విమానంలో 'కాక్రోచ్ మీల్'

విమానంలో 'కాక్రోచ్ మీల్'

న్యూఢిల్లీ: ప్రభుత్వ విమానయాన సంస్థ ఎయిర్ ఇండియా మరోసారి చిక్కుల్లో పడింది. ఓ  ప్రయాణికుడికి అందించిన భోజనంలో   బొద్దింక దర్శనమిచ్చిన ఉదంతం  ఒకటి వెలుగులోకి వచ్చింది.ఎయిర్ ఇండియా విమానంలో్  హైదరాబాద్ కు చెందిన రాహుల్ రఘువంశీ  హైదరాబాద్ నుంచి ఢిల్లీ మీదుగా షికాగో  వెళుతుండగా ఈ చేదు అనుభవం ఎదురైంది.  

విమాన సిబ్బంది ఆఫర్ చేసిన  భోజనంలో   బొద్దింక కనిపించడంతో  ఆందోళన చెందిన  రాహుల్ ఈ విషయాన్ని ఫోటోతో సహా ట్విట్టర్ లో షేర్ చేశారు.  ఏఐ127 విమానంలో.. వెజిటిరేయన్  ఫూడ్ లో  సిబ్బంది  బొద్దింకలను వడ్డిస్తున్నారంటూ  వాపోయారు.  అయితే  ఈ సంఘటనపై  తీవ్రంగా స్పందించిన  ఎయిర్ఇండియా ట్విట్టర్ ద్వారా క్షమాపణలు చెప్పింది.  ఎయిర్ ఇండియా తాము ఈ విషయాన్ని అస్సలు సహించమని, వెంటనే  సంబంధిత చర్యల్ని తీసుకుంటామని ట్వీట్ చేసింది.  సంబంధిత  క్యాటరర్ కి నోటీసులు పంపామని  ఎయిర్ ఇండియా కార్పొరేట్ కమ్యూనికేషన్స్,  సీనియర్ మేనేజర్ ధనంజయ్ కుమార్ తెలిపారు.  దర్యాప్తు జరుగుతోందని  చెప్పారు.

.@airindiain now serves cockroach for vegetarian meals on AI127 #sicktomystomach #traumatized #cockroachinfood pic.twitter.com/SX1DR2Cufy

— Rahul Raghuvanshi (@BostonNewsHound) November 16, 2016