మలయాళ నటుడు, పుష్ప ఫేమ్‌ ఫహద్ ఫాసిల్ (Fahadh Faasil) కొత్త కారును కొనుగోలు చేశాడు. వోక్స్‌వ్యాగన్ గోల్ఫ్ GTIని కొనుగోలు చేశాడు. తన కార్ల గ్యారేజ్‌లో కొత్త వెహికల్‌ వచ్చిన విషయాన్ని ఫోక్స్‌ వ్యాగన్‌ ఇన్‌స్టాలో షేర్‌ చేసింది. వోక్స్‌వ్యాగన్ GTI భారత మార్కెట్ కోసం కేటాయించిన 150 యూనిట్లలో ఇది కూడా ఒకటి కావడం విశేషం.ఫహద్‌ ఫాసిల్‌ కొనుగోలు చేసిన వోక్స్‌వ్యాగన్ గోల్ఫ్ GTI కారు గ్రెనడిల్లా బ్లాక్ మెటాలిక్ రంగులో ఉంది. దీని ప్రారంభ ధర రూ. 53 లక్షలు (ఎక్స్-షోరూమ్). పవర్-ప్యాక్డ్ 2.0-లీటర్ ఫోర్-సిలిండర్ టర్బో-పెట్రోల్ ఇంజిన్‌తో వచ్చిన ఈ కారు గరిష్టంగా 265 హార్స్‌పవర్, 370 Nm టార్క్‌ను ఉత్పత్తి చేస్తుంది. దీని ఇంజిన్ 7-స్పీడ్ డ్యూయల్-క్లచ్ ఆటోమేటిక్ ట్రాన్స్‌మిషన్‌తో వస్తుంది. ఇది కేవలం 5.9 సెకన్లలో 0 -100 కి.మీ./గం.కు చేరుకుంటుందిఫోక్స్‌వ్యాగన్ గోల్ఫ్ GTIతో పాటు, ఫహద్ ఫాసిల్ తన గ్యారేజీలో అనేక ఇతర అన్యదేశ కార్లను కలిగి ఉన్నాడు. ఈ జాబితాలో మినీ కంట్రీమ్యాన్, లంబోర్గిని ఉరుస్, పోర్షే 911, ల్యాండ్ రోవర్ డిఫెండర్ ఉన్నాయి. కాగా టాలీవుడ్‌ హీరో అల్లు అర్జున్‌ నటించిన బ్లాక్‌బస్టర్‌మూవీ పుష్పకు సీక్వెల్‌గా వచ్చిన పుష్ప 2: ది రూల్‌లో భన్వర్ సింగ్ షెకావత్‌గా ఫహద్‌ ఫాసిల్‌ విలనిజాన్ని పండించి తెలుగు ప్రేక్షకులను ఆకట్టుకున్న సంగతి తెలిసిందే. Yoga విల్లులా వంగే పాలరాతి శిల్పం.. శిల్పా శెట్టి, వైరల్‌ వీడియో View this post on Instagram A post shared by Volkswagen Kayamkulam (@volkswagen_kayamkulam)

బాలీవుడ్ హీరో వరుణ్ ధావన్ మరోసారి వార్తల్లోకి వచ్చాడు. అయితే ఇది తన లేటెస్ట్‌ మూవీ ‘బేబీజాన్‌’ ఫ్లాప్‌ గురించి ఎంతమాత్రం కాదు. ముంబైలోని ఖరీదైన జుహూ ఏరియాలో రెండు లగ్జరీ అపార్ట్‌మెంట్స్‌ను కొనుగోలు చేశాడట. ప్రస్తుతం ఈ వార్త నెట్టింట సందడి చేస్తోంది. ఇంతకీ ఎవరి కోసం ఆ ఫ్లాట్లు కొన్నాడు. తెలుసుకుందాం ఈ కథనంలో..ముంబైలోనిముంబైలోని అత్యంత ప్రీమియం జుహు ఏరియాలో ట్వంటీ అనే హై-ఎండ్ ప్రాజెక్ట్‌లో రెండు అపార్ట్‌మెంట్‌లను కొనుగోలు చేశాడు. వీటి ధర ఏకంగా రూ.86.92 కోట్లు. ఫ్యామిలీతో కలిసి ఒకటి భార్య నటాషా దలాల్ కోసం , మరోకటి తల్లి కరుణ్‌ ధావన్‌కోసం వీటిని సొంతం చేసుకున్నాడు.ఈ ట్వంటీ అనే బిల్డింగ్ లోని ఏడో అంతస్తులో ఒక ఫ్లాట్‌ను నటాషా దలాల్‌తో కలిసి కొన్నాడు. దీని విస్తీరం 5112 చదరపు అడుగులు. ధర రూ.44.52 కోట్లు. ఇందులో నాలుగు కారు పార్కింగ్‌ స్థలాలున్నాయట. ఇక తల్లి కోసం ఇక అదే బిల్డింగ్ ఆరో అంతస్తులో తన తల్లి కరుణా ధావన్‌తో కలిసి వరుణ్ మరో 4617 చదరపు అడుగుల అపార్ట్‌మెంట్ కొన్నాడు. దీని ధర రూ.42.4 కోట్లు. ప్రస్తుతం ఈ రెండూ ఇంకా నిర్మాణంలోనే ఉన్నాయి. ఈ ఏడాది మే 31వ తేదీలోపు వీటిని అందజేయనున్నారని స్క్వేర్ యార్డ్స్ రిపోర్ట్‌ ద్వారా తెలుస్తోంది. ఇక్కడ ఒక్కో అదరపు అడుగు విలువ రూ.60 వేల నుంచి రూ.1.3 లక్షల వరకు ఉంటుంది.విలాసవంతమైన ప్రాజెక్ట్ గురించి మరింత చెప్పాలంటే, ఇది ఇప్పటికే బాలీవుడ్ సెలబ్రిటీల్లో పెద్ద డిమాండ్‌ ఉన్న ఏరియా. ఈ ప్రాజెక్ట్‌లో ప్రీమియం సౌకర్యాలతో 3BHK , 4BHK నివాసాలు ఉన్నాయి. అలాగే ముంబైలోని జుహులో అమితాబ్ బచ్చన్ కు రెండు బంగ్లాలు ఉన్నాయి. అక్షయ్ కుమార్, అజయ్ దేవగన్, కాజోల్, గోవిందా తదితర హీరోలకు కూడా ఇక్కడ ఇళ్లున్నాయి. ఇక బాంద్రాలో బాలీవుడ్‌ స్టార్‌హీరోలు షారుక్ ఖాన్‌, సల్మాన్ ఖాన్‌ ఆమిర్ ఖాన్‌, సైఫ్ అలీఖాన్, కరీనా కపూర్ లాంటివాళ్ల నివాసాలు కూడా ఇక్కడే ఉన్నాయి. (ఎప్పటినుంచో ఐఏఎస్ కల..కానీ 13 ఏళ్లకే అనూహ్య నిర్ణయం)వరుణ్ ధావన్ తన చిన్నప్పటి నుంచి తన తండ్రి, నిర్మాత డేవిడ్ ధావన్ ద్వారా బాలీవుడ్‌తో దగ్గరి సంబంధాలతో పెరిగాడు. అయితే ధావన్‌ కుటుంబం మధ్యతరగతి జీవితాన్ని గడిపింది. 1990లలో డేవిడ్ అనేక విజయాలను అందించినప్పటికీ. నిర్మాత జీవితం దర్శకుడి జీవితం కంటే చాలా భిన్నంగా ఉంటుందని స్వయంగా ఒకసారి చెప్పుకొచ్చాడు. దర్శకుడిగా ఉన్నప్పటికీ తన తండ్రి పెద్దగా సంపాదించలేదన్నారు. అలా సింగిల్‌ బెడ్‌రూమ్ అపార్ట్‌మెంట్‌ నుంచి ముంబైలోని ఎలైట్ సెలబ్రిటీ హాట్‌స్పాట్‌లో రెండు లగ్జరీ రియల్ ఎస్టేట్‌లను కొనుగోలు దాకా వరుణ్‌ ఎదగడం విశేషమే మరి.ఇదీ చదవండి : రూ. 25 లక్షల ఐటీ జాబ్‌ వదిలేసి.. ఆర్గానిక్‌ వైపు జాహ్నవి జర్నీ!కాగా వరుణ్‌ ధావన్‌, కీర్తి సురేష్‌ జంటగా నటించిన మూవీ బేబీ జాన్. తమిళ బ్లాక్ బస్టర్ తేరి మూవీ రీమేక్‌గా దీన్ని తీసుకొచ్చారు. అయితే హిందీలో మాత్రం పెద్దగా సక్సెస్‌కాలేకపోయింది. కొత్త పెళ్లికూతురుగా పసుపుతాడుతో కీర్తి సురేష్‌ ప్రమోషన్స్‌లో పాల్గొన్నప్పటికీ పెద్దగా ఫలితం లేకపోయింది. ఒక విధంగా చెప్పాలంటే ‘బేబీ జాన్‌’ డిజాస్టర్ గా మిగిలి పోయింది.

దేశంలోనే అత్యంత ఖరీదైన రియల్‌ ఎస్టేట్‌ మార్కెట్‌గా పేరున్న ముంబై నగరంలో కోట్లాది రూపాయలు పెట్టి భవంతులు, ఫ్లాట్లు కొనుగోలు చేస్తున్న ప్రముఖుల సంఖ్య పెరుగుతోంది. తాజాగా ఓ వజ్రాల వ్యాపారి సుమారు రూ.97 కోట్లు పెట్టి ఫ్లాట్‌ను కొనుగోలు చేశారు.రియల్‌ఎస్టేట్‌ సమాచార సంస్థ జాప్‌కీకి లభించిన పత్రాల ప్రకారం.. డైమండ్ కంపెనీ కిరణ్ జెమ్స్ ప్రమోటర్ మావ్‌జీభాయ్ షామ్‌జీభాయ్ పటేల్ ముంబైలోని పోష్ ఒబెరాయ్ 360 వెస్ట్‌లో రూ. 97.4 కోట్లతో అపార్ట్‌మెంట్‌ను కొనుగోలు చేశారు. వర్లీలో ఉన్న ఈ అపార్ట్‌మెంట్ భవనాన్ని ముంబైలోని అత్యంత ఖరీదైన రియల్ ఎస్టేట్‌లో ఒకటిగా పరిగణిస్తారు.అపార్ట్‌మెంట్‌ భవనంలోని 47వ అంతస్తులో మావ్‌జీభాయ్‌ కొన్న ఫ్లాట్ 14,911 చదరపు అడుగుల విస్తీర్ణంలో ఉంది. ఈ విస్తీర్ణాన్ని మరో 884 చదరపు అడుగులు విస్తరించుకునేందుకు అవకాశం ఉంటుంది. పత్రాల ప్రకారం.. దీని విక్రేత ఒయాసిస్ రియాల్టీ భాగస్వామి అయిన స్కైలార్క్ బిల్డ్‌కాన్ ప్రైవేట్ లిమిటెడ్. ఈ అపార్ట్‌మెంట్ తొమ్మిది కార్ పార్కింగ్ స్లాట్‌లతో వస్తుంది. సేల్ డీడ్‌ ఏప్రిల్ 29న జరిగినట్లు తెలుస్తోంది. ఈ లావాదేవీపై పటేల్ రూ.5.8 కోట్ల స్టాంప్ డ్యూటీ చెల్లించారు.ముంబైలోని 360 వెస్ట్ ప్రాజెక్ట్‌ 4 బీహెచ్‌కే, 5 బీహెచ్‌కే యూనిట్‌లను కలిగి ఉంటుంది. రెండు టవర్లుగా ఉండే ఈ భవనంలో ఒక దాంట్లో రిట్జ్-కార్ల్‌టన్ హోటల్ ఉండగా మరో టవర్‌లో విలాసవంతమైన నివాసాలు ఉన్నాయి. వీటిని గ్లోబల్ హాస్పిటాలిటీ చైన్ నిర్వహిస్తోంది. సముద్ర వీక్షణ ప్రాజెక్ట్ అయిన దీని ఎత్తు 360 మీటర్లు ఉండటం, అన్ని అపార్ట్‌మెంట్‌లు పడమర వైపు ఉన్నందున దీనికి ఈ పేరు వచ్చింది.

