అబ్బా స్మృతి.. సెంచరీ మిస్‌

హామిల్టన్‌ : న్యూజిలాండ్‌ మహిళలతో జరుగుతున్న చివరి టీ20 మ్యాచ్‌లో భారత స్టార్‌ ఓపెనర్‌ స్మృతి మంధాన శతకాన్ని చేజార్చుకుంది. 62 బంతుల్లో 12 ఫోర్లు, 1 సిక్స్‌తో 86 పరుగులు చేసిన మంధాన.. డెవిన్‌ బౌలింగ్‌లో క్యాచ్‌ ఔట్‌గా వెనుదిరిగింది. 162 పరుగుల లక్ష్యంతో బరిలోకి దిగిన భారత్‌కు దాటిగా ఆడుతూ స్మృతి మంధాన మంచి శుభారంభాన్ని అందించింది. ఓ వైపు వరుసగా వికెట్లు కోల్పోతున్నా.. తన బ్యాటింగ్‌లో ఏ మాత్రం వేగం తగ్గించని మంధాన.. 33 బంతుల్లో కెరీర్‌లో 8వ హాఫ్‌ సెంచరీ పూర్తిగా చేసుకుంది. మంచి షాట్లతో అలరించింది. సెంచరీకి చేరువవుతున్న తరుణంలో భారీ షాట్‌కు ప్రయత్నించి నిరాశగా పెవిలియన్‌ చేరింది.