి హెచ్.డి.కుమారస్వామి సంధించిన ప్రశ్నలు కలకలాన్ని రేపాయి. ఇక ఈ వాచ్ వ్యవహారం ఏకంగా కాంగ్రెస్ హైకమాండ్ దృష్టికి కూడా వెళ్లింది.
  
 వాచ్ వ్యవహారంపై సమగ్ర నివేదిక ఇవ్వాల్సిందిగా కాంగ్రెస్ హైకమాండ్ కేపీసీసీ అధ్యక్షుడు డాక్టర్ జి.పరమేశ్వర్‌ను ఆదేశించింది. ఇలాంటి సందర్భంలో ఈ వివాదం నుంచి వీలైనంత త్వరగా బయటపడాలని సీఎం సిద్ధరామయ్య భావిస్తున్నట్లు సమాచారం. ఇందుకు గాను తన లగ్జరీ వాచ్‌ను వేలం వే యాలని, తద్వారా వచ్చిన మొత్తాన్ని ముఖ్యమంత్రి పరిహార నిధికి అందజేయాలని సీఎం భావిస్తున్నట్లు తెలుస్తోంది. ఇక అంతకంటే ముందుగా ఈ వాచ్‌ను ముఖ్యమంత్రి సిద్ధరామయ్యకు అందజేసిన వ్యక్తిగా చెబుతున్న ఆత్మీయ వైద్యుడితోనే ‘నేనే ఆ వాచ్‌ను సిద్ధరామయ్యకు బహూకరించాను’ అని చెప్పడంతో పాటు ఆ హ్యూబ్లోట్ లగ్జరీ వాచ్ కొన్నప్పటి రసీదును కూడా మీడియా ముందుంచే దిశగా సిద్ధరామయ్య ఆలోచిస్తున్నట్లు సమాచారం.  
  


 నామినేటెడ్ పదవులు నియామకంపై కసరత్తు ప్రారంభం
 మహారాష్ట్ర ఎన్నికల తర్వాతే నియామకాలు
 ఎమ్మెల్యేలకు విస్తృత అవకాశం?
 
 సాక్షి ప్రతినిధి, బెంగళూరు :  రాష్ట్రంలోని బోర్డులు, కార్పొరేషన్లకు అధ్యక్షులు, ఉపాధ్యక్షులు, డెరైక్టర్ల నియామకంలో ముఖ్యమంత్రి సిద్ధరామయ్య ఎప్పటిలాగే నాన్చుడు ధోరణిని అవలంబిస్తున్నారు. దీనిపై కసరత్తు ప్రారంభించినట్లు అందరినీ నమ్మించడానికి ప్రయత్నించినా, మహారాష్ట్ర శాసన సభ ఎన్నికల తర్వాతే ఈ నియామకాలపై ఆయన దృష్టి సారించనున్నట్లు సమాచారం. సుమారు 20 రోజుల పాటు తీరిక లేని పర్యటనలతో తలమునకలుగా ఉన్న సీఎం సోమవారం ఆశావహుల జాబితాను పరిశీలించారని తెలిసింది. సాయంత్రం ఆయన మల్లేశ్వరంలోని ఓ థియేటర్‌లో కన్నడ సినిమాను వీక్షించారు.
 
 అంతకు ముందు క్యాంపు కార్యాలయం కృష్ణాలో విశ్రాంతి తీసుకుంటూనే, నియామకాలపై ప్రాథమిక కసరత్తు చేపట్టారు. ఈ నెల పది నుంచి దశలవారీ నియామకాలు చేపట్టాలని అనుకుంటున్నప్పటికీ, దీని వల్ల తేనె తుట్టెను కదిల్చినట్లు అవుతుందని కూడా ఆయన సందేహిస్తున్నారు. తొలుత కనీసం 30 బోర్డులు, కార్పొరేషన్లకు నియామకాలను చేపట్టాలనుకుంటున్నారు. శాసన సభ్యులకు ఎక్కువ అవకాశం కల్పించడం ద్వారా మంత్రి వర్గ విస్తరణపై ఉన్న ఒత్తిడి తగ్గించుకోవాలన్నది ఆయన వ్యూహంగా కనబడుతోంది. ఈ పదవులు వద్దన్న వారిని మాత్రమే మంత్రి వర్గ విస్తరణ సమయంలో పరిగణనలోకి తీసుకోవాలనుకుంటున్నారు.
 
 దీనికి పార్టీ అధిష్టానం అనుమతి కూడా అవసరం. ఎమ్మెల్యేలు, ఎమ్మెల్సీలు పోను పార్టీ కార్యకర్తలు, నాయకులను నియమించడానికి కేపీసీసీ అధ్యక్షుడు పరమేశ్వర నుంచి వచ్చే జాబితా ఆధారంగా నిర్ణయం తీసుకోనున్నారు. మహారాష్ర్ట శాసన సభ ఎన్నికల ప్రచారానికి సీఎం వెళ్లనున్నందున, ఈ నియామకాల వ్యవహారం ఇప్పట్లో తేలేలా లేదని పార్టీ నాయకులు నిరుత్సాహం చెందుతున్నారు. ఏదో ఒక నెపంతో ఈ నియామకాలను వాయిదా వేస్తూ వస్తున్న  సీఎం, కనీసం ఈ నెలలోనైనా చేపట్టకపోతారా అని పార్టీ నాయకులతో పాటు కార్యకర్తలు ఆశగా ఎదురు చూస్తున్నారు.


 సాక్షి ప్రతినిధి, బెంగళూరు :  బీజాపుర జిల్లా ఆల్మట్టిలో వాయనం సమర్పించడానికి వెళ్లిన ముఖ్యమంత్రి సిద్ధరామయ్యకు గురువారం అక్కడ రైతుల నుంచి తీవ్ర నిరసన వ్యక్తమైంది. పక్కనే ఉన్న బాగలకోటె జిల్లా కూడగిలో థర్మల్ విద్యుత్కేంద్రాన్ని నెలకొల్పుతున్నందుకు నిరసనగా రైతులందరూ ఆకు పచ్చ కండువాలను పైకి ఊపుతూ ప్రభుత్వానికి వ్యతిరేకంగా నినాదాలు చేశారు. భారీ సంఖ్యలో అక్కడ గుమికూడిన రైతులు చెరుకు మద్దతు ధరను రూ.2,500గా నిర్ణయించాలని కూడా డిమాండ్ చేశారు.
 
