మే 3 వరకు లాక్‌డౌన్‌ 

Lockdown: PM Narendra Modi Extends Lockdown Till 3rd May - Sakshi

ఆర్థికంగా భారీ మూల్యమే చెల్లించాల్సి వస్తోంది, అయినా తప్పదు 

ఏప్రిల్‌ 20 తరువాత కొన్ని ప్రాంతాల్లో ఆంక్షల సడలింపు 

ఔషధ, ఆహార నిల్వలు తగినన్ని ఉన్నాయి   సప్త సూత్రాలు పాటించండి 

దేశ ప్రజలనుద్దేశించి చేసిన ప్రసంగంలో ప్రధాని మోదీ 

ప్రపంచానికి పెను విపత్తుగా పరిణమించిన కరోనా మహమ్మారిని ఎదుర్కొనేందుకు దేశవ్యాప్తంగా లాక్‌డౌన్‌ను మరో 19 రోజులు పొడిగించాలని కేంద్ర ప్రభుత్వం నిర్ణయించింది. గతనెల 25న ప్రారంభమైన లాక్‌డౌన్‌ను మే 3 వరకు పొడిగిస్తున్నట్టు ప్రధానమంత్రి నరేంద్ర మోదీ ప్రకటించారు. మంగళవారం ఉదయం 10 గంటలకు జాతినుద్దేశించి మాట్లాడిన ఆయన.. వైరస్‌ ముప్పు పూర్తిగా తొలగిపోనందునే లాక్‌డౌన్‌ పొడిగించాలని నిర్ణయం తీసుకున్నట్టు వెల్లడించారు. లాక్‌డౌన్‌ వల్ల ఆర్థికంగా భారీ మూల్యం చెల్లిస్తున్నప్పటికీ, ప్రజల ప్రాణాలను కాపాడటానికి అదొక్కటే మార్గమని స్పష్టంచేశారు. ఈ నేపథ్యంలో మే 3 వరకు ఎక్కడివారు అక్కడే ఉండాలని ప్రజలకు విజ్ఞప్తిచేశారు. ఏప్రిల్‌ 20 తర్వాత హాట్‌స్పాట్స్‌ కాని ప్రాంతాల్లో కొంతమేరకు నిబంధనలు సడలించే అవకాశం ఉందన్నారు. లాక్‌డౌన్‌కు సంబంధించిన సమగ్ర నియమ నిబంధనలను బుధవారం విడుదల చేస్తామని పేర్కొన్నారు. ఈ సందర్భంగా కరోనా వైరస్‌ను ఎదుర్కొనేందుకు ఏడు సూత్రాలను మోదీ సూచించారు.  

సాక్షి, న్యూఢిల్లీ: ప్రాణాంతక కరోనా వైరస్‌ను పూర్తిగా కట్టడి చేసేందుకు లాక్‌డౌన్‌ కాలాన్ని పొడిగించాలని కేంద్రం నిర్ణయించింది. మార్చి 25వ తేదీ నుంచి కొనసాగుతున్న దేశవ్యాప్త నిర్బంధాన్ని మే 3వ తేదీ వరకు పొడిగిస్తున్నట్లు ప్రధానమంత్రి నరేంద్ర మోదీ మంగళవారం ప్రకటించారు. మొదట ప్రకటించిన ప్రకారం, లాక్‌డౌన్‌ ఏప్రిల్‌ 14తో ముగియాల్సి ఉన్న విషయం తెలిసిందే. తొలి దశ లాక్‌డౌన్‌ విజయవంతమైనప్పటికీ, వైరస్‌ ముప్పు పూర్తిగా తొలగిపోలేదని, అందువల్ల లాక్‌డౌన్‌ను పొడిగించాలని నిర్ణయించినట్లు ప్రధాని ప్రకటించారు.  

