నాకు సినిమాయే జీవితం

‘‘కొన్నేళ్ల క్రితం నా పుట్టినరోజు మా ఇంటికే పరిమిత మయ్యేది. మా ఊరు పెదకాకానిలో గల శివాలయానికివెళ్లి శివుణ్ణి దర్శించుకునేవాణ్ణి. ఈ రోజు కోట్లాది మంది ప్రేక్షకులకు దగ్గరయ్యే స్థాయిలో ఉన్నానంటే ఆ  భగవంతుని ఆశీస్సులే కారణం’’ అని బోయపాటి శ్రీను చెప్పారు. నేడు ఆయన పుట్టినరోజు.ఇటీవల బాలకష్ణతో ‘లెజెండ్’తీసిన బోయపాటి, తదుపరి రామ్‌చరణ్‌తో సినిమాచేయడానికి కసరత్తులు చేస్తున్నారు.  స్టార్స్‌తో సినిమా చేసేటప్పుడు తప్పనిసరిగా వారి ఇమేజ్‌ని దృష్టిలో పెట్టుకోవాలి. ఎందుకంటే, మొదటి మూడు రోజులు వాళ్ల అభిమానులే ఎక్కువగా సినిమాని చూస్తారు. అందుకే, స్టార్ హీరో అంటే అభిమానుల అంచనాలను దృష్టిలో పెట్టుకోవడంతో పాటు, వాణిజ్య అంశాలను మేళవించి సినిమా తీయాల్సి ఉంటుంది.