 రైతుల నుంచి నిరసన వ్యక్తమవుతుందని ముందుగానే పసిగట్టిన పోలీసులు కూడా అక్కడ భారీ సంఖ్యలో మోహరించారు. ఈ సందర్భంగా ముఖ్యమంత్రి రైతులను అనునయించడానికి ప్రయత్నించారు. థర్మల్ విద్యుత్ కేంద్రం నిర్మాణ పనులు చివరి దశలో ఉన్నందున, ఇప్పుడు వ్యతిరేకత వ్యక్తం చేస్తే ప్రయోజనమేమిటని ప్రశ్నించారు.
  
 చెరుకు మద్దతు ధరను  ప్రభుత్వం ఇదివరకే ప్రకటించిందని గుర్తు చేశారు. ఇంకా ఏవైనా సమస్యలుంటే రైతు సంఘాల ప్రతినిధులు తనను సంప్రదించవచ్చని సూచించారు. అనంతరం ఆయన ఆల్మట్టి జలాశయంలో కృష్ణమ్మకు వాయనం సమర్పించారు. ఈ సందర్భంగా విలేకరులతో మాట్లాడుతూ కేపీఎస్‌సీ నియామకాల రద్దును సమర్థించుకున్నారు. ఎట్టి పరిస్థితుల్లోనూ దీనిపై పునరాలోచన లేదని స్పష్టం చేశారు. నియామకాలకు సంబంధించి కేపీఎస్‌సీ సభ్యులు కొందరికి ముడుపులు అందాయన్న ఆరోపణలపై సీబీఐ దర్యాప్తునకు ఆదేశించేది లేదని తెలిపారు. రాష్ట్ర పరిధిలో దీనిపై అనుసరించాల్సిన విధి విధానాలు ఉన్నాయని, వాటిని పాటిస్తామని ఆయన చెప్పారు.


 * నేడు కాంగ్రెస్ సమన్వయ    కమిటీ సమావేశం
 * దిగ్విజయ్ సింగ్ రాక
  
  సాక్షి ప్రతినిధి, బెంగళూరు : కాంగ్రెస్ సమన్వయ కమిటీ సమావేశం బుధవారం ఇక్కడ పార్టీ కార్యాలయంలో జరుగనుంది. పార్టీ రాష్ర్ట వ్యవహారాల ఇన్‌ఛార్జి దిగ్విజయ్ సింగ్ ఇదివరకే నగరానికి చేరుకున్నారు. లోక్‌సభ ఎన్నికల ఫలితాలు వెలువడిన తర్వాత మంత్రి వర్గ పునర్వ్యవస్థీకరణకు అవకాశం ఉంటుందని ఇటీవల ముఖ్యమంత్రి సిద్ధరామయ్య సూచనప్రాయంగా చెప్పడంతో దిగ్విజయ్ సింగ్‌ను ప్రసన్నం చేసుకోవడానికి ఆనేక మంది క్యూకట్టారు. కుమార కృప అతిథి గృహానికి చేరుకున్న వందల మంది పార్టీ నాయకులు, కార్యకర్తలు ఆయనను కలుసుకోవడానికి పోటీ పడ్డారు. మంత్రి పదవిపై ఆశలు పెట్టుకున్న ఎమ్మెల్యేలు కేఎన్. రాజన్న, కేబీ. కోళివాడ, అజిత్ సేట్, రమేశ్ జారకిహొళి, మునిరత్నం నాయుడులు కలుసుకుని మంత్రి వర్గంలో తమకు అవకాశం కల్పించాలని కోరారు.
 
 మరో వైపు మంత్రులు డీకే. శివ కుమార్, రోషన్ బేగ్, ఉమాశ్రీలు కూడా ఆయనను కలుసుకుని కాసేపు చర్చించారు. నాయకులు, కార్యకర్తలు తనను స్వేచ్ఛగా కలుసుకోవడానికి అవకాశం కల్పించిన దిగ్విజయ్ సింగ్, తర్వాత వారిని అక్కడి నుంచి బయటకు పంపడానికి నానా అవస్థలు పడాల్సి వచ్చింది. ఈ సందర్భంగా విలేకరులతో మాట్లాడిన కేపీసీసీ అధ్యక్షుడు డాక్టర్ జీ. పరమేశ్వర సమన్వయ కమిటీ సమావేశంలో కార్పొరేషన్లు, బోర్డుల అధ్యక్షుల నియామకంపై చర్చిస్తామని చెప్పారు. లోక్‌సభ ఎన్నికలపై కూడా చర్చిస్తామన్నారు. అయితే మంత్రి వర్గ విస్తరణ గురించి చర్చించబోమన్నారు. దీనిపై అధిష్టానం నిర్ణయం తీసుకుంటుందన్నారు. కాగా రాష్ట్రంలో జరిగిన వివిధ ఎన్నికల కారణంగా పాలన మందగతిన సాగిందని, ఇకమీదట జోరందుకుంటుందని వివరించారు.


 *  సిద్ధు పాలనకు ఏడాది పూర్తి
 * శుక్రవారం వెలువడనున్న ‘లోక్‌సభ’ ఫలితాలు
 *20 స్థానాల్లో గెలిచి తీరాలని అధిష్టానం లక్ష్యం  
 *12 సీట్లు మాత్రమేనని చెబుతున్న ఎగ్జిట్ పోల్స్
 *బస్సు, కరెంటు చార్జీల పెంపుపై సర్వత్రా విమర్శలు
 *కళంకితులను అందలమెక్కించారంటూ బీజేపీ ధ్వజం
  
  సాక్షి ప్రతినిధి, బెంగళూరు : కాంగ్రెస్ ప్రభుత్వంలో ముఖ్యమంత్రి పదవిని చేపట్టే వారికి ఎప్పుడూ ముళ్ల బాటే. అసమ్మతి ఆ పార్టీకి వెన్నతో పెట్టిన విద్య. అలాంటిది.. పూర్వాశ్రమంలో జనతాదళ్‌కు చెందిన సిద్ధరామయ్య ముఖ్యమంత్రిగా మంగళవారం నాటికి ఏడాది పాలనను సాఫీగా పూర్తి చేసుకున్నారు. ఇన్నాళ్లూ సాగిన పాలన ఓ ఎత్తై ఇకమీదట సాగబోయేది మరో ఎత్తుగా భావించవచ్చు. లోక్‌సభ ఎన్నికల ఫలితాలు శుక్రవారం వెలువడనున్నాయి.
 