ఎక్కడైనా ధర దగ్గర భేరమాడటం సహజమే.. అయితే.. కొన్నిసార్లు అడిగిన ప్రతి ఒక్కరికీ ధరను చెప్పలేక వ్యాపారి విసిగిపోవడమూ అప్పుడప్పుడు చూస్తుంటాం. అయితే.. ఇదే వ్యవహారంపై చైనాలోని షాన్డాంగ్ ప్రావిన్స్ లో  విచిత్రమైన సంఘటన జరిగింది.  కొనలేకపోతే వెళ్లిపోండని కసురుకున్న వ్యాపారికి తిక్క కుదిర్చాడో వ్యక్తి. రూ. 9 వేలు పెట్టి ఖరీదు చేసి వ్యాపారి అమ్ముతున్న న్యూడుల్స్‌ని కిందపడేసి ధ్వంసం చేశాడు.  వీడియోలో చూపిన విధంగా కొనుగోలుదారుడు వ్యాపారి వద్దకు వెళ్లాడు. న్యూడుల్స్ ధర ఎంత అని అడుగుతాడు. ఒక కప్ న్యూడుల్స్‌కు రూ.164 అని అతడు చెబుతాడు. ఎందుకు అంత ధర చెబుతున్నారని కస్టమర్ ప్రశ్నిస్తాడు. న్యూడుల్స్ లో వాడుతున్న ముడి సరకులు ఎంటో చెప్పాలని అడుగుతాడు. దానికి వ్యాపారి రెండు గుడ్లుతో సహా వాడే ముడి పదార్థాలను వివరిస్తాడు. విన్న తర్వాత దానికే మరీ ఇంత రేటా? అని కస్టమర్ అనగానే పక్కనే ఉన్న వ్యాపారి కొడుకు లేచి ఆర్థిక స్తోమత లేకపోతే వెళ్లిపోవాలని కసురుకుంటాడు. దీంతో ఆగ్రహానికి గురైన కస్టమర్ వ్యాపారిపై విచిత్రంగా ప్రవర్తించాడు. వ్యాపారి వద్ద ఉన్న అన్ని న్యూడుల్స్‌ కు రూ.9,920 వెచ్చించి కొనుగోలు చేస్తాడు. ఆ తర్వాత అన్నింటిని పనికిరానివాటిగా పరిగణిస్తూ కిందపడేస్తాడు. కాలితో తొక్కుతూ నన్నే అవమానిస్తావా? అని అంటాడు. వ్యాపారి కుమారుడు క్షమాపణలు కోరుకున్నా ఫలితం లేకపోయింది. ఈ వీడియో సామాజిక మాధ్యమాల్లో వైరల్‌గా మారింది. నెటిజన్లు రకరకాలుగా కామెంట్లు పెట్టారు. ఇగో హర్ట్ అయితే ఇలాగే ఉంటది? అంటూ కామెంట్లు పెట్టారు. వ్యాపారి తిట్టినందుకు బహుమతిగా రూ.9 వేలు ఇచ్చావా? సరిపోయిందా? అంటూ ఫన్నీగా రెస్పాండ్ అయ్యారు.  ఇదీ చదవండి: డబ్ల్యూడబ్ల్యూఈ స్టైల్‌లో ఫైటింగ్.. సెక్యూరిటీ గార్డ్‌పై మరీ ఇంత దారుణమా..? వీడియో వైరల్‌..

ముంబై: దేశీయ మూడో  అతిపెద్ద  ఐటీ సేవల సంస్థ హెచ్‌సీఎల్‌ టెక్‌  జర్మన్ ఆటోమోటివ్ ఇంజనీరింగ్ సేవల  సంస్థ ఎసాప్‌  గ్రూప్‌లో 100 శాతం ఈక్విటీ వాటాను (279.72 మిలియన్‌ డాలర్లు) కొనుగోలు చేసింది. హెచ్‌సిఎల్‌టెక్  యూకే  అనుబంధ సంస్థ ద్వారా జరిగే ఈ ఒప్పందం సెప్టెంబర్ 2023 నాటికి ముగియనుంది. ఇది ఇప్పుడు రెగ్యులేటరీ ఆమోదాలకు లోబడి ఉంటుందని  సంస్థ గురువారం ఎక్స్ఛేంజ్ ఫైలింగ్‌లో తెలిపింది.  అటానమస్ డ్రైవింగ్, ఇ-మొబిలిటీ, కనెక్టివిటీ రంగాలలో భవిష్యత్తు-ఆధారిత ఆటోమోటివ్ టెక్నాలజీలో తమ పోర్ట్‌ఫోలియోను బలోపేతం చేయడంలో  ఈ డీల్‌ తోడ్పడుతుందని కంపెనీ భావిస్తోంది. అలాగేఐరోపా, అమెరికా, జపాన్‌లోని కీలకమైన ఆటోమోటివ్ మార్కెట్స్‌లో విస్తరణకు ఈ  కొనుగోలు సాయ పడుతుందని పేర్కొంది. (పసిడి ప్రియులకు షాకింగ్‌ న్యూస్‌:లైసెన్స్‌ ఉండాల్సిందే!) హెచ్‌సీఎల్‌  ఈ ఆర్థిక సంవత్సరం(2023-24) తొలి త్రైమాసికానికి(క్యూ1) ఆసక్తికర ఫలితాల్లో  కన్సాలిడేటెడ్‌ ప్రాతిపదికన క్యూ1(ఏప్రిల్‌-జూన్‌)లో నికర లాభం వార్షికంగా 7 శాతం బలపడి రూ. 3,534 కోట్లను తాకింది. గతేడాది(2022-23) ఇదే కాలంలో రూ. 3,324 కోట్లు ఆర్జించింది. అయితే గతేడాది క్యూ4(జనవరి-మార్చి)లో సాధించిన రూ. 3,983 కోట్లతో పోలిస్తే లాభాలు 11 శాతం క్షీణించాయి. ఇక మొత్తం ఆదాయం 12 శాతం ఎగసి రూ. 26,296 కోట్లకు చేరింది. గతేడాది క్యూ1లో రూ. 23,464 కోట్ల ఆదాయం నమోదైంది. కంపెనీ బోర్డు వాటాదారులకు షేరుకి రూ. 10 చొప్పున మధ్యంతర డివిడెండును ప్రకటించింది. డివిడెండు చెల్లింపునకు ఈ నెల 20 రికార్డ్‌ డేట్‌గా నిర్ణయించింది.  ఇతర విశేషాలు  కొత్తగా 1,597 మంది ఫ్రెషర్స్‌కు ఉపాధి  క్యూ1లో నికరంగా 2,506 మంది ఉద్యోగులు తగ్గారు.   జూన్‌కల్లా మొత్తం సిబ్బంది సంఖ్య 2,23,438కు చేరింది.  ఉద్యోగ వలసల(అట్రిషన్‌) రేటు 16.3 శాతంగా నమోదైంది.     

సాక్షి,ముంబై: బాలీవుడ్‌ సూపర్‌ స్టార్‌ షారూఖ్‌ ఖాన్‌ కుమార్తె సుహానా ఖాన​ మహారాష్ట్రలోని అలీబాగ్‌లో భారీ విలువైన ప్రాపర్టీలను కొనుగోలు చేసింది. అరంగేట్రంలో రూ. 12.91 కోట్లతో ఆస్తులను కొనుగోలు చేయడం విశేషంగా నిలిచింది. సుహానా ఖాన్ తన తొలి సంపాదనతో  ఈ ఆస్తులను కొన్నట్టు సమాచారం.  మూడు ఇళ్లతోపాటు, ఒక ప్లాట్‌ను  కొనుగోలు చేసినట్టు మీడియా నివేదికల ద్వారా తెలుస్తోంది అంతేకాదు రిజిస్ట్రేషన్ లో సుహానా పేరును రైతుగా నమోదు చేశారట.  సుహానా అమ్మమ్మ  సవితా ఛిబ్బర్, ఆమె సోదరి నమితా చిబ్బర్ డైరెక్టర్లుగా ఉన్న డెజా వు ఫార్మ్ ప్రైవేట్ లిమిటెడ్ పేరుతో ఆస్తిని జూన్ 1న రిజిస్ట్రేషన్ చేసినట్లు  హిందుస్థాన్ టైమ్స్ నివేదించింది. (అపుడు కరోడ్‌పతి షో సెన్సేషన్‌: మరి ఇపుడు) భూమి విస్తీర్ణం 1.5 ఎకరాలు,  2,218 చదరపు అడుగుల్లోఉన్న ఇళ్లు ఉన్నాయి. దీనికోసం 77.46 స్టాంప్ డ్యూటీ చెల్లించారు.  పఠాన్‌తో భారీ హిట్‌ కొట్టిన షారూఖ్ ఖాన్‌కు ఇప్పటికే అలీబాగ్ లో  సీ ఫేస్‌డ్‌ లగ్జరీ బంగ్లా  ఉన్న సంగతి తెలిసిందే. మరోవైపు సునైనా కొనుగోలు చేసిన అలీబాగ్ లో దీపికా పదుకొనే-రణ్‌వీర్ సింగ్, అనుష్క శర్మ-విరాట్ కోహ్లీ, పారిశ్రామికవేత్త గౌతమ్ సింఘానియాకు ఇళ్లు కూడా ఉన్నాయి.  (టీసీఎస్‌లో భారీ కుంభకోణం: రూ.100 కోట్ల కమిషన్లు మింగేశారు!) కాగా జోయా అక్తర్ దర్శకత్వంలో  ది ఆర్చీస్‌ అనే మూవీలో సుహానా తొలిసారిగా నటిస్తోంది. ది ఆర్చీస్ అనేది 1960ల నాటి భారతదేశంలోని లైవ్-యాక్షన్ మ్యూజికల్ సెట్. ఈ సినిమాలో బోనీ కపూర్ కుమార్తె ఖుషీ కపూర్ అమితాబ్ బచ్చన్ మనవడు అగస్త్య నందా కూడా నటిస్తున్నారు. ఇప్పటికే టీజర్‌తో అదరగొట్టిన ఈ మూవీ  నెట్‌ఫ్లిక్స్‌లో వచ్చే ఏడాది విడుదల కానుంది. ఇక సుహానా ఖాన్ స్టడీ విషయానికి వస్తే యూకేలోని సస్సెక్స్‌లోని ఆర్డింగ్లీ కాలేజ్ నుంచి గ్రాడ్యుయేషన్‌, 2022లో న్యూయార్క్ యూనివర్శిటీ టిస్చ్ స్కూల్ ఆఫ్ ఆర్ట్స్ నుంచి నటనలో పట్టా పొందడం గమనార్హం.  You’ve seen the gang in the comics, in books, and even in Riverdale — but this time around, you’ll see them closer to home! Set in the 60's, The Archies builds a world that’s both familiar and new. Here's your first look #TUDUM! pic.twitter.com/uxpS1A3JeX — Netflix India (@NetflixIndia) June 17, 2023

