నిశ్చితార్థం కాదు.. రోకా

ప్రేయసి మిహికాతో కలసి దిగిన కలర్‌ఫుల్‌ ఫొటోలను గురువారం షేర్‌ చేశారు రానా. ఆ ఫొటోలు చూసినవాళ్లు నిశ్చితార్థం జరిగిందని ఊహించుకున్నారు. కానీ, జరిగినది ‘రోకా ఫంక్షన్‌’. అంటే.. ఇరు కుటుంబ సభ్యులు కలుసుకుని పెళ్లి విశేషాలు మాట్లాడుకుంటారు. స్వీట్లు, గిఫ్ట్స్‌ ఇచ్చి పుచ్చుకుంటారు. ఉత్తరాదిన (పంజాబీలో ముఖ్యంగా) ఈ కార్యక్రమం జరుపుకుంటారు. ఈ రోకా వేడుక సందర్భంగా దిగిన ఫొటోలను సోషల్‌ మీడియాలో షేర్‌ చేశారు రానా. డిసెంబర్‌లో రానా–మిహికా బజాజ్‌ల వివాహం జరగనుందని సమాచారం.