షారూఖ్‌కు కోటిన్నర ఫాలోవర్లు

ముంబై: బాలీవుడ్ నటుడు షారూఖ్ ఖాన్ ట్విటర్‌లోనూ తాను సూపర్‌స్టార్ అని నిరూపించుకున్నారు. ఆ సామాజిక వెబ్‌సైట్లో ఆయన్ను అనుసరించేవారి సంఖ్య కోటీ యాభై లక్షలకు చేరింది. దీంతో ఆయన భారత నటుల్లో మెగాస్టార్ అమితాబ్ బచ్చన్ తర్వాతి స్థానంలో నిలిచారు. అమితాబ్‌ను ప్రస్తుతం కోటీ 67 లక్షల మంది అనుసరిస్తున్నారు.

ఈ సందర్భంగా షారూఖ్ తన అభిమానులకు కృతజ్ఞతలు తెలిపారు. 'నన్ను ఫాలో చేస్తున్న వాళ్లందరికీ కృతజ్ఞతలు. అది నేనేదో నేతృత్వం వహిస్తున్నందుకు కాదు. కానీ నేను దారి తప్పకుండా చూడటానికి మీరంతా ఉన్నామని భరోసా ఇచ్చినందుకు' అని షారూఖ్ ట్వీట్ చేశారు.