స్టార్ క్రికెటర్‌ శిఖర్‌ ధావన్‌కు లగ్జరీ కార్లపైమోజును మరోసారి  చాటుకున్నాడు. తాజాగా అత్యంత ఖరీదైన రేంజ్‌ రోవర్‌ ఆటోబయోగ్రఫీ కారును కొనుగోలు చేశాడు.దీనికి సంబంధించి ఇన్‌స్టాగ్రామ్‌లో ధావన్‌ ఒక వీడియను షేర్‌ చేశాడు. దీంతో ఫ్యాన్స్‌ 4 లక్షల,11 వేలకు పైగా లైక్స్‌తో తెగ  ఎంజాయ్‌ చేస్తున్నారు. రేంజ్ రోవర్ ఆటోబయోగ్రఫీ మోడళ్ల ధర రూ. 3.5 కోట్ల నుండి అత్యంత ఖరీదైన వేరియంట్‌ రూ. 4 కోట్ల వరకు ఉంటుంది. ఈ నేపథ్యంలో ధావన్‌ కొనుగోలు చేసిన లేటెస్ట్‌ వెర్షన్ విలువ 4 కోట్ల రూపాయలు ఉంటుందని అంచనా ఎప్పటిలాగానే తనదైన స్టయిల్‌లో పంజాబీ పాటతో  ఈ వీడియోను పోస్ట్‌ చేశాడు.  సెలబ్రిటీలు మనసుపడుతున్న కార్లలో రేంజ్ రోవర్ ఆటోబయోగ్రఫీ కూడా ఒకటి.  ఫీచర్లు పరివీలిస్తే ఫ్లోటింగ్-స్టైల్, పూర్తిగా డిజిటల్ ఇన్ఫోటైన్‌మెంట్ సిస్టమ్‌, మెరిడియన్ 35-స్పీకర్ ఆడియో సిస్టమ్,  డైనమిక్ నోయిస్ క్యాన్సిలేషన్‌తో వస్తుంది. ఇది వీల్ వైబ్రేషన్‌లు, ఇంజిన్ నానోయిస్, టైర్ నోయిస్, రోడ్ నోయిస్ ఇతర బ్యాక్‌గ్రౌండ్ నోయిస్‌ కంట్రోల్‌ చేస్తుంది. భారీ 13.1అంగుళాల స్క్రీన్‌, హెడ్-అప్ డిస్‌ప్లే, మల్టీ-జోన్ క్లైమేట్ కంట్రోల్, ఫోర్-స్పోక్ స్టీరింగ్ వీల్ , బ్యాక్ సీట్ ఎంటర్‌టైన్‌మెంట్ సిస్టమ్ అన్నీ ఉన్నాయి. ఇంకా హెడ్‌ల్యాంప్ ప్రొజెక్టర్‌ ఎల్‌ఈడీ లైట్లు , ఇంటిగ్రేటెడ్‌ LED DRL ఉంటాయి. ప్రీమియం లుక్‌తో రీడిజైన్‌ చేయబడిన బంపర్‌తోపాటు అప్‌గ్రేడెడ్‌  డోర్‌ హ్యాండిల్స్‌ ఫ్లష్‌ ఫిట్టింగ్‌ను కలిగి  ఉందీ కారు.  కాగా ఐపీఎల్‌ పంజాబ్ కింగ్స్  జట్టుకు శిఖర్ ధావన్ కెప్టెన్‌ శిఖర్ ధావన్‌కు  లగ్జరీ కార్లంటే మక్కువ  ఎక్కువ. ఇప్పటికే అతని గ్యారేజ్‌లోమెర్సిడెస్-బెంజ్ GL-క్లాస్ BMW M8ని  కొనుగోలు చేశాడు. ఈ లిస్ట్‌లో తాజాగా ల్యాండ్ రేంజ్ రోవర్ ఆటోబయోగ్రఫీ చేరడం విశేషం.   View this post on Instagram A post shared by Shikhar Dhawan (@shikhardofficial)

సాక్షి, హైదరాబాద్‌:పాన్-ఇండియా స్టార్ సమంతా రూత్ ప్రభు కొత్త ఇంటిని కొనుగోలు చేసింది. దీనికి సంబంధించిన సమాచారం ఇపుడు సోషల్‌ మీడియాలో వైరలవుతోంది. మీడియా నివేదికల ప్రకారం, 13వ అంతస్తులో కొనుగోలు చేసిన ఇల్లు 3,920 చదరపు అడుగులతో 7,944 చదరపు అడుగుల సూపర్ బిల్ట్-అప్ ఏరియా , 14వ అంతస్తులో 4,024 చదరపు అడుగుల విస్తీర్ణంలో డ్యూప్లెక్స్ ఏరియాతో ఉంది.   దక్షిణాదిలో అత్యధిక పారితోషికం తీసుకునే   హీరోయిన్లలో ఒకరైన సమంతా  తాజాగా అత్యంత ఖ‌రీదైన డూప్లెక్స్ అపార్ట్‌మెంట్ (డ్యూప్లెక్స్‌) కొత్త‌గా సామ్ కొనుగోలు చేసినట్టు తెలుస్తోంది. రంగారెడ్డి జిల్లా ఫైనాన్షియ‌ల్ డిస్ట్రిక్ట్ ఏరియాలో జ‌య‌భేరి కౌంటీ గేటెడ్ క‌మ్యూనిటీలో  ఖ‌రీదైన డూప్లెక్స్ ప్లాట్‌ను తాజాగా స‌మంత సొంతం చేసుకుంది.  ఎకనామిక్ టైమ్స్ ప్రకారం, ఆరు పార్కింగ్ స్లాట్‌లతో  జయభేరి ఆరెంజ్ కౌంటీలో 3BHK లగ్జరీ ఫ్లాట్‌ను కొనుగోలు చేసింది. ఈ డూప్లెక్స్ అపార్ట్‌మెంట్ 13, 14 ఫ్లోర్‌ల‌లో ఉందని రియల్ ఎస్టేట్ డేటా అనలిటిక్స్ సంస్థ CRE మ్యాట్రిక్స్ నివేదించింది. దీని ఖ‌రీదు అక్ష‌రాలా రూ.7.8 కోట్లు. ఇటీవల ముంబైలో రూ. 15 కోట్ల విలువైన రాజభవన అపార్ట్‌మెంట్‌ను కూడా కొనుగోలు చేసినట్లు సమాచారం. దీంతోపాటు జూబ్లీహిల్స్‌లో 100 కోట్ల రూపాయల విలువైన ఇల్లు కూడా ఉందట. దీంతో ఆమె నికర విలువ రూ. 89 కోట్లుగా తెలుస్తోంది.    టాలీవుడ్‌ టాప్ హీరోయిన్‌గా భారీ ఫ్యాన్‌ ఫాలోయింగ్‌ సంపాదించుకున్న సమంతా రీసెంట్‌గా గుణ‌శేఖ‌ర్ అత్యంత ప్ర‌తిష్టాత్మ‌కంగా తెర‌కెక్కించిన మైథ‌లాజిక‌ల్ డ్రామా `శాకుంత‌లం`తో  ఆకట్టుకున్న సంగతి తెలిసిందే.కాళిదాసు నాటకం ఆధారంగా, శకుంతల, పెరూ రాజవంశం రాజు దుష్యంత్‌ల ప్రేమకథ ఆధారంగా గుణశేఖర్ దర్శకత్వం వహించిన ఈ చిత్రంలో దేవ్ మోహన్ కూడా నటించారు.భారీ అంచ‌నాల మ‌ధ్య ప్రపంచవ్యాప్తంగా విడుద‌లైన ఈ సినిమా బాక్సాఫీస్ వద్ద  కేవలం రూ.11 కోట్లు మాత్రమే  పెద్దగా సక్సెస్‌ కాలేకపోయింది.  శివ నిర్వాణ దర్శకత్వంలో విజయ్ దేవరకొండకు జోడీగా ఖుషి సినిమాలో నటిస్తోంది. ఈ చిత్రం త‌మిళ‌, మ‌ల‌యాళ‌, క‌న్న‌డ‌. హిందీ భాష‌ల్లో సెప్టెంబర్ 1న  విడుదల కానుంది.  మరోవైపు  విజయ దేవరకొండ పుట్టిన రోజు సందర్బంగా మంగళవారం రిలీజైన ఈ మూవీలో ఫస్ట్‌ సింగిల్‌పై ఫ్యాన్స్‌ ప్రశంసలు కురిపిస్తున్నారు.  View this post on Instagram A post shared by Samantha (@samantharuthprabhuoffl)

