TV
గత నెల ఐదో తేదీన మహిళా ఎగ్జిక్యూటివ్పై అత్యాచారం కేసులో నిందితుడు శివ్లాల్యాదవ్పై దాఖలైన చార్జిషీట్పై స్థానిక న్యాయస్థానం
న్యూఢిల్లీ: గత నెల ఐదో తేదీన మహిళా ఎగ్జిక్యూటివ్పై అత్యాచారం కేసులో నిందితుడు శివ్లాల్యాదవ్పై దాఖలైన చార్జిషీట్పై స్థానిక న్యాయస్థానం సోమవారం విచారణ జరిపింది. విచారణ అనంతరం ఈ కేసును మెట్రోపాలిటన్ కోర్టు న్యాయమూర్తి అజయ్కుమార్... స్థానిక సెషన్స్ కోర్టుకు బదిలీచేశారు. కేసు తదుపరి విచారణను ఏడో తేదీకి వాయిదా వేశారు. మరోవైపు ఈ కేసులో నిందితుడు యాదవ్కు స్థానిక పోలీసులు చార్జిషీట్ను అందజేశారు. గుర్గావ్లోని ఓ ప్రైవేటు సంస్థలో పనిచేసే బాధితురాలు ఉబర్ క్యాబ్లో ఇంటికి వస్తుండగా డ్రైవర్ అత్యాచారానికి పాల్పడ్డాడు. ఈ ఘటన ఉత్తర ఢిల్లీలోని ఇందర్లోక్ ప్రాంతంలో చోటుచేసుకున్న సంగతి విదితమే. అత్యాచార ఘటన జరిగిన 19 రోజుల తర్వాత నిందితుడిపై స్థానిక న్యాయస్థానంలో పోలీసులు అభియోగపత్రాన్ని దాఖలు చేశారు.
