భారతదేశపు ప్రముఖ ఎలక్ట్రానిక్స్ రిటైలర్, టాటా గ్రూప్‌నకు చెందిన క్రోమా.. దసరా, ధంతేరాస్, దీపావళి, భాయ్ దూజ్ సందర్భంగా ప్రత్యేక డీల్‌లతో పండుగ సీజన్ ఆఫర్‌లను ప్రకటించింది. ఈ ఆఫర్స్ అక్టోబర్ 23 వరకు కొనసాగుతున్నాయి.వినియోగదారులు స్మార్ట్‌ఫోన్‌లు, టీవీలు, వాషింగ్ మెషీన్‌లు, ల్యాప్‌టాప్‌లు, రిఫ్రిజిరేటర్‌లు మొదలైనవి కొనుగోలు చేయడంతో డిస్కౌంట్స్, క్యాష్‌బ్యాక్, ఈఎంఐ, ఎక్స్‌ఛేంజ్ ఆఫర్స్ పొందవచ్చు. కొత్త జీఎస్టీ అమలులోకి రావడంతో.. టీవీలు, ఏసీలపై 10 శాతం తగ్గింపు లభిస్తుంది. ఆఫర్స్ ఎంచుకునే బ్రాండ్, స్టోర్, నగరాన్ని బట్టి మారుతూ ఉంటుంది. కస్టమర్లు ఈ విషయాన్ని గుర్తుంచుకోవాలి.

పండగల నేపథ్యంలో కస్టమర్లను ఆకర్షించేందుకు ఆఫ్‌లైన్‌, ఆన్‌లైన్‌ రిటైల్‌ షాపింగ్‌ల వద్ద రాయితీలు కనిపిస్తున్నాయి. మరోవైపు పెరుగుతున్న నిత్యావసర వస్తువుల ధరలతో సామాన్యులు సతమతమవుతున్నారు. దానికితోడు అధికమవుతున్న ద్రవ్యోల్బణమూ ఆందోళన కలిగిస్తోంది. ప్రపంచవ్యాప్తంగా బ్యాంకులు, ఇతర నాన్‌ బ్యాంకింగ్‌ ఫైనాన్షియల్‌ సంస్థలు వడ్డీ రేట్లు పెంచడంతో రుణాల భారం హెచ్చవుతుంది. ఈ తరుణంలో డబ్బును జాగ్రత్తగా ఖర్చు చేయాలి. రూపాయి ఖర్చు చేసేముందు బాగా ఆలోచించి నిర్ణయం తీసుకువాలి. తర్కంతో ఆలోచించి ఖర్చు తగ్గించుకుంటే పరోక్షంగా ఆ డబ్బును సంపాదించినట్లేనని నిపుణులు చెబుతున్నారు. వృథా ఖర్చులకు కళ్లెం వేయకపోతే.. భవిష్యత్‌ లక్ష్యాలు దెబ్బతింటాయి. ఈ నేపథ్యంలో వ్యయ నియంత్రణలో భాగంగా తీసుకోవాల్సిన జాగ్రత్తలను ఆర్థికనిపుణులు సూచిస్తున్నారు.  ఎమోషన్స్‌.. సమాజంలో లగ్జరీగా జీవిస్తున్నామని ఇతరులకు చెప్పుకోవడానికి చాలామంది అనవసర ఖర్చులు చేస్తారు. ఆర్భాటాలకు ప్రయత్నించి అప్పుల్లో కూరుకుంటారు. అనేక సందర్భాల్లో డబ్బు ఖర్చు చేయడం భావోద్వేగాలకు సంబంధించిన వ్యవహారంగా ఉంటుంది. స్తోమతకు మించి ఖర్చు చేయడం ఎప్పుడూ సరికాదు. కొత్త వస్తువును కొనాలి.. ఖరీదైన భోజనం, దుస్తులు.. ఇలా అతిగా ఖర్చు చేసే ప్రతి చోటా ఒకసారి ఆలోచించాలి. అతిగా ఖర్చు చేయాలనే కోరికను సాధ్యమైనంత మేరకు తగ్గించుకోవాలి. బడ్జెట్‌.. చేసే ప్రతిఖర్చుకూ లెక్క కచ్చితంగా ఉండాలి. మీ ఆదాయం, వ్యయాలను తెలుసుకునేందుకు బడ్జెట్‌ ఉపకరిస్తుంది. పండగల వేళ ఎంత ఖర్చు చేయాలన్నదీ బడ్జెట్‌ వేసుకోండి. బోనస్‌ల లాంటివి అందినా.. అందులో నుంచి ఎంత మొత్తం కొనుగోళ్లకు కేటాయించాలి అన్నది ముందే నిర్ణయించుకోవాలి. వచ్చిన బోనస్‌లో సగంకంటే ఎక్కువ పెట్టుబడికి మళ్లించాలి. నెలకు వచ్చిన ఆదాయంలోనూ 20-30 శాతం ముందుగా పొదుపు చేశాకే ఖర్చు చేయాలనే నిబంధన విధిగా పాటించాలి. 40 శాతానికి మించి నెలవారీ వాయిదాలు లేకుండా జాగ్రత్తపడాలి. ఖర్చుల కోసం ప్రత్యేక ఖాతాను కేటాయించాలి.  క్రెడిట్‌ కార్డులు పండగల వేళ ఏదైనా వస్తువులు కొనేందుకు క్రెడిట్‌ కార్డులపై రాయితీలు ప్రకటిస్తారు. కంపెనీలు ఫెస్టివల్‌ సీజన్‌లో విక్రయాలు పెంచుకుని లాభాలు సాధించేందుకు ఇదొక విధానం. నిజంగా ఆ వస్తువులు అవసర నిమిత్తం తీసుకుంటున్నామా లేదా కేవలం ఆఫర్‌ ఉంది కాబట్టి కొనుగోలు చేస్తున్నామా అనేది నిర్ణయించుకోవాలి. కార్డులోని లిమిట్‌ మొత్తం వాడేస్తే తిరిగి చెల్లించడం కష్టం అవుతుంది. అవసరం అనుకున్నప్పుడే పండగల కొనుగోళ్లకు క్రెడిట్‌ కార్డును వాడాలి. వస్తువులు తీసుకుని తర్వాత బిల్లు చెల్లించకపోతే సమస్యలు వస్తాయి. అపరాధ రుసుములు, వడ్డీ చెల్లించాల్సి ఉంటుంది. ఆలస్యంగా చెల్లింపులు చేస్తే సిబిల్‌ స్కోరూ దెబ్బతింటుంది. క్రెడిట్‌ కార్డు పరిమితిలో 30-40 శాతానికి మించి వాడకుండా చూసుకోండి.  ఇదీ చదవండి: ఆ ఫోన్‌ నంబర్లు మళ్లీ మూడు నెలలకే యాక్టివేట్‌ ఖర్చులు అన్నీ అయిపోయాక మిగిలిన డబ్బును పొదుపు చేద్దామని చాలా మంది అనుకుంటారు. కానీ అలాంటి భావన ఉన్న కొందరు వ్యక్తులవద్ద నెలాఖరుకు పొదుపు చేయడానికి డబ్బే ఉండదు. అదిపోగా చివరికి రోజువారి ఖర్చుల కోసం అప్పు చేయాల్సిన పరిస్థితి దాపురిస్తుంది. కాబట్టి ముందు పొదుపు.. తర్వాతే ఖర్చు. సమయం, సందర్భాన్ని బట్టి చేసే వ్యయాలు కొన్ని ఉంటాయి. వీటిని తప్పించుకోలేం. కానీ, చేతిలో డబ్బు ఉంది కదా అని ఖర్చు చేయడం పొరపాటు.  దీర్ఘకాలిక ఆర్థిక లక్ష్యాలను ఏర్పరుచుకుని వాటిని సాధించే వరకూ డబ్బును కూడబెట్టాలి. అందుకు వీలుగా ఖర్చులు తగ్గించుకోవాలి. ఆర్థిక ప్రణాళిక నిర్ణయించుకోవడం ముఖ్యం. అయితే దాన్ని క్రమశిక్షణతో పాటించడం మరీముఖ్యం. ఖర్చులు, పొదుపు విషయంలో ఆలోచన సరళిమార్చుకుంటే తప్పకుండా ఆర్థిక విజయాన్ని సాధించవచ్చు.

విజయదశమి, దీపావళి సందర్భంగా చాలామంది కొత్త వాహనాలను కొనుగోలు చేయడానికి ఆసక్తి చూపుతారు. కంపెనీలు కూడా ఎక్కువ వాహనాలను విక్రయించడానికి అద్భుతమైన ఆఫర్స్  లేదా డిస్కౌంట్స్ అందిస్తాయి. ఈ పండుగ సీజన్‌లో టూ వీలర్ కొనాలనుకునే వారు ఏ కంపెనీ ఎంత ఆఫర్ ఇస్తుందనే సమాచారం ఇక్కడ చూడవచ్చు. హీరో మోటోకార్ప్ భారతదేశంలోని అతి పెద్ద ద్విచక్ర వాహన తయారీ సంస్థ హీరో మోటోకార్ప్ తన 'హీరో స్ల్పెండర్​ ప్లస్'​ బైక్ కొనుగోలు మీద 'బై నౌ పే ఇన్​ 2024' అనే ఓ అద్భుతమైన ఆఫర్ అందిస్తోంది. అంటే ఈ బైకుని ఈ ఏడాది కొంటే వచ్చే ఏడాది నుంచి ఈఎమ్ఐ మొదలవుతుంది.  హార్లే డేవిడ్‌సన్ ప్రముఖ లగ్జరీ బైక్స్ తయారీ సంస్థ హార్లే డేవిడ్‌సన్ ఎంపిక చేసిన కొన్ని బైకుల మీద రూ.5.30 లక్షల డిస్కౌంట్ అందిస్తోంది. ఇందులో పాన్ అమెరికా 1250 స్పెషల్ అడ్వెంచర్ టూరర్‌, స్పోర్ట్‌స్టర్ ఎస్, నైట్‌స్టర్ బైకులు ఉన్నాయి. కంపెనీ 2023 మోడల్స్‌కి మాత్రమే కాకుండా 2022 మోడల్స్‌కి కూడా ఈ డిస్కౌంట్స్ అందిస్తోంది. ఆంపియర్ ఎలక్రిక్ ఎలక్ట్రిక్ వాహనాలకు పెరుగుతున్న డిమాండ్‌ను దృష్టిలో ఉంచుకుని ఆంపియర్ కంపెనీ గో ఎలక్ట్రిక్​ ఫెస్ట్​ పేరుతో మంచి ఆఫర్స్ అందిస్తోంది. మాగ్నస్​ ఈఎక్స్​ మీద రూ.10 వేలు, ప్రైమస్ మీద రూ.14 వేలు క్యాష్ డిస్కౌంట్ లభిస్తుంది. ఈ అవకాశం ఈ నెల చివరి వరకు మాత్రమే అందుబాటులో ఉంటుంది. ఇదీ చదవండి: పీఎఫ్ పేరుతో మోసం - కోట్ల రూపాయలు కోల్పోయిన వృద్ధ జంట బజాజ్ ఆటో చేతక్ ఎలక్ట్రిక్ స్కూటర్ కొనుగోలు మీద బజాజ్ ఇప్పుడు రూ. 15,000 డిస్కౌంట్ అందిస్తోంది. కాబట్టి రూ. 1.30 లక్షల స్కూటర్ ఇప్పుడు రూ. 1.15 లక్షలకే సొంతం చేసుకోవచ్చు. ఈ ఆఫర్ కేవలం కర్ణాటక, తమిళనాడుకు మాత్రమే పరిమితం చేశారు.

సాక్షి, అల్లూరి సీతారామరాజు: దసరా పండగ సందర్భంగా సెల్‌ఫోన్‌ కొనుక్కోవాలనుకున్న ఓ వినియోగదారుడికి చేదు అనుభవం ఎదురైంది. వివరాల్లోకి వెళితే రాజవొమ్మంగికి చెందిన పండు అనే ఓ యువకుడు ఆఫర్‌లో రూ.6 వేలకు వస్తోందని ఇంటెల్‌– ఏ60ఎస్‌ సెల్‌ఫోన్‌ కోసం ఓ ప్రముఖ ఆన్‌లైన్‌ కంపెనీకు ఆర్డర్‌ పెట్టాడు. సెల్‌ఫోన్‌ కోసం ఎదురు చూస్తున్న అతనికి గురువారం కొరియర్‌ బాయ్‌ ఫోన్‌ వచ్చిందంటూ ఓ బాక్స్‌ అందజేశాడు. ఆ యువకుడు ముందు జాగ్రత్తతో ఆ బాక్సును కొరియర్‌ బాయ్‌ ఎదురుగానే తెరిచాడు. తీరా ఆ బాక్సులో ఫోన్‌కు బదులు రెండు రాళ్లు, వైరు లేని చార్జర్‌ కనిపించడంతో అతనితోపాటు, ఇది చూసిన ఇరుగు పొరుగువారు అవాక్కయ్యారు. కొరియర్‌ బాయ్‌ వెంటనే సంబంధిత కొరియర్‌ కంపెనీకి ఫోన్‌ చేసి విషయం తెలియజేశాడు. ఆర్డర్‌ ప్రకారం సెల్‌ఫోన్‌ అందజేస్తామని వారు హామీ ఇవ్వడంతో ఆ యువకుడు శాంతించాడు.

