TV
బీఎస్పీ ఎంపీ బెయిల్‌కు నో
పనిమనిషి హత్య కేసులో బీఎస్పీ ఎంపీ ధనంజయ్ సింగ్‌కు బెయిల్ ఇవ్వడానికి స్థానిక కోర్టు శనివారం తిరస్కరించింది.
న్యూఢిల్లీ: పనిమనిషి హత్య కేసులో బీఎస్పీ ఎంపీ ధనంజయ్ సింగ్‌కు బెయిల్ ఇవ్వడానికి స్థానిక కోర్టు శనివారం తిరస్కరించింది. బాధితుల కంటే నిందితులు ఉన్నతస్థాయిలో ఉన్న వాళ్లు కాబట్టి ఈ దశలో బెయిల్ ఇవ్వడం కుదరదని అడిషనల్ సెషన్స్ న్యాయమూర్తి లోకేశ్ కుమార్ శర్మ స్పష్టం చేశారు.
సాక్షులను బెదిరించే అవకాశాలనూ తోసిపుచ్చలేమన్నారు. ఇక ఈ కేసులో పోలీసులు సింగ్, ఆయన భార్య జాగృతిపై అనుబంధ చార్జిషీట్ దాఖలు చేశారు. ఈ కేసులో వీరిద్దరినీ గత నవంబర్‌లో అరెస్టు చేశారు. హత్యాయత్నం, సాక్ష్యాల విధ్వంసం తదితర అభియోగాలతో వీరిద్దరిపై ఫిబ్రవరి ఒకటిన చార్జిషీటు దాఖలయింది. కేసు ఇరు వర్గాల వాదనలను మార్చి 21 నుంచి వింటామని న్యాయమూర్తి ప్రకటించారు.