సాక్షి, ముంబై: బాలీవుడ్ నటి షెర్లిన్ చోప్రా లగ్జరీ  కారును కొనుగోలు చేసింది. ఎంజీ గ్లోస్టర్ కొత్త  SUVని కొనుగోలు చేసింది. దీని ధర  సుమారు రూ.42 లక్షలు.  గ్లోస్టర్. విలాసవంతమైన కారును కొనుగోలు చేసిన షెర్లిన్‌ చోప్రా  ఫోటో, వీడియో   ఇంటర్నెట్‌లో చక్కర్లు కొడుతున్నాయి.  ఇండియాలో లభిస్తున్న ఎంజీ  ఫ్లాగ్‌షిప్ మోడల్ ఎస్‌యూవీ గ్లోస్టర్. దీని ప్రారంభ ధర రూ. 32.59 లక్షలు (ఎక్స్-షోరూమ్). అయితే తాజా నివేదికల ప్రకారం, షెర్లిన్ చోప్రా కొనుగోలు చేసిన మోడల్  ధర సుమారు రూ. 42.48 లక్షలు. గతంలో ఎంటీవీ స్ప్లిట్స్‌ విల్లా ప్రోగ్రామ్‌ను హోస్ట్ చేసిన షెర్లిన్ చోప్రా, నటి మోడల్‌ కూడా. తెలుగు, తమిళ సినిమాలతో పాటు ఇంగ్లీషు సినిమాల్లోనూ నటిస్తోంది. షెర్లిన్ చోప్రా రెండు టెలివిజన్ రియాలిటీ షోలతోపాటుబిగ్ బాస్ సీజన్ 3లో  కూడా కనిపించింది. ఎంజీ గ్లోస్టర్ SUVలో డ్రైవర్ సీటు కోసం మెమరీ ఫంక్షన్, మోటరైజ్డ్ టెయిల్‌గేట్, వైర్‌లెస్ ఫోన్ ఛార్జింగ్, పనోరమిక్ సన్‌రూఫ్, వెంటిలేటెడ్ ఫ్రంట్ సీట్లు ఇంటర్నల్‌ ఎయిర్ ప్యూరిఫైయర్‌తో సహా అనేక సౌకర్యవంతమైన  ఫీచర్లు ఉన్నాయి.  2022  ఎంజీ గ్లోస్టర్‌లో అడాప్టివ్ క్రూయిజ్ కంట్రోల్, సెమీ-పారలల్ పార్కింగ్, అటానమస్ బ్రేకింగ్, లేన్ కీపింగ్ ఎయిడ్, అలాగే స్టాండర్డ్ ఫ్రంట్, సైడ్ మరియు కర్టెన్ ఎయిర్‌బ్యాగ్‌లు వంటి అధునాతన డ్రైవర్ అసిస్టెన్స్ సిస్టమ్‌లు (ADAS) ఉన్నాయి. ఇది  పెట్రోల్ లేదా డీజిల్ ఇంజన్‌తో కొనుగోలు చేయవచ్చు.  2.0L డీజిల్ ఇంజన్ కోసం ఒకే టర్బో లేదా ట్విన్ టర్బోలను కలిగి ఉంటుంది.  టయోటా ఫార్చ్యూనర్ , ఇసుజు  MU-X వంటి వాటితో పోటీ పడుతోంది.  ధర పరంగా జీప్ మెరిడియన్, హ్యుందాయ్ టక్సన్ ,కియా కార్నివాల్ వంటి వాహనాలతో పోటీపడుతుంది.

సాక్షి, సిటీబ్యూరో: కార్యాలయ స్థలాల లావాదేవీలలో సరికొత్త రికార్డులు సృష్టిస్తున్న హైదరాబాద్‌లో మరో అంతర్జాతీయ సంస్థ ఆఫీసు స్పేస్‌ను కొనుగోలు చేసింది. అమెరికాకు చెందిన సెమీకండకర్ల తయారీ కంపెనీ మైక్రోచిప్‌ టెక్నాలజీ కోకాపేటలోని వన్‌ గోల్డెన్‌ మైల్‌ టవర్‌లో 1.68 లక్షల చదరపు అడుగుల గ్రేడ్‌-ఏ ఆఫీసు స్థలాన్ని కొనుగోలు చేసింది. డీల్‌ విలువ ఎంతనేది మాత్రం వెల్లడించలేదు. ఈ లావాదేవీలకు కుష్‌మన్‌ అండ్‌ వేక్‌ఫీల్డ్‌ సలహాదారుగా వ్యవహరించింది. అమెరికాలోని ఆరిజోనా ప్రధాన కేంద్రంగా ఉన్న మైక్రోచిప్‌కు మన దేశంలో హైదరాబాద్‌తో సహా బెంగళూరు, చెన్నైలలో డెవలప్‌మెంట్‌ సెంటర్లున్నాయి. తాజా పెట్టుబడులు వచ్చే 10 ఏళ్లలో కంపెనీ సామర్థ్యాల విస్తరణ, నియామకాలు, అభివృద్ధి ప్రణాళికలకు సరిపోతాయని మైక్రోచిప్‌ టెక్నాలజీ ఇండియా వైస్‌ ప్రెసిడెంట్, ఎండీ శ్రీకాంత్‌ శెట్టికెరె అన్నారు. 66 మీటర్ల ఎత్తయిన వాణిజ్య సముదాయంలో సుమారు 5 లక్షల చ.అ. గ్రేడ్‌-ఏ ఆఫీసు స్థలం ఉంది. ఆరియన్, ఎస్కార్, టెర్మినస్‌లు ఈ ప్రాపర్టీని కో-ప్రమోటర్లుగా ఉన్నాయి. యూఎస్‌ గ్రీన్‌ బిల్డింగ్‌ కౌన్సిల్‌ (యూఎస్‌జీబీసీ) నుంచి ఎల్‌ఈఈడీ గోల్డ్‌ రేటింగ్‌ సర్టిఫికెట్‌ను దక్కించుకుందని వన్‌ గోల్డెన్‌ మైల్‌ మేనేజింగ్‌ పార్టనర్‌ పుష్కిన్‌ రెడ్డి తెలిపారు. ప్రపంచ ఆర్ధిక మాంద్యం, లేఆఫ్‌లు వంటి వ్యాపార ఒత్తిడి నేపథ్యంలోనూ హైదరాబాద్‌లో ప్రీమియం ఆఫీసు స్పేస్‌ లావాదేవీలు జరగడం సానుకూల దృక్పథమని కుష్‌మన్‌ అండ్‌ వేక్‌ఫీల్డ్‌ హైదరాబాద్‌ ఎండీ వీరాబాబు తెలిపారు.

మాటల మాంత్రికుడు త్రివిక్రమ్‌ శ్రీనివాస్‌ గురించి ప్రత్యేకంగా పరిచయం చేయాల్సిన పనిలేదు. టాలీవుడ్‌లో ఎన్నో బ్లాక్‌ బస్టర్‌ సినిమాలను తెరకెక్కించి తనకంటూ ప్రత్యేక ఇమేజ్‌ను సొంతం చేసుకున్నారాయన. ప్రస్తుతం మహేశ్‌బాబుతో SSMB28 ఓ సినిమాను చేస్తున్నారు. ఇదిలా ఉండగా త్రివిక్రమ్‌ శ్రీనివాస్‌కు సంబంధించి తాజాగా ఓ వార్త నెట్టింట వైరల్‌ అవుతుంది. రీసెంట్‌గా త్రివిక్రమ్‌ ఖరీదైన  బీఎండబ్ల్యూ కారును కొనుగోలు చేశారు. దీనికి సంబంధించిన ఫోటో నెట్టింట వైరల్‌ అవుతుంది. ఈ లగ్జరీ కారు ధర 1.34 కోట్లు ఉన్నట్లు తెలుస్తోంది. ఇది వరకే ఆయన గ్యారేజీలో ఖరీదైన కార్లు ఉన్నా తాజాగా మరో కొత్త కారును కొనుగోలు చేశారు. ప్రస్తుతం మహేష్‌తో సినిమా పూర్తైన తర్వాత ఎన్టీఆర్‌తో ఓ సినిమా చేయనున్నట్లు తెలుస్తుంది. 

'ది కశ్మీర్‌ ఫైల్స్‌' సినిమాతో దేశం మొత్తాన్ని తనవైపు తిప్పుకున్న దర్శకుడు వివేక్‌ అగ్నిహోత్రి. కమర్షియల్‌గానూ బాక్సాఫీస్‌ వద్ద అదిరిపోయే వసూళ్లను సాధించిందీ సినిమా. ఒక్క సినిమాతో డైరెక్టర్‌ ఇమేజ్‌ కూడా ఓ రేంజ్‌లో పెరిగిపోయింది. ఇక ఈ మధ్యకాలంలో ‍కాంట్రవర్సీ కామెంట్స్‌తోనూ వార్తల్లో నిలుస్తున్న వివేక్‌ అగ్నిహోత్రి తాజాగా ముంబైలో ఖరీధైన అపార్ట్‌మెంట్‌ను కొనుగోలు చేశారు. 3258 చదరపు అడుగుల విస్తీర్ణంలో అంధేరిలోని వెర్సీవాలోని 30వ ఫ్లోర్‌లోని అపార్ట్‌మెంట్‌ను సుమారు 17.92 కోట్లకు ఆయన కొనుగోలు చేసినట్లు బాలీవుడ్‌ మీడియా వెల్లడించింది. ఇప్పటికే ఈ ఇంటికి సంబంధించి రిజిస్ట్రేషన్‌ పనులు కూడా పూర్తయినట్లు తెలుస్తుంది. ఇక మరో విశేషం ఏమిటంటే.. అగ్నిహోత్రి కొనుగోలు చేసిన ఈ అపార్ట్‌మెంట్‌కి పై అంతస్తులోనే బాలీవుడ్‌ బిగ్‌బి అమితాబ్‌ కూడా ఓ ఇంటని కొనుగోలు చేశారు. కొన్నిరోజుల క్రితమే ఆయన దీన్ని కొన్నట్లు సమాచారం.   

న్యూఢిల్లీ: బ్లింక్‌ కామర్స్‌ ప్రైవేట్‌ లిమిటెడ్‌(గతంలో గ్రోఫర్స్‌ ఇండియా)ను కొనుగోలు చేయనున్నట్లు ఆన్‌లైన్‌ ఫుడ్‌ డెలివరీ ప్లాట్‌ఫామ్‌ జొమాటో లిమిటెడ్‌ తాజాగా పేర్కొంది. ఇందుకు రూ. 4,447.5 కోట్ల విలువైన ఒప్పందాన్ని కుదుర్చుకున్నట్లు వెల్లడించింది.  షేర్ల మార్పిడి ద్వారా కంపెనీని సొంతం చేసుకోనున్నట్లు తెలియజేసింది. శుక్రవారం సమావేశమైన బోర్డు బ్లింక్‌ కామర్స్‌కు చెందిన 33,018 ఈక్విటీ షేర్ల కొనుగోలుకి గ్రీన్‌సిగ్నల్‌ ఇచ్చినట్లు  తెలియజేసింది. ఒక్కో షేరుకి రూ. 13.45 లక్షల చొప్పున చెల్లించనున్నట్లు పేర్కొంది. కాగా.. జొమాటోకు చెందిన 62.85 కోట్ల ఈక్విటీ షేర్లను కేటాయించడం ద్వారా లావాదేవీని పూర్తి చేయనున్నట్లు వివరించింది. రూ. 1 ముఖవిలువగల ఒక్కో షేరునీ రూ. 70.76 సగటు ధరలో జారీ చేయనున్నట్లు తెలియజేసింది. కంపెనీ ఇప్పటికే బీసీపీఎల్‌లో 1 ఈక్విటీ షేరుతోపాటు మరో 3,248 ప్రిఫరెన్స్‌ షేర్లను కలిగి ఉంది.  క్విక్‌ కామర్స్‌ బిజినెస్‌లో పెట్టుబడి వ్యూహాలకు అనుగుణంగా బీసీపీఎల్‌ను కొనుగోలు చేస్తున్నట్లు జొమాటో ఈ సందర్భంగా పేర్కొంది. బ్లింకిట్‌ బ్రాండుతో బీసీపీఎల్‌ ఆన్‌లైన్‌ క్విక్‌ కామర్స్‌ సర్వీసులను అందిస్తున్న విషయం విదితమే.  కాగా, బ్లింకిట్‌ కొనుగోలు తదుపరి రెండు కంపెనీల యాప్స్‌ విడిగా కొనసాగనున్నట్లు జొమాటో వెల్లడించింది. కాగా, ఈ వార్తల నేపథ్యంలో జొమాటో షేరు  నామమాత్ర లాభంతో రూ. 70.15 వద్ద ముగిసింది.    