 కాంగ్రెస్ అధికారంలో ఉన్నందున మొత్తం 28కి గాను 20 స్థానాల్లో గెలిచి తీరాలని పార్టీ ఉపాధ్యక్షుడు రాహుల్ గాంధీ నిర్దేశం చేశారు. అయితే సోమవారం సాయంత్రం వెలువడిన ఎగ్జిట్ ఫలితాలను గమనిస్తే కాంగ్రెస్ 10 నుంచి 12 సీట్లు మాత్రమే గెలుచుకునే అవకాశాలున్నాయి. కనుక అధిష్టానంతో పాటు పార్టీలోని వ్యతిరేకుల నుంచి ఆయన కొన్ని ఇబ్బందులు ఎదుర్కోవాల్సి రావచ్చు. అధికారంలోకి వచ్చిన తొలినాళ్లలో పలు సంక్షేమ పథకాలను ఏకపక్షంగా ప్రకటించడంపై పార్టీలోనే విమర్శలు వెల్లువెత్తాయి. పార్టీలో చర్చించకుండా, సీనియర్లను సంప్రదించకుండా పథకాలను ప్రకటించేశారని అనేక మంది ఆయనపై ఒంటి కాలిపై లేచారు.
 
 అయితే తన సహజ స్వభావానికి విరుద్ధంగా ఆయన ఆ విమర్శలను అలవోకగా తిప్పి కొట్టారు. బీజేపీ అవినీతి గురించి విస్తృతంగా ప్రచారం చేయడం ద్వారా అధికారంలోకి వచ్చిన కాంగ్రెస్, అదే ఆరోపణలను ఎదుర్కోవాల్సి వచ్చింది. ఈ క్రమంలో ప్రాథమిక సదుపాయాల కల్పన శాఖ మంత్రి సంతోష్ లాడ్ మంత్రి వర్గం నుంచి తప్పుకోవాల్సి వచ్చింది. ఈ సమస్య నుంచి బయటపడ్డామని సీఎం అనుకుంటున్న తరుణంలో పలు ఆరోపణలు ఎదుర్కొంటున్న డీకే. శివ కుమార్, రోషన్ బేగ్‌లను మంత్రి వర్గంలోకి తీసుకోవాల్సి వచ్చింది.  తన చర్యను సమర్థించుకోవడానికి నానా అవస్థలు పడాల్సి వచ్చింది. ఇదిలా ఉండగానే బస్సు చార్జీలు, కరెంటు చార్జీల పెంపు సర్వత్రా విమర్శలకు దారి తీస్తోంది. ఒకే ఏడాదిలో అన్నీ పూర్తి చేసేయడం ఎవరికీ సాధ్యం కాదు. కానీ ‘జన్మతః’ కాంగ్రెస్‌కు చెందని సిద్ధరామయ్య ఆ పార్టీలో నెగ్గుకు వస్తూ ఉండడం విశేషమే.
  
  విపక్ష నేత విసుర్లు
  సిద్ధరామయ్య ఏడాది పాలన నిష్క్రియా పరత్వంతో సాగిందని ప్రతిపక్ష నాయకుడు జగదీశ్ శెట్టర్ విమర్శించారు. కళంకితులకు అధికారం ఇచ్చి పాలనను అపవిత్రం చేశారని విమర్శించారు. కాంగ్రెస్ ఏడాది పాలనపై మంగళవారం ఆయనిక్కడ స్పందిస్తూ అధికారంలోకి వచ్చిన తొలి నాళ్లలో వారు ప్రవేశ పెట్టిన పలు పథకాలు ప్రజల పాలిట దౌర్భాగ్యంగా పరిణమించాయని ఆరోపించారు. అన్న భాగ్య...కన్న భాగ్యగా మారిందని ఎద్దేవా చేశారు. ఈ ఏడాదిలో మూడు సార్లు బీఎంటీసీ, రెండు సార్లు ఆర్టీసీ బస్సు, నిన్న విద్యుత్ చార్జీలు పెంచి ప్రజల నడ్డి విరిచారని ఆయన విమర్శించారు.
  
 ఘనంగా మారెమ్మ జాతర ఉత్సవాలు
 పావగడ, న్యూస్‌లైన్ : పట్టణ సమీపంలోని రొప్పం గ్రామంలో గ్రామ దేవత మారెమ్మ జాతర ఉత్సవాలు మంగళవారం ఘనంగా నిర్వహించారు. మారెమ్మ అమ్మవారిని గ్రామంలో ఊరేగించారు. భక్తులు అమ్మవారికి ప్రత్యేక పూజలు నిర్వహించారు. భక్తులకు ఆలయ అర్చకులు తీర్థప్రసాదం అందించారు. 


  సాక్షి, బెంగళూరు : ప్రముఖ నాటక రంగ కళాకారుడు మాస్టర్ హిరణ్ణయ్య నోరు జారారు. ముఖ్యమంత్రి సిద్ధరామయ్యపై అశ్లీల పద ప్రయోగం చేసి నాలుక్కరుచుకున్నారు. వివరాలు పరిశీలిస్తే.... మైసూరులో ఆదివారం ఓ కార్యక్రమానికి ముఖ్య అతిథిగా హిరణ్ణయ్య హాజరయ్యారు. ఈ సందర్భంగా ప్రేక్షకులనుద్దేశించి మాట్లాడుతూ ప్రభుత్వ వైఫల్యాలను ఎండగట్టడం మొదలుపెట్టారు. ఇదే సందర్భంలో ముఖ్యమంత్రి సిద్ధరామయ్య గురించి అవహేళనగా మాట్లాడుతూ అశ్లీల పద ప్రయోగాన్ని చేశారు. దీంతో సభలో ఉన్న కాంగ్రెస్ సానుభూతి పరులు, సిద్ధు అభిమానులు ఆగ్రహావేశాలతో ఊగిపోయారు. వేదికపై ఎక్కి వీరంగం సృష్టించారు. అంతేకాదు రోడ్డుపై బైఠాయించి హిరణ్ణయ్యకు వ్యతిరేకంగా నినాదాలు చేస్తూ ఆయన దిష్టిబొమ్మను కూడా దహనం చేశారు.
 
