TV
2011నాటి దేశ జనాభా లెక్కల ప్రకారం భారత్‌లో 5 నుంచి 19 ఏళ్ల వయసున్న వారిలో 6.54 కోట్ల మంది అసలు పాఠశాలకే వెళ్లలేదు.
న్యూఢిల్లీ: 2011నాటి దేశ జనాభా లెక్కల ప్రకారం భారత్‌లో 5 నుంచి 19 ఏళ్ల వయసున్న వారిలో 6.54 కోట్ల మంది అసలు పాఠశాలకే వెళ్లలేదు. గత దశాబ్దంలో మరో 4.49 కోట్ల పిల్లలు బడిని మధ్యలోనే మానేశారు. దేశంలో 5 నుంచి 19 ఏళ్ల మధ్య వయసున్న పిల్లలు 38.01 కోట్ల మంది ఉంటే వారిలో 26.98 కోట్ల మంది విద్యాలయాలకు వెళ్తున్నారు.
ఇదే వయసు వారిలో 65.7 లక్షల మందికి వికలాంగులు. వారిలో 17.5 లక్షల మంది ఎప్పుడూ బడికి వెళ్లలేదు. 8 లక్షల మంది పాఠశాలను మధ్యలోనే మానేయగా, 40.2 లక్షల మంది విద్యనభ్యసిస్తున్నారు. వీరిలో 22.8 లక్షల మంది బాలురు. 17.4 లక్షల మంది బాలికలు.