పండుగ సీజన్‌ను దృష్టిలో ఉంచుకుని ఇప్పటికే మారుతి సుజుకి, మహీంద్రా అండ్ మహీంద్రా కంపెనీలు అద్భుతమైన ఆఫర్స్ అందిస్తున్నాయి. ఇప్పుడు తాజాగా ఈ జాబితాలోకి ప్రముఖ బైక్ తయారీ సంస్థ 'హార్లే డేవిడ్‌సన్' చేరింది. హార్లే డేవిడ్‌సన్ ప్రస్తుతం ఎంపిక చేసిన కొన్ని మోడల్స్ మీద భారీ డిస్కౌంట్స్ అందిస్తోంది. పాన్ అమెరికా 1250 స్పెషల్ అడ్వెంచర్ టూరర్‌ మీద సంస్థ రూ. 3.25 లక్షలు తగ్గింపును అందిస్తోంది. దీంతో ఈ బైక్ ధర రూ. 21.24 లక్షలకు చేరింది. స్పోర్ట్‌స్టర్ ఎస్ కొనుగోలు మీద కూడా ఇదే డిస్కౌంట్ అందిస్తోంది. ఈ బైక్ కొనాలనుకునే వారు రూ. 15.54 లక్షలు వెచ్చించాల్సి ఉంటుంది. నైట్‌స్టర్ మీద ప్రస్తుతం రూ. 5.25 లక్షల తగ్గింపు అందుబాటులో ఉంది. దీనిని ఇప్పుడు రూ. 12.24 లక్షలకు కొనుగోలు చేయవచ్చు. నైట్‌స్టర్ స్పెషల్ బైక్ మీద కంపెనీ ఏకంగా రూ.5.30 లక్షల డిస్కౌంట్ లభిస్తుంది. ఈ బైక్ కొనుగోలు చేయాలనుకునే వారు రూ. 12.99 లక్షలకు సొంతం చేసుకోవచ్చు. హార్లే డేవిడ్‌సన్ 2022 మోడల్స్ మీద కూడా డిస్కౌంట్స్ అందిస్తోంది. ఇందులో 2022 నైట్‌స్టర్ మీద రూ. 4.30 లక్షలు, స్పోర్ట్‌స్టర్ ఎస్ మీద రూ. 4.45 లక్షలు, పాన్ అమెరికా స్పెషల్ మీద రూ. 4.90 లక్షల తగ్గింపు లభిస్తుంది.  Note: కంపెనీ అందించే డిస్కౌంట్స్ స్టాక్ ఉన్నత వరకు మాత్రమే కాకుండా, ఒక నగరం నుంచి మరో నగరానికి మారుతూ ఉంటాయి. కస్టమర్లు ఖచ్చితమైన డిస్కౌంట్స్ తెలుసుకోవడానికి సమీపంలోని కంపెనీ డీలర్షిప్ సందర్శించి తెలుసుకోవచ్చు.

భారతదేశంలో పండుగ సీజన్ ప్రారంభమైపోయింది. ఇక రానున్నది విజయ దశమి. ఈ సందర్భంగా చాలామంది వాహన కొనుగోలుదారులు కొత్త వాహనాలను కొనుగోలు చేయడానికి ఆసక్తి చూపుతారు. దీనిని దృష్టిలో ఉంచుకుని పలు వాహన తయారీ సంస్థలు అద్భుతమైన డిస్కౌంట్స్ లేదా ఆఫర్స్ అందిస్తున్నాయి. ప్రస్తుతం డిస్కౌంట్స్ అందిస్తున్న కార్ల కంపెనీల జాబితాలో మారుతి సుజుకి, హ్యుందాయ్, హోండా వంటివి ఉన్నాయి. హోండా కంపెనీకి చెందిన సిటీ, అమేజ్ వంటి కార్ల మీద డిస్కౌంట్స్ అందిస్తోంది. హోండా సిటీ కారు మీద రూ. 75,000 వరకు ప్రయోజనాలు, అమేజ్ మీద రూ. 57,000 బెనిఫిట్స్ అందిస్తోంది. ఈ ఆఫర్ కేవలం ఈ నెల చివరి వరకు మాత్రమే అందుబాటులో ఉండనున్నట్లు సమాచారం. హ్యుందాయ్ కంపెనీ విషయానికి వస్తే, ఇప్పుడు సంస్థ ఐ10 ఎన్ లైన్ మీద రూ. 50000, గ్రాండ్ ఐ నియోస్ మీద రూ. 43000, ఆరా మీద రూ. 33000, వెర్నా అండ్ అల్కజార్ మీద వరుసగా రూ. 25000 & రూ. 20000 ప్రయోజనాలను అందిస్తోంది. ఇదీ చదవండి: మామకు తగ్గ మేనల్లుడు.. అర్జున్ కొఠారి ఆస్తులు ఇన్ని కోట్లా? మారుతి సుజుకి కూడా ప్రీ-నవరాత్రి బుకింగ్ స్కీమ్ కింద అద్భుతమైన డిస్కౌంట్స్ అందిస్తోంది. ఇందులో మారుతి ఇగ్నీస్, బాలెనొ అండ్ సియాజ్ ఉన్నాయి. వీటి మీద కంపెనీ వరుసగా రూ. 65000, రూ. 55000 & రూ. 53000 వరకు ప్రయోజనాలను అందిస్తోంది. ఈ బెనిఫిట్స్ కేవలం ఈ నెలలో మాత్రమే అందుబాటులో ఉండనున్నాయి. Note: హ్యుందాయ్, మారుతి సుజుకి, హోండా కంపెనీలు అందిస్తున్న ఈ ఆఫర్స్ నగరాన్ని బట్టి మారుతూ ఉండే అవకాశం ఉంటుంది. కావున ఖచ్చితమైన వివరాలు తెలుసుకోవడానికి సమీపంలోని సంస్థ అధీకృత డీలర్షిప్ సందర్శించి తెలుసుకోవచ్చు.

ఇప్పటికే దేశంలో పండుగ సీజన్ మొదలైపోయింది. దీనిని దృష్టిలో ఉంచుకుని వాహన తయారీ సంస్థలు ఆకర్షణీయమైన ఆఫర్స్ అందిస్తున్నాయి. కేవలం ఆటోమొబైల్ కంపెనీలు మాత్రమే కాకుండా.. కొన్ని దిగ్గజ బ్యాంకులు సైతం తమ కస్టమర్లకు మంచి ఆఫర్లను ప్రకటిస్తున్నాయి. దీని గురించి మరిన్ని వివరాలు ఈ కథనంలో తెలుసుకుందాం. ఇప్పటికే స్టేట్ బ్యాంక్ ఆఫ్ ఇండియా (SBI) ఫెస్టివల్ ఆఫర్లను అందిస్తున్న సంగతి తెలిసిందే.. ఈ బాటలోనే బ్యాంక్ ఆఫ్ బరోడా అడుగులు వేస్తోంది. ఇందులో భాగంగా వడ్డీ & ఇతర రాయితీలను అందించనుంది. హోమ్ లోన్ మీద వడ్డీ రేటు ఇప్పుడు 8.4శాతం నుంచి ప్రారంభమవుతుంది బ్యాంక్ ఫ్లోటింగ్ అండ్ ఫిక్స్‌డ్ రేట్ కార్ లోన్‌ల వడ్డీ రేటు వరుసగా 8.75 శాతం, 8.70 శాతం నుంచి ప్రారంభమవుతాయి, దీనికి ఎటువంటి ప్రాసెసింగ్ ఫీజులు లేవు ఎజ్యుకేషన్ లోన్ మీద వడ్డీ రేటు 8.55 శాతం నుంచి ప్రారంభమవుతుంది (60 బేసిస్ పాయింట్ల వరకు తగ్గింపు) పర్సనల్ లోన్ విషయానికి వస్తే.. వడ్డీ 10.10 శాతం నుంచి ప్రారంభమవుతుంది (80 బేసిస్ పాయింట్ల వరకు తగ్గింపు) ఇదీ చదవండి: సింగిల్ ఛార్జ్‌తో 800కిమీ రేంజ్! ధర రూ. 3.47 లక్షలే.. ఈ ఏడాది చివరి వరకు.. అంటే 2023 డిసెంబర్ 31 వరకు అమలులో ఉండనున్న ఈ ఆఫర్స్ కింద బ్యాంక్ విద్య & వ్యక్తిగత రుణాల వడ్డీ రేట్లను వరుసగా 60 bps, 80 bps తగ్గించింది. అంతే కాకుండా బ్యాంక్ ఆఫ్ బరోడా ఇప్పటికే కొన్ని ఇతర బ్రాండ్లతో కూడా ఒప్పందం కుదుర్చుకుంది. దీని ద్వారా డెబిట్ అండ్ క్రెడిట్ కార్డు ఉన్న వారు ప్రత్యేక ఆఫర్స్ పొందవచ్చు.

ఖాతాదారులకు ఎస్‌బీఐ శుభవార్త చెప్పింది. ఫెస్టివల్‌ సీజన్‌ సందర్భంగా ప్రత్యేకంగా నిర్వహించే క్యాంపెయిన్‌లో భాగంగా హొమ్‌లోన్ల వడ్డీ రేట్లను తగ్గిస్తున్నట్లు ప్రకటించింది. తద్వారా, వడ్డీ రేట్లు ఎక్కువగా ఉండడం వల్ల ఎస్‌బీఐ బ్యాంకులో ఇంటి రుణం తీసుకోలేకపోయిన వారికి, లేదంటే కొత్తగా లోన్‌ తీసుకోవాలనుకునేవారికి తాజా నిర్ణయం భారీగా లబ్ధి చేకూరనుంది.  క్రిడెట్‌ కార్డు ఉండి సిబిల్‌ స్కోర్‌ (151- 200) తక్కువగా ఉన్న వారికి, లేదంటే అసలు క్రెడిట్‌ స్కోర్‌ లేని కస్టమర్లకు ప్రభుత్వ బ్యాంకింగ్‌ దిగ్గజం ఎస్‌బీఐ హోం లోన్లు,టాప్‌-అప్‌ లోన్లపై గరిష్ఠంగా 65 బేసిస్‌ పాయింట్ల వరకు ప్రత్యేక రాయితీలు అందిస్తుంది.    సిబిల్‌ స్కోర్‌ 750కి పైగా ఉంటే  సెప్టెంబర్‌ 1 నుంచి డిసెంబర్‌ 31 వరకు ఎస్‌బీఐ బ్యాంకు నిర్వహించే ఈ క్యాంపెయిన్‌లో సిబిల్‌ స్కోర్‌ 750పైగా ఉన్న వారికి 55 బేసిస్‌ పాయింట్ల వరకు రాయితీ ఇస్తున్నట్లు ఎస్‌బీఐ తెలిపింది. అంటే వడ్డీ రేట్లు 8.60 శాతానికి పొందవచ్చు.  సిబిల్‌ స్కోర్‌ 700- 749 ఉంటే  ఇప్పటికే అమ్మేందుకు సిద్ధంగా ఉన్న ఇళ్లను కొనుగోలు చేయాలనుకున్న, లేదంటే ఉన్న ప్రాపర్టీని అమ్మాలనుకునే వారి సిబిల్‌ స్కోర్‌ 700 పైగా ఉంటే పైన పేర్కొన్న రాయితీల కంటే అదనంగా 20 బేసిస్‌ పాయింట్ల మేర రాయితీలు పొందవచ్చు. అంటే క్రెడిట్‌ స్కోర్‌ 750 కంటే ఎక్కువగా ఉంటే  8.40 శాతానికి, 700 - 749 మధ్య ఉంటే 8.50 శాతానికి హోం లోన్లను సొంతం చేసుకోవచ్చు.   సిబిల్‌ స్కోర్‌ 700-749, 151-200 (టాప్‌-అప్‌ లోన్స్‌)ఉంటే టాప్‌-అప్‌ లోన్స్‌ పొందాలనుకునే కస్టమర్ల సిబిల్‌ స్కోర్‌ 750 కంటే ఎక్కువగా ఉంటే 45 బేసిస్‌ పాయింట్ల వరకు రాయితీ పొందవచ్చు. 9.10 శాతంతో టాప్‌-అప్‌ లోన్లు తీసుకోవచ్చు. క్రెడిట్‌ స్కోర్‌ 700-749, 151-200 ఉన్న ఖాతాదారులు 45 బేసిస్‌ పాయింట్ల వరకు కన్‌సెషన్‌ అందిస్తుంది. అంటే 9.30 శాతానికి ఈ టాప్‌-అప్‌లోన్‌ ఇస్తున్నట్లు ఎస్‌బీఐ పేర్కొంది.  ఎస్‌బీఐ బ్యాంకు వెబ్‌సైట్‌ ప్రకారం.. బ్యాంక్ వెబ్‌సైట్ ప్రకారం, టేకోవర్ లోన్‌లతో అనుబంధించబడిన టాప్-అప్ లోన్‌లకు (క్రెడిట్ స్కోరు 700 అంతకంటే ఎక్కువ ఉంటే) పైన ప్రతిపాదించబడిన రేట్ల కంటే బ్యాంకు 20 బేసిస్‌ పాయింట్ల వరకు  రాయితీని ఇస్తుంది. టాప్‌-అప్‌ లోన్లు అంటే  ఇప్పటికే తీసుకున్న హోమ్ లోన్‌పైఅతి తక్కువ డాక్యుమెంటేషన్‌తో ఆర్థిక సంస్థలు అందించే అదనపు లోన్‌ను టాప్‌-అప్ లోన్ అంటారు. బ్యాంకులు లేదా హౌసింగ్ ఫైనాన్స్ కంపెనీలు, ఇతర ఆర్థిక సంస్థలు వీటిని అందిస్తాయి. అత్యవసర సమయాల్లో వీటిని కస్టమర్లు ఎంచుకోవచ్చు. ఖాతాదారులు తమ గృహ రుణం కంటే ఎక్కువ మొత్తాన్ని అప్పుగా తీసుకునే వీలు ఉంటుంది. హోమ్‌లోన్లపై వడ్డీ రేట్లు  టాప్‌-అప్‌లోన్లపై వడ్డీ రేట్లు

