TV
దుబ్బాక టౌన్: ముఖ్యమంత్రి కె.చంద్రశేఖర్ రావు ఈ నెల 5వ తేదీన మల్లన్నసాగర్ ప్రాజెక్టు నిర్మాణ పనుల పరిశీలనకు రానున్నట్లు విశ్వసనీయంగా తెలిపింది. సీఎం పర్యటన నేపథ్యంలోనే దుబ్బాక నియోజకవర్గంలోని తొగుట మండలంలో సిద్దిపేట జిల్లా కలెక్టర్ కృష్ణభాస్కర్ శుక్రవారం పర్యటించనున్నారు.
ఈ సందర్భంగా మండలంలోని వివిధ శాఖల అధికారులతో కలెక్టర్, సమీక్ష సమావేశం నిర్వహించనున్నట్లు తెలిసింది. మల్లన్నసాగర్ ముంపు గ్రామం వేములఘాట్ ప్రజలను కలెక్టర్ కృష్ణభాస్కర్ కలుస్తారని సమాచారం. దీంతోపాటు సీఎం పర్యటనకు ఏర్పాట్లు చేసేందుకుగాను కలెక్టర్, అధికారులతో చర్చించనున్నట్లు విశ్వసనీయంగా తెలిసింది.
