హైస్పీడ్ రైలు కింద చిక్కుకుపోయిన చిన్నారి

ప్రమాదవశాత్తు ఓ రెండేళ్ల బాలుడు పట్టాల మీద ఆగిన హైస్పీడ్ రైలు, ప్లాట్ఫామ్ మధ్యనున్న చిన్న సందులో పడిపోయాడు. దాదాపు నాలుగు గంటలపాటు సందులోనే బిక్కుబిక్కుమంటూ గడిపాడు. ఈ ఘటన ఈశాన్య చైనాలోని చాంగ్చున్లో  ఈ నెల 2న జరిగింది.

హార్బిన్ నుంచి దాలియన్ వెళ్తున్న హైస్పీడ్ రైలు మరమ్మత్తుల కోసం చాంగ్చున్ స్టేషన్ వద్ద ఆగగా.. తల్లిదండ్రులతోపాటు కిందకు దిగిన బాలుడు రైలు ఎక్కే సమయంలో ప్లాట్ఫామ్ మధ్యలో ఉన్న చిన్న సందులో పడిపోయాడు. ఆ ఇరుకైన సందు ఎనిమిది అంచుల వెడల్పు మాత్రమే ఉండటంతో పెద్దవాళ్లు అందులోకి దిగి బాలుడ్ని తీయడం సాధ్యపడలేదు. దీంతో సహాయక బృందాలు శ్రమించి నాలుగు గంటల అనంతరం బాలుడ్ని కాపాడాయి. నాలుగు గంటల అనంతరం చిన్నారి సురక్షితంగా తల్లిదండ్రుల ఒడికి చేరాడు.