పెళ్లి చేసి చూడు, ఇళ్లు కట్టి చూడు అన్నారు పెద్దలు. ఎందుకంటే ఈ రెండు జీవితంలో చాలా ముఖ్యమైనవి, అలాగే కష్టంతో కూడుకున్నవి కాబ‍ట్టి. పెళ్లి టాపిక్‌ పక్కన్న పెట్టి ఇంటి విషయంలోకి వెళ్దాం. సమాజంలో ప్రతి ఒక్కరూ కనే కల తమకంటూ ఓ సొంతిళ్లు ఉండాలనుకోవడం. ఇందుకోసం కొన్నేళ్లు కష్టపడేవాళ్లు కూడా ఉన్నారు. ఈ క్రమంలో కొందరి కల కలగానే మిగిలిపోతే,  మరికొందరు కష్టపడి సాధించుకుంటున్నారు. ఇంతటి ప్రాముఖ్యత ఉన్న ఇంటిని పండుగ సీజన్‌లో ఓ బంపరాఫర్‌ ద్వారా మన సొంతం చేసుకోవచ్చండి. ఎలా అనుకుంటున్నారా! ఈ ఆఫర్‌ ఎక్కడో తెలుసా! కొత్త అపార్ట్‌మెంట్ల విక్రయాల జోరును కొనసాగించేందుకు, కాన్ఫెడరేషన్ ఆఫ్ రియల్ ఎస్టేట్ డెవలపర్స్ అసోసియేషన్స్ ఆఫ్ ఇండియా (CREDAI)- మహారాష్ట్ర చాంబర్ ఆఫ్ హౌసింగ్ ఇండస్ట్రీ (MCHI) ఓ ఆఫర్‌ని ప్రకటించాయి. అయితే, ఈ ఆఫర్‌ ముంబైలోని వారికి మాత్రమే వర్తిస్తుంది. ముంబైలోని బాంద్రా-కుర్లా కాంప్లెక్స్ (BKC)లోని ఎంఎంఆర్‌డీఏ (MMRDA) గ్రౌండ్స్‌లో (CREDAI-MCHI) 30వ ప్రాపర్టీ ఎగ్జిబిషన్‌ నిర్వహిస్తోంది. ఇందులో 100 మందికి పైగా రియల్టీ డెవలపర్లు పాల్గొంటున్నారు. ఈ ఈవెంట్‌ అక్టోబర్ 13 నుంచి 16 వరకు జరుగుతుంది. ఈ ఎగ్జిబిషన్ విజయవంతంగా నిర్వహించడం కోసం, ప్రోప్‌టెక్ స్టార్టప్ జాప్‌కీ (Zapkey) CREDAI-MCHIతో జతకట్టింది.  ఆఫర్‌ ఏంటంటే! జాప్‌కీ పాత ఇళ్లు అమ్మాలనుకునే వారికి కొంత టోకన్‌ అమౌంట్‌ ఇస్తుంది. వారికి 90 రోజుల్లోగా ఆ ఇంటిని కచ్చితంగా అమ్మిపెడుతుంది.  ఆసక్తి గల కొనుగోలుదారులు తమ పాత ఇంటికి ఎక్స్చేంజ్‌గా కొత్త అపార్ట్‌మెంట్‌ని అక్కడే కొనుగోలు చేసుకోవచ్చు. ఈ ఆఫర్‌పై జాప్‌కీ కో వ్యవస్థాపకుడు మాట్లాడుతూ.. ‘‘మేము టోకెన్‌ డబ్బులు ఇచ్చి కస్టమర్ల ఇంటిని మార్కెట్‌ ధరకే అమ్ముతాము. అది కూడా 90 రోజుల్లోనే. ఒకవేళ ఆ ప్రాపర్టీని అమ్మలేకపోతే ఆ ఇంటిని మేమే కొనడం లేదా టోకెన్‌ అమౌంట్‌ను వదులుకుంటాం.  ₹1 కోటి కంటే ఎక్కువ విలువ కలిగిన ఆస్తుల కోసం కస్టమర్లు ₹1 లక్ష,  ₹1 కోటి కంటే తక్కువ విలువ కలిగిన ఆస్తులకు ₹50,000 టోకెన్ అమౌంట్‌గా చెల్లిస్తాం. 20 సంవత్సరాల కంటే పాత ఆస్తిని తీసుకోము, కానీ కొన్ని సందర్భాల్లో భవనం మంచి స్థితిలో ఉంటే మార్కెట్లో డిమాండ్ ఉన్నట్లయితే, మేము దానిని తీసుకోవచ్చు. అది కూడా ఆస్తిని భౌతికంగా సందర్శించిన తర్వాత విక్రయిస్తామని," చెప్పారు. అలాగే పాత ప్రాపర్టీని అమ్మి పెడుతున్నందుకు బ్రోకరేజ్ ఛార్జీలుగా 2 శాతాన్ని తాము వసూలు చేయనున్నామని ఈ ప్రాప్‌టెక్ సంస్థ తెలిపింది.  చదవండి: ఇది ఊహించలేదు.. యూజర్లకు భారీ షాకిచ్చిన జియో!

హోమ్‌ లోన్‌ ఖాతాదారులకు ఎస్‌బీఐ శుభవార్త చెప్పింది. పండుగ సీజన్‌ నేపథ్యంలో వచ్చే ఏడాది జనవరి 31 వరకు ఎస్‌బీఐ హోమ్‌ లోన్‌ల వడ్డీ రేటుపై 0.15-0.25 శాతం రాయితీ ఇవ్వనున్నట్లు తెలిపింది.  ప్రస్తుతం ఎస్‌బీఐ గృహ రుణ రేట్లు 8.55-9.05 శాతంగా ఉండగా, పండుగ ఆఫర్‌లో భాగంగా అవి 8.40 నుంచి 9.05 శాతం మధ్యలో లభించనున్నాయి. సిబిల్‌ స్కోర్‌ ఆధారంగా వడ్డీ రేటులో రాయితీ, ఈఎంఐలు ఉంటాయని వివరించింది. ఎస్‌బీఐ సాధారణ గృహ రుణాల రేట్లు ►ఫ్లెక్సీపే,ఎన్‌ఆర్‌ఐ,నాన్‌ శాలరీ, ప్రివిలేజ్/శౌర్య,  అపాన్ ఘర్‌తో పాటు మిగిలిన సాధారణ గృహ రుణాల సిబిల్‌ స్కోర్‌ 800 లేదా అంతకంటే ఎక్కువ ఉన్న రుణగ్రహీతలకు బ్యాంక్ 8.40% వడ్డీ రేటును అందిస్తోంది. ఇది సాధారణ రేటు 8.55%తో పోలిస్తే 15 బేసిస్ పాయింట్లు తక్కువగా ఉంది. ►ఇంకా, సాధారణ రేటు 8.65%తో పోలిస్తే 750 - 799 నుండి 8.40% మధ్య క్రెడిట్ స్కోర్ ఉన్న రుణగ్రహీతలకు 25 బేసిస్ పాయింట్ల రాయితీ ఇవ్వబడుతుంది. అదనంగా, 700 -749 సిబిల్‌  స్కోర్‌లపై 20 బేసిస్ పాయింట్ల రాయితీ,  ►1 నుండి 699 కంటే తక్కువ క్రెడిట్ స్కోర్‌లను కలిగి ఉన్న రుణగ్రహీతలకు గృహ రుణాలపై వడ్డీ రేట్లలో ఎటువంటి మార్పు లేదు. 650-600 మధ్య క్రెడిట్ స్కోర్‌లను కలిగి ఉన్న రుణగ్రహీతలకు గృహ రుణాలపై వడ్డీ రేటు 8.85%గా ఉంటుంది.

హైదరాబాద్‌: దసరా సందర్భంగా రిలయన్స్‌ డిజిటల్‌ ఆకర్షణీయమైన ఆఫర్లను ప్రకటించింది. బ్యాంకు కార్డులపై 10% తగ్గింపు ఇస్తున్నట్టు ప్రకటించింది. యాపిల్‌ వాచ్‌ను రూ.17,100కు, శామ్‌సంగ్‌ వాచ్‌ను రూ.6,490కు అందిస్తున్నట్టు తెలిపింది. అలాగే, స్మార్ట్‌వాచ్‌లు రూ.1,599 నుంచి అందుబాటులో ఉన్నట్టు పేర్కొంది.  ల్యాప్‌టాప్‌లు, స్మార్ట్‌ఫోన్లపైనా ప్రత్యేక ఆఫర్లను ఇస్తున్నట్టు తెలిపింది. శామ్‌సంగ్‌ ఎం53 5జీ ఫోన్‌ను కేవలం రూ.19,999కు, శామ్‌సంగ్‌ ఎస్‌22ను రూ. 49,990కే ఆఫర్‌ చేస్తున్నట్టు ప్రకటించింది. సమీపంలోని రిలయన్స్‌ డిజిటల్‌ స్టోర్లు లేదా మైజియో స్టోర్‌ లేదా రిలయన్స్‌డిజిటల్‌ డాట్‌ ఇన్‌ పోర్టల్‌ నుంచి కొనుగోలు చేసుకోవచ్చని సూచించింది.

దేశంలో ఎప్పుడెప్పుడా అని ఎదురుచూసిన 5జీ(5G) నెట్‌వర్క్ సేవలు అందుబాటులోకి వచ్చిన సంగతి తెలిసిందే. ఈ సేవలు ఉపయోగించాలంటే వినియోగదారుల ఫోన్‌ 5జీ టెక్నాలజీకి సపోర్ట్‌ చేయాల్సి ఉంటుంది. అయితే ఈ టెక్నాలజీ ఖరీదైన ఫోన్లలోనే కాకుండా మధ్యస్థాయి ఫోన్లలో కూడా ఒక సాధారణ ఫీచర్‌గా ఉంటోంది. ఒకవేళ మీ మొబైల్ నెట్ వర్క్ సెట్టింగ్స్ లో ఎక్కడా కూడా మీకు 5జీ అనేది కనిపించకపోతే, మీ ఫోన్ దీనికి సపోర్ట్ చేయదనే అర్థం. అలాంటప్పుడు మాత్రం మీరు 5జీని సపోర్ట్ చేసే కొత్త ఫోన్ కొనుగోలు చేయాల్సి ఉంటుంది. దీంతో 5G స్మార్ట్‌ఫోన్లకు భారీ డిమాండ్ ఏర్పడింది. ఈ నేపథ్యంలో అమేజాన్ గ్రేట్ ఇండియన్ ఫెస్టివల్ సేల్ 2022లో 5జీ స్మార్ట్‌ఫోన్లకు డిస్కౌంట్లు, ఆఫర్స్ ఇస్తూ చవకైన ధరలకే సేల్‌ నిర్వహిస్తోంది. రెడ్‌మీ 11 ప్రైమ్‌ 5జీ (Redmi 11 Prime 5G) Redmi 11 Prime 5G ..   4GB RAM + 64GB స్టోరేజ్ ఉన్న ఈ ఫోన్‌ ప్రారంభ ధర రూ. 13,999 గా ఉంది. దసరా సీజన్‌ సందర్భంగా అమెజాన్ గ్రేట్ ఇండియన్ ఫెస్టివల్ సేల్ 2022 లో ఇది తగ్గింపుతో రూ. 12,999 వస్తోంది. దీంతో పాటు అదనంగా, ఎక్స్‌చేంజ్‌ ఆఫర్ కింద రూ 12,150 కే లభిస్తోంది. ఈఎంఐ( EMI) ఆఫర్‌ కూడా ఉందండోయ్‌, నెలకు రూ.621తో ఈ ఫోన్‌ని మీరు సొంతం చేసుకోవచ్చు. Amazon Pay ఆధారంగా అదనపు డిస్కౌంట్లు కూడా లభిస్తాయి.  రియల్‌మి నార్జో 50 5జీ (Realme Narzo 50 5G)  రియల్‌మి నుంచి వచ్చిన మరో 5జి స్మార్ట్ ఫోన్లలో రియల్ మి నార్జో 50 5Gనే చవకైన ఫోన్‌ అని చెప్పాలి. మార్కెట్లోకి ఈ ఫోన్‌ ప్రారంభ ధర రూ. 15,999 గా ఉంది. ఇదే ఫోన్ ప్రస్తుతం అమేజాన్ గ్రేట్ ఇండియన్ ఫెస్టివల్ సేల్ సందర్భంగా రూ. 12,249 గా లభిస్తోంది. వీటితో మీ వద్ద పాత స్మార్ట్ ఫోన్ ఎక్స్ చేంజ్ ఆఫర్ కూడా ఉంది. ఈఎంఐ చెల్లింపులో ఫోన్ ని కొనుగోలు చేస్తే.. రూ 750 కే ఈ ఫోన్ లభిస్తుంది.  ఐకూ z6 లైట్‌ 5G (iQoo Z6 Lite 5G) iQoo Z6 Lite 5G బేస్ మోడల్ ధర రూ. 13,999గా ఉంది. స్మార్ట్‌ఫోన్ ఎక్స్‌ఛేంజ్ ఆఫర్‌ కూడా భారీగానే ఇస్తున్నారు. SBI క్రెడిట్, డెబిట్ కార్డ్‌ వినియోగదారులు రూ. ఫ్లాట్-రేట్‌పై అదనపు రూ.750 వరకు తగ్గింపు లభిస్తుంది.  సాంసంగ్‌ గెలాక్సీ ఎం13 5G (Samsung Galaxy M13 5G) Samsung Galaxy M13 5G ప్రస్తుతం అమెజాన్‌లో దీని ధర రూ.11,999. ప్రారంభంలో ఈ మోడల్ ధర రూ. 13,999గా ఉంది. ఎక్స్‌ఛేంజ్ ఆఫర్‌ కూడా అందుబాటులో ఉంది. SBI క్రెడిట్ కార్డ్‌ కస్టమర్లకి ప్రత్యేక డిస్కౌంట్లు లభించనుంది. చదవండి: 5G Network FAQs In Telugu: 5జి వచ్చేస్తోంది.. మీ ఫోన్‌లో ఈ ఆప్షన్‌ ఉంటే సపోర్ట్ చేసినట్లే!

