వికారాబాద్‌లో ఇరు వర్గాల ఘర్షణ.. ఉద్రిక్తత

వికారాబాద్(రంగారెడ్డి): వికారాబాద్ మండలకేంద్రంలోని ఆలంపల్లిలో బుధవారం రాత్రి ఇరు వర్గాల మధ్య ఘర్షణ చోటుచేసుకుంది. ఓ అమ్మాయి విషయంలో ఇరువర్గాలు ఘర్షణ పడ్డాయి. రెండు వర్గాల ప్రజలు తోసుకున్నారు. ఈ ఘర్షణలో పలువురికి స్వల్పగాయాలయ్యాయి. విషయం తెలిసిన వెంటనే పోలీసులు సంఘటనాస్థలానికి చేరుకుని పరిస్థితిని అదుపులోకి తెచ్చారు. ప్రస్తుతం అక్కడ పరిస్థితి ఉద్రిక్తంగా ఉంది.

ఏ క్షణాన ఏం జరుగుతుందోనని స్థానిక ప్రజలు బిక్కుబిక్కుమంటున్నారు. రేపు దసరా పండుగ కూడా కావడంతో పోలీసులు ఎలాంటి అవాంఛనీయ సంఘటనలు జరగకుండా బందోబస్తు ఏర్పాటు చేశారు. ఇదే విషయంలో కొన్ని రోజుల క్రితం కూడా గొడవ జరిగినట్లు తెలిసింది.