 ఈ క్రమంలో హిరణ్ణయ్య ముందుగా మీడియా ద్వారా సిద్ధరామయ్యకు బేషరతుగా బహిరంగ క్షమాపణ చెప్పారు. తాను కావాలని ఆ వ్యాఖ్యలు చేయలేదని, వృద్ధాప్యం కారణంగా ఏదో అనబోయి ఇంకేదో అన్నానని తెలిపారు. అయినా హిరణ్ణయ్యకు వ్యతిరేకంగా నిరసనలు ఆగకపోడంతో మైసూరులోనే ఉన్న సీఎం సిద్ధరామయ్యను స్వయంగా కలుసుకొని హిరణ్ణయ్య క్షమాపణలు చెప్పుకున్నారు. ‘ఈ సందర్భంగా నన్ను క్షమించండి, కావాలని మీ గురించి అలా అనలేదు’ అని వివరణ ఇచ్చారు. ఇదంతా విన్న సీఎం సిద్ధరామయ్య ‘జరిగిందేదో జరిగిపోయిందిగా మీరూ క్షమాపణ చెబుతున్నారు, ఇక ఈ విషయాన్ని ఇక్కడితో వదిలేద్దాం’ అని అన్నారు. అనంతరం హిరణ్ణయ్యను ఆయన కారు వరకు తీసుకొచ్చి వీడ్కోలు పలికారు. దీంతో ఆందోళన కారులు శాంతించారు.


 
  ముఖ్యమంత్రికి గవర్నర్ క్లాస్
 
  అధికారులతో వాగ్వాదం వద్దు
 
  సమన్వయంతో నీటి ఎద్దడిని పరిష్కరించండి
 
  మంత్రుల చర్యలను నియంత్రించకపోతే ఎలా?
 
   కోడ్ ముగిసినా జిల్లాల అభివృద్ధిపై దృష్టి సారించరేం?
 
  యూఆర్ అనంతమూర్తికి ఎమ్మెల్సీ ఇవ్వొద్దు
 
  సాక్షి, బెంగళూరు : రాష్ట్రంలో నీటి ఎద్దడి నివారణకు చర్యలు తీసుకోవాల్సింది పోయి వట్టి మాటలతో అధికారులతో తగువులాడ డం సరికాదని ముఖ్యమంత్రి సిద్ధరామయ్యకు గవర్నర్ హెచ్‌ఆర్ భరద్వాజ్ క్లాస్ పీకారు. పౌర సేవ మండలి పరిధిలోకి ఐపీఎస్‌లను చేర్చడంపై ముఖ్యమంత్రి సిద్ధరామయ్యకు ఐఏఎస్ అధికారులకు మధ్య స్వల్ప వాగ్వాదం చోటు చేసుకున్న విషయం తెలిసిందే. ఈ నేపథ్యంలో గురువారం మధ్యాహ్నం రాజ్‌భవన్‌లో గవర్నర్‌ను సీఎం మర్యాదపూర్వకంగా భేటీ అయ్యారు. ఈ సందర్భంగా రాష్ట్రంలో ప్రభుత్వ పాలనపై గవర్నర్ అసంతృప్తి వ్యక్తం చేసినట్లు సమాచారం. ‘రాష్ట్రంలోని కొన్ని ప్రాంతాల్లో అకాల వర్షాలతో రైతులు నష్టపోయారు. మరికొన్ని ప్రాంతాల్లో తీవ్ర వర్షాభావ పరిస్థితులు నెలకొని గుక్కెడు నీటి కోసం ఇబ్బందులు పడుతున్నారు. గ్రాసం కూడా లభ్యం కాక పశువులను కబేళాలకు తరలిస్తుంటే మంత్రులు ఏం చేస్తున్నారు.
 
 ఎన్నికల కోడ్ ముగిసినా ఆయా జిల్లాల అభివ ృద్ధి, సంక్షేమ కార్యక్రమాలపై ఇన్‌చార్జ్ మంత్రులు సమీక్ష నిర్వహించకపోవడం సరికాదు. ఇలా అయితే ప్రజా సమస్యల పరిష్కారం ఎలా సాధ్యం’ అని సీఎంని నిలదీసినట్లు సమాచారం. ఐఏఎస్, ఐపీఎస్‌లతో చిన్నపాటి విషయాలకే వాగ్వాదాలకు దిగకుండా సమన్వయంతో ప్రజా సమస్యల పరిష్కారానికి క ృషి చేయాలని సీఎంకి సూచించినట్లు తెలిసింది. సాహితీ వేత్తల కోటా కింద ఎమ్మెల్సీగా యూఆర్ అనంతమూర్తిని ఎట్టి పరిస్థితుల్లోనూ ఎంపిక చేయరాదని సీఎంకి స్పష్టం చేశారు. కాగా, చిక్కమగళూరు షూటవుట్ ఘటనకు సంబంధించి హోం శాఖతో పాటు ప్రభుత్వ చర్యలను గవర్నర్ తప్పుబట్టారు. గవర్నర్‌తో భేటీ అనంతరం మీడియాతో సిద్ధరామయ్య మాట్లాడుతూ.. తమ భేటీకి ప్రాముఖ్యత ఏదీ లేదని, ఎన్నికలు ముగిసిన నేపథ్యంలో మర్యాదపూర్వకంగానే కలిశానని చెప్పుకొచ్చారు.