బాలీవుడ్‌ ఫైర్‌ బ్రాండ్‌ కంగనా రనౌత్‌ ప్రస్తుతం వరుస సినిమాలతో ఫుల్‌ బిజీగా ఉంది. తాజాగా ఆమె నటించిన ధాకడ్‌ సినిమా శుక్రవారం విడుదలయ్యింది. పాజిటివ్‌ టాక్‌తో ఈ సినిమా బాక్సాఫీస్‌ వద్ద దూసుకెళ్తుంది.  ఈ చిత్రంలో ఆమె ఏజెంట్‌ అగ్ని అనే గూడఛారి పాత్ర పోషించింది. ఇక సినిమా రిలీజ్‌కు ఒకరోజు ముందు కంగనా కాస్ట్‌లీ కారు కొనుగోలు చేసింది. మే బ్యాక్‌ ఎస్‌680(Mercedes-Maybach S680) కంపెనీకి చెందిన లగ్జరీ కారును కొనేసింది. రీసెంట్‌గానే ఈ మోడల్‌ ఇండియాలో లాంచ్‌ అయ్యింది. ఇక ఈ లగ్జరీ కారు కొన్న ఫస్ట్‌ ఇండియన్‌గా కంగనా నిలిచింది. ఈ కారు ధర రూ. 3.5కోట్లు ఉంటుందట. ప్రస్తుతం కంగనా కొనుగోలు చేసిన ఈ కారు వీడియోలు నెట్టింట చక్కర్లు కొడుతున్నాయి.  View this post on Instagram A post shared by Viral Bhayani (@viralbhayani)

Aditi Rao Hydari Buys New Audi Q7 Car Worth 90 Lakhs: తెలుగు, తమిళం, హిందీ తదితర భాషల్లో నటిస్తూ దూసుకుపోతోంది బ్యూటీఫుల్​ హీరోయిన్ అదితి రావ్​ హైదరీ. ఇటీవల తెలుగులో 'మహాసముద్రం' సినిమాతో సందడి చేసిన ఈ ముద్దుగుమ్మ విలాసవంతమైన కారు కొనుగోలు చేసింది. ముంబైలో అత్యంత ఖరీదు చేసే 'ఆడి క్యూ 7' లగ్జరీ కారుకు యజమానురాలైంది అదితి. సుమారు ఈ కారు విలువ రూ. 90 లక్షలు ఉంటుంది.  అదితి రావు ఈ కారు కొనుగోలు చేసినట్లుగా ఆడి కంపెనీ తన సోషల్​ మీడియా హ్యాండిల్​లో పలు ఫొటోలతో పోస్ట్​ చేసింది. కారుతో అదితి రావు దిగిన అందమైన ఫొటోలు ప్రస్తుతం నెట్టింట వైరల్​ అవుతున్నాయి. కాగా అదితి రావు హైదరీ 2007లో 'శృంగారం' అనే తమిళ సినిమాతో వెండితెరపై అడుగుపెట్టింది. సమ్మోహనం, వి, మహా సముద్రం, హై సినామిక, రాక్​స్టార్, మర్డర్​ 3, వజీర్​, ది గర్ల్​ ఆన్​ ది ట్రైన్​, పద్మావత్ వంటి తదితర చిత్రాల్లో నటించి మెప్పించింది.   చదవండి: సమయం వృథా చేయాను.. అందుకే అప్పుడు ఏడ్చేశా: అదితీరావు View this post on Instagram A post shared by Audi Mumbai West (@audi_mumbaiwest)

Is Karan Kundrra Bought A Flat Worth 20 Crore In Bandra: హిందీ బిగ్‌బాస్‌ ఫేం, బాలీవుడ్‌ టీవీ నటుడు, మోడల్‌ కరణ్‌ కుంద్రా ఓ ఫ్లాట్‌ కొనుగోలు చేసినట్లు వార్తలు వినిపిస్తున్నాయి. ముంబైలో బాంద్రా రిక్లమేషన్‌ ప్రాంతంలోని '81 అరీటే' భవనంలో 4 బీహెచ్‌కే ఫ్లాట్‌ను కొంటున్నాడని బాలీవుడ్‌ వర్గాల సమాచారం. చదవండి: పెళ్లయ్యాక 25 మంది పిల్లలను కంటాం ప్రస్తుతం గోరేగావ్‌లో ఉంటున్న కరణ్ కుంద్రా చాలా రోజులుగా బాంద్రా, జుహు వైపుకు మారాలని అనుకుంటున్నాడట. కరణ్‌ కుంద్రా చూస్తున్న ఫ్లాట్‌ ధర రూ. 20 కోట్లు​. ఇందులో జిమ్‌, స్విమ్మింగ్‌ పూల్, బార్బెక్యూ పిట్ మొదలైన విలాసవంతమైన సౌకర్యాలు ఉన్నాయి. ఈ భవనం నుంచి బాంద్రా సమీపంలోని సముద్రపు వ్యూ ఎంతో అద్భుతంగా ఉంటుందట.  కరణ్‌ కుంద్రా త్వరలో 'నాగిని' సీరియల్‌ హీరోయిన్‌ తేజస్వి ప్రకాష్‌ను వివాహం చేసుకోనున్నాడని సమాచారం. వారిద్దరి కోసమే ఈ ఫ్లాట్‌ కొనుగోలు చేస్తున్నాడని బీటౌన్‌లో గుసగుసలు వినిపిస్తున్నాయి. బిగ్‌బాస్‌ హౌస్‌లో లవ్‌ జర్నీ కొనసాగించిన ఈ జంట బయటకు వచ్చాక వర్క్‌ షెడ్యూల్స్‌తో బిజీ అయిపోయింది. అయితే ఇటీవల తేజస్వి ఇంటికి తన పేరెంట్స్‌ను వెంటబెట్టుకుని వెళ్లిన కరణ్‌ కుంద్రా నుదుటన కుంకుమతో బయటకు రావడంతో వీరికి రోకా అయిపోయిందని ఫిక్స్‌ అయ్యారు నెటిజన్లు. దీంతో వారిద్దరూ త్వరలో పెళ్లి చేసుకోనున్నారన్న వార్త చక్కర్లు కొడుతోంది. కాగా రాజ్‌ కరణ్‌ కుంద్రా తల్లిదండ్రులు సంవత్సరంలో కొన్ని నెలలు యూఎస్‌లో నివసిస్తారు. అలాగే వారికి పంజాబ్‌లో ఒ​క పెద్ద ఇల్లు కూడా ఉంది.  చదవండి: ఫొటోలు తీసేందుకు ఇంట్లోకి వచ్చిన మీడియా, క్లాస్ పీకిన ప్రియుడు

స్టార్‌ హీరోయిన్‌ సమంత ప్రస్తుతం వరుస సినిమాలతో ఫుల్‌ బిజీగా ఉన్న సంగతి తెలిసిందే. తెలుగు, తమిళం, హిందీ భాషల్లో వరుస ఆఫర్లతో దూసుకెళ్తున్న సామ్‌ త్వరలోనే ముంబైకి మకాం మారనుందట. ఇప్పటికే సౌత్‌లో సూపర్‌స్టార్‌గా ఫేమ్‌ తెచ్చుకున్న సమంత త్వరలోనే బాలీవుడ్‌లోనూ పాగా వేయాలనుకుంటున్నట్లు తెలుస్తుంది. ఈ కారణగానే హిందీలో ఎక్కువగా సినిమాలు చేయాలని డిసైడ్‌ అయ్యిందట. దీంతో హిందీ సినిమాల కోసం తరచూ హైదరాబాద్‌ నుంచి ప్రయాణాలు చేసే పనిలేకుండా అక్కడే ఓ ఇల్లు తీసుకోవడం బెటర్‌ అని సామ్‌ ఆలోచిస్తున్నట్లు తెలుస్తుంది. ఈ క్రమంలోనే ముంబై సముద్ర తీరాన సామ్ ఒక అందమైన ఇంటిని సమంత కొనుగోలు చేయనున్నట్లు సమాచారం. నిర్మాణంలో ఉన్న ఈ ఫ్లాట్ ని దాదాపు రూ. 3 కోట్లు పెట్టి కొనుగోలు చేయబోతున్నట్టు సమాచారం. త్వరలోనే ఈ ఫ్లాట్‌కి సంబంధించిన రిజిస్ట్రేషన్‌ పనులు పూర్తి చేసి పూర్తిగా ముంబైకి షిఫ్ట్‌ కానుందట సామ్‌. మరి ఇందులో ఎంత వరకు నిజం ఉందన్నది త్వరలోనే తెలియనుంది. ఇక ప్రస్తుం సమంత తెలుగులో యశోద, శాకుంతలం సినిమాల్లో నటిస్తుంది. 

Manish Malhotra Buys 21 Crore Worth Appartment In Mumbai Bandra: ప్రముఖ కాస్ట్యూమ్‌ డిజైనర్‌ మనీష్‌ మల్హొత్రా గురించి ప్రత్యేకంగా చెప్పనక్కర్లేదు. బాలీవుడ్‌ టాప్‌ హీరోయినర్స్‌ సహా పలువురు సెలబ్రిటీలకు అదిరిపోయే దుస్తులు డిజైన్‌ చేస్తుంటారాయన. బీటౌన్‌లో ఏ ఈవెంట్‌ జరిగినా మనీష్‌ మల్హొత్రా కాస్ట్యూమ్స్‌ ఉండాల్సిందే అనేంతలా పేరు ప్రఖ్యాతలు సంపాదించుకున్నారు. బీటౌన్ ఫ్యాష‌న్ క‌ల‌ల‌ ప్ర‌పంచానికి బ్రాండ్ అంబాసిడ‌ర్‌గా మారిన ఈ కాస్ట్యూమ్‌ డిజైనర్‌కి సంబంధించిన ఓ వార్త ఇప్పుడు బీటౌన్‌లో హాట్‌టాపిక్‌గా మారింది. ముంబైలో భారీ మొత్తానికి మనీష్‌ మల్హొత్ర ఓ అపార్ట్‌మెంట్‌ కొనుగోలు చేసినట్లు తెలుస్తుంది. బాంద్రా వెస్ట్‌లోని భోజ్వ‌నీ ఎన్‌క్లేవ్‌లో సుమారు రూ. 21 కోట్లు పెట్టి కాస్ట్‌లీ అపార్ట్‌మెంట్‌ను కొనుగోలు చేసినట్లు బీటౌన్‌ వర్గాల సమాచారం. ఇప్పటికే దీనికి సంబంధించిన రిజిస్ట్రేషన్‌ పనులు కూడా పూర్తయినట్లు తెలుస్తుంది. 

