కేటీఆర్‌ను కలిసిన నటుడు ప్రకాశ్‌రాజ్‌

సాక్షి, హైదరాబాద్‌: టీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ను సినీనటుడు ప్రకాశ్‌రాజ్‌ బుధవారం క్యాంపు కార్యాలయంలో కలిశారు. ఇటీవలి ఎన్నికల్లో పార్టీ గెలుపు నేపథ్యంలో శుభాకాంక్షలు తెలిపిన ప్రకాశ్‌రాజ్, నూతన సంవత్సర గ్రీటింగ్స్‌ తెలిపారు. ఈ సందర్భంగా తన రాజకీయ ప్రవేశ విషయమై కేటీఆర్‌తో చర్చించారు. అనంతరం కేటీఆర్‌తో భేటీ ఫొటోలను ట్విట్టర్‌ వేదికగా పంచుకున్నారు. ప్రత్యక్ష రాజకీయాల్లోకి రాబోతున్నట్టు ప్రకటించిన ఆయన, తన రాజకీయ ప్రవేశానికి కేటీఆర్‌ ఇచ్చిన స్ఫూర్తి దాయక మద్దతుకు కృతజ్ఞతలు తెలిపారు.