లాక్‌డౌన్‌ కారణంగా ఆర్థికంగా భారీ మూల్యాన్నే చెల్లించాల్సి వస్తోందని, అయితే, దేశ ప్రజల ప్రాణాలను కాపాడేందుకు అంతకుమించిన మార్గం లేదని ఆయన పేర్కొన్నారు. దేశ ప్రజలను ఉద్దేశించి ప్రధాని మోదీ మంగళవారం ఉదయం 25 నిమిషాల పాటు ప్రసంగించారు. రెండో దశలోనూ లాక్‌డౌన్‌ను కఠినంగా అమలు చేస్తామని ప్రధాని స్పష్టం చేశారు. సంబంధిత సమగ్ర నియమ, నిబంధనలను బుధవారం ప్రభుత్వం విడుదల చేస్తుందన్నారు. అయితే, వైరస్‌ వ్యాప్తిపై సమీక్ష అనంతరం, హాట్‌స్పాట్స్‌ కాని ప్రాంతాల్లో ఏప్రిల్‌ 20 తరువాత కొంతమేరకు నిబంధనలను సడలించే అవకాశముందన్నారు. ‘మే 3 వరకు నిబంధనలను కచ్చితంగా పాటించండి. ఎక్కడివారు అక్కడే ఉండండి. సురక్షితంగా ఉండండి’అని దేశప్రజలకు విజ్ఞప్తి చేశారు. చాలా అభివృద్ధి చెందిన దేశాలతో పోలిస్తే.. కరోనా సంక్షోభాన్ని భారత్‌ సమర్థంగా ఎదుర్కొందని, ఇందులో దేశ ప్రజల తోడ్పాటు, త్యాగం ఎంతో ఉందని ప్రధాని పేర్కొన్నారు.

ఈ సందర్భంగా లాక్‌డౌన్‌ కాలంలో పాటించాలంటూ కొన్ని సూత్రాలను ప్రజలకు నిర్దేశించారు. వృద్ధులను జాగ్రత్తగా చూసుకోవడం, పేదలకు చేయూతనివ్వడం తదితర సూచనలు అందులో ఉన్నాయి. ‘సరైన సమయంలో సమగ్ర కార్యాచరణను అమల్లోకి తీసుకువచ్చాం. లేదంటే, మన పరిస్థితి వేరేలా ఉండేది. మన మార్గం సరైనదేనని ఫలితాలు కూడా నిర్ధారిస్తున్నాయి. మనకున్న తక్కువ వనరులతో సమస్యను దీటుగా ఎదుర్కొన్నాం. 21 రోజుల లాక్‌డౌన్‌ సత్ఫలితాలను ఇచ్చింది’అని మోదీ పేర్కొన్నారు. కరోనా నిర్ధారణ పరీక్షల సామర్థ్యాన్ని గణనీయంగా పెంచనున్నామని వెల్లడించారు. ‘ఏప్రిల్‌ 20 వరకు అన్ని పట్టణాలు, అన్ని జిల్లాలు, అన్ని రాష్ట్రాలు లాక్‌డౌన్‌ నిబంధనలను ఎంతవరకు పాటిస్తున్నాయన్నది గమనిస్తాం.

వైరస్‌ వ్యాప్తిని సమర్థంగా అడ్డుకున్న ప్రాంతాల్లో, హాట్‌స్పాట్స్‌కాని ప్రాంతాల్లో స్వల్పంగా నిబంధనల సడలింపు ఉంటుంది’అని ప్రధాని వివరించారు. కరోనాపై భారత్‌ పోరు తీవ్రంగానే ఉందని, భారత్‌ వద్ద అవసరమైన ఔషధ, ఆహార నిల్వలు ఉన్నాయని తెలిపారు. ‘రానున్న వారం రోజులు ఆంక్షల అమలులో కఠినంగానే ఉండాల్సి ఉంది. కొత్తగా హాట్‌స్పాట్స్‌ ఏర్పడితే సమస్య మరింత జటిలమవుతుంది’అన్నారు.

లాక్‌డౌన్‌ కారణంగా ఇబ్బందులు ఎదుర్కొంటున్న రోజు కూలీల వెతలను కూడా ప్రధాని ప్రస్తావించారు. ‘రోజువారీ కూలీలు, దినసరి వేతనం లేనిదే పూటగడవని వారు కూడా నా కుటుంబసభ్యులే. నా ప్రాథమ్యాల్లో ముఖ్యమైనది వారి జీవితాల్లోని కష్టాలను తొలగించడమే. గరీబ్‌ కల్యాణ్‌ యోజన ద్వారా ఆ దిశగా కొన్ని చర్యలు తీసుకున్నాం. కొత్తగా రూపొందించనున్న మార్గదర్శకాల్లో వారి ప్రయోజనాలనూ చూస్తాం’అన్నారు. రాజ్యాంగ నిర్మాత అంబేడ్కర్‌ జయంతి సందర్భంగా ఆయనను ప్రధాని స్మరించుకున్నారు. 

మోదీ సప్తపది.. 
1. మీ ఇళ్లలోని వృద్ధులను, ముఖ్యంగా దీర్ఘకాలిక వ్యాధులున్న వారిని జాగ్రత్తగా చూసుకోండి. 

2. లాక్‌డౌన్‌ లక్ష్మణ రేఖను కచ్చితంగా పాటించండి. ఇంట్లో తయారు చేసుకున్న మాస్క్‌లు ధరించండి. భౌతిక దూరం, వ్యక్తిగత పరిశుభ్రత పాటించండి. 

3. రోగ నిరోధక శక్తిని పెంచుకునేందుకు ఆయుష్‌ మంత్రిత్వ శాఖ జారీ చేసిన మార్గదర్శకాలను పాటించండి.  

4. మీ స్మార్ట్‌ ఫోన్‌లలో ఆరోగ్య సేతు యాప్‌ను డౌన్‌లోడ్‌ చేసుకోండి. 

5. మీ చుట్టూ ఉన్న పేదల యోగక్షేమాలను పట్టించుకోండి. ముఖ్యంగా వారి ఆహార అవసరాలను తీర్చేందుకు ప్రయత్నించండి. 

6. మీ సంస్థల్లో పనిచేసే వారి సంక్షేమాన్ని పట్టించుకోండి. వారి జీవనోపాధిని తొలగించకండి.

7. కరోనాపై అలుపెరగని పోరాటం చేస్తున్న వైద్యులు, నర్సులు, పోలీసులు, పారిశుధ్య సిబ్బందిని గౌరవించండి. 

Read latest National News and Telugu News | Follow us on FaceBook, Twitter, Telegram

మరిన్ని వార్తలు

20-01-2021
Jan 20, 2021, 11:50 IST
సెకండ్‌ డోస్‌ తీసుకున్న రెండు వారాల తర్వాత యాంటీబాడీలు వృద్ధి చెందుతున్నట్లు డాటా వెల్లడించింది
20-01-2021
Jan 20, 2021, 11:36 IST
టెన్నిస్‌ స్టార్‌ సానియా మీర్జా కోవిడ్‌ అనుభవాలను  సోషల్‌ మీడియాలో పంచుకున్నారు. ఒంటరిగా, కుటుంబానికి, బిడ్డకు దూరంగా ఉండటం చాలా...
20-01-2021
Jan 20, 2021, 09:23 IST
సాక్షి, హైదరాబాద్‌: తెలంగాణ వైద్య ఆరోగ్యశాఖను కేంద్ర ప్రభుత్వం ప్రశంసించింది. కరోనా వ్యాక్సినేషన్‌ కార్యక్రమాన్ని సమర్థవంతంగా, ఎటువంటి పొరపాట్లు లేకుండా...
20-01-2021
Jan 20, 2021, 08:43 IST
న్యూఢిల్లీ: వ్యాక్సిన్‌ తీసుకోవడంపై సమాజంలో అపోహలు ఉన్నాయని నీతిఆయోగ్‌ సభ్యుడు వీకే పాల్‌ చెప్పారు. మంగళవారం ఆయన ప్రెస్‌ కాన్ఫరెన్స్‌లో...
19-01-2021
Jan 19, 2021, 12:57 IST
సాక్షి, ముంబై: ఒకవైపు కరోనా  మహమ్మారి అంతానికి దేశంలో వ్యాక్సినేషన్‌ ప్రక్రియ ప్రారంభమైంది. మరోవైపు  సీరం వ్యాక్సిన్‌ తీసుకున్న 24...
19-01-2021
Jan 19, 2021, 10:34 IST
సాక్షి, పిఠాపురం: స్థానిక ప్రభుత్వాసుపత్రి నుంచి మండలంలోని విరవ ఆస్పత్రికి తరలించిన కోవిషీల్డ్‌ వ్యాక్సిన్‌ వయల్స్‌ పగిలిపోయిన సంఘటన వైద్య,...
19-01-2021
Jan 19, 2021, 08:45 IST
సాక్షి, హైదరాబాద్‌: రాష్ట్రంలోని ప్రైవేటు ఆసుపత్రుల్లో కరోనా టీకాల కార్యక్రమం ఎప్పుడు మొదలవుతుందో తెలియట్లేదు. వైద్య, ఆరోగ్యశాఖ అధికారులు నిర్ణీత...
19-01-2021
Jan 19, 2021, 08:06 IST
బెంగళూరు : వ్యాక్సిన్‌ తీసుకున్న అనంతరం రెండు మరణాలు సంభవించడం దేశంలో కలకలం రేపుతోంది. ఒకరు ఉత్తరప్రదేశ్‌లోనూ, మరొకరు కర్ణాటకలోనూ...
19-01-2021
Jan 19, 2021, 03:16 IST
సాక్షి, అమరావతి/ భీమడోలు: హెల్త్‌కేర్‌ వర్కర్లకు నిరంతరాయంగా కొనసాగుతున్న కరోనా వ్యాక్సిన్‌ ప్రక్రియలో భాగంగా మూడో రోజు రాష్ట్రంలో 14,606...
18-01-2021
Jan 18, 2021, 20:35 IST
సాక్షి,  హైదరాబాద్ : కరోనా వ్యాక్సినేషన్‌ తీసుకున్న వారిలో కొంతమంది అస్వస్థతకు గురవుతున్నారు. ఇప్పటికే మహారాష్ట్రలో వాక్సిన్‌ తీసుకున్న ఏడుగురు ఒళ్లు నొప్పులు,...
18-01-2021
Jan 18, 2021, 15:28 IST
సాక్షి, ముంబై : దేశ వ్యాప్తంగా శనివారం నుంచి కరోనా వ్యాక్సినేషన్‌ ప్రక్రియ ప్రారంభమైన విషయం తెలిసిందే. శనివారం మొదటి ఫేజ్‌...
18-01-2021
Jan 18, 2021, 10:54 IST
సాక్షి, లక్నో : దేశవ్యాప్తంగా కరోనా మహమ్మారి నివారణకుగాను ఫ్రంట్‌లైన్‌ వర్కర్‌లకు వ్యాక్సినేషన్‌ ప్రారంభమైన తరుణంలో ఉత్తరప్రదేశ్‌లోని మొరాదాబాద్‌లో విషాదం చోటు...
18-01-2021
Jan 18, 2021, 05:52 IST
సాక్షి, హైదరాబాద్‌: రాష్ట్రంలో కరోనా నిర్ధారణ పరీక్షల సంఖ్య గణనీయంగా పెరిగింది. రాష్ట్ర జనాభాలో ఏకంగా 20 శాతానికి పైగా...
18-01-2021
Jan 18, 2021, 03:55 IST
సాక్షి, అమరావతి: రాష్ట్రంలో కోవిడ్‌–19 వ్యాక్సిన్‌ ప్రక్రియ రెండో రోజూ చురుగ్గా కొనసాగింది. ఉదయం 9 గంటలకే వ్యాక్సిన్‌ ప్రక్రియ...
17-01-2021
Jan 17, 2021, 15:07 IST
న్యూఢిల్లీ: కరోనా మహమ్మారిపై పోరాటంలో భాగంగా దేశవ్యాప్తంగా వ్యాక్సినేషన్‌ ప్రక్రియ సజావుగా కొనసాగుతున్న వేళ, దేశ రాజధాని ఢిల్లీలో వ్యాక్సిన్‌...
17-01-2021
Jan 17, 2021, 13:28 IST
‘మా అన్నయ్య చనిపోయాడు. ఇంక నాకీ లోకంలో ఎవరూ లేరు’ అని  ఓ అమ్మాయి ఏడుస్తుంటే..  ‘అయ్యో.. అలా అనకు.. నీకు నేనున్నా’...
17-01-2021
Jan 17, 2021, 10:13 IST
సాక్షి, హైదరాబాద్‌ : కరోనాపై అవగాహన కోసం కేంద్రం ఆదేశాల మేరకు ప్రతి టెలికాం సంస్థ విధిగా వినిపిస్తోన్న కాలర్...
17-01-2021
Jan 17, 2021, 05:49 IST
బీజింగ్‌: బీజింగ్‌ దక్షిణ ప్రాంతంలో కరోనా కేసులు తిరిగి నమోదవుతున్న నేపథ్యంలో చైనా ప్రభుత్వం కేవలం 5 రోజుల్లోనే 1,500...
17-01-2021
Jan 17, 2021, 05:43 IST
న్యూఢిల్లీ/హైదరాబాద్‌: ఆక్స్‌ఫర్డ్‌–ఆస్ట్రాజెనెకా అభివృద్ధి చేసిన కోవిషీల్డ్‌ టీకా మాత్రమే తమకు ఇవ్వాలని ఢిల్లీలోని రామ్‌ మనోహర్‌ లోహియా(ఆర్‌ఎంఎల్‌) ఆసుపత్రి రెసిడెంట్‌...
17-01-2021
Jan 17, 2021, 05:34 IST
బీజింగ్‌: కరోనా వైరస్‌ జాడలున్న 4,800 ఐస్‌క్రీం బాక్సులను చైనా అధికారులు గుర్తించారు. దీంతో అప్రమత్తమై ఈ వైరస్‌ ఎక్కడి...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top