హెచ్-1బీ వీసా ఎఫెక్ట్: ఇన్ఫీ కీలక నిర్ణయం

 

ఇతర దేశాలకు వ్యాపారాలను తరలించే ప్రక్రియపై క్లయింట్లతో తాము సంప్రదింపులు జరుపుతున్నామని, ఇండియాలోనే ఎక్కువ పని ఉండేలా.. జూనియర్  ఎంప్లాయిస్ ను భారత్ కే ఎక్కువగా తీసుకునేలా చర్యలు తీసుకుంటున్నామని కంపెనీ ఎగ్జిక్యూటివ్ ఒకరు చెప్పారు. సిస్టమ్స్ ఇంజనీర్స్, సీనియర్ సిస్టమ్స్ ఇంజనీర్స్ కు ఇన్ఫోసిస్ వీసా అభ్యర్థనలను పంపలేదని మరో ఎగ్జిక్యూటివ్ పేర్కొన్నారు. హెచ్-1బీ వీసా హోల్డర్స్ కనీస వేతనాన్ని ప్రస్తుతమున్న దానికి రెండింతలు చేస్తూ అంతకముందే అమెరికా కాంగ్రెస్ సభ్యులు ప్రతిపాదించిన సంగతి తెలిసిందే. ఈ వేతనాల పెంపు కంపెనీలపై తీవ్ర ప్రభావం చూపనుంది. అయితే జూనియర్లకు వీసాలు అప్లయ్ చేయకపోయే విషయంపై కంపెనీ స్పందించడానికి నిరాకరించింది. జూనియర్ ఎంప్లాయిస్ కి వీసా దరఖాస్తు చేయకపోవడం కంపెనీలో మరో సమస్య నెలకొంటుందని ఇన్ఫోసిస్ ఆందోళన చెందుతున్నట్టు తెలుస్తోంది.