Aadi Sai Kumar Buys Benz Car, Pics Goes viral: ఆది సాయికుమార్‌ లేటెస్ట్‌ మూవీ 'అతిథి దేవోభవ' ప్రస్తుతం థియేటర్స్‌లో సందడి చేస్తుంది. లవ్‌, యాక్షన్‌ ఓరియెంటెండ్‌గా తెరకెక్కిన ఈ చిత్రం ఈనెల 7న థియేటర్స్‌లో విడుదలైన సంగతి తెలిసిందే. పొలిమేర నాగేశ్వర్‌ ఈ చిత్రానికి దర్శకత్వం వహించారు. కాగా ఈ ఏడాది కొత్త సినిమాతో పలకరించిన ఆది సాయికుమార్‌ ఇప్పుడు తన ఇంట్లోకి కూడా కొత్త కారును ఆహ్వానించాడు. ఖరీదైన బెంజ్‌ కారును కొనుగోలు చేసి దానికి సంబంధించిన ఫోటోలను తన ఇన్‌స్టాగ్రామ్‌లో పోస్ట్‌ చేశాడు. ఈ సందర్భంగా భార్య, కూతురితో పాటు తండ్రి సాయికుమార్‌తో దిగిన ఫోటోలను షేర్‌ చేశాడు. ప్రస్తుతం ఆది సాయికుమార్‌ చేతిలో ఆర డజనుకు పైగా సినిమాలున్నాయి.  View this post on Instagram A post shared by ActorAadi (@aadipudipeddi)

Mamta Mohandas buys Porsche 911 Carrera Car: మలయాళీ ముద్దుగుమ్మ మమతా మోహన్‌ దాస్‌కు టాలీవుడ్‌లోనూ మంచి గుర్తింపు ఉంది. 'యమదొంగ' సినిమాతో తెలుగువారికి దగ్గరైన ఈ భామ కృష్ణార్జున,హోమం సినిమాలతో నటిగా గుర్తింపు పొందింది. తాజాగా ఓ ఖరీదైన స్పోర్ట్స్ కారును కొని ఆ ఫోటోలను సోషల్‌ మీడియాలో షేర్‌ చేసుకుంది. 'నా కల నిజమైంది. దీని కోసం దశాబ్దం పాటు ఎదురుచూశాను. ఫైనల్లీ ఇప్పుడు దీన్ని సొంతం చేసుకున్నా. నా కుటుంబంలో కొత్త సభ్యుడిని ఆహ్వానించడం ఎంతో సంతోషంగా ఉంది' అంటూ ఇన్‌స్టాగ్రామ్‌లో షేర్‌ చేసింది. తన తల్లిదండ్రులతో కలిసి మమతా మోహన్‌ దాస్‌ ఈ కారును కొనుగోలు చేసింది. 'ఫోర్ష్‌911 కారెర్రా' మోడల్‌కు చెందిన ఈ కారుకు ఎన్నో ప్రత్యేకతలు ఉన్నాయి. 3.0-లీటర్ ట్విన్-టర్బో పెట్రోల్ ఇంజిన్ కలిగిన ఈ కారు 450 బీహెచ్‌పీ పవర్ కలిగి ఉంది. వీటితో పాటు మరెన్నో ప్రత్యేకతలు ఉన్న ఈ కారు ధర అక్షరాల రూ.1.80 కోట్లు. ప్రస్తుతం మమతా మోహన్‌ దాస్‌ కొత్త కారు ఫొటోలు నెట్టింట వైరల్‌ అవుతున్నాయి.  View this post on Instagram A post shared by Mamta Mohandas (@mamtamohan)

పరిశ్రమలోకి వచ్చిన తక్కవ కాలంలోనే దక్షిణాది స్టార్‌ హీరోయిన్ల జాబితాలో చేరిపోయింది రష్మిక మందన్నా.  ‘ఛలో’తో సూపర్‌ హిట్‌ కొట్టి మంచి గుర్తింపు తెచ్చుకుంది. ఆ తర్వాత విజయ్‌ దేవరకొండ ‘గీతగోవిందం’లో నటించి స్టార్‌ హీరోయిన్‌గా మారిపోయింది. ఆ తర్వాత వరుసగా  స్టార్‌ హీరోలతో సినిమాలు చేస్తూ బ్యాక్‌ టు బ్యాక్‌ ఆఫర్లతో యమ బిజీగా ఉంది. తెలుగులో టాప్‌ హీరోయిన్‌గా కొనసాగుతూనే, బాలీవుడ్‌లోనూ అడుగుపెట్టింది. ఒకేసారి గుడ్‌ బై, మిస్టర్‌ మజ్ను సినిమాల్లో నటిస్తూనే, మరో సినిమాకు కూడా సైన్‌ చేసింది. చూస్తుంటే బాలీవుడ్‌లోనే రష్మిక జెడ్‌ స్పీడ్‌లా దూసుకుపోయేలా కనిపిస్తుంది. కెరీర్‌ను దృష్టిలో పెట్టుకొని ఇటీవలె రష్మిక ముంబైలో ఓ అపార్ట్‌మెంట్‌ను కొనుగోలు చేసిందన్న సంగతి తెలిసిందే.  రీసెంట్‌గా కొత్త ఇంట్లోకి రష్మిక షిఫ్ట్‌ అయ్యింది. ఈ విష‌యాన్ని ఇన్‌స్టా ద్వారా తెలియ‌జేస్తూ.. ఎట్టకేలకు కొత్త అపార్ట్‌మెంట్‌లోకి షిఫ్ట్‌ అయ్యాను. దీనికోసం చాలానే షాపింగ్‌ చేయాల్సి వచ్చింది. అయితే నేను కొనాల్సినవి ఇంకా చాలా ఉన్నాయి. నా అసిస్టెంట్‌ సాయి నాకు ఇళ్లు షిఫ్ట్‌ అవ్వడంలో సహాయం చేశాడు. ఆరా(పప్పీ) నేను చాలా అలసటతో ఉన్నా దానిని అధిగమించాం అంటూ ఇన్‌స్టా స్టోరీలో రాసుకొచ్చింది. ఈ విల్లా ధర చాలా కాస్ట్‌లీ అని సమాచారం. ఇక రష్మిక ప్రస్తుతం తెలుగులో క్రియేటివ్‌ డైరెక్టర్‌ సుకూమర్‌ దర్శకత్వంలో రూపొందుతున్న పుష్ప మూవీలో నటిస్తున్న సంగతి తెలిసిందే. చదవండి: రష్మిక కోసం గూగుల్‌లో సెర్చ్‌ చేస్తూ 900 కి.మీ ప్రయాణం ఛాన్స్‌ వస్తే ఆ హీరోతో డేటింగ్‌కు వెళ్తా : రష్మిక

ముంబైలో : బాలీవుడ్‌ నటి సన్నీలియోన్‌కు సంబంధించిన ఓ వార్త ప్రస్తుతం సోషల్‌ మీడియాలో వైరల్‌ అవుతోంది. ముంబైలోని అంధేరిలో సన్నీలియోన్‌ ఇటీవలె ఓ ఇంటిని కొనుగోలు చేసింది. 4,365 చ‌ద‌ర‌పు అడుగులు ఉన్న ఈ 5బీహెచ్‌కే అపార్ట్‌మెంట్‌ ధరకు సంబంధించిన గత కొన్ని రోజులుగా చర్చ నడుస్తుంది. 16 కోట్లు ఖర్చుపెట్టి సన్నీలియోన్‌ ఈ ఇంటికి కొనుగోలు చేసినట్లు సమాచారం. అత్యాధునికంగా ఈ ఇంటి నిర్మాణం ఉందని, దాదాపు 3 కార్లు పార్కింగ్‌ కెపాసిటీ ఉందని తెలుస్తుంది. మరో ఆసక్తికర విషయం ఏమిటంటే...ఈ ఇంటిని సన్నీలియోన్‌ అసలు పేరు క‌ర‌ణ్‌జిత్ కౌర్ వోహ్రా పేరు మీద రిజిస్ట్రేషన్‌ చేయించినట్లు సమాచారం. బిగ్‌బాస్‌ సీజన్‌ 5 రియాలిటీ షోతో గుర్తింపు తెచ్చుకున్న సన్నీలియోన్‌..జిస్మ్‌2 చిత్రంతో బాలీవుడ్‌లోకి ఎంట్రీ ఇచ్చింది. ఆ తర్వాత ఆమె చేసిన రాగిణి ఎంఎంఎస్‌2, వన్‌ నైట్‌ స్టాండ్‌ చిత్రాలతో పాపులారిటీ సంపాదించుకుంది.  ప్రస్తుతం ఆమె విక్రమ్‌ భట్‌ దర్వకత్వంలో అనామిక అనే వెబ్‌సిరీస్‌లో నటిస్తుంది.  చదవండి : రోడ్డు మీద మహిళ ఇబ్బందులు: సన్నీలియోన్‌ భర్త సాయం అదే ప్రశ్న నేను అడిగితే ముఖం ఎక్కడ పెట్టుకుంటావ్‌?