పండుగ బోనస్‌లు, సరిగ్గా జీతాలు పడే టైంలో.. ఫెస్టివల్‌ ఆఫర్లు-ధమాకా సేల్స్‌తో ముందుకొచ్చాయి ఈ-కామర్స్‌ సంస్థలు. ఇప్పటికే చాలామంది ఆన్‌లైన్‌ కొనుగోళ్లతో బిజీగా గడిపేస్తున్నారు. అదే సమయంలో ఆన్‌లైన్‌ షాపింగ్‌కు సంబంధించి కొన్ని చేదు అనుభవాలు ఇంటర్నెట్‌ ద్వారా యూజర్ల దృష్టిని ఆకర్షిస్తున్నాయి కూడా.  ఆన్‌లైన్‌ షాపింగ్‌ చేసే సమయంలో తొందరపాటు అస్సలు పనికి రాదు. కొన్ని జాగ్రత్తలు పాటించడం చాలా అవసరం. లేకుంటే.. మోసపోవడంతో పాటు కాలం వృధాకావడం, అనవసరమైన నష్టపోవడం వాటిల్లుతుంది కూడా. ఆన్‌లైన్‌ షాపింగ్‌లో లాభాలతో పాటు కొన్ని నష్టాలు కూడా జరుగుతుంటాయి. ఒక్కోసారి అవి యూజర్లకు తెలియకుండానే జరిగిపోతుంటాయ్‌ కూడా.  నమ్మదగిన సైట్ల నుంచే..  రోజుకో కొత్త ఆన్‌లైన్‌ షాపింగ్‌ సైట్‌ పుట్టుకొస్తోంది. డెడ్‌ చీపుగా ప్రొడక్టులు అందిస్తామని ప్రచారాలు చేసుకుంటున్నాయవి. అయితే.. అలాంటి వాటి గురించి క్షుణ్ణంగా ఆరా తీశాకే ప్రొడక్టులు కొనుగోలు చేయాలి. రివ్యూలతో సైతం బోల్తా కొట్టిస్తున్న ఈరోజుల్లో.. ప్రొడక్టు నాణ్యత గురించి అవగాహనకు రావడం కొంచెం కష్టమే. అయినా కూడా నష్టపోకూడదంటే నమ్మకం ఉన్న.. ఉత్తమ సర్వీసులు అందిస్తున్న సైట్ల నుంచే వస్తువులను కొనుగోలు చేసుకోవడం ఉత్తమం.   ► యాప్‌లలో కాకుండా వెబ్‌ సైట్ల నుంచి గనుక ఆన్‌లైన్‌ షాపింగ్‌ చేస్తే.. పైన బ్రౌజర్‌ యూఆర్‌ఎల్‌లో సైట్లకు ముందు https లేదంటే http ఉందో లేదో గమనించాలి. అలా ఉంటే.. ఆ సైట్‌ ఎన్‌క్రిప్టెడ్‌ అన్నమాట. అంటే షాపింగ్‌ చేసుకునేందుకు అనుగుణంగా ఉంటుందని, తద్వారా మీ డివైజ్‌లోని డేటా సురక్షితంగా ఉంటుందని అర్థం. ► పెద్ద పెద్ద ఈ-కామర్స్‌ యాప్‌లు, వెబ్‌సైట్లలోనూ ఆర్థిక సంబంధిత విషయాల్లో బోల్తా పడుతుంటారు చాలామంది. అధిక ఛార్జీలు వసూలు చేయడం..  కొన్ని సందర్భాల్లో మాత్రమే క్యాష్‌ బ్యాక్‌ కూపన్లు ఉపయోగించే వెసులుబాటు కల్పిస్తుండడంతో.. కూపన్లను వాడుకోవడానికి చాలాకాలం ఎదురు చూడాల్సి వస్తుంది. లేదంటే ఒక్కోసారి అవి ఎక్స్‌పెయిర్‌ అయిపోతుంటాయి కూడా. కాబట్టి, క్యాష్‌ బ్యాక్‌లు ఎంత వరకు లబ్ధి చేకూరుతాయనేది బేరీజు వేసుకున్నాకే ముందుకు వెళ్లాలి. ఒకటి కంటే ఎక్కువ యాప్‌లు/వెబ్‌సైట్‌లు పరిశీలించాకే ఉత్పత్తులను కొనుగోలు చేసుకోడం ఇంకా మంచిది. తద్వారా సరైన ఆఫర్లను గుర్తించడంతోపాటు ఎక్స్‌ట్రా ఛార్జీలు, డెలివరీ ఛార్జీల తలనొప్పి నుంచి తప్పించుకోవచ్చు. ► డెబిట్‌కార్డులు ఉపయోగించకపోవడం మంచిది. ఎందుకంటే.. బ్యాంక్‌ అకౌంట్‌కు లింక్‌ అయ్యి ఉండడం వల్ల ఫైనాన్షియల్‌ వివరాలను, వ్యక్తిగత సమాచారాన్ని హ్యాకింగ్‌ గురయ్యే అవకాశాలు ఉండొచ్చు. అందుకే క్రెడిట్‌ కార్డులను వీలైనంత వరకు షాపింగ్‌ కోసం ఉపయోగించాలి. లేదంటే..  మాస్టర్‌కార్డ్‌ సెక్యూరిటీ కోడ్‌ లేదంటే వెరిఫైడ్‌ బై వీసాలను ఉపయోగించడం వల్ల సురక్షితంగా షాపింగ్‌ చేసుకోవచ్చు.  ► షాపింగ్‌ సీజన్‌లో రకరకాల యాప్‌లను, వెబ్‌సైట్లను మోసగాళ్లు టార్గెట్‌ చేస్తుంటారు. ఈ క్రమంలో భారీగా డిస్కౌంట్‌లంటూ లింకులను పంపడం ద్వారా యూజర్లను ఆకర్షించి.. డేటా చోరీకి పాల్పడుతుంటారు. అలాంటి సమయంలో తొందరపాటులో వాటిని క్లిక్‌ చేయకూడదు. సంబంధిత సైట్‌, యాప్‌లో ఆ ఆఫర్లు నిజంగా ఉన్నాయో లేదో వెరిఫై చేసుకోవాలి.  ► తాజాగా.. ఓ ప్రముఖ ఈ-కామర్స్‌ కంపెనీ నుంచి ల్యాప్‌ట్యాప్‌ ఆర్డర్‌ పెట్టిన ఓ వ్యక్తికి బట్టల సబ్బుల పార్శిల్‌ షాకిచ్చింది. తీరా కంపెనీని బాధిత వ్యక్తి సంప్రదించగా.. తమ పరిధిలో అంశం కాదంటూ సమాధానం ఇచ్చింది. డ్రోన్‌ కెమెరా ఆర్డర్‌ పెట్టిన వ్యక్తికి బంగాళ దుంపలు పార్శిల్‌ వచ్చింది మరో వెబ్‌సైట్‌లో. ఇలాంటి సందర్భాల్లో.. ఓపెన్‌ బాక్స్‌ డెలివరీ కాన్సెప్ట్‌ ఉంటుందనే విషయం తెలుసుకోవాలి. దేశంలో చాలామందికి తెలియని కాన్సెప్ట్‌ ఇది. కొన్ని ప్రొడక్టుల విషయంలో(ధర అధికంగా ఉ‍న్నవాటి విషయంలో ప్రత్యేకించి జరుగుతుంటుంది) డెలివరీ బాయ్‌కు ఓటీపీ చెప్పాల్సి వస్తుంది. అలాంటప్పుడు ముందుగా బాక్స్‌ను డెలివరీ బాయ్‌ల సమక్షంలో తెరిచి.. అంతా పరిశీలించుకున్నాకే.. ఓటీపీ చెప్పడం కరెక్ట్‌. ఒకవేళ తొందరపాటులోనో, అవగాహన లేకనో, ఇతర కారణాల వల్లనో ప్రొడక్టును చూసుకోకుండా ఓటీపీ చెప్పేస్తే గనుక.. ఆ తర్వాత పరిణామాలకు సదరు కంపెనీలకు ఎలాంటి సంబంధం ఉండదు. కావాలంటే వినియోగదారుల ఫోరాన్ని ఆశ్రయించి.. న్యాయం కోసం పోరాడవచ్చు.   ► ఇంతేకాదు.. ఆన్‌లైన్‌లో ఎలాంటి ప్రొడక్టును అయినా డెలివరీ బాయ్‌ నుంచి తీసుకున్నాక.. వీలైతే వాళ్ల సమక్షంలోనే వాటిని తెరిచి చూడడం మంచిది. ఒకవేళ డ్యామేజ్‌ ఉన్నా, ఇతర సమస్యలున్నా అప్పటికప్పుడే వెనక్కి పంపించాలి. కుదరదని గనుక సమాధానం వస్తే.. పరిహారం దిశగా ప్రయత్నాలు చేయొచ్చు. కొన్ని సందర్భాల్లో.. ఫొటోలు, వీడియోలు తీయడం ద్వారా ఆధారాలను సేకరించి పెట్టుకోవడం అత్యుత్తమమైన పని. అన్నింటికి మించి.. అవసరం లేకున్నా ఆఫర్లలలో వస్తున్నాయి కదా అని ప్రొడక్టులు కొనడం తగ్గించుకుంటే.. డబ్బును, సమయాన్ని ఆదా చేసుకున్న వాళ్లు అవుతారు.

