ప్రేమించి పెళ్లాడాడు.. ఆడపిల్ల పుట్టిందని వదిలేశాడు

విజయవాడ: ప్రేమించానని వెంట పడి పెళ్లి చేసుకున్నాడు. రెండేళ్లు కాపురం చేసి ఆడపిల్ల పుట్టిందనే కారణంతో మరో యువతిని పెళ్లాడటానికి ఓ భర్త సిద్ధమయ్యాడు. దీంతో సదరు భార్య.. తన భర్త ఇంటి ముందు ధర్నాకు దిగింది. ఈ ఘటన విజయవాడలో జరిగింది.

విజయవాడ గవర్నర్‌పేట ఆకులవీధిలో నివాసముంటున్న భార్గవి(25)ని అదే ప్రాతంలో నివాసముంటున్న నందిపాటి మధుసూదన రావు(29) ప్రేమిస్తున్నానని వెంటపడ్డాడు. వివాహం చేసుకుని రెండేళ్లు కాపురం చేశాక ఆడపిల్ల పుట్టిందని భార్గవిని వదిలేశాడు. కుటుంబ సభ్యులు చెప్పిన మరో అమ్మాయిని పెళ్లి చేసుకొవడానికి సిద్ధమయ్యాడు. ఈ విషయం తెలిసిన భార్గవి గురువారం ఐద్వా సభ్యుల సహకారంతో మధుసూదన్ ఇంటి ముందు ధర్నాకు దిగింది. తనకు న్యాయం జరిగేవరకు ఇక్కడి నుంచి కదిలేది లేదని భీష్మించుకొని కూర్చుంది. భార్గవికి న్యాయం చేయాలని ఐద్వా సభ్యులు కోరుతున్నారు.