శశికళ పదవికి సుప్రీం తీర్పు గండం?

జయలలిత అక్రమాస్తుల కేసులో శశికళా నటరాజన్ కూడా సహ నిందితురాలు. ప్రస్తుతం సుప్రీంకోర్టులో విచారణలో ఉన్న ఈ కేసులో తీర్పు మరో వారం రోజుల్లో వెలువడబోతోంది. ప్రత్యేక కోర్టు ఈ కేసులో జయలలిత, శశికళలను దోషులుగా నిర్ధారించగా, కర్ణాటక హైకోర్టు ఆ తీర్పును కొట్టేసి.. ఇద్దరినీ నిర్దోషులుగా విడుదల చేసిన సంగతి తెలిసిందే. దాంతో కర్ణాటక ప్రభుత్వం హైకోర్టు తీర్పును సుప్రీంకోర్టులో సవాలు చేసింది. ఆ కేసులోనే ఇప్పుడు త్వరలో తీర్పు వెలువడబోతోంది. ప్రత్యేక కోర్టు తీర్పు వెలువడిన సమయంలో జయలలిత తన ముఖ్యమంత్రి పదవికి రాజీనామా చేసి, పన్నీర్ సెల్వంకు బాధ్యతలు అప్పగించిన సంగతి తెలిసిందే.