ముంబై: ప్రైవేట్‌ రంగ బ్యాంకింగ్‌ దిగ్గజం ఐసీఐసీఐ బ్యాంక్‌ పండుగ సీజన్‌ పురస్కరించుకుని తమ కస్టమర్ల కోసం ’ఫెస్టివ్‌ బొనాంజా’ పేరిట ప్రత్యేక ఆఫర్లనక్ప్రకటించింది. తమ బ్యాంక్‌ క్రెడిట్‌/డెబిట్‌ కార్డులు, ఇంటర్నెట్‌ బ్యాంకింగ్, కన్జూమర్‌ ఫైనాన్స్, కార్డ్‌లెస్‌ ఈఎంఐ మొదలైన వాటి ద్వారా రూ. 25,000 వరకు డిస్కౌంట్లు, క్యాష్‌బ్యాక్‌లు పొందవచ్చని పేర్కొంది. ఇందుకోసం ఫ్లిప్‌కార్ట్, అమెజాన్, మింత్రా, బిగ్‌బాస్కెట్, అజియో, రిలయన్స్‌ డిజిటల్, క్రోమా తదితర సంస్థలతో జట్టు కట్టినట్లు బ్యాంకు ఈడీ రాకేష్‌ ఝా తెలిపారు. రుణాలపై కూడా (గృహ, వ్యక్తిగత, బంగారం రుణాలు మొదలైనవి) ప్రత్యేక ఆఫర్లు పొందవచ్చని వివరించారు. వీటితో పాటు బ్యాంక్‌ పేర్కొన్న వస్తువులను కొనుగోళ్లు చేసే కస్టమర్లకు కార్డ్‌లెస్ ఈఎంఐ(EMI), 'నో-కాస్ట్ ఈఎంఐ(EMI) వంటి సౌకర్యాలను అందిస్తోంది. ప్రముఖ బ్రాండ్‌లు & ఇ-కామర్స్ ప్లాట్‌ఫాంపై ఆఫర్లు: ఫ్లిప్‌కార్ట్‌, అమెజాన్‌, మింత్రా, టాటా క్లిక్ వంటి ప్రధాన ఇ-కామర్స్ ప్లాట్‌ఫాంలో ఆన్‌లైన్ షాపింగ్‌పై 10% తగ్గింపు. గ్లోబల్ లగ్జరీ బ్రాండ్‌లు: అర్మానీ ఎక్స్ఛేంజ్, కెనాలి, క్లార్క్స్, డీజిల్, జార్జియో అర్మానీ, హామ్లీస్, హ్యూగో బాస్, జిమ్మీ చూ, కేట్ స్పేడ్, పాల్ & షార్క్, సత్య పాల్, స్టీవ్ మాడెన్, బ్రూక్స్ & బ్రదర్స్ వంటి లగ్జరీ బ్రాండ్‌లపై అదనపు 10% క్యాష్‌బ్యాక్ అందిస్తోంది. ఎలక్ట్రానిక్స్ & గాడ్జెట్‌లపై ప్రముఖ ఎలక్ట్రానిక్స్ బ్రాండ్‌లలో 10% వరకు క్యాష్‌బ్యాక్. రిలయన్స్ డిజిటల్, క్రోమా, విజయ్ సేల్స్‌లో కస్టమర్లు ఆకర్షణీయమైన తగ్గింపులను కూడా పొందవచ్చు. దుస్తులు & ఆభరణాలు: షాపర్స్ స్టాప్, లైఫ్‌స్టైల్, అజియో, ఫ్లిప్‌కార్ట్ వంటి ప్రముఖ దుస్తుల బ్రాండ్‌లపై అదనంగా 10% తగ్గింపు. అలాగే పీసీ జ్యువెలర్స్ (PCJ) నుంచి కనీసం ₹50,000 కొనుగోలుపై ₹2,500 క్యాష్‌బ్యాక్ పొందవచ్చు. చదవండి: Volkswagen: ఇండియన్‌ కస్టమర్లకు ఫోక్స్‌వ్యాగన్  భారీ షాక్‌ 

నవరాత్రి, దసరా, దీపావళి ఇలా వరుసగా పండుగల నేపథ్యంలో ఈ నెల 23వ తేదీ నుంచి ఫేవరేట్‌ ఈకామర్స్‌ ప్లాట్‌ఫామ్‌– జియోమార్ట్‌ ప్రత్యేక ఆఫర్లను అందించనుంది. ‘‘ఫెస్టివ్‌ రెడీ సేల్‌’ పేరుతో ఈ నెల 27వ తేదీ వరకూ ఆఫర్లు అందుబాటులో ఉంటాయి. అన్ని కేటగిరీల ప్రొడక్టులపై విస్తృత శ్రేణిలో పొదుపు ఆఫర్లు లభిస్తాయని ఈ మేరకు వెలువడిన ఒక ప్రకటన పేర్కొంది. స్మార్ట్‌ బజార్, స్మార్ట్‌ సూపర్‌స్టోర్, స్మార్ట్‌ పాయింట్, రిలయన్స్‌ ఫ్రెష్‌సహా దేశ వ్యాప్తంగా 2,700 విస్తృతస్థాయి స్మార్ట్‌ స్టోర్స్‌ నెట్‌వర్క్‌ కస్టమర్లకు అందుబాటులో ఉంటుందని వివరించింది. చదవండి: యూట్యూబ్‌ యూజర్లకు పండగే..45 శాతం ఆదాయం

హైదరాబాద్‌: టాటా గ్రూప్‌ ఆభరణాల రిటై ల్‌ బ్రాండ్‌ తనిష్క్‌.. శుభప్రదమైన వరమహాలక్ష్మీ వేడుకల్లో భాగంగా అత్యుత్తమ ఆఫర్లను ప్రకటించింది. బంగారం ఆభరణాలపై గ్రాముకు రూ.200 వరకూ తగ్గింపు, వజ్రాభరణాల విలువపై 20 శాతం వరకూ రాయితీ ఇందులో ఉన్నాయి. ఆగస్టు 1 నుంచి 7వ తేదీ వరకూ తెలుగు రాష్ట్రాల అన్ని తని‹Ù్క షోరూమ్‌లలో ఈ ఆఫర్లు అందుబాటులో ఉంటాయి.   జోయాలుక్కాస్‌.. అనుగ్రహ  హైదరాబాద్‌: వివాహ సంబరాలకుగాను జోయాలుక్కాస్‌ ‘అనుగ్రహ’ బ్రాండ్‌ పేరుతో కొత్త జ్యువెలరీ కలెక్షన్‌ను ఆవిష్కరించింది. కాబోయే పెండ్లి కుమార్తెల కోసం రూపొందించిన ఈ ప్రత్యేక ఆభరణాలు దేశవ్యాప్తంగా తమ అన్ని షోరూమ్‌లలో లభ్యం అవుతాయని ఈ మేరకు విడుదల చేసిన ఒక ప్రకటనలో సంస్థ తెలిపింది. సంస్థ డైమండ్‌ జ్యువెలరీపై 25 శాతం డిస్కౌంట్‌ను అందిస్తున్నట్లూ ప్రకటన పేర్కొంది. చదవండి: అకౌంట్‌లో డబ్బులు కొట్టేసే యాప్స్‌: తక్షణమే డిలీట్‌ చేయండి!

హైదరాబాద్‌: ప్రముఖ మొబైల్స్‌ రీటైల్‌ విక్రయ సంస్థ బిగ్‌ సి కస్టమర్లకు కోసం సంక్రాంతికి అద్భుతమైన ఆఫర్లను ప్రకటించింది. ఈ పండుగ సందర్భంగా మొబైల్స్, స్మార్ట్‌ టీవీలు, ల్యాప్‌టాప్‌ల కొనుగోళ్లపై ఆకర్షణీయ ఆఫర్లను అందిస్తున్నామని బిగ్‌ సి వ్యవస్థాపకులు, సీఎండీ బాలు చౌదరి తెలిపారు. మొబైళ్ల కొనుగోళ్లపై 10 శాతం వరకు క్యాష్‌ బ్యాక్, డౌన్‌పేమెంట్‌ లేకుండా సులభ వాయిదాల పద్దతిలో కొనుగోళ్లకు అవకాశం కల్పిస్తున్నామన్నారు.   ప్రతీ మొబైల్‌పై కచ్చితమైన బహుమతి, స్మార్ట్‌ టీవీల కొనుగోలుపై రూ.4,000 వరకు క్యాష్‌ బ్యాక్‌ అందిస్తున్నామన్నారు. అమెజాన్‌ పే, డెబిట్‌కార్డు, పేటియం మాల్‌ ద్వారా కొనుగోళ్లపై పలు ఆఫర్లు అందుబాటులో ఉంటాయని పేర్కొన్నారు.  

న్యూఢిల్లీ: ప్రైవేట్‌ బ్యాంక్‌ యాక్సిస్‌..  దీపావళి పండుగ సందర్భంగా కొన్ని గృహ రుణాల పథకాలపై ప్రత్యేక ఆఫర్లు అందించనుంది. అంతేకాదు ఆన్‌లైన్‌ కొనుగోళ్లపై డిస్కౌంట్లు అందిస్తోంది. ఎంపిక చేసిన హోమ్‌ లోన్‌ పథకాలపై 12 నెలసరి వాయిదాల (ఈఎంఐ) మినహాయింపుతో బంపరాఫర్‌ అందించింది. అంతేకాదు టూవీలర్స్‌కు సంబంధించి ఎలాంటి ప్రాసెసింగ్‌ ఫీజు లేకుండా ఆన్‌–రోడ్‌ ఖరీదు మొత్తాన్ని రుణంగా అందిస్తున్నట్లు బ్యాంక్‌  ప్రకటించింది.  యాక్సిస్‌ బ్యాంక్‌ ఈ పండుగ సీజన్‌కు ప్రత్యేక ఆఫర్లు ప్రకటించింది. ‘దిల్‌ సే ఓపెన్‌ సెలబ్రేషన్స్‌: ఎందుకంటే ప్రతి రోజూ దీపావళి రాదు‘ పేరిట యాక్సిస్‌ బ్యాంక్‌ డెబిట్, క్రెడిట్‌ కార్డుల ద్వారా జరిపే కొనుగోళ్లపై డిస్కౌంట్లు ఇస్తున్నట్లు వివరించింది. 50 నగరాల్లో ఎంపిక చేసిన 2,500 స్థానిక దుకాణాదారుల నుంచి కొనుగోళ్లు జరిపితే 20 శాతం దాకా డిస్కౌంట్లు ఆఫర్‌ చేస్తున్నట్లు, కాబట్టి కస్టమర్లు, యూజర్లు ఈ అవకాశాన్ని సద్వినియోగం చేసుకోవాలని యాక్సిస్‌ బ్యాంక్‌ గ్రూప్‌ ఎగ్జిక్యూటివ్‌ హెడ్‌ సుమిత్‌ బాలి పిలుపు ఇచ్చారు. చదవండి: యాక్సిస్‌ బ్యాంకుతో షాపింగ్‌ చేస్తే 45 శాతం మేర క్యాష్‌బ్యాక్‌!

పండుగ సీజన్ నడుస్తోంది. కొత్తగా కారు కొనుగోలు చేయాలని అనుకునేవాళ్లకు కొన్ని కార్ల కంపెనీలు శుభవార్త సైతం అందించాయి.  కొన్ని కంపెనీ కార్ల కొనుగోలుపై భారీ తగ్గింపు ఆఫర్లు అందుబాటులో ఉన్నాయి. అయితే దసరా సీజన్​ ముగియడంతో అక్టోబర్​ 16 వరకే ఆఫర్లు ప్రకటించాయి కంపెనీలు. అవేంటో ఓ లుక్కేద్దాం.  ►మారుతీ అల్టో కారుపై రూ.43 వేల వరకు తగ్గింపు ప్రయోజనాలు పొందొచ్చు.  ►ఎస్ ప్రెసో కారుపై కూడా ఆఫర్ ఉంది. దీనిపై రూ.48 వేల వరకు తగ్గింపు బెనిఫిట్స్ లభిస్తున్నాయి.  ►ఈకో వెహికల్‌పై కూడా తగ్గింపు పొందొచ్చు. రూ.12500 బెనిఫిట్ లభిస్తోంది. ►వేగనార్ కారుపై రూ.17500 తగ్గింపు ప్రయోజనాలు ఉన్నాయి.  ►మారుతీ స్విఫ్ట్ కారుపై రూ.24,500 వరకు తగ్గింపు బెనిఫిట్స్ లభిస్తున్నాయి.  ►అదే డిజైర్ కొనుగోలు చేయాలని భావిస్తే.. రూ.19,500 తగ్గింపు ప్రయోజనాలు పొందొచ్చు.  ►వితారా బ్రెజా కారుపై రూ.17,500 తగ్గింపు బెనిఫిట్స్ ఉన్నాయి. గమనిక: ఆఫర్‌లో కన్సూమర్ ఆఫర్, ఎక్స్చేంజ్ బోనస్, కార్పొరేట్ డిస్కౌంట్ వంటివి కలిసి ఉంటాయి. ఇకపోతే కార్లపై ఆఫర్లు అక్టోబర్ 16 వరకే అందుబాటులో ఉంటాయి. ఇంకా ప్రాంతం, కారు మోడల్, డీలర్‌షిప్ ప్రాతిపదికన డిస్కౌంట్ ఆఫర్లు కూడా మారతాయి. అందువల్ల కారు కొనుగోలు చేయడానికి ముందే ఆఫర్ పూర్తి వివరాలు తెలుసుకోవాల్సి ఉంటుంది. చదవండి: బయ్‌ వన్‌ గెట్‌ వన్‌ ఫ్రీ ! ఈ పాఠం తెలుసా?