  సాక్షి, బళ్లారి : రాష్ట్రంలో అధికారంలోకి వచ్చిన తర్వాత రాష్ట్ర ముఖ్యమంత్రి సిద్ధరామయ్య మద్యం అమ్మకాలపై ఉన్నఫళంగా అదనంగా 5.5 శాతం వ్యాట్ విధించడం తగదని జిల్లా మద్యం అమ్మకాల సంఘం అధ్యక్షుడు సాహుకార్ సతీష్‌బాబు అన్నారు. ఆయన మంగళవారం నగరంలోని గ్రీన్ చిల్లీ హోటల్‌లో మద్యం అమ్మకాల సంఘం గౌరవాధ్యక్షుడు గురుమూర్తి, సంఘం కార్యదర్శి బసవలింగారెడ్డి, సంఘం ప్రముఖులు రామిరెడ్డి, మారుతి, గోపాలకృష్ణ తదితరులతో కలిసి విలేకరులతో మాట్లాడారు. ప్రస్తుతం మద్యం అమ్మకాలపై కేవలం 10 శాతం మాత్రమే మార్జిన్ పెట్టుకుని అమ్మకాలు సాగిస్తున్నారని, ఇందులో అన్ని ఖర్చులు పోను ఎలాంటి లాభాలు రావడం లేదన్నారు. ఈ నేపథ్యంలో వ్యాట్ రూపంలో మరో 5.5 శాతం విధిస్తే తాము 4.5 శాతంతో ఎలా వ్యాపారం చేయాలని ప్రశ్నించారు.
  
   ఈ భారం వినియోగదారులపై పడుతుందని, ప్రభుత్వం వెంటనే తమ గోడును వినిపించుకుని వ్యాట్‌ను రద్దు చేయాలన్నారు. ఎన్నో సంవత్సరాలుగా మద్యం వ్యాపారులు కోరుతున్నా డిమాండ్లను పరిష్కరించకుండా మరో విధమైన నష్టాలను ఏర్పరిచేందుకు ప్రభుత్వం సిద్ధం కావడం సరి కాదన్నారు. ఈ నెల 20న బెంగళూరులో సీఎం సిద్ధరామయ్యను కలిసి తమ సమస్యలను విన్నవిస్తామని, ఆయన పట్టించుకోకపోతే తీవ్ర పోరాటం చే స్తామని హెచ్చరించారు. ప్రభుత్వానికి అధిక ఆదాయం తెచ్చిపెడుతున్న మద్యం అమ్మకాలపై ప్రభుత్వం చిన్న చూపు చూడటం సరికాదన్నారు. బళ్లారిలో మైనింగ్ వ్యాపారం పూర్తిగా నిలిచిపోవడంతో మద్యం అమ్మకాలపై తీవ్ర ప్రభావం చూపిందని ఆవేదన వ్యక్తం చేశారు.
  
  


 సాక్షి ప్రతినిధి, బెంగళూరు : రాష్ట్రంలో 7.45 లక్షల ప్రభుత్వ ఉద్యోగాలకు గాను 1,81,266 పోస్టులు ఖాళీగా ఉన్నాయని ముఖ్యమంత్రి సిద్ధరామయ్య తెలిపారు. శాసన సభలో మంగళవారం ప్రశ్నోత్తరాల సమయంలో కన్నడ మక్కళు పార్టీకి చెందిన అశోక్ ఖేణి అడిగిన ప్రశ్నకు సమాధానమిస్తూ, తొలి దశలో సకాల కింద సేవలు అందిస్తున్న 12 శాఖల్లో 3,700 పోస్టులను త్వరలో భర్తీ చేస్తామని తెలిపారు. ఇంకా వివిధ శాఖల్లో ఖాళీగా ఉన్న పోస్టుల భర్తీకి ప్రభుత్వం ఆమోదం తెలిపిందని చెప్పారు. అభివృద్ధికి కంపెనీల నిధులు
  ప్రైవేట్ కంపెనీలు సామాజిక బాధ్యతలను విధిగా చేపట్టాలన్న నియమ నిబంధనలు ఏప్రిల్ ఒకటో తేదీ నుంచి అమలులోకి వస్తాయని ముఖ్యమంత్రి తెలిపారు. రూ.వెయ్యి కోట్ల టర్నోవర్, ఏడాదికి రూ.5 కోట్ల కంటే ఎక్కువగా లాభాన్ని ఆర్జిస్తున్న కంపెనీలు, అందులో రెండు శాతాన్ని సామాజిక కార్యక్రమాలకు కేటాయించాల్సి ఉంటుందని చెప్పారు. ఈ నిధులను కార్పొరేట్ సంస్థలున్న ప్రాంతాల్లో అభివృద్ధి కార్యకలాపాలను చేపట్టడానికి వినియోగిస్తామని వెల్లడించారు. ఇప్పటి వరకు పలు సంస్థలు స్వచ్ఛందంగా సామాజిక కార్యకలాపాలు చేపడుతున్నాయని తెలిపారు. అయితే వాటి లెక్కలను అడిగే అధికారం లేకుండా ఉండేదని, ఇకమీదట ప్రభుత్వం నిఘా వేస్తుందని తెలిపారు.


  14న అందరూ మెచ్చే బడ్జెట్ : సీఎం
   బీసీలకు సమాన అవకాశాలు
   ఎస్సీ, ఎస్టీలకు కేటాయించిన నిధులను
     ఆ ఏడాదిలోనే ఖర్చు చేయాలి
   నిర్లక్ష్యం చేస్తే అధికారులపై చర్యలు
   కొత్తగా 50 తాలూకాల ఏర్పాటు!
   ఏపీఎల్ కార్డుదారులకూ ‘రేషన్’?
  
  సాక్షి ప్రతినిధి, బెంగళూరు :
  సమాజంలోని అన్ని వర్గాలతో పాటు అన్ని రంగాలకు సమాన ప్రాధాన్యతనిస్తూ బడ్జెట్‌ను రూపొందిస్తానని ముఖ్యమంత్రి సిద్ధరామయ్య తెలిపారు. చారిత్రక, సామాజిక కారణాల వల్ల ఎదుగూ బొదుగూ లేకుండా బతుకుతున్న బీసీలకు సమాన అవకాశాలు లభించేట్లు చూడడం ద్వారా సమాజంలో సమానత్వాన్ని కాపాడాల్సిన అవసరం ఉందని పేర్కొన్నారు. ఇక్కడి గాంధీ భవన్‌లో గత దశాబ్ద కాలం బడ్జెట్‌లపై ఏర్పాటు చేసిన చర్చా గోష్టిలో ఆయన  ప్రసంగించారు.
  
