కోహ్లితో ధోని సెలబ్రేషన్స్‌

దక్షిణాఫ్రికాతో మూడో టెస్టు గెలిచిన తర్వాత భారత క‍్రికెట్‌ జట్టు సెలబ్రేషన్స్‌

జోహెన్నెస్‌బర్గ్‌: దక్షిణాఫ్రికా పర్యటనలో ఉన్న భారత క్రికెట్‌ బృందంతోకలిసిన మాజీ కెప్టెన్‌ ఎంఎస్‌ ధోని మూడో టెస్టు విజయానందంలో పాలుపంచుకున్నాడు. త్వరలో ఆరంభమయ్యే పరిమిత ఓవర్ల సిరీస్‌లో భాగంగా దక్షిణాఫ్రికాకు ఇప్పటికే చేరుకున్న ధోని... జోహెన్నెస్‌బర్గ్‌ టెస్టు మ్యాచ్‌లో టీమిండియా ఘన విజయం తర్వాత జరిగిన పార్టీలో భాగమయ్యాడు. భారత కెప్టెన్‌  విరాట్‌ కోహ్లితో కలిసి ధోని విజయాన్ని సెలబ్రేట్‌ చేసుకున్నాడు.

ఈ మేరకు శనివారం రాత్రి సాండ్‌టాన్‌లో జరిగిన జట్టు సెలబ్రేషన్స్‌ ఫొటోను హార్దిక్‌ పాండ్యా ట్విట్టర్‌లో పోస్ట్‌ చేశాడు. ' జట్టు సభ్యులతో కలిసి విజయాన్ని సెలబ్రేట్‌ చేసుకోవడం మరచిపోలేని అనుభూతి'  అనే క్యాప్షన్‌తో కూడిన ఫొటోను పోస్ట్‌ చేశాడు. గురువారం నుంచి భారత్‌-దక్షిణాఫ్రికాల ఆరు వన్డేల సిరీస్‌ ఆరంభం కానుంది.