'నాకు సూపర్ ఉమెన్ కావాలని ఉంది'

ముంబై: తనకు సూపర్ ఉమెన్ కావాలని ఉందని ప్రముఖ శృంగార తార సన్నీలియోన్ అంది. ఏదో ఒకరోజు సూపర్ హీరో అనే చిత్రంలో భాగస్వామిని కావాలని అనుకుంటున్నాని, అదే తనకున్న అసలైన కోరిక అని చెప్పింది. బాలీవుడ్లో అడుగుపెట్టి సంచలన తారగా మారిన ఈ అమ్మడు ఈ మధ్య పలు వివాదాల్లో చిక్కుకున్న విషయం తెలిసిందే. యువత చెడిపోయేలా, గృహిణులకు ఇబ్బందికలిగేలా హాఫ్ న్యూడ్ చిత్రాలతో అసభ్యకరంగా కనిపిస్తోందని పోలీస్ స్టేషన్లలో కేసులు కూడా నమోదయ్యాయి.

అప్పటి నుంచి కొంత ఖాళీగా ఉన్నట్లు కనిపించిన ఆమెను ఓ మీడియా సంప్రదించింది. సన్నీ మీకు మీ జీవితంలో చేయాలనిపిస్తున్న పాత్ర ఏమిటి ? అని ప్రశ్నించగా వెంటనే తాను సూపర్ మెన్ చిత్రంలో సూపర్ ఉమెన్గా నటించాలని ఉందని, సమాన స్థాయి పాత్ర పోషించాలని అనుకుంటున్నట్లు తెలిపింది. ప్రస్తుతం ఆమె స్ప్లిట్ విల్లా అనే రియాలిటీ షో చేస్తోంది.