వియన్నా: అందమైన ఇల్లు, విలాసవంతమైన కారు సొంతం చేసువాలనే కోరిక సగటు మానవుడికి అందమైన కలగానే మిగిలిపోతున్న ప్రస్తుత తరుణంలో ఒక పెద్దాయన కార్లను చూస్తే   పలువురు సెలబ్రిటీలు, బిలియనీర్లకు సైతం అసూయ కలగాల్సిందే. అది కూడా  ఆయన కొన్నది అలాంటి ఇలాంటి కార్లు కాదు.. ప్రపంచంలోనే అతి ఖరీదైన కార్లు.  గత ఐదు దశాబ్దాలుగా కార్లను కొంటూనే ఉన్న ఆయన తన 80 ఏళ్ల వయసుకి తగ్గట్టుగా ఏకంగా 80 కార్లను సొంతం చేసుకున్నాడు.  అభిరుచికి తగ్గట్టుగా కార్లను కొనడమే కాదు.. అంతే గొప్పగా గ్యారేజీని కూడా ఏర్పాటు చేశారు. ‘లివింగ్‌ రూం’ గా పిలుచుకునే తన గ్యారేజ్‌ను అంతకంటే ఖరీదైన భవనంగా తీర్చిదిద్దుకోవడం మరో విశేషం. దీన్ని బట్టే లగ్జరీకార్లపై ఆయనకున్న మోజును అర్థం చేసుకోవచ్చు. ఆస్ట్రియా రాజధాని వియన్నాకు చెందిన 80ఏళ్ల ఒట్టొకర్ జె ఏకంగా 80 లగ్జరీ కార్లను సేకరించడం విశేషంగా నిలిచింది. లగ్జరీ కార్లు సేకరించటమంటే జెకు కొన్ని దశాబ్దాలుగా  సరదా.  తాజాగా ఒట్టొకర్ జె  80వ పోర్సే బాక్స్టర్ స్పైడర్ కారును  కొనుగోలుచేసి మొత్తం ప్రపంచాన్నే తన వైపునకు తిప్పుకున్నారు. 1972లో ఒట్టొకర్ మొదటి పోర్సే కారును కొన్నాడు.  ఇక​ అప్పటి నుంచి తన గ్యారేజీని వివిధ పోర్సే మోడళ్లతో నింపేస్తూనే ఉన్నారు. దాదాపు 50ఏళ్ల క్రితం ఒకరోజు అతడు రోడ్డుపై వెళ్తుండగా పోర్సే కారు అతని పక్కనుంచి  దూసుకెళ్లిందట. ఇక అంతే అప్పటినుంచి వాటిపై ప్రేమ పిచ్చి పిచ్చిగా పెరిగింది. ఈ నేపథ్యంలోనే  డబ్బులు పొదుపు చేసి మరీ  కార్లను  కొనుగోలు చేసేవారు. అలా తొలి పోర్సే స్పీడ్ ఎల్లో 911 ఈ కారును  ఇంటికి తెచ్చుకున్నారు. ప్రస్తుతం జె గ్యారేజీలో 38 వేర్వేరు పోర్సే మోడల్ కార్లు ఉన్నాయి. నెలలో రోజుకు ఒకటి,  రెండు వారాల్లో వీకెండ్స్‌ ఒకటి చొప్పున వాడతానని  చెప్పుకొచ్చారు ఒట్టొకరే. తాజాగా మియామి బ్లూ కలర్  పోర్సే బాక్స్‌స్టర్‌ స్పైడర్ కారును సొంతం చేసుకున్నారు. దీనికి తొలి కస్టమర్ ఒట్టొకరే కావటం మరో విశేషం. ఇంకా రేస్ కార్లు, ఎనిమిది సిలిండర్ల ఇంజిన్ ఉండే పోర్స్చే 910, 917, 956, 904, 964 కప్ లాంటి మోడల్స్‌ ఆయనగ్యారేజ్‌లో కొలువుదీరాయి.ఇప్పటి వరకు తొమ్మిది వెర్షన్ల కారెరా ఆర్ ఎస్ మోడళ్లను సేకరించగా, భవిష్యత్తులో మరికొన్ని కార్లను సేకరిస్తానని ఒట్టొకర్ చెబుతున్నారు. హ్యూమన్‌ టచ్‌ లేకపోతే..పోర్సే కార్లు కేవలం యంత్రాలు మాత్రమే..  అదే మనుషుల తోడుంటే.. అవి  కూడా ప్రాణం ఉన్న మనుషుల్లాంటివే..అంటారు మురిపెంగా జె .. తన గ్యారీజేలోని అందమైన గ్యాలరీని చూసుకుంటూ..

సాక్షి, న్యూఢిల్లీ: టెస్లా కార్లు అంటేనే ఆధునిక టెక్నాలజీకి, విలాసానికి పెట్టింది పేరు. అలాంటిది జర్మనీకి చెందిన ఒక వ్యక్తి ఏకంగా ఒకేసారి 28 టెస్లా కార్లను ఆన్‌లైన్‌లో కొనుగోలు చేశాడు. ఆ తరువాత పొరబాటు తెలుసుకుని లబోదిబోమన్నాడు.   రెడ్డిట్ సమాచారం ప్రకారం తమ పాత ఫోర్డ్ కుగాను జర్మన్ కు చెందిన వ్యక్తి, అతని తండ్రి ఆటో పైలట్‌ టెస్లా మోడల్ 3  కారును కొనుగోలు చేయాలని భావించారు.  అన్ని వివరాలను నింపి కస్టమర్  చివరికి 'కన్ఫర్మ్' బటన్‌ను పదేపదే నొక్కేశాడు. దీంతో  ప్రతి క్లిక్‌తో మొత్తం 28 ఆర్డర్లు ఫైనల్ అయిపోయాయి.  ఫలితంగా 28 టెస్లా కార్లకు 1.4 మిలియన్ యూరోలు (సుమారు 11.9 కోట్ల రూపాయలు) బిల్లు చూసి కళ్లు తేలేసాడు. అంతేకాదు  ప్రతి ఆర్డర్‌కు కనీసం 100 యూరోల చొప్పున  నో రీఫండ్ ఫీజుగా 2,800 యూరోలు కూడా అదనంగా చెల్లించాల్సి ఉంటుంది. దీంతో  బెంబేలెత్తిన సదరు వినియోగదారుడు కంపెనీని ఆశ్రయించాడు. టెస్లా వెబ్‌సైట్‌లో సాంకేతిక లోపం కారణంగాఈ పరిణామం చోటు చేసుకుందని రెడ్డిట్ నివేదించింది. చివరికి ఎటువంటి ఛార్జీ లేకుండా మొత్తం ఆర్డర్‌ను టెస్లా రద్దు చేసింది. మరోసారి కొనుగోలుకు ప్రయత్నించాలని కోరింది. దీంతో జర్మన్ వ్యక్తి ఊపిరి పీల్చుకున్నాడు.

వాషింగ్టన్‌: టెక్ దిగ్గజం గూగుల్ తాజాగా వేరబుల్ టెక్నాలజీ సంస్థ ,   ‍ స్మార్ట్‌వాచ్‌  తయారీ ఫిట్‌బిట్‌ను కొనుగోలు చేయనున్నట్లు ప్రకటించింది. ఈ డీల్ విలువ 2.1 బిలియన్ డాలర్లుగా ఉంటుందని ఇరు సంస్థలు ఒక ప్రకటనలో తెలిపాయి. ఆరోగ్యవంతమైన జీవనం సాగించేందుకు ప్రపంచవ్యాప్తంగా దాదాపు 2.8 కోట్ల మంది యాక్టివ్ యూజర్లు తమ ఉత్పత్తులను విశ్వసిస్తున్నారని ఈ సందర్భంగా ఫిట్‌బిట్‌ సహ-వ్యవస్థాపకుడు, సీఈవో జేమ్స్ పార్క్ తెలిపారు. అత్యుత్తమమైన హార్డ్‌వేర్‌, సాఫ్ట్‌వేర్‌, ఆర్టిఫిషియల్ ఇంటెలిజెన్స్‌ (ఏఐ)తో ఫిట్‌నెస్ బ్యాండ్స్ తదితర వేరబుల్ ఉత్పత్తులను మరింత మెరుగు పర్చేందుకు ఈ భాగస్వామ్యం తోడ్పడగలదని గూగుల్ సీనియర్ వైస్‌ ప్రెసిడెంట్ (డివైజెస్‌, సర్వీసెస్ విభాగం) రిక్ ఓస్టర్‌లో తెలిపారు. వేరబుల్స్ విభాగంలోకి అందరికన్నా ముందుగా ప్రవేశించినప్పటికీ.. ఇతర సంస్థలతో పోటీ కారణంగా వెనుకబడుతున్న ఫిట్‌బిట్‌కు ఈ డీల్ ప్రయోజనకరంగా ఉండనుంది. మరోవైపు, ఆన్‌లైన్‌ సెర్చిలో గుత్తాధిపత్యం ఆరోపణలు ఎదుర్కొంటుండంతో.. ఇతరత్రా హార్డ్‌వేర్‌ ఉత్పత్తులపైనా దృష్టి పెడుతున్న గూగుల్‌కు కూడా ఇది ఉపయోగపడనుంది. 


 రానున్న కాలంలో ప్రపంచమంతా ఆర్టిఫియల్ ఇంటెలిజెన్స్గా మారబోతున్న తరుణంలో కంపెనీలన్నీ ఈ టెక్నాలజీస్పై ఎక్కువగా దృష్టిసారిస్తున్నాయి.  ఈ నేపథ్యంలోనే ఆర్టిఫిషియల్ ఇంటెలిజెన్స్ టెక్నాలజీలో దూసుకుపోయేందుకు, అమెరికాకు చెందిన చిప్ల తయారీ దిగ్గజం ఇంటెల్, ఏఐ స్టార్టప్ నెర్వాణ సిస్టమ్స్ను కొనుగోలు చేయనున్నట్టు ప్రకటించింది. డేటా సెంటర్లలో ఇంటెల్ పాత్రను విస్తృతం చేయడానికి, ఇంటర్నెట్ అంశాలను విస్తరించుకోవడానికి ఈ స్టార్టప్తో డీల్ కుదుర్చుకుంటున్నట్టు మంగళవారం వెల్లడించింది. అయితే డీల్ ప్రకారం నెర్వాణ సిస్టమ్స్కు ఇంటెల్ ఏ మేరకు చెల్లించనుందో వివరించలేదు.
 
 ఒప్పందంలో భాగంగా ఇంటెల్ 350 మిలియన్ డాలర్లకు పైగా(సుమారు రూ.2,333 కోట్లు) మొత్తాన్ని నెర్వాణ సిస్టమ్స్కు చెల్లించనున్నట్టు అమెరికా మీడియా రిపోర్టులు పేర్కొంటున్నాయి. ఈ కొనుగోలు డీల్తో ఆర్టిఫిషియల్ ఇంటెలిజెన్స్ టెక్నాలజీస్లో ఇంటెల్ సంస్థనే ముందంజలో ఉంటుందని నెర్వానా సహ వ్యవస్థాపకుడు, చీఫ్ ఎగ్జిక్యూటివ్ నవీన్ రావ్ తన బ్లాగ్లో పోస్టు చేశారు. దీంతో కంప్యూటింగ్లో ఇప్పటివరకు ఉన్న పాత రూపురేఖలకు స్వస్తి చెప్పి, కొత్త విధానంలో ముందుకు దూసుకెళ్తామని వెల్లడించారు.
 రెండేళ్ల కిందట దక్షిణ కాలిఫోర్నియాలో వెలిసిన నెర్వాణ సిస్టమ్స్, హార్డ్వేర్, సాప్ట్వేర్లను కలుపుకుని మానవ మేథస్సు వల్లే ఆలోచించడానికి సాయపడటంలో తన ప్రత్యేకత చాటుకుంటోంది. ఎక్సియాన్, ఎక్సియాన్ ఫి చిప్స్ను మంచిగా హ్యాండిల్ చేయడం, ఇంటర్నెట్ క్లౌడ్లో లోతుగా అధ్యయనం చేయడం వంటి వాటి కోసం నెర్వాణకున్న నైపుణ్యాన్ని ఇంటెల్ ఉపయోగించుకోనుంది. 


 ప్రపంచ డేటా బేస్ విపణిలో సింహభాగాన్ని ఆక్రమిస్తున్న సాప్ట్వేర్ దిగ్గజం ఒరాకిల్, క్లౌడ్ సాప్ట్ వేర్ కంపెనీ నెట్సూట్ను భారీ మొత్తంలో కొనుగోలు చేయనున్నట్టు ప్రకటించింది. ఈ డీల్ విలువ 9.3 బిలియన్ డాలర్ల(దాదాపు రూ.62,407కోట్లు)గా వెల్లడించింది. వేగవంతంగా పెరుగుతున్న క్లౌడ్ మార్కెట్లో తన బిజినెస్లను విస్తరించడానికి ఈ డీల్ కుదుర్చుకున్నట్టు తెలిపింది.ఈ కొనుగోలు డీల్తో  నెట్సూట్ షేర్లు ఒక్కసారిగా 18.6శాతానికి ఎగిసి, అంతర్జాతీయంగా ప్రీమార్కెట్ ట్రేడింగ్లో 108.64 డాలర్లుగా రికార్డు అయ్యాయి. అదేవిధంగా ఒరాకిల్ షేర్లు సైతం 1.6శాతం పెరిగి, ప్రీమార్కెట్ ట్రేడింగ్లో 41.3డాలర్లుగా నమోదయ్యాయి.
 
