అమ్మ మ్యానిఫెస్టో

 చెన్నై, సాక్షి ప్రతినిధి:అన్నాడీఎంకే మద్దతిచ్చే కూటమే కేంద్రంలో అధికారంలోకి వస్తుందని పార్టీ అధినేత్రి, సీఎం జయలలిత ధీమా వ్యక్తం చేశారు. అందుకే తమ పార్టీ మ్యానిఫెస్టోను రాష్ట్రంతోపాటూ దేశ ప్రగతి సంక్షేమాన్ని దృష్టిలో పెట్టుకుని రూపొందించినట్లు తెలిపారు. రానున్న లోక్‌సభ ఎన్నికల సందర్భంగా అన్నాడీఎంకే మ్యానిఫెస్టోను మంగళవారం మధ్యాహ్నం 12.45 గంటలకు పార్టీ కార్యాలయంలో విడుదల చేశారు. ఈ మ్యానిఫెస్టో ద్వారా 43 వాగ్దానాలు చేశారు. మొత్తం 40 లోక్‌సభ స్థానాలకు అభ్యర్థులను ప్రకటించిన 24 గంటల్లోనే మ్యానిఫెస్టో కూడా విడుదల చేసి కార్యకర్తలను కార్యోన్ముఖులను చేశారు. 40 స్థానాలను గెలుచుకోవడం ద్వారా అన్నాడీఎంకే అధినేత్రి జయలలితను ప్రధానిని చేయాలని పార్టీ శ్రేణులకు మార్గనిర్దేశం చేశారు. తమిళులు ఎదుర్కొంటున్న ప్రధాన సమస్యలను ప్రస్తావించడం ద్వారా ఆశించిన స్థాయి గెలుపును అందుకోవాలని ఆమె ఆశిస్తున్నారు. ఇవే మేనిఫెస్టో ప్రధాన అంశాలు.