సాహో.. డ్యూయల్ కాదు సింగిలే..!

ప్రభాస్ హీరోగా తెరకెక్కుతున్న సాహో సినిమాపై రోజుకో వార్త సోషల్ మీడియాలో హల్ చల్ చేస్తోంది. బాహుబలి లాంటి భారీ చిత్రం తరువాత ప్రభాస్ హీరోగా తెరకెక్కుతున్న సినిమా కావటంతో ఈ సినిమాపై జాతీయ స్థాయిలో భారీ అంచనాలు ఉన్నాయి. అంతేకాదు ఎక్కువగా బాలీవుడ్ నటులే ఈ సినిమాలో కీలక పాత్రల్లో నటిస్తుండటం కూడా సినిమా మీద అంచనాలు మరింత పెంచుతోంది.

ముఖ్యంగా హీరోయిన్ గా నటిస్తున్న శ్రద్ధాకపూర్ క్యారెక్టర్ పై రకరకాల వార్తలు వినిపిస్తున్నాయి. ఈ సినిమా శ్రద్ధా డ్యూయల్ రోల్ లో నటిస్తుందని అందులో ఒకటి నెగెటివ్ క్యారెక్టర్ అన్న ప్రచారం కూడా జరిగింది. అయితే ఈ రూమర్స్ కు చెక్ పెడుతూ తన క్యారెక్టర్ పై క్లారిటీ ఇచ్చింది శ్రద్ధా. సాహో సినిమాలో తాను ఒక్క పాత్రే చేస్తున్నట్టుగా చెప్పిన శ్రద్ధా పాత్రలోనే డిఫరెంట్ షేడ్స్ ఉంటాయని తెలపింది. అంతేకాదు ఈ సినిమాలో తాను యాక్షన్ ఎపిసోడ్స్ లోనూ నటిస్తున్నట్టుగా క్లారిటీ ఇచ్చింది.