  అన్ని వర్గాలకూ అవకాశాలు కల్పించే విధంగా ఈ నెల 14న ప్రవేశ పెట్టే బడ్జెట్ ఉంటుందన్నారు. ఆర్థిక, సామాజిక అసమానతలను ఒకే సారి రూపు మాపడం అసాధ్యమని తెలిపారు. రాష్ర్టంలో ఇంకా వంద శాతం అక్షరాస్యతను సాధించ లేదన్నారు. ఎస్‌సీ, ఎస్‌టీ వర్గాలకు కేటాయించిన నిధులను ఆయా ఆర్థిక సంవత్సరాల్లోనే ఖర్చు చేయాల్సి ఉంటుందన్నారు. అలా చేయని అధికారులపై చర్యలు చేపడతామని హెచ్చరించారు. ఈ కార్యక్రమంలో మంత్రులు ఆర్‌వీ. దేశ్‌పాండే, హెచ్. ఆంజనేయ, ఖమరుల్ ఇస్లాం పాల్గొన్నారు.
  
  వరాలు.. : లోక్‌సభ ఎన్నికలు సమీపిస్తుండడంతో ముఖ్యమంత్రి సిద్ధరామయ్య శుక్రవారం ప్రవేశ పెట్టే బడ్జెట్‌లో పలు వరాలు గుప్పించనున్నట్లు తెలిసింది. తొమ్మిదో సారి ఆయన బడ్జెట్‌ను ప్రవేశ పెట్టనున్నారు. రాష్ట్రంలో గతంలో ఎవరూ ఇన్ని సార్లు బడ్జెట్‌ను ప్రవేశ పెట్టలేదు. యాభై కొత్త తాలూకాల ప్రకటన, ఏపీఎల్ కార్డుదారులకు రేషన్ బియ్యం, పంటలకు గిట్టుబాటు ధర, వెనుకబడిన వర్గాలకు తాయిలాలు, స్కాలర్‌షిప్‌ల పెంపు లాంటి ప్రతి పాదనలు బడ్జెట్‌లో చోటు చేసుకోవచ్చని విన వస్తోంది. ఆర్థిక శాఖను కూడా ఆయనే నిర్వహిస్తున్నందున ప్రజా రంజక బడ్జెట్‌ను తయారు చేస్తారనే అంచనాలున్నాయి. 2013-14 ఆర్థిక సంవత్సరంలో పన్నుల వసూలు లక్ష్య సాధన లో విఫలమైనందున ఈసారి ఆర్థిక క్రమశిక్షణకు అత్యంత ప్రాధాన్యతనిస్తార ని తెలిసింది.  30 శాతం తక్కువగా పన్నులు వసూలైనట్లు తెలిసింది.
  
  


 పొరుగు రాష్ట్రాలకు ఇసుక రవాణాపై సీఎం
   సరిహద్దుల్లో ప్రత్యేక చెక్‌పోస్టులు
  ఫిల్టర్ ఇసుక వాడితే కఠిన చర్యలు
   వారంలో ఇసుక సమస్య పరిష్కారం
   వక్క సాగుపై నిషేధం లేదు
  చెరుకు మద్దతు ధరపై నేడు వివరణ
  
  సాక్షి,బెంగళూరు : పొరుగు రాష్ట్రాలైన ఆంధ్రప్రదేశ్, మహారాష్ట్ర, కేరళతో సహా ఇతర రాష్ట్రాలకు కర్ణాటక నుంచి ఇసుక రవాణా, క్రయవిక్రయాలపై నిషేధం విధిస్తున్నట్లు ముఖ్యమంత్రి సిద్ధరామయ్య తెలిపారు. శాసనసభలో మంగళవారం ఆయన మాట్లాడుతూ..  ఇందుకోసం రాష్ట్ర సరిహద్దుల్లో ప్రత్యేక చెక్‌పోస్టులను ఏర్పాటు చేస్తామన్నారు. సీనియర్ శాసన సభ్యుడు గోవిందకారజోళ అడిగిన ప్రశ్నకు సమాధానమిస్తూ... రాష్ట్రంలో ఒక జిల్లా నుంచి మరో జిల్లాకు ఇసుక రవాణా విషయంలో ఎటువంటి ఆంక్షలు లేవన్నారు. ఫిల్టర్ ఇసుకతో నిర్మాణాలు చేపట్టడానికి వీల్లేదన్నారు. ఇందుకు విరుద్ధంగా ప్రవర్తించిన వారిపై కఠిన చర్యలు తీసుకుంటామని హెచ్చరించారు. రాష్ట్ర ప్రభుత్వం నూతనంగా తీసుకొచ్చిన ఇసుక పాలసీపై అపోహలతో లారీ యజమానులు, డ్రైవర్లు సమ్మె చేసిన మాట వాస్తవమేనన్నారు. అయితే రాష్ట్ర లారీ యజమానుల సంఘం పదాధికారులతో ప్రభుత్వం పలు దఫాలుగా చర్చలు జరిపి ‘నూతన ఇసుక పాలసీ’  ఆవశ్యకతను తెలియజెప్పడంతో వారు సమ్మె విరమించారన్నారు.
  
   బెంగళూరు నగరం పరిధిలో అన్ని నిర్మాణాల కోసం మైసూరు, మండ్యా, చామరాజనగరతో సహా 9 జిల్లాల నుంచి ఇసుకను సరఫరా చేయడానికి అనుమతులు ఇచ్చామన్నారు. వీటితో పాటు ఇకపై మిగిలిన అన్ని జిల్లాల నుంచి ఇసుక సరఫరా చేయడానికి అవసరమైన చర్యలు తీసుకోవాల్సిందిగా సంబంధిత అధికారులకు సూచనలు జారీ చేశామన్నారు. వారం లోపు ఇసుక సమస్య పూర్తిగా పరిష్కారం అవుతుందని ధీమా వ్యక్తం చేశారు. రాష్ట్రంలో మొత్తం 1,864 ఇసుక సేకరణ ప్రాంతాలున్నాయని, ఇసుక సేకరణకు గాను చదరపు అడుగుకు కనిష్టంగా రూ.250.. గరిష్టంగా రూ.930 చెల్లించాల్సి ఉంటుందని అన్నారు. ఏ ప్రాంతంలో ఎంత వసూలు చేయాలనేది స్థానిక అధికారులు నిర్ణయిస్తారన్నారు.
  