మీరు కొత్త కారు కొనాలని చూస్తున్నారా? అయితే, మీకు ఒక భారీ శుభవార్త. పండుగ సీజన్‌ నేపథ్యంలో హోండా కార్స్ ఇండియా పలు మోడల్ కార్లపై భారీగా డిస్కౌంట్లను ప్రకటించింది. ప్రస్తుత ఐదవ తరం హోండా సిటీ కారుపై  ₹53,500 వరకు అత్యధిక డిస్కౌంట్ అందిస్తుంది. అలాగే, తన నాల్గవ తరం హోండా సిటీ కారుపై ₹22,000 వరకు డిస్కౌంట్ అందిస్తోంది. పండుగ సీజన్‌ పురస్కరించుకొని ఈ ఆఫర్లు ప్రకటించుకొని ఆఫర్లు ప్రకటించినట్లు సంస్థ ప్రకటించింది. పలు మోడల్ శ్రేణి కార్లపై హోండా మోటార్స్ అందిస్తున్న డిస్కౌంట్స్ ఈ క్రింది విధంగా ఉన్నాయి. ఈ సందర్భంగా హోండా కార్స్ ఇండియా లిమిటెడ్ మార్కెటింగ్ అండ్ సేల్స్ వైస్ ప్రెసిడెంట్ & డైరెక్టర్ రాజేష్ గోయెల్ మాట్లాడుతూ.. "పండుగలు మా జీవితంలో ఎల్లప్పుడూ ప్రత్యేక స్థానాన్ని కలిగి ఉంటాయి. ఈ పండుగ సీజన్ సమయాల్లో ఎక్కువ మందికి చేరుకోవడం కోసం కార్లపై అద్భుతమైన ఆఫర్లు, ప్రమోషన్లను అందించడం మాకు సంతోషంగా ఉంది" అని అన్నారు. పండుగ ఉత్సాహం మొత్తం ఆటో పరిశ్రమకు అవసరమైన ప్రోత్సాహాన్ని ఇస్తుందని మేము ఆశిస్తున్నాము అని అన్నారు. సెమీకండక్టర్ కొరత కారణంగా సంస్థ ఇప్పటికీ సరఫరా విషయంలో అడ్డంకులను ఎదుర్కొంటోంది. గత ఏడాది క్రితం విక్రయించిన 10,199 యూనిట్లతో పోలిస్తే సెప్టెంబర్ 2021లో 6,765 యూనిట్లను మాత్రమే విక్రయించింది.(చదవండి: టెస్లా కంటే తోపు...! ఒక్కసారి ఛార్జ్‌ చేస్తే 1120కిమీ ప్రయాణం..!) Models   Offers 5వ తరం హోండా సిటీ   ₹53,500 వరకు 4వ తరం హోండా సిటీ   ₹22,000  వరకు కొత్త హోండా అమేజ్   ₹18,000  వరకు కొత్త హోండా డబ్ల్యుఆర్-వి   ₹40,100  వరకు కొత్త హోండా జాజ్   ₹45,900 వరకు  

సాక్షి, న్యూఢిల్లీ: ఈ–కామర్స్‌ అమ్మకాలకు కరోనా వైరస్‌ కలిసొచ్చింది. గతేడాది పండుగ సీజన్‌తో పోలిస్తే ఈ ఏడాది ఫెస్టివల్‌ సీజన్‌లో జోరుగా సాగాయి. 2019తో పోలిస్తే 2020 పండుగ అమ్మకాల్లో 77 శాతం వృద్ధి నమోదైందని క్రెడిట్, పేమెంట్‌ స్టార్టప్‌ స్లైస్‌ తెలిపింది. 74 శాతం లావాదేవీలు డిజిటల్‌ రూపంలో, 26 శాతం ఆఫ్‌లైన్‌లో జరిగాయని పేర్కొంది. ఈ ఏడాది ఫెస్టివల్‌ సీజన్‌లో 71 శాతం మంది నెలవారి వాయిదా (ఈఎంఐ) వినియోగించారు. గతేడాది ఈఎంఐ వాటా 58 శాతంగా ఉంది. నో కాస్ట్‌ ఈఎంఐ ఆప్షన్‌కు యువతరం ఎక్కువ ప్రాధాన్యత ఇచ్చారని, సగటున నాలుగు నెలల ఈఎంఐ వ్యవధి కాలాన్ని ఎంచుకున్నారని సర్వే తెలిపింది. 18 నుంచి 30 ఏళ్ల మధ్య వయసున్న 2 లక్షల మంది యంగ్‌ ఇండియన్స్‌ వ్యయ సరళిని విశ్లేషించింది.  సెప్టెంబర్‌ నెలలో యంగ్‌స్టర్స్‌ ఖర్చు ఎక్కువగా చేశారని, ఇది కోవిడ్‌ ముందు కంటే ఎక్కువగా జరిగాయని స్లైస్‌ ఫౌండర్‌ అండ్‌ సీఈఓ రాజన్‌ బజాజ్‌ తెలిపారు. ప్రతి కస్టమర్‌ లావాదేవీలో 150 శాతం పెరుగుదల కనిపించిందన్నారు. స్లైస్‌ మొత్తం లావాదేవీల్లో అమెజాన్, ఫ్లిప్‌కార్ట్‌ కలిపి 21 శాతం వాటాను కలిగి ఉన్నాయి. ఎన్నాడు లేనంతగా ఈ ఏడాది పండుగ సీజన్‌లో స్లైస్‌లో అత్యధిక లావాదేవీ పరిమాణాన్ని చూశామని ఆయన చెప్పారు. అమెజాన్‌లో 60 శాతం మంది వినియోగదారులు, 40 శాతం మంది ఫ్లిప్‌కార్ట్‌లో షాపింగ్‌ చేశారని తెలిపారు. మింత్ర, జబాంగ్‌ వంటి ఫ్లిప్‌కార్ట్‌ గ్రూప్‌తో కలిపి చూస్తే మాత్రం అమెజాన్, ఫ్లిప్‌కార్ట్‌ మధ్య వరుసగా 45, 55 శాతం వినియోగదారులు షాపింగ్‌ చేశారు.  

ముంబై: పండుగల వాతావరణం నేపథ్యంలో వ్యవస్థలో డిమాండ్‌ను పెంచడానికి పలు చర్యలు తీసుకుంటున్న బ్యాంకుల జాబితాలో తాజాగా బ్యాంక్‌ ఆఫ్‌ బరోడా (బీఓబీ) నిలిచింది. గృహ, కారు రుణ గ్రహీతలకు పలు ప్రోత్సాహకాలను మంగళవారం ప్రకటించింది. బ్యాంక్‌ ప్రకటన ప్రకారం–  బరోడా గృహ రుణాలు (ఇతర బ్యాంక్‌ నుంచి రుణాన్ని బదలాయించుకున్న ఖాతాలకు సంబంధించి) , బరోడా కారు రుణాలకు సంబంధించి ప్రస్తుతం అందిస్తున్న వడ్డీరేటుపై పావుశాతం తగ్గింపు ఉంటుంది. ప్రాసెసింగ్‌ ఫీజు రద్దు ఆఫర్‌ కూడా అందుబాటులో ఉంటుంది.  ఎస్‌బీఐ ఇప్పటికే  పండుగ ఆఫర్లను ప్రకటించింది. తమ యోనో యాప్‌ ద్వారా దరఖాస్తు చేసుకునే రిటైల్‌ కస్టమర్లకు కారు, పసిడి, వ్యక్తిగత రుణాలకు సంబంధించి ప్రాసెసింగ్‌ ఫీజును 100% మాఫీ చేస్తున్నట్లు తెలిపింది. అలాగే, నిర్దిష్ట ప్రాజెక్టుల్లో గృహాలు కొనుగోలు చేసే వారికీ రుణాలపై ప్రాసెసింగ్‌ ఫీజును పూర్తిగా మాఫీ చేస్తున్నట్లు వివరిం చింది. ఇక, క్రెడిట్‌ స్కోర్, గృహ రుణ పరిమాణాన్ని బట్టి వడ్డీ రేటులో 10 బేసిస్‌ పాయింట్ల (బీపీఎస్‌) దాకా రాయితీ ఇస్తున్నట్లు తెలిపింది. ఒకవేళ యోనో ద్వారా దరఖాస్తు చేసుకుంటే 5 బేసిస్‌ పాయింట్ల మేర వడ్డీ రాయితీ పొందవచ్చని పేర్కొంది.

ముంబై: రానున్న పండగ సీజన్‌లో కస్టమర్లను ఆకర్షించేందుకు హెచ్‌డీఎఫ్‌సీ బ్యాంక్ (దేశీయ అతిపెద్ద ప్రైవేట్‌ బ్యాంక్)‌ బంపర్‌ ఆఫర్లను ప్రకటించింది. ఈ ఆఫర్‌లను లోన్స్‌, ఈఎమ్‌ఐ, క్యాష్‌బ్యాక్స్‌, క్రెడిట్ కార్డ్స్, గిఫ్ట్‌ వోచర్స్‌, తదితర విభాగాలలో వర్తింప చేయనున్నట్లు ప్రకటించింది. కాగా హెచ్‌డీఎఫ్‌సీ బ్యాంక్‌ ఆటో, పర్సనల్‌ తదితర రుణాలలో ప్రాసెసింగ్‌ ఫీజు తగ్గించనున్నట్లు ప్రకటించింది. హెచ్‌డీఎఫ్‌సీ బ్యాంక్ దిగ్గజ రిటైల్ బ్రాండ్‌లతో ఒప్పందం కుదుర్చుకుంది. డిస్కౌంట్లు, క్యాష్‌ బ్యాక్‌లు, అదనపు రివార్డ్ పాయింట్లు, ఆన్-లైన్ కొనుగోళ్లలో అందిస్తుంది. ఈ-కామర్స్‌ దిగ్గజాలు అమెజాన్, టాటాక్లిక్, మైంట్రా, పెప్పర్‌ఫ్రై, స్విగ్గీ, గ్రోఫర్స్ వంటి ఆన్‌లైన్ మేజర్‌లతో  ఈ బ్యాంక్‌ ఒప్పందం కుదుర్చుకుంది. మరోవైపు విజయ్ అమ్మకాలు, కోహినూర్, జీఆర్‌టీ, ఓఆర్‌ఆర్‌ఏ వంటి వివిధ ఉత్పత్తులు, సేవలపై 5 నుంచి 15 శాతం వరకు క్యాష్‌బ్యాక్‌ను హెడ్‌ఎఫ్‌సీ అందిస్తుంది. ఈ ఆఫర్లపై హెచ్‌డీఎఫ్‌సీ బ్యాంక్‌ ఎండీ ఆదిత్య పురి స్పందిస్తు..  ఆర్థిక వ్యవస్థ వృద్ధి చెందే విధంగా దేశ ప్రజలు కీలక పాత్ర పోషిస్తున్నారని తెలిపారు. పండగల వేళ దేశంలో ఆర్థిక వ్యవస్థ వేగంగా వృద్ధి చెందుతుందని, అందుకు గాను దేశ ప్రజల కొనుగోలు శక్తి మరింత పెంచేందుకు హెచ్‌డీఎఫ్‌సీ బ్యాంక్‌ తక్కువ రుణాల ఆఫర్లను ప్రకటించిందని ఆదిత్య పురి పేర్కొన్నారు. కాగా గత రెండు, మూడు నెలలుగా బ్యాంక్‌ రుణాలు తీసుకునేందుకు ప్రజలు మక్కువ చూపుతున్నారని, పండగ సీజన్లో కస్టమర్లు సంతృప్తి పరచే విధంగా తమ ఆఫర్లు ఉంటాయని ఆదిత్య పురి పేర్కొన్నారు. (చదవండి: కొత్తగా 14వేల మంది కరస్పాండెంట్ల నియామకం)

