ఈ యుద్ధంలో మీరు ఓ జవానుగా మారతారా?

ముంబై : పెద్ద నోట్లను రద్దు చేస్తూ ప్రధాని నరేంద్రమోదీ ప్రకటించిన నిర్ణయాన్ని వ్యతిరేకించడమంటే, దేశానికి నష్టం చేకూర్చడమేనని మహారాష్ట్ర ముఖ్యమంత్రి దేవేంద్ర ఫడ్నవిస్ అన్నారు. బ్లాక్మనీకి వ్యతిరేకంగా ఆర్థిక స్వేచ్ఛ కోసం  చేస్తున్న ఈ యుద్ధంలో ప్రజలందరూ కలిసి కట్టుగా ముందుకుసాగాలని పిలుపునిచ్చారు. ప్రధాని పిలుపునిచ్చిన ఈ యుద్ధంలో వచ్చే 50 రోజులు మోదీజి వెంట నడిచే వారు జవానుగా పరిగణించబడతారని, ప్రధాని నిర్ణయాన్ని విమర్శించేవారు దేశ వ్యతిరేకులని అభివర్ణించారు. మహారాష్ట్రలో జరుగునున్న మున్సిపల్ ఎన్నికల నేపథ్యంలో ఆయన తీరప్రాంతం కొంకణ్లోని రత్నగిరిలో ఆదివారం ప్రచార ర్యాలీ నిర్వహించారు.