‘గుండె’ ధైర్యంతో ముందుకు.. క్రికెటర్‌గా రాణిస్తూ (ఫొటోలు)

యువ టాపార్డర్‌ బ్యాటర్‌ యశ్‌ ధుల్‌ గుండె శస్త్ర చికిత్స తర్వాత మళ్లీ బరిలోకి దిగి రాణిస్తున్నాడు

అండర్‌–19 ప్రపంచకప్‌-2022లో భారత జట్టుకు టైటిల్‌ను అందించిన యశ్‌ జాతీయ శిక్షణ శిబిరం (ఎన్‌సీఏ)లో ఉండగా గుండెకు చిన్న రంధ్రం ఉన్నట్లు గుర్తించారు

నిజానికి ఇలాంటి కేసులు పుట్టినపుడే బయట పడతాయి

యశ్‌కూ పుట్టినపుడే ఈ రంధ్రం ఉన్నప్పటికీ 20 ఏళ్లకు పైగా ఏనాడూ బయటపడలేదు

అతనికి పెద్దగా ఏ సమస్యా రాలేదు. దీంతో తనకిష్టమైన క్రికెట్‌ను యథేచ్ఛగా ఆడసాగాడు

ఎన్‌సీఏలో ఈ ఏడాది అండర్‌–23 జట్టుకు ఏర్పాటు చేసి హైపెర్ఫార్మెన్స్‌ క్యాంప్‌ సందర్భంగా అతని గుండె సమస్యను ఎన్‌సీఏ వైద్య సిబ్బంది గుర్తించింది

ఇది ఏమాత్రం క్లిష్టమైన సమస్య కానే కాదని మైనర్‌ సర్జరీతోనే పూర్తిగా కోలుకుంటారని చెప్పడంతో జూలైలో సర్జరీ చేశారు. కేవలం 15 రోజుల విశ్రాంతి తర్వాత మళ్లీ రోటిన్‌ లైఫ్‌ గడపొచ్చు

దశాబ్ద కాలంగా ధుల్‌ కోచ్‌గా ఉన్న రాజేశ్‌ నాగర్‌ మాట్లాడుతూ... ‘ధుల్‌కు జరిగింది మైనర్‌ సర్జరీనే. కంగారేమీ లేదు. ఓ పది, పదిహేను రోజులు పూర్తిగా విశ్రాంతి తీసుకుంటే పూర్తిగా కోలుకోవచ్చు. యశ్‌ కూడా అదే చేశాడు. అయితే అతను 100 శాతం ఫిట్‌నెస్‌తో లేకపోయినా 80 శాతం ఫిట్‌నెస్‌తో ఉన్నాడు. ఢిల్లీ ప్రీమియర్‌ లీగ్‌ ఆడేందుకు ఇది సరిపోతుంది’ అని అన్నాడు. ఈ లీగ్‌లో సెంట్రల్‌ ఢిల్లీ కింగ్స్‌కు ప్రాతినిధ్యం వహిస్తున్న ధుల్‌ ఐదు ఇన్నింగ్స్‌ల్లో 113.41 స్ట్రయిక్‌రేట్‌తో 93 పరుగులు చేశాడు. ఇందులో ఒక అర్ధసెంచరీ (51) ఉంది

21 ఏళ్ల యశ్‌ ధుల్‌ కెరీర్‌ ఆరంభంలోనే ఎత్తుపల్లాలు చూశాడు

అండర్‌–19 ప్రపంచకప్‌ విజయసారథి 2022లోనే తమిళనాడు తరఫున ఫస్ట్‌క్లాస్‌ క్రికెట్‌కు శ్రీకారం చుట్టాడు

రెండు శతకాలతో ఆకట్టుకున్నాడు. ఈ ఏడాది రంజీ ట్రోఫీ కోసం ప్రకటించిన ఢిల్లీ జట్టుకు కెపె్టన్‌గా తననే నియమించారు. కానీ పుదుచ్చేరితో తొలి మ్యాచ్‌లో ఓడిపోగానే అతన్ని తప్పించేశారు

భారత్‌ ‘ఎ’ తరఫున కీలక ఇన్నింగ్స్‌ ఆడిన యశ్‌కు ఐపీఎల్‌లో మాత్రం ఢిల్లీ క్యాపిటల్స్‌ తరఫున చెప్పుకోదగ్గ అవకాశాలు రాలేదు. కేవలం 4 మ్యాచ్‌లే ఆడాడు