TV
25న హైదరాబాద్ కు ప్రధాని మోదీ
ప్రధాని నరేంద్రమోదీ హైదరాబాద్ పర్యటన ఖరారైంది.
హైదరాబాద్: ప్రధాని నరేంద్రమోదీ హైదరాబాద్ పర్యటన ఖరారైంది. మోదీ, హోం మంత్రి రాజ్నాథ్ సింగ్ ఈ నెల 25న(శుక్రవారం) సాయంత్రం హైదరాబాద్ రానున్నారు. 26న రాజేంద్రనగర్‌లోని సర్దార్ వల్లభాయ్ పటేల్ జాతీయ పోలీస్ అకాడమిలో అన్ని రాష్ట్రాల డీజీపీల సమావేశంలో పాల్గొంటారు. అనంతరం అదే రోజు సాయంత్రం ఢిల్లీకి తిరిగి వెళ్తారు.
దేశవ్యాప్తంగా కరెన్సీ కష్టాలతో ప్రజలు ఇబ్బందులు పడుతున్న నేపథ్యంలో ప్రతిపక్ష పార్టీల నుంచి ఇబ్బందులు తలెత్తకుండా అధికారులు చర్యలు చేపట్టారు. అందులో భాగంగా గత శనివారం ఎన్‌ఎస్‌జీ అధికారులు భద్రతా ఏర్పాట్లుపై ప్రత్యేకంగా సమీక్ష నిర్వహించారు.
