జంట బాంబు పేలుళ్లలో 44 మంది మృతి

సిరియాలో ఈశాన్యప్రాంతంలో టర్కీ సరిహద్దులో ఉన్న ఖమిష్లి నగరంలో బుధవారం సంభవించిన జంట బాంబు పేలుళ్లలో కనీసం 44 మంది మరణించగా, మరో 170 మంది తీవ్రంగా గాయపడ్డారు. ఇస్లామిక్ స్టేట్ ఉగ్రవాదులు ఈ దాడికి పాల్పడినట్టు ప్రకటించారు. ఖుర్దిష్ భద్రత బలగాలను లక్ష్యంగా చేసుకుని దాడి చేసినట్టు వెల్లడించారు.

ఖుర్దిష్ అడ్మినిస్ట్రేషన్ సెక్యురిటీ హెడ్ క్వార్టర్స్ సమీపంలో ఓ బాంబు పేలింది. ఓ కారు బాంబు, మరో మోటార్ బైక్ బాంబు పేలినట్టు ఈ దేశ మీడియా వెల్లడించింది. భారీ ప్రాణనష్టం జరగడంతో పాటు ఆ ప్రాంతంలో భవనాలకు భారీ నష్టం ఏర్పడింది.