మోడీ తల్లికి చీర పంపిన పాక్ ప్రధాని

న్యూఢిల్లీ: ఆట కాదు. హృదయాలు గెలవాలన్న మాజీ ప్రధాని అటల్‌ బిహారీ వాజ్‌పేయి సలహాను భారత్‌, పాకిస్థాన్ ప్రధానులిద్దరూ ఆచరణలో పెట్టారు. తల్లితో తన దృశ్యాలు చూసి భావోద్వేగానికి గురైన షరీఫ్‌ తల్లికి మోడీ శాలువా పంపగా, షరీఫ్‌ కూడా మోడీ తల్లికి ఓ చీరను పంపారు. ఇద్దరూ అమ్మప్రేమను చాటుకున్నారు. లక్షలాది ప్రజల హృదయాలను గెలుచుకున్నారు.

తన తల్లికి కానుకగా చీర పంపినందుకు షరీఫ్ కు మోడీ ట్విటర్ లో ధన్యవాదాలు తెలిపారు. ఈ చీరను త్వరలోనే తన తల్లికి అందజేస్తానని అన్నారు. తనకు స్వీట్స్ తినిపిస్తున్న మోడీ తల్లిని చూసి భావోద్వేగానికి గురైన షరీఫ్ తల్లికి అంతకుముందు శాలువా పంపించారు. దీన్ని స్వయంగా తన తండ్రే నానమ్మకు అందజేశారని షరీఫ్ కుమార్తె మర్యామ్ ట్విట్ చేశారు.