మా ఏపీ సభ్యులకు రూ.5 లక్షల ప్రమాద బీమా

Rs 5 Lakhs Accident Insurance for Maa AP Members - Sakshi

‘‘మూవీ ఆర్టిస్ట్‌ అసోసియేషన్‌ ఆంధ్రప్రదేశ్‌’ (మా ఏపీ) లో సభ్యులైన నిరుపేద కళాకారులు, సాంకేతిక నిపుణులు తమ పేర్లను ప్రభుత్వం చేపట్టిన స్మార్ట్‌ సర్వేలో విధిగా నమోదు చేసుకోవాలి. నమోదు అయిన ‘మా ఏపీ’ సభ్యులకు 5 లక్షల రూపాయల ప్రమాద బీమా ఉంటుంది’’ అని ‘మా ఏపీ’ వ్యవస్థాపక అధ్యక్షుడు దిలీప్‌ రాజా, అధ్యక్షురాలు కవిత అన్నారు. తెనాలిలోని ‘మా ఏపీ’ కార్యాలయంలో వారు మాట్లాడుతూ–‘‘రాష్ట్ర విభజన చట్టంలో పొందుపరిచిన నియమ నిబంధనల మేరకు ‘మా–ఏపీ’ 24 విభాగాల యూనియన్‌ సంబంధిత శాఖ అధికారుల నుంచి ఆమోదం పొందిన తర్వాతే ఆంధ్రప్రదేశ్‌ ప్రభుత్వం ‘మా ఏపీ’కి అనుమతి మంజూరు చేసింది. ఇప్పటికే 400 మంది సాంకేతిక నిపుణులు, నటీనటులు సభ్యులుగా ఉన్నారు. ప్రేక్షకులే నిర్ణేతలుగా ‘మా–ఏపీ’ సినీ అవార్డుల వేడుకలను జనవరిలో నిర్వహిస్తున్నాం. అన్ని విభాగాల్లోని వారికి అవార్డులు అందిస్తాం.  మా ఏపీ సభ్యులకు హెల్త్‌ కార్డులపై ముఖ్యమంత్రి వైఎస్‌ జగన్‌మోహన్‌ రెడ్డిగారిని కలిసి మంజూరు చేసేలా కృషి చేస్తాం’’ అన్నారు.

Read latest Movies News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top