 ఈ అగ్రిమెంట్ ప్రకారం నెట్సూట్ ఒక్క షేరుకు ఒరాకిల్ 109 డాలర్లను చెల్లించనుంది.ఒరాకిల్, నెట్సూట్ రెండు సంస్థలు మార్కెట్ ప్లేస్ లో దీర్ఘకాలం కలిసి పనిచేస్తాయని ఒరాకిల్ చీఫ్ ఎగ్జిక్యూటివ్ మార్క్ హర్డ్ తెలిపారు. సాప్ట్ వేర్ దిగ్గజంగా ఉన్న ఒరాకిల్తో ఈ డీల్ కుదుర్చుకోవడం, తమ క్లౌడ్ సొల్యూషన్లు చాలా పరిశ్రమలకు, దేశాలకు విస్తరిస్తాయని నెట్సూట్ కంపెనీ చీఫ్ ఎగ్జిక్యూటివ్ జాచ్ నెల్సన్ ఆశాభావం వ్యక్తంచేశారు. ఒరాకిల్ లో జాయిన్ అవ్వడం చాలా గర్వంగా భావిస్తున్నామని, తమ నూతనావిష్కరణలు పెంచుకుంటామని తెలిపారు.  
 
 తన ప్రత్యర్థులు ఎస్ఏపీ ఎస్ఈ, మైక్రోసాప్ట్ కార్పొరేషన్ లకు పోటీగా ఒరాకిల్ క్లౌడ్ బేస్డ్ మోడల్ లపై తన బిజినెస్ లను మరల్చాలని కంపెనీ వ్యూహాలు రచిస్తోంది. ఈ నేపథ్యంలోనే ఒరాకిల్, నెట్సూట్ను కొనుగోలు చేయబోతుందని పేర్కొంది. 1998లో నెట్సూట్ను స్థాపించారు. క్లౌడ్ కంప్యూటింగ్ రెవల్యూషన్లో నెట్సూట్ ముందంజలో ఉంది.ఇంటర్నెట్ ద్వారా బిజినెస్ అప్లికేషన్లు అందించడంలో ఈ కంపెనీనే మొదటిది. క్లౌడ్ మార్కెట్లో పోటీతత్వాన్ని పెంచడానికి ఒరాకిల్ ఇప్పటికే టెక్స్టురా, ఓపవర్ వంటి కంపెనీలను కొనుగోలు చేసిన సంగతి తెలిసిందే.


 4.83 బిలియన్ డాలర్లకు కొనుగోలు
 లండన్ : యాహూ ఇంక్స్ కోర్ ఇంటర్నెట్ బిజినెస్లు ప్రముఖ వైర్లెస్ దిగ్గజం వెరిజోన్ చేతికి వెళ్లిపోయాయి. 4.83 బిలియన్ డాలర్లకు (సుమారు రూ.32,491.41కోట్లు) యాహూ ఇంటర్నెట్ ఆస్తులను కొనుగోలు చేస్తున్నట్టు వెరిజోన్ ప్రకటించింది. ఈ కొనుగోలు డీల్ మొత్తం నగదు రూపంలో ఉండనుందని తెలిపింది. మొదటి నుంచి గట్టి పోటీదారుడిగా వచ్చిన వెరిజోన్ చివరికి యాహూను కైవసం చేసుకున్నట్టు ప్రకటించింది. యాహూ వ్యాపారాలను వెరిజోన్ కొనుగోలు చేయడం వల్ల, తన ఏఓఎల్ ఇంటర్నెట్ బిజినెస్లను వెరిజోన్ పెంచుకోనుంది. ఈ బిజినెస్లను గతేడాదే 4.4 బిలియన్ డాలర్ల(సుమారు రూ.29,598.8 కోట్లకు)కు వెరిజోను కొనుగోలు చేసింది.
 
 యాహూ అడ్వర్టైజింగ్ టెక్నాలజీ టూల్స్, సెర్చ్, మెయిల్, మెసెంజర్ లాంటి ఇతర ఆస్తులకు మాత్రమే ఈ డీల్ పరిమితం కానుంది. తమ ఆపరేటింగ్ బిజినెస్ల అమ్మకం, ఆసియన్ అసెంట్ ఈక్విటీ షేర్లను వేరుచేయడానికి ఈ డీల్ సమర్థవంతంగా ఉపయోగపడుతుందని యాహూ చీఫ్ ఎగ్జిక్యూటివ్ మారిస్సా మేయర్ సోమవారం ఓ ప్రకటనలో తెలిపారు. షేర్హోల్డర్స్ విలువను అన్ లాక్ చేయడానికి ఈ ప్లాన్  కీలకమైన అడుగు అని పేర్కొన్నారు. యాహూ రియల్ ఎస్టేట్ ఆస్తులకు, అలీబాబాలోని షేర్లకు, జపాన్లోని యాహు షేర్లకు, యాహూ కన్వర్టబుల్ నోట్స్కు, కొన్ని మైనార్టీ ఇన్వెస్ట్మెంట్లకు, నాన్-కోర్ పేటెంట్లకు ఈ అమ్మక ఒప్పందం వర్తించదని తెలుస్తోంది.
 
 అలీబాబా, జపాన్ ఇన్వెస్ట్మెంట్ల విలువ దాదాపు 40 బిలియన్ డాలర్లు(సుమారు రూ.2,69,080కోట్లు). శుక్రవారం మార్కెట్లు ముగిసేనాటికి యాహూ 37.4 బిలియన్ డాలర్ల(రూ.2,51,589.8కోట్ల) మార్కెట్ విలువను కలిగి ఉంది. 140 మిలియన్లకు పైగా యూజర్లతో  ఉన్న వెరిజోన్ ..మీడియా, ప్రకటనల వ్యాపారం కొనుగోలు కోసం అడ్వర్ టైజింగ్ టెక్నాలజీ ప్లాట్ ఫాంని రూపొందించాలనే యోచనలో యాహూ పై కన్నేసింది.


 బీజింగ్:  తనదైన వ్యూహాలతో  స్మార్ట్ ఫోన్ మార్కెట్ లోకి దూసుకు వచ్చిన  చైనా  మొబైల్ కంపెనీ షియామీ మరో అడుగు ముందుకు వేసింది.  ప్రముఖ ఐటీ కంపెనీ మెక్రోసాఫ్ట్ నుంచి  కొన్ని పేటెంట్ హక్కులను కొనుగోలు చేయనున్నట్టు  ప్రకటించింది.  దీని ద్వారా ప్రపంచ వ్యాప్తంగా తమ  వ్యాపార విస్తరణకు  యోచిస్తున్నట్టు తెలిపింది. మైక్రోసాఫ్ట్ నుంచి  పేటెంట్లను  సొంతం చేసుకోనున్నట్లు   సంస్థ సీనియర్ వైస్ ప్రెసిడెంట్  వాంగ్ జియాంగ్ తెలిపారు.  బ్రెజిల్   ప్రభుత్వ విధానం మూలంగా తాత్కాలికంగా  తమ కొత్త ఉత్పత్తుల లాంచింగ్  నిలిపివేసినట్టు  చెప్పారు. చైనాలో మళ్లీ తమఅంతర్జాతీయ వ్యాపారాన్ని పునరుద్ధరించనున్నట్టు వాంగ్ ప్రకటించారు. అమ్మకాలు  తక్కువగా ఉన్నప్పటికీ  ఉన్నత-శ్రేణి ఉత్పత్తులపై దృష్టి సారించినట్టు  చెప్పారు.
 
 అటు ఈ వార్తలను  ధృవీకరించిన మైక్రోసాప్ట్ ..  60,000 కు పేటెంట్లు తమ  సొంతమనీ, ఈ పేటెంట్ల అమ్మకం చాలా చిన్న  వాటా అని  మైక్రోసేఫ్ట్  జెన్నిఫర్  క్రైడర్ ప్రతినిధి  చెప్పారు.  క్రమానుగతంగా  ఈ పేటెంట్లు షియామి సొంతం కానున్నాయని ఆమె తెలిపారు.  లెసెన్స్ ఒప్పందంతో పాటు, వైర్ లెస్ కమ్యూనికేషన్ , వీడియో తదితర టెక్నాలజీ పేటెంట్ లను విక్రయించామని స్పష్టం చేశారు.  మిగిలిన భాగస్వామ్యాలతో  పోలిస్తే ఇది పెద్దదని సంస్థ కార్పొరేట్ ఉపాధ్యక్షుడు జొనాధన్ టెలిఫోన్ ఇంటర్వ్యూలో మీడియాకు తెలిపారు.
 
 కాగా భారత మార్కెట్లో  ఎంటరైన షియామి  మొబైల్ మార్కెట్ లో  మెరుగైన స్థానం కోసం తంటాలుపడుతోంది. ఇటీవలికాలంలో  ఎమ్ఐ 5, ఎమ్ఐ మాక్స్, రెడ్ మీ,నోట్ 3, ఎమ్ ఐ 4 ఎస్  స్మార్ట్ ఫోన్లతో భారత మార్కెట్లో హల్ చల్ చేస్తున్న సంగతి  తెలిసిందే.
 
 
  


 ముంబై:  ముంబైకి చెందిన రాజేష్ ఎక్స్పోర్ట్  లిమిటెడ్ కంపెనీ ప్రపంచంలోనే అతిపెద్ద  గోల్డ్ రిఫైనింగ్ కంపెనీ వాల్కాంబీని (స్విస్) కొనుగోలు చేసింది. దాదాపు 2,540  కోట్ల  రూపాయల విలువైన ఈ డీల్తో తమ కంపెనీ ప్రతిష్ఠ మరింత పెరగనుందని కంపెనీవర్గాలు సోమవారం ప్రకటించాయి. ప్రపంచవ్యాప్తంగా ఉన్న బంగారం సరఫరా కంపెనీలను పరిశీలించిన మీదట న్యూ మాంట్ మైనింగ్  కార్పొరేషన్ కు చెందిన వాల్కాంబీ కంపెనీని ఎంచుకున్నామని కంపెనీ ప్రతినిధి ఒకరు తెలిపారు. ఈ కంపెనీ ముడి బంగారం,  బంగారు నగల తయారీలో ప్రఖ్యాతి గాంచిందని పేర్కొన్నారు.  దీంతో తమ కంపెనీ లాభాలు మరింత పెరుగుతాయని ఆశిస్తున్నామని తెలిపారు.   
 
 కాగా ప్రపంచంలో  బంగారం వినియోగంలో భారతదేశం అతి పెద్దదిగా పేరు గాంచింది భారత్.  ఏడాదికి సుమారు 900 టన్నుల బంగారం కొనుగోళ్లు జరుగుతున్నట్టు  సమాచారం.