కాంగ్రెస్ నిర్ణయం వల్ల రాష్ట్రం తగలబడుతోంది: వెంకయ్య నాయుడు

 

రాష్ట్రలోని రెండు ప్రాంతాల్లో రాజకీయంగా లబ్ధి పొందాలనే దురుద్దేశం కాంగ్రెస్ నిర్ణయం వెనక స్పష్టంగా కనిపిస్తోంది. అందుకే తెలంగాణ నేతలతో సంబరాలు జరిపిస్తూ, సీమాంధ్రలో మాత్రం ‘బీజేపీ మొండిపట్టు పట్టడం వల్లే తెలంగాణ ఇవ్వాల్సి వస్తోంది’ అని చెప్పిస్తున్నారు. నిర్ణయానికి ముందు నిపుణుల కమిటీలు వేసి అన్ని అంశాలనూ కూలంకషంగా చర్చించి ఉండాల్సింది. ఇతర పార్టీలన్నింటితోనూ సంప్రదించి ఉండాల్సింది. ఆంటోనీ కమిటీతో ఏ సమస్యా పరిష్కారం కాదు. మన రాష్ట్ర రాజధాని అనుకుని హైద్రాబాద్‌కు తరలివచ్చి పెట్టుబడులు పెట్టిన వారికి, ఉద్యోగాలు చేస్తున్న వారికి, స్థిరపడిన వారి భద్రతకు ఎలాంటి యంత్రాంగాన్ని ఏర్పాటు చేస్తారు? ఇతర ప్రాంతాల్లో కేంద్రీయ విశ్వవిద్యాలయాలు, ఐఐటీ వంటి ఉన్నత విద్యా సంస్థలు, ఎయిమ్స్ తరహా ఆసుపత్రులు, అంతర్జాతీయ విమానాశ్రయాలు, ఓడరేవులు, రక్షణ శాఖ లాబొరేటరీలు, భారీ పరిశ్రమలను ఎలా ఏర్పాటు చేస్తారు? ఇవన్నీ తేలాల్సి ఉంది. నదీజలాల పంపిణీ, విద్యుదుత్పత్తి, విద్య, ఆరోగ్యం, ఆదాయ పంపిణీ వంటి అంశాలపై ప్రజల అభిప్రాయాలను తేలిగ్గా కొట్టిపారేయడం సాధ్యపడదు’’ అని అన్నారు.