గురువారం నాటి భారీ నష్టాల నుంచి స్టాక్‌ మార్కెట్‌ శుక్రవారం కోలుకుంది. త్వరలో అమెరికా ప్రభుత్వం ఉద్దీపన ప్యాకేజీని ప్రకటించగలదన్న వార్తల కారణంగా కొనుగోళ్లతో స్టాక్‌ మార్కెట్‌ కళకళలాడింది.  డాలర్‌తో రూపాయి మారకం విలువ 28 పైసలు పుంజుకొని 73.61 వద్దకు చేరడం కలసివచ్చింది. ప్రపంచ మార్కెట్లు గురువారం నాటి నష్టాల నుంచి కోలుకోవడం, గత ఆరు రోజుల పతనం కారణంగా నష్టపోయి ఆకర్షణీయంగా ఉన్న షేర్లలో కొనుగోళ్లు వెల్లువెత్తడం(వేల్యూ బయింగ్‌), కేంద్ర ప్రభుత్వం కూడా పండగ ప్యాకేజీని ఇవ్వనున్నదన్న వార్తలు.....సానుకూల ప్రభావం చూపించాయి.  దీంతో ఆరు రోజుల  వరుస నష్టాలకు బ్రేక్‌ పడింది. సెన్సెక్స్‌ 835 పాయింట్ల లాభంతో 37,388 పాయింట్ల వద్ద, నిఫ్టీ 245 పాయింట్ల లాభంతో 11,050 పాయింట్ల వద్ద ముగిశాయి. ఈ రెండు సూచీలు చెరో 2.2 శాతం మేర లాభపడ్డాయి. అయితే వారం పరంగా చూస్తే, స్టాక్‌ సూచీలు భారీగానే నష్టపోయాయి. సెన్సెక్స్‌1,457 పాయింట్లు,నిఫ్టీ 455 పాయింట్ల మేర పతనమయ్యాయి.సెన్సెక్స్‌ 3.8 శాతం, నిఫ్టీ 4 శాతం మేర క్షీణించాయి. ఆరంభం నుంచి లాభాలే.... ఆసియా మార్కెట్ల జోష్‌తో మన మార్కెట్‌ లాభాల్లోనే మొదలైంది. రోజంతా లాభాలు కొనసాగాయి. ఇంట్రాడేలో సెన్సెక్స్‌ 917 పాయింట్లు, నిఫ్టీ 267 పాయింట్లు చొప్పున లాభపడ్డాయి. హాంకాంగ్, షాంఘైలు మినహా మిగిలిన ఆసియా మార్కెట్లు లాభపడ్డాయి. యూరప్‌ మార్కెట్లు మ్రిÔ¶ మంగా ముగిశాయి.   ► సెన్సెక్స్‌లోని అన్ని (30) షేర్లూ లాభపడ్డాయి. ► రూ.20,000 కోట్ల రెట్రాస్పెక్టివ్‌ ట్యాక్స్‌ డిమాండ్‌కు సంబంధించిన ఆర్బిట్రేషన్‌ కేసును గెలవడంతో వొడాఫోన్‌ ఐడియా షేర్‌ 14 శాతం లాభంతో రూ.10.36  వద్ద ముగిసింది.   ► యాక్సెంచర్‌ కంపెనీ 2019–20 ఆర్థిక సంవత్సరం చివరి క్వార్టర్‌ ఫలితాలు మిశ్రమంగా ఉన్నప్పటికీ, కంపెనీ వ్యాఖ్యలు ప్రోత్సాహకరంగా ఉండటంతో ఐటీ షేర్లు లాభపడ్డాయి.   ► రుణ భారం తగ్గంచుకోవడానికి కాకినాడ సెజ్‌లో తనకున్న మొత్తం 51 శాతం వాటాను విక్రయించనుండటంతో జీఎంఆర్‌ ఇన్‌ఫ్రా షేర్‌ 11 శాతం లాభంతో రూ.23.55 వద్ద ముగిసింది.   ► 350 షేర్లు అప్పర్‌ సర్క్యూట్లను తాకాయి. అదానీ గ్రీన్, ఫ్యూచర్‌ గ్రూప్‌ షేర్లు, ఈ జాబితాలో ఉన్నాయి.   ► దాదాపు వంద షేర్లు ఏడాది గరిష్ట స్థాయిలను తాకాయి. అపోలో హస్పిటల్స్, గ్రాన్యూల్స్, అడ్వాన్స్‌డ్‌ ఎంజైమ్‌ తదితర షేర్లు  ఈ జాబితాలో ఉన్నాయి.   లాభాలు ఎందుకంటే... ► ప్యాకేజీలపై ఆశలు   కరోనాతో కుదేలైన అమెరికా ఆర్థిక వ్యవస్థను ఆదుకోవడానికి వచ్చే వారం ఒక ఉద్దీపన ప్యాకేజీని ప్రభుత్వం ఇవ్వనున్నదని వార్తలు వచ్చాయి. మరోవైపు పండగ జోష్‌ను పెంచడానికి మన ప్రభుత్వం కూడా ఉద్దీపన ప్యాకేజీని ఇవ్వొచ్చన్న  వార్తలు ఇన్వెస్టర్లలో జోష్‌ను పెంచాయి. ► స్టేబుల్‌ రేటింగ్‌... భారత ఆర్థిక వ్యవస్థ అవుట్‌లుక్‌ నిలకడగా(స్టేబుల్‌)గా ఉందని అంతర్జాతీయ రేటింగ్‌ సంస్థ, స్టాండర్డ్‌ అండ్‌ పూర్స్‌ పేర్కొంది. 2021 నుంచి వృద్ధి పుంజుకోగలదనే అంచనాలను వెలువరించింది.   ► వేల్యూ బయింగ్‌.... గత ఆరు రోజుల నష్టాల  కారణంగా పలు షేర్ల ధరలు తగ్గి ఆకర్షణీయంగా ఉండటంతో వేల్యూ బయింగ్‌ చోటు చేసుకుంది.   ► పుంజుకున్న రూపాయి.... డాలర్‌తో రూపాయి మారకం విలువ 28 పైసలు పుంజుకొని 73.61 వద్దకు చేరడం కలసివచ్చింది. 3.52 లక్షల కోట్లు పెరిగిన ఇన్వెస్టర్ల సంపద స్టాక్‌ మార్కెట్‌ భారీ లాభాల కారణంగా ఇన్వెస్టర్ల సంపద రూ.3.52 లక్షల కోట్లు ఎగసింది. ఇన్వెస్టర్ల సంపదగా పరిగణించే బీఎస్‌ఈలో లిస్టైన మొత్తం కంపెనీల మార్కెట్‌ క్యాప్‌ రూ.3.52 లక్షల కోట్లుపెరిగి రూ.152.28 లక్షల కోట్లకు చేరింది.  

న్యూఢిల్లీ: దేశీ కార్ల తయారీ దిగ్గజం మారుతీ సుజుకీ ఇండియా (ఎంఎస్‌ఐ) తాజాగా మరో విడత భారీ డిస్కౌంట్లను ప్రకటించింది. పండుగల సీజన్‌లో బంపర్‌ ఆఫర్‌ ఇచ్చింది. తాజాగా తన బాలెనో మోడల్‌ కారు ధరను రూ. 1,00,000 తగ్గించినట్లు స్టాక్‌ ఎక్సే్ఛంజీలకు ఇచ్చిన సమాచారంలో పేర్కొంది. ఈనెల 25న (బుధవారం) ఎంపిక చేసిన మోడళ్లపై ధరలను రూ.5,000 వరకూ తగ్గించామని మారుతీ సుజుకీ ప్రకటించిన విషయం తెలిసిందే కాగా, ఇందుకు అదనంగా తాజా తగ్గింపు ఉంటుందని శుక్రవారం ప్రకటించింది. ఆల్టో 800, ఆల్టో కే10, స్విఫ్ట్‌ డీజిల్‌ సెలెరియో, బాలెనో డీజిల్, ఇగ్నిస్, డిజైర్‌ డీజిల్, టూ ర్‌ ఎస్‌ డీజిల్, విటారా బ్రెజా, ఎస్‌–క్రాస్‌ మోడళ్ల ధరలను రూ. 5వేల వరకు ఈ వారంలో తగ్గించిం ది. ఆటో పరిశ్రమ సంక్షోభాన్ని చవిచూస్తోన్న నేపథ్యంలో తమ కంపెనీ అమ్మకాలను పెంచే దిశగా ఈ నిర్ణయం తీసుకున్నట్లు వివరించింది.   

టెలికాం మార్కెట్‌లో సంచలనాలు సృష్టించిన రిలయన్స్‌ జియో దివాళి సందర్భంగా కస్టమర్లకు 100 పర్సెంట్‌ క్యాష్‌బ్యాక్‌, గిఫ్ట్‌ కార్డ్‌ లాంటి ఎన్నో ఆఫర్లను ప్రకటించింది. పండుగ సందర్భంగా రూ. 100 కంటే ఎక్కువ మొత్తంలో ఉన్న అన్ని రిచార్జ్‌ ప్లాన్లపై 100 శాతం క్యాష్‌బ్యాక్‌ను ఇస్తోంది. ఈ క్యాష్‌బ్యాక్‌ ఆఫర్‌ని రిలయన్స్‌ డిజిటల్‌ కూపన్‌ల రూపంలో అందిస్తోంది. వీటిని ఆన్‌లైన్‌, ఆఫ్‌లైన్‌ రిచార్జ్‌ల కోసం వాడుకోవచ్చని తెలిపింది. అంతేకాక పేటీఎమ్‌ వ్యాలెట్‌, ఫోన్‌పే, అమెజాన్‌ పే, మోబిక్విక్‌ యాప్‌ల ద్వారా పేమెంట్స్‌ చేసే వారికి రూ. 300 వరకూ క్యాష్‌బ్యాక్‌ ఆఫర్‌ని ప్రకటించింది. దివాళి ధమాకాలో భాగంగా పండుగ సందర్భంగా స్పెషల్‌ యాన్యువల్‌ ప్లాన్‌ను తీసుకొచ్చింది. రూ.1,699తో రీఛార్జ్‌ చేయించుకుంటే వచ్చే ఏడాది దివాళి వరకు కస్టమర్లు ఉచితంగా అన్ని రకాల ప్రయోజనాలు పొందవచ్చని ప్రకటించింది. ఈ ప్లాన్‌ కింద ఉచితంగా లోకల్‌, నేషనల్‌ కాల్స్‌, అపరిమిత రోమింగ్‌, రోజుకు 100 ఎస్‌ఎంఎస్‌లు, 547.5 జీబీ డేటాను పొందవచ్చు. వచ్చే ఏడాది దివాళి వరకు ఈ ప్రయోజనాలను కస్టమర్లకు జియో ఆఫర్‌ చేస్తోంది. ఈ యాన్యువల్‌ ప్లాన్‌పై కూడా 100 శాతం క్యాష్‌బ్యాక్‌ని ఇస్తోంది. పండుగ సందర్భంగా ‘జియో ఫోన్‌ 2 ఫెస్టీవ్‌ సేల్‌ 2’ని ప్రకటించింది. రూ. 2,999 ఖరీదైన ఈ జియో ఫోన్‌ 2.. నవంబర్‌ 5(నేటి నుంచి) నుంచి 12 వరకూ కంపెనీ సైట్‌లో అందుబాటులో ఉంటుంది. జియో ఫోన్‌ 2ను కొనేవారు పేటీఎం వ్యాలెట్‌ ద్వారా పేమెంట్‌ చేస్తే రూ. 200 క్యాష్‌బ్యాక్‌ ఆఫర్‌తో రూ.2,799కే లభిస్తుంది. వీటితో పాటు జియో ఫోన్‌, జియో ఫోన్‌2 కోసం మూడు రకాల ప్రిపేయిడ్‌ రిచార్జ్‌ ప్లాన్స్‌ని అందుబాటులోకి తేచ్చింది. రూ. 49తో రిచార్జ్‌ చేస్తే 1 జీబీ డాటా, ఫ్రీ అన్‌లిమిటెడ్‌ వాయిస్‌ కాల్స్‌, రోజుకు 50 ఎస్‌ఎంఎస్‌లను 28 రోజుల పాటు పొందవచ్చు. రూ. 99తో రిచార్జ్‌ చేస్తే రోజుకు 500 ఎంబీ 4జీ డాటా, ఫ్రీ అన్‌లిమిటెడ్‌ వాయిస్‌ కాల్స్‌, రోజుకు 300 ఎస్‌ఎంఎస్‌లను 28 రోజుల పాటు పొందవచ్చు. రూ. 153తో రిచార్జ్‌ చేస్తే రోజుకు 1. 5జీబీ డాటా, ఫ్రీ వాయిస్‌ కాల్స్‌, రోజుకు 100 ఎస్‌ఎంఎస్‌లను 28 రోజుల పాటు పొందవచ్చు. కొత్త 4జీ స్మార్‌ఫోన్‌ల కొనుగోలుపై కూడా జియో రూ.2, 200 క్యాష్‌బ్యాక్‌ ఆఫర్‌ ప్రకటించింది. ఈ క్యాష్‌బ్యాక్‌ను రూ. 50 విలువైన 44 కూపన్ల ద్వారా మైజియో యాప్‌ ద్వారా అందించనుంది. ఈ కూపన్లను అదే 4జీ స్మార్ట్‌ఫోన్‌ రిచార్జ్‌ కోసం వాడాలని తెలిపింది. వీటితో పాటు రిలయన్స్‌ రిటైల్‌ స్టోర్ల నుంచి రూ.35,000 విలువైన ల్యాప్‌టాప్‌ని కొంటే రూ. 3,000 విలువైన జియోఫై, డాటా లాభాలతో పాటు జియో ప్రైమ్‌ మెంబర్‌షిప్‌, 168 రోజుల పాటు రోజుకు 2జీబీ డాటాతో పాటు.. 6జీబీ డాటాను కల్గిన 10 వోచర్లను ఉచితంగా పొందవచ్చు. రూ. 30,000 ఖరీదైన ల్యాప్‌టాప్‌ కొనేవారికి కూడా ఈ ఆఫర్‌ వర్తించాలంటే.. అదనంగా రూ. 999 చెల్లిస్తే సరిపోతుందని వెల్లడించింది.

పండుగ సీజన్‌ను దృష్టిలో పెట్టుకుని సంస్థలన్నీ బంపర్‌ డిస్కౌంట్లను, సేల్స్‌ను, ఆఫర్లను ప్రకటిస్తూ ఉన్నాయి. తాజాగా టెలికాం మార్కెట్‌లో సంచలనాలు సృష్టించిన రిలయన్స్‌ జియో కూడా పండుగ ఆఫర్‌ ప్రకటించింది. పండుగ సందర్భంగా స్పెషల్‌ యాన్యువల్‌ ప్లాన్‌ను తీసుకొచ్చింది. రూ.1699తో రీఛార్జ్‌ చేయించుకుంటే వచ్చే ఏడాది దివాళి వరకు కస్టమర్లు ఉచితంగా అన్ని రకాల ప్రయోజనాలు పొందవచ్చని ప్రకటించింది. ఈ ప్లాన్‌ కింద ఉచితంగా లోకల్‌, నేషనల్‌ కాల్స్‌, అపరిమిత రోమింగ్‌, రోజుకు 100 ఎస్‌ఎంఎస్‌లు, 547.5 జీబీ డేటాను పొందవచ్చు. అంటే రోజుకు 1.5జీబీ డేటా లభిస్తుంది. వచ్చే ఏడాది దివాళి వరకు ఈ ప్రయోజనాలను కస్టమర్లకు జియో ఆఫర్‌ చేస్తోంది. ప్రస్తుతం ఈ ఆఫర్‌ లైవ్‌లోకి తీసుకొచ్చింది. అంతేకాక రూ.100 కంటే ఎక్కువ మొత్తంలో ఉన్న అన్ని ప్లాన్లపై కూడా 100 శాతం క్యాష్‌బ్యాక్‌ను ఇస్తోంది. 1699 రూపాయల యాన్యువల్‌ ప్లాన్‌పై కూడా 100 శాతం క్యాష్‌బ్యాక్‌ పొందాలంటే 2018 నవంబర్‌ 30 వరకు ఈ స్కీమ్‌లోకి కస్టమర్లు ఎంటర్‌ కావాల్సి ఉంటుంది.  అయితే ఈ క్యాష్‌బ్యాక్‌ను కూపన్ల రూపంలో కంపెనీ అందిస్తోంది. ఈ కూపన్లను రిలయన్స్‌ డిజిటల్‌ లేదా రిలయన్స్‌ డిజిటల్‌ ఎక్స్‌ప్రెస్‌ మిని స్టోర్లలో కనీసం రూ.5000 పైన కొనుగోలు చేస్తే వాడుకోవచ్చు. ఎక్స్‌టర్నల్‌ హార్డ్‌ డిస్క్‌ డ్రైవ్స్‌, షావోమి, శాంసంగ్‌ స్మార్ట్‌ఫోన్లు, శాంసంగ్‌, లెనోవో, సోనీ టాబ్లెట్లను కంపెనీ ఈ క్యాష్‌బ్యాక్‌ ఆఫర్‌ నుంచి మినహాయించింది. రెండు ఓచర్లను కలిపి, ఒక లావాదేవికి వాడటానికి వీలులేదు. ఈ ఓచర్లు 2018 డిసెంబర్‌ 31కు ఎక్స్‌పైరీ అయిపోతాయి. అంతేకాక జియో తాజాగా తీసుకొచ్చిన ఈ యాన్యువల్‌ ప్లాన్‌, మరోసారి టెలికాం మార్కెట్‌లో టారిఫ్‌ వార్‌ను సృష్టిస్తోంది. అయితే బీఎస్‌ఎన్‌ఎల్‌ ఇప్పటికే ఇయర్లీ ప్రీపెయిడ్‌ ప్లాన్లను కలిగి ఉంది. అవి రూ.2000 పైన ఉన్నాయి.  

దసరా సందర్భంగా ఈ–కామర్స్‌ దిగ్గజం అమెజాన్‌... ‘గ్రేట్‌ ఇండియా ఫెస్టివల్‌’ పేరుతో భారీ ఆఫర్లను ప్రకటించింది. ఈనెల 10 నుంచి 15 వరకు జరిగే సేల్‌లో 4 లక్షల మంది అమ్మకందారులు తమ ఉత్పత్తులను అందించనున్నారని వెల్లడించింది. ప్రైమ్‌ మెంబర్లకు అధిక ప్రాధాన్యత ఇస్తూ... వీరికి ప్రత్యేకంగా 9న మధ్యాహ్నం 12 గంటలకు సేల్‌ ప్రారంభం కానుంది. ప్రైమ్‌ సభ్యులు కానివారికి మాత్రం 10వ తేదీన సేల్‌ ఆరంభమవుతుంది. అదే రోజు డెలివరీ, అమేజాన్‌ పే ఈఎంఐ ద్వారా జీరో– కాస్ట్‌ సౌకర్యం, క్యాష్‌ ఆన్‌ డెలివరీ, ఉదయం వేళ డెలివరీ వంటి అనేక వెసులుబాట్లు కల్పిస్తూ ఫెస్టివల్‌ ప్రారంభం కానుందని అమెజాన్‌ తెలియజేసింది. 


 (డి.మురళీ కృష్ణారెడ్డి-ఎంవిపి కాలనీ)
 విశాఖపట్నం: నగరంలో బ్యూటీపార్లర్‌ ముసుగులో వ్యభిచారం నిర్వహిస్తున్నారు. పైగా పండుగ ఆఫర్లు కూడా ఇస్తున్నారు. సమాచారం అందుకున్న  టాస్క్‌ఫోర్స్ పోలీసులు  బ్యూటీపార్లర్‌పై మెరుపుదాడులు చేసి, వ్యభిచారం గుట్టురట్టు చేశారు.
 
 పోలీసులు తెలిపిన సమాచారం ప్రకారం  ఎంవిపి కాలనీలోని ఉషోదయ జంక్షన్‌లో మయూరి హోటల్ ఎదురుగా  న్యూలుక్ బ్యూటీపార్లర్‌పై టాస్క్‌ఫోర్స్ పోలీసులు దాడి చేశారు. బ్యూటీపార్లర్ నిర్వాహకురాలు జి.హేమావతితో పాటు నలుగురు యువతులను, ఓ విటుడుని అదుపులోకి తీసుకున్నారు.  ఫెస్టివల్ ఆఫర్ల పేరుతో డిస్కౌంట్లు ఇస్తూ హేమవతి వ్యభిచారం నిర్వహిస్తోందని స్ధానికులు చెబుతున్నారు.
 
 హేమావతి 2011లో ఈ పార్లర్ను ప్రారంభించింది. అయితే ఈ పార్లర్లో గత కొద్ది రోజులుగా వ్యభిచారం జరుగుతున్నట్లు పోలీసులకు సమాచారం అందింది. అప్పటి నుంచి ఈ పార్లర్పై నిఘా ఉంచినట్లు టాస్క్ఫోర్స్ జోన్-1 సిఐ తిరుపతి రావు చెప్పారు. సోమవారం రాత్రి తమ సిబ్బందితో దాడి చేసి హేమావతితోపాటు నలుగురు యువతులను, ఒక విటుడిని అదుపులోకి తీసుకున్నట్లు తెలిపారు.


 న్యూఢిల్లీ: పండుగ సీజన్‌ని పురస్కరించుకుని కస్టమర్లను ఆకర్షించేందుకు కంపెనీలు భారీగా ఆఫర్లతో ఊదరగొడుతున్నాయి. డిస్కౌంట్లని, ఉచిత బహుమతులనీ ఆకట్టుకునే ప్రయత్నం చేస్తున్నాయి. కన్సూమర్ డ్యూరబుల్స్ తయారీ సంస్థలైతే కచ్చితమైన గిఫ్టులు, క్యాష్ బ్యాక్‌తో పాటు ఉచిత ఇన్‌స్టలేషన్, వార్షిక మెయింటెనెన్స్ వ్యయాల్లో డిస్కౌంట్లు,  ఉచిత బీమా వంటి నోరూరించే ఆఫర్లు ప్రకటిస్తున్నాయి.
 
  ఉదాహరణకు దక్షిణ కొరియన్ సంస్థ ఎల్‌జీ.. ఖరీదైన టీవీలపై ఉచితంగా 3డీ బ్లూ రే హోమ్ థియేటర్‌ని అందిస్తామంటోంది. అలాగే కొన్ని నిర్దేశిత హై-ఎండ్ టీవీ మోడల్స్‌ని కొంటే 22, 24 అంగుళాల ఎల్‌ఈడీ టీవీలను ఉచితంగా ఇస్తామని చెబుతోంది. కొన్ని స్మార్ట్ టీవీ మోడల్స్‌పైనైతే మ్యాజిక్ మోషన్ రిమోట్‌ని కచ్చితమైన బహుమతిగా ఎల్‌జీ అందిస్తోంది. ఇక ఎస్‌బీఐ కార్డుతో కనుక డబ్బు చెల్లిస్తే కొనుగోలుదారుకు అయిదు శాతం దాకా క్యాష్ బ్యాక్ ఇస్తోంది. ఏడు గంటల్లోగా ఎల్‌ఈడీ ఇన్‌స్టాలేషన్, వార్షిక మెయింటెనెన్స్ వ్యయాల్లో 30 శాతం డిస్కౌంట్లు, ఆరు నెలల పాటు ఉచిత బీమా వంటి స్పెషల్ ఆఫర్స్‌ని కూడా ఎల్‌జీ ప్రకటించింది. అక్టోబర్ మొదటి వారంలో మొదలైన ఈ పండుగ ఆఫర్లు నవంబర్ 30 దాకా కొనసాగనున్నాయి. వీటి ద్వారా ఈ పండుగ సీజన్‌లో అమ్మకాలు 20 శాతం దాకా పెరగగలవని కంపెనీ అంచనా వేస్తోంది.
  
  శాంసంగ్ దూకుడు..
  కొరియాకి చెందిన మరో దిగ్గజం శాంసంగ్ సైతం దూసుకెడుతోంది. తమ అల్ట్రా హెచ్‌డీ టీవీలు, 65..75 అంగుళాల ఎల్‌ఈడీ టీవీలు, నిర్దిష్ట ఎయిర్‌కండీషనర్స్, రిఫ్రిజిరేటర్స్ కొనుగోళ్లపై గెలాక్సీ ట్యాబ్లెట్ పీసీలను శాంసంగ్ అందిస్తోంది. 28-40 అంగుళాల మధ్య ఉన్న ఎల్‌ఈడీల కొనుగోళ్లపై బ్లూ-రే డిస్క్ ప్లేయర్‌ని ఉచితంగా ఇస్తోంది. ఫ్రంట్‌లోడ్ వాషింగ్ మెషీన్లు, డిష్ వాషర్లతో స్టీమ్ ఐరన్ బాక్స్‌ని ఫ్రీగా అందిస్తోంది. అంతేకాదు.. ప్లాస్మా టీవీలు, ఎంపిక చేసిన కొన్ని ఎల్‌ఈడీ టీవీ మోడల్స్‌పైనా రూ. 1,000 దాకా క్యాష్ బ్యాక్ ఆఫర్లు ఇస్తోంది. ఎయిర్ కండీషనర్‌ని గెలుపొందే అవకాశం కల్పించేలా స్క్రాచ్ కార్డునూ ఇస్తోంది. ఈ సీజన్‌లో సుమారు రూ. 3,500 కోట్ల వ్యాపారంపై శాంసంగ్ దృష్టి పెట్టింది.
 
  సోనీ లక్ష్యం రూ. 4,700 కోట్లు..: జపాన్ దిగ్గజం సోనీ.. పండుగ సీజన్‌లో రూ. 4,700 కోట్ల అమ్మకాల లక్ష్యాన్ని నిర్దేశించుకుంది. తమ ఎక్స్‌పీరియా ఫోన్లు, ట్యాబ్లెట్ల కొనుగోళ్లపై ఉచిత బ్లూ రే ప్లేయర్, అదనంగా బేస్ హెడ్‌ఫోన్, మెమరీ కార్డు వంటి ఆఫర్లు ఇస్తోంది. అల్ట్రా హెచ్‌డీ టీవీలతో పాటు బ్లూ-రే ప్లేయర్‌ని, 5 సినిమాల డిస్క్‌లను ఉచితంగా అందిస్తోంది. ఎల్‌ఈడీ టీవీ కొంటే కార్డ్‌లెస్ హెడ్‌ఫోన్‌ని సోనీ ఇస్తోంది.
  
  పానసోనిక్ ఇండియా ఎక్స్ఛేంజ్ ఆఫర్లు..
  పానసోనిక్ ఇండియా సంస్థ తమ ఉత్పత్తులపై అదనపు వారంటీ, ఈఎంఐ అవకాశాలు, ఎక్స్ఛేంజ్..కాంబో ఆఫర్లు, కచ్చితమైన గిఫ్టులు ఇస్తామంటూ ఊదరగొడుతోంది. లూమిక్స్ సిరీస్ కెమెరాలపై 4జీబీ ఎస్‌డీ కార్డు, క్యారీ కేస్, మూడేళ్ల అదనపు వారంటీ వంటివి ఉచితంగా ఇస్తోంది. పానసోనిక్ ఇండియా రూ. 1,200 కోట్ల అమ్మకాలను లక్ష్యంగా పెట్టుకుంది. వాషింగ్ మెషీన్లు, రిఫ్రిజిరేటర్లు, మైక్రో ఒవెన్లు వంటి గృహోపకరణాలపై స్టీమ్ ఐరన్ బాక్స్, డెసర్ట్ సెట్స్ వంటివి ఉచితంగా అందిస్తోంది. 29 అంగుళాల వియెరా ఎల్‌ఈడీ టీవీపై బెనెటన్ బ్యాగ్‌ని ఫ్రీగా ఇస్తోంది. మరోవైపు, కన్సూమర్ అప్లయన్సెస్ తయారీ సంస్థ గోద్రెజ్ సైతం కొన్ని ఎంపిక చేసిన వాషింగ్ మెషీన్లు, ఫ్రిజ్‌లు, మైక్రో ఒవెన్లు, ఎయిర్ కండీషనర్ల వంటి వాటిపై స్టీమ్ ఐరన్లు, జ్యూసర్ మిక్సర్ గ్రైండర్లు మొదలైనవి ఉచితంగా అందిస్తోంది.
  
  డీటీహెచ్ ఆపరేటర్లు..
  డీటీహెచ్ ఆపరేటర్లు కూడా పండుగ సీజన్ బరిలో ముం దుంటున్నాయి.  డిష్ టీవీ సంస్థ తమ హై డెఫినిషన్.. స్టాండర్డ్ డెఫినిషన్ సెట్ టాప్ బాక్సుల కొనుగోలుపై రూ. 1,500 క్యాష్ బ్యాక్ ఆఫర్ ఇస్తోంది. దీంతో పాటు హై డెఫినిషన్ బాక్స్‌ని కొన్న వారు స్టాండర్డ్ డెఫినిషన్ బాక్స్‌ని ఉచితంగా దక్కించుకునేలా కాంబో ఆఫర్ కూడా ప్రకటించింది.