TV
దక్షిణాసియా బాస్కెట్‌బాల్‌ చాంపియన్‌షిప్‌లో డిఫెండింగ్‌ చాంపియన్‌ భారత్‌ టైటిల్‌ నిలబెట్టుకుంది. మంగళవారం నేపాల్‌ జట్టుతో జరిగిన చివరిదైన నాలుగో లీగ్‌ మ్యాచ్‌లో భారత్‌
మాలె: దక్షిణాసియా బాస్కెట్‌బాల్‌ చాంపియన్‌షిప్‌లో డిఫెండింగ్‌ చాంపియన్‌ భారత్‌ టైటిల్‌ నిలబెట్టుకుంది. మంగళవారం నేపాల్‌ జట్టుతో జరిగిన చివరిదైన నాలుగో లీగ్‌ మ్యాచ్‌లో భారత్‌ 90–44 పాయింట్ల తేడాతో విజయం సాధించింది. భారత్‌ తరఫున విశేష్‌ భృగువంశీ 22 పాయింట్లు, అనిల్‌ కుమార్‌ 16 పాయింట్లు స్కోరు చేశారు. ఐదు జట్ల మధ్య రౌండ్‌ రాబిన్‌ లీగ్‌ పద్ధతిలో జరిగిన ఈ టోర్నీలో భారత్‌ ఆడిన నాలుగు మ్యాచ్‌ల్లోనూ గెలిచి విజేతగా అవతరించింది. భారత్‌కు ఈ టైటిల్‌ లభించడం ఆరోసారి కావడం విశేషం. గతంలో భారత్‌ 2012, 2013, 2014, 2015, 2016లలో చాంపియన్‌గా నిలిచింది.
