క్రేజీ కాంబినేషన్‌?

విజయ్‌ దేవరకొండ

టాలీవుడ్‌లో ప్రస్తుతం హీరో విజయ్‌ దేవరకొండ క్రేజ్‌ గురించి ప్రత్యేకించి చెప్పక్కర్లేదు. ‘రంగస్థలం’ వంటి భారీ విజయంతో మంచి ఊపులో ఉన్నారు సుకుమార్‌. ఇప్పుడు ఈ ఇద్దరి క్రేజీ కాంబినేషన్లో ఓ సినిమా రూపొందనుందా? అంటే ఫిల్మ్‌నగర్‌లో అవుననే సమాధానమే వినిపిస్తోంది. భరత్‌ కమ్మ దర్శకత్వంలో రూపొందుతున్న ‘డియర్‌ కామ్రేడ్‌’, క్రాంతిమాధవ్‌ దర్శకత్వంలో తెరకెక్కుతున్న మరో సినిమాలతో బిజీగా ఉన్నారు విజయ్‌ దేవరకొండ.

వైజయంతీ మూవీస్‌లోనూ ఓ సినిమా చేయనున్నారాయన. మరోవైపు సుకుమార్‌ కూడా మహేశ్‌బాబు హీరోగా ఓ సినిమా చేయాల్సిఉంది. దీంతో విజయ్‌–సుకుమార్‌ కాంబినేషన్‌ ఇప్పట్లో కుదరదేమో? అని కొందరు అంటుంటే... లేదు లేదు.. త్వరలో ఈ సినిమా గురించి అధికారిక సమాచారం వెల్లడయ్యే అవకాశం ఉందని మరికొందరి వాదన. దీనిపై  అధికారిక సమాచారం వెల్లడైతే కానీ గాసిప్‌లకు ఎండ్‌ కార్డ్‌ పడదని సినీ లవర్స్‌ అభిప్రాయం.