TV
'సర్టిఫికెట్స్‌ కావాలంటే కోరిక తీర్చు'
మహిళా టీచర్‌ను వేధించిన ఓ ప్రభుత్వేతర పాఠశాలకు చెందిన కరస్పాండెంట్‌ను పోలీసులు అరెస్టు చేశారు. ఈ సంఘటన చెన్నైలో చోటు చేసుకుంది.
చెన్నై : మహిళా టీచర్‌ను వేధించిన ఓ ప్రభుత్వేతర పాఠశాలకు చెందిన కరస్పాండెంట్‌ను పోలీసులు అరెస్టు చేశారు. ఈ సంఘటన చెన్నైలో చోటు చేసుకుంది. పోలీసులు తెలిపిన వివరాల ప్రకారం చెన్నైలోని ఓ ప్రైవేటు ఆ పాఠశాలలో పనిచేస్తున్న టీచర్‌ రెండు నెలల కిందటే తన ఉద్యోగాన్ని వదిలేసి వెళ్లిపోయింది. శుక్రవారం ఆ టీచర్‌ తన ఒరిజినల్‌ సర్టిఫికెట్లను తీసుకెళ్లేందుకు స్కూల్‌కు వచ్చింది.
అయితే, తన గదిలోకి రావాలంటూ ఆ స్కూల్‌ కరస్పాండెంట్‌ రవి పిలిచాడు. అనంతరం ఒరిజినల్‌ సర్టిఫికెట్లు ఇవ్వాలంటే తన కోరిక తీర్చాలంటూ ఒత్తిడి చేశాడు. ఒప్పుకోకపోతే ఆమె గురించి చెడుగా ప్రచారం చేస్తానంటూ బెదిరించాడు. ఆ తర్వాత ఇంటికి వెళ్లిపోయిన టీచర్‌కు అసభ్య సందేశాలు పంపించాడు. దీంతో బాధితురాలు పోలీసులను ఆశ్రయించగా కేసు నమోదు చేసి అతడిని అరెస్టు చేశారు.