  వక్క సాగుపై నిషేధం లేదు..
  రాష్ట్రంలో వక్క పండించే విషయంలో ఎటువంటి నిషేధం విధించలేదని సిద్ధరామయ్య స్పష్టం చేశారు. అయితే ఈ విషయంపై సుప్రీం కోర్టులో కేసు నడుస్తోందని కర్ణాటక తరఫున కేఎన్ భట్ వాదనలు వినిపించారని అన్నారు. తుది తీర్పు కోసం ప్రభుత్వం వేచిచూస్తోందన్నారు.
  
  మెట్రో పనుల్లో జాప్యం..
  మెట్రో మొదటి దశ పనులు  2015 మార్చ్ 15 నాటికి పూర్తి చేస్తామని సీఎం పరిషత్‌కు తెలిపారు. భూ స్వాధీన ప్రక్రియ ఆలస్యం కావడం వల్ల 48 కిలోమీటర్లు సాగే మెట్రో మొదటి దశ పనులను 2013 డిసెంబర్ నాటికి పూర్తి చేయలేకపోయామన్నారు.
  
  చెరుకు మద్దతు ధరపై నేడు వివరణ..
  చెరుకుకు రూ.2,500 చెల్లించాల్సిందేనని చక్కెర కర్మాగారాల యజమానులకు సూచించామన్నారు. అయితే ఈ విషయమై కొంత గందరగోళం ఉన్నమాట వాస్తవమన్నారు. మంగళవారం సాయంత్రం చక్కెర కర్మాగారాల యజమానుల సంఘంతో చర్చలు జరిపి మద్దతు ధర విషయమై బుధవారం శాసనసభకు స్పష్టమైన వివరణ ఇస్తానని విపక్ష నేత జగదీష్‌శెట్టర్ అడిగిన ప్రశ్నకు సమాధానమిచ్చారు.       
  


 
  సాక్షి ప్రతినిధి, బెంగళూరు :
  శాసన సభ శీతాకాల సమావేశాల్లో ప్రతిపక్షాలు ముఖ్యమంత్రి సిద్ధరామయ్యపై విమర్శల దాడికి దిగుతున్నప్పుడు మంత్రులు చోద్యం చూస్తున్నారని కాంగ్రెస్ ఎమ్మెల్యేలు విమర్శించారు. బెల్గాంలోని సువర్ణ సౌధలో మంగళవారం జరిగిన సీఎల్‌పీ సమావేశంలో ఇకమీదట మంత్రులతో పాటు తాము కూడా ప్రతిపక్షాలకు తగు సమాధానం చెప్పాలని ఎమ్మెల్యేలు నిర్ణయించారు. సభలో మంత్రులే కాదు తాము కూడా ముఖ్యమంత్రికి అండగా నిలబడడం లేదని సమావేశంలో పలువురు ఎమ్మెల్యేలు నిష్టూరమాడారు. ఇకమీదట అలా జరుగకుండా చూడాలని ఏకగ్రీవంగా నిర్ణయించారు. ఆయా శాఖల మంత్రులు ప్రభుత్వ విధానాలను సమర్థించాల్సింది పోయి భారమంతా ముఖ్యమంత్రిపైనే మోపుతున్నారని కొందరు సీనియర్లు ఆరోపించారు. దీనిపై అందరూ దృష్టి సారించాలని సూచించారు. మంత్రులు మౌనం పాటిస్తే, సమన్వయం లేదనే విషయం ప్రస్ఫుటమవుతుందని హెచ్చరించారు. ఈ సందర్భంగా పలువురు ఎమ్మెల్యేలు మంత్రుల తీరుపై అగ్గి మీద గుగ్గిలమవుతుంటే...వారిని సముదాయించడం ముఖ్యమంత్రికి తలకు మించిన భారమైంది. మున్ముందు అంతా సర్దుకుంటుందంటూ చివరికి వారికి నచ్చజెప్పగలిగారు. అనంతరం విలేకరులతో మాట్లాడిన ముఖ్యమంత్రి, షాదీ భాగ్య, చెరకు రైతుల సమస్యలపై సమావేశంలో చర్చించామని తెలిపారు.
  
  అంబరీష్, మంజు మాటా మాటా
  సమావేశం అనంతరంృగహ నిర్మాణ శాఖ మంత్రి, నటుడు అంబరీశ్, హాసన జిల్లా అరకలగూడు ఎమ్మెల్యే మంజు మధ్య స్వల్ప స్థాయిలో వాగ్వాదం చోటు చేసుకుంది. ‘మంత్రులు ముఖ్యమంత్రికి అండగా నిలబడడం లేదని అంటున్న నిన్ను, సభలో మాట్లాడవద్దని ఎవరైనా చెప్పారా’ అని అంబరీశ్ మంజును ఉద్దేశించి అన్నారు. దీనిపై ఆయన తీవ్రంగా స్పందిస్తూ తొలుత మంత్రులు ఈ పని చేయాల్సి ఉంటుందని చురక అంటించారు. ‘ప్రభుత్వంలో ఉన్న మీరు ప్రభుత్వ విధానాలను సమర్థించుకోలేరా’అని ప్రశ్నించారు. తర్వాత అంబరీశ్ మాట్లాడకపోవడంతో మంజు తన దారిన వెళ్లిపోయారు.
  


 సాక్షి, బెంగళూరు: అక్రమ మైనింగ్‌కు సంబంధించి ఆరోపణలు ఎదుర్కొంటున్న కర్ణాటక సమాచార, ప్రాథమిక సదుపాయాల కల్పన శాఖ మంత్రి సంతోష్ లాడ్ శుక్రవారం రాత్రి మంత్రి పదవికి రాజీనామా చేశారు. ముఖ్యమంత్రి సిద్ధరామయ్యకు రాజీనామా లేఖను సమర్పించారు.
  
   సంతోష్ లాడ్ భాగస్వామ్యంలోని మైనింగ్ సంస్థ అక్రమ మైనింగ్‌కు పాల్పడిందంటూ సామాజిక వేత్తలు హీరేమఠ్, అబ్రహాం ఆరోపణలు చేయడంతో పాటు సాక్ష్యాధారాలను గవర్నర్ హెచ్‌ఆర్. భరద్వాజ్‌కు అందజేశారు. బెల్గాంలో సోమవారం నుంచి శాసనసభ శీతాకాల సమావేశాలు ప్రారంభం కానున్నాయి. లాడ్ అక్రమ మైనింగ్‌పై ప్రభుత్వాన్ని నిలదీయడానికి ప్రతిపక్షాలు అస్త్రాలను సిద్ధం చేసుకున్నాయి. ఈ నేపథ్యంలో రాజీనామా చేయాలంటూ ముఖ్యమంత్రి సూచించడంతో లాడ్ ఆ పని చేయాల్సి వచ్చింది.


 సాక్షి, బెంగళూరు/బెల్గాం: కర్ణాటకలోని బెల్గాం జిల్లాలో శనివారం తెల్లవారుజామున జరిగిన ఘోర రోడ్డు ప్రమాదంలో 22 మంది దుర్మరణం చెందారు. మరో 30 మంది గాయపడ్డారు. మృతుల్లో ఎనిమిది మంది చిన్నారులే ఉన్నారు. అతివేగమే ఈ అనర్థానికి కారణమని తెలుస్తోంది. బాధితులు, పోలీసుల కథనం ప్రకారం.. వెనుకబడిన జిల్లాగా పేరుపొందిన యాద్గీర్ లోని వివిధ తాండాల వారు పొరుగునే గల మహారాష్ట్రలో కూలి పనులకు వెళ్తుంటారు. యాద్గీర్ జిల్లా సర్పూర్ తాలూకాలోని ఐబీ తండా, మనుగొండ, తదితర ఐదు తండాలకు చెందిన 52 మంది కూడా తమ పిల్లలతో కలిసి శుక్రవారం రాత్రి క్యాంటర్ వాహనం(మినీ ట్రక్కు)లో మహారాష్ట్రలోని సవాంతవాడిలో రాళ్ల క్వారీలో పనికి బయలుదేరారు.
  
  వంటపాత్రలు, ధాన్యం, ఇతర మూటలు కూడా తీసుకెళ్లారు. శనివారం తెల్లవారుజామున ఐదు గంటల సమయంలో అతివేగంగా వెళుతున్న ట్రక్కు హల్కీ క్రాస్ దగ్గరికి చేరుకోగానే ఒక్కసారిగా అదుపుతప్పి పల్టీలు కొట్టింది. దీంతో ఎనిమిది మంది చిన్నారులతో సహా 21 మంది అక్కడికక్కడే మృత్యువాతపడ్డారు. సమీపంలోని ఆస్పత్రిలో చికిత్స పొందుతూ మరొకరు చనిపోయారు. గాయపడినవారిలో ముగ్గురి పరిస్థితి విషమంగా ఉంది. కర్ణాటక సీఎం సిద్ధరామయ్య మృతుల కుటుంబాలకు రూ. లక్ష చొప్పున పరిహారాన్ని ప్రకటించారు.


  సాక్షి ప్రతినిధి, బెంగళూరు : రాష్ట్రంలో మూఢాచారాలను నిషేధిస్తూ బెల్గాంలో జరుగనున్న శాసన సభ శీతాకాల సమావేశాల్లో బిల్లును ప్రవేశ పెట్టడానికి ప్రభుత్వం సన్నాహాలు చేస్తోంది. జాతీయ న్యాయ కళాశాలకు చెందిన సామాజిక అధ్యయన కేంద్రం సిద్ధం చేసిన ‘మూఢ నమ్మకాల ఆచరణ-ప్రతిబంధక బిల్లు-2013’ ముసాయిదాను ముఖ్యమంత్రి సిద్ధరామయ్య, న్యాయ శాఖ మంత్రి టీబీ. జయచంద్ర, సాంఘిక సంక్షేమ శాఖ మంత్రి హెచ్. ఆంజనేయులు మంగళవారం ఇక్కడ సీఎం క్యాంపు కార్యాలయంలో సాహితీవేత్తలు, మేధావుల సమక్షంలో ఆవిష్కరించారు. అనంతరం ముఖ్యమంత్రి మాట్లాడుతూ.. సమాజంలోని మూఢ నమ్మకాలు, మూఢాచారాలను నిర్మూలించడానికి ప్రభుత్వం తీవ్రంగా ఆలోచిస్తోందన్నారు. దీనిపై సిద్ధమైన ముసాయిదా బిల్లును వచ్చే శాసన సభ సమావేశాల్లో ప్రవేశ పెట్టడానికి ప్రభుత్వం అన్ని ప్రయత్నాలు చేస్తుందని తెలిపారు. అంతకంటే ముందు దీనిపై సాధక బాధకాలపై గురించి చర్చిస్తామన్నారు. ముసాయిదా బిల్లును రూపొందించిన జాతీయ న్యాయ కళాశాల అధ్యాపకులు, సాహితీవేత్తలు, మేధావులకు ప్రభుత్వం కృతజ్ఞతలు తెలియజేస్తోందని అన్నారు. మహారాష్ట్రలో ఇదివరకే మూఢాచారాల నిషేధ చట్టం ఉందని తెలిపారు. దీంతో పాటు దేశ, విదేశాల్లోని ఇలాంటి చట్టాలపై ముసాయిదా బిల్లు కమిటీ అధ్యయనం చేసిందని ఆయన వెల్లడించారు.
  
  ముసాయిదా బిల్లులోని ముఖ్యాంశాలు..
  నరబలి ఇవ్వడం. జబ్బు నయం చేయడానికి హింసాత్మక పద్ధతులను అవలంబించడం. దైవ శక్తి స్వాధీనమైందని ప్రకటించుకోవడం. డబ్బు తీసుకుని మంచి జరిగేలా చూస్తామని హామీలు ఇవ్వడం. పిల్లల జబ్బులను బాగు చేసే నెపంతో వారిని పైనుంచి కిందకు పడేయం, ముళ్లపై పడుకోబెట్టడం. రుతు స్రావం, గర్భం దాల్చిన సమయాల్లో మహిళలను బలవంతంగా ఒంటరిని చేయడం లాంటి 13 మూఢాచారాలను నిషేధించాలని ముసాయిదాలో సూచించారు. దీనికి విధించే శిక్ష ఏడాది నుంచి ఐదేళ్ల వరకు ఉంటుంది. రూ.10 వేల నుంచి రూ.50 వేల వరకు జరిమానా. నరబలి ఇచ్చిన వారికి జీవిత ఖైదు లేదా